[᭖᭙ 69B]
᭖᭙
ᬋᬗᬵᬂ᭟ᬭᬭᬶᬲ᭄ᬢᭂᬤᬸᬦ᭄ᬳᬶᬤ᭄ᬯᬕᬸᬂᬫᬫᬵᬃᬕ᭄ᬕᬶ᭞ᬲᬸᬫᬃᬕ᭄ᬕᬦ᭄ᬥᬵ᭞ᬫᬩ᭄ᬭᬶᬬᬸᬓ᭄ᬢᭂᬤᬸᬦᬦ᭄᭞ᬤᬩᬕᬸᬲ᭄ᬫᬦᬶᬰ᭄ᬘᬶᬗᬓᬾ᭞ᬳᬢᬸᬭᬾᬳᬫᬸᬮᬸᬄᬋᬫ᭄ᬧᬸᬄ᭞ᬭᬶᬂᬦᬓᬕᬸᬂ
ᬩᬕᬸᬲ᭄ᬓᬮᬶᬄ᭞ᬫᬢᬸᬃᬲᬵᬫ᭄ᬧᬸᬦ᭄ᬲᬸᬫᬦ᭄ᬤᬾᬬᬵ᭞ᬭᬶᬂᬢᬶᬢ᭄ᬬᬂᬳᬶᬤᬸᬲᬸᬦ᭄᭞ᬲᬵᬫ᭄ᬧᬸᬦ᭄ᬫᬮᬶᬄᬓᬳᬸᬂᬚᬗ᭄ᬓᬵ᭞ᬧᬘᬂᬫᭂᬗ᭄ᬕᬄ᭞ᬲᬧᬗᬦ᭄ᬤᬶᬓᬵᬲᬳᬶᬭᬶᬂ᭞ᬲᬵᬫ᭄ᬧᬸᬦ᭄ᬕᭂᬮᬶ
ᬲ᭄ᬫᬲ᭄ᬯᬩᬯ᭄ᬯᬵ᭟ᬫᬩ᭄ᬭᬶᬬᬸᬓ᭄ᬧᬤᬡ᭄ᬥᬦᬾᬲᬫᬶ᭞ᬫᬫᬢᬸᬢᬂ᭞ᬳᬢᬸᬭᬾᬧᬸᬗ᭄ᬕᬯ᭞ᬦᬓᬕᬸᬂᬩᬕᬸᬲ᭄ᬧᬦᬶᬫ᭄ᬩᬮᬾ᭞ᬫᬧᬦ᭄ᬲᬸᬩᬓᬕᬸᬕᬸ᭞ᬧᬗᬦ᭄ᬤᬶ
ᬓᬦ᭄ᬤᬶᬩᬕᬸᬲ᭄ᬫᬦᬶᬲ᭄᭞ᬍᬕᬤᬤᬶᬲᬮᬾᬂᬕᭀᬜ᭄ᬚᬓ᭄᭞ᬧᬬᬸᬲᬮᬾᬂᬕᬸᬮ᭄ᬕᬸᬮ᭄᭞ᬳᬶᬤ᭄ᬯᬕᬸᬂᬲᬵᬫ᭄ᬧᬸᬦ᭄ᬫᬋᬓᬵ᭞ᬭᬶᬂᬧᬬᬸᬦᬦ᭄᭞ᬫᬮᬶᬗ᭄ᬕᬶᬄᬫᬳᬸ
[᭗᭐ 70A]
᭗᭐
ᬲ᭄ᬧᬭᬭᬶᬲ᭄᭞ᬲᬂᬧ᭄ᬭᬪᬸᬕ᭄ᬮᬶᬲ᭄ᬗᬦ᭄ᬤᬶᬓᬵ᭟᭚᭐᭚ᬧᬗ᭄ᬓᬸᬃ᭚᭐᭚ᬧᬗᬦ᭄ᬤᬶᬓᬜ᭄ᬚᭂᬂᬲᬂᬦᬵᬣ᭞ᬤᬾᬯᬩᬕᬸᬲ᭄ᬳᬶᬧᬸᬗ᭄ᬕᬯᬫᬦᬕᬶᬄ᭞ᬩᬓᬮ᭄ᬧᬢᬢᬳ
ᬦ᭄ᬗ᭄ᬯᬗᬸᬦ᭄᭞ᬤᬶᬢᬸᬤᬶᬫᬬᬸᬭᬫ᭄ᬮᬄ᭞ᬳᬶᬤᬾᬯᬕᬸᬂᬲᬃᬯ᭄ᬬᬳᬦᭂᬫ᭄ᬩᬄᬫᬳᬢᬸᬃ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬦᬄᬚᬮᬄᬩᬋᬂᬓᬢᬗ᭄ᬕᬶᬮ᭄᭟ᬫᬢᬗᬶᬭᬭᬶ
ᬲ᭄ᬓᬳᭀᬤᬮ᭄᭞ᬲᬵᬫ᭄ᬧᬸᬦ᭄ᬢᭂᬩᭂᬂᬭᬶᬂᬧᬗᬲ᭄ᬢ᭄ᬬᬦ᭄ᬢᬶᬢᬶᬩ᭄᭞ᬲᬯᬢᭂᬓ᭄ᬦᬦ᭄ᬢ᭄ᬭᬶᬧ᭄ᬭᬯᬶᬓᬹ᭞ᬫᬓᬤᬶᬧᬢᬶᬄᬳᬵᬃᬬ᭄ᬬ᭞ᬰ᭄ᬭᬷᬦᬭᬾᬦ᭄ᬤ᭄ᬭᬵᬭᬶᬂᬧᬢ᭄ᬭᬡ᭄ᬦᬳᬮᬸᬗ᭄ᬕᬸᬄ᭞ᬭᬭᬶ
ᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬳᬶᬧᬗᬯᬩ᭄ᬱᬃᬳᬮᬶᬄ᭟ᬜᬸᬫ᭄ᬩᬄᬩᬗᬸᬦ᭄ᬳ᭄ᬬᬳᬶᬕᬥᬵ᭞ᬫᬗᬢᬸᬭᬶᬦ᭄ᬤᬩᬕᬸᬲ᭄ᬧᬸᬗ᭄ᬕᬯᬉᬓᬶᬃᬓᬧᬢᬦ᭄ᬤᬓᬦ᭄ᬓᬚᬸᬚᬸᬃ᭞
Kaca:Bali-lontar-gaguritan-ukir-kawi-450ppi.pdf/70
Kaca puniki sampun kauji-wacén
