[᭖᭗ 67B]
᭖᭗
ᬓᬮᬶᬄᬳᬲᬸᬓᬦ᭄ᬲᬸᬓᬦ᭄᭞ᬳᬶᬩᬸᬗ᭄ᬱᬶᬂᬲᬓ᭄ᬱᬦᬾᬂᬦᬕ᭄ᬭᬶ᭞ᬢᬦ᭄ᬧᬯ᭄ᬓᬲᬦ᭄᭞ᬓᬧᬢᬦ᭄ᬤᬓᬦ᭄ᬗ᭄ᬭᬜ᭄ᬘᬶᬂ᭟ᬓᬤᬧ᭄ᬢᬂᬤᬩᬕᬸᬲ᭄ᬧᬸᬗ᭄ᬕᬯᬩ᭄ᬱᬃ᭞ᬤᬶᬳᬫ᭄ᬩᬾ
ᬦᬾᬫᬮᬶᬗ᭄ᬕᬶᬄ᭞ᬧᬶᬦᬋᬓ᭄ᬧ᭄ᬭᬫᬾᬦᬓ᭄᭞ᬓ᭄ᬜᭂᬫ᭄ᬤᬩᬕᬸᬲ᭄ᬫᬜᬶᬗᬓ᭄᭞ᬳᬶᬩᬸᬗ᭄ᬱᬶᬂᬓᬲᬧᬾᬂᬮᬶᬭᬶᬂ᭞ᬬᬤᬶᬘᬘᬶᬗᬓ᭄᭞ᬭᬱᬵᬩᬸᬓᬵᬗᬳᬸᬓᬶᬦ᭄᭟ᬫᬵ
ᬗ᭄ᬮᬳᬸᬢ᭄ᬩᬩᬄᬩᬸᬗ᭄ᬱᬶᬂᬗᬫ᭄ᬦᬾᬓᬂ᭞ᬦ᭄ᬕᬓ᭄ᬫᭂᬧᭂᬲ᭄ᬫᬫᬸᬜᬶ᭞ᬓᬍᬫ᭄ᬩᬕᬸᬲ᭄ᬕᭀᬩ᭞ᬚᬚᬼᬕ᭄ᬮᬗ᭄ᬲᬶᬂᬮᬜ᭄ᬚᬃ᭞ᬧᬳᬸᬢ᭄ᬧᬦᬓ᭄ᬚᬾᬗ᭄ᬕᭂᬮᬃᬦᬕ᭄ᬭᬶ᭞ᬓ᭄ᬜᭂᬫᬢᬸᬭᬵ᭞
ᬯᬕᭂᬦᬶᬂᬫᬸᬜᬶᬩᬮᬶ᭟ᬧᬫᬸᬜᬶᬜᬲᬬᬓᬳᬸᬢᬸᬲ᭄ᬗᬢᬸᬭᬵᬂ᭞ᬩᬭᬵᬂᬩᬭᬵᬂᬗᬢᬸᬭᬶᬦ᭄᭞ᬤᬩᬕᬸᬲ᭄ᬧᬸᬗ᭄ᬕᬯ᭄ᬯᬵ᭞ᬤ᭄ᬯᬕᬸᬂᬭᬳᬶᬗᬦ᭄ᬤᬶᬓᬬᬂ᭞ᬧᬸᬦᬶᬓᬶ
[᭖᭘ 68A]
᭖᭘
᭚᭐᭚ᬥᬂᬥᬂ᭚ᬥᬂᬥᬂᬕᬸᬮᬳᬗ᭄ᬕᭀᬦ᭄ᬫᬫᬮᬶᬓᬶᬦ᭄ᬤᬶᬦᬕᬭᬵ᭞ᬤᬩᬕᬸᬲ᭄ᬧᬸᬗ᭄ᬕᬯ᭞ᬩᬸᬓᬓᬳᬭᬤ᭄ᬓᬸᬬᬸᬦᬾ᭞ᬳᬾᬮᬶᬂᬭᬶᬂᬳᬶᬤᬾᬯᬕᬸᬂ᭞ᬭᬳᬶᬓᬢᭀᬦ᭄ᬢᭀᬦ᭄ᬳ
ᬦᬶᬂᬧᬗᬓ᭄ᬱᬶ᭞ᬫᬓᬬᬸᬦ᭄ᬮᬸᬗ᭄ᬳᬵᬓᬩᬗ᭄ᬱᬮ᭄᭞ᬤᬤᬶᬫ᭄ᬭᬄᬫ᭄ᬭᬸᬄ᭞ᬫᬦᬸᬗ᭄ᬓᬲᬂᬫᬗᬦ᭄ᬤᬶᬓᬵ᭞ᬗᬦ᭄ᬢ᭄ᬬᬂᬗᭂᬦᬄ᭞ᬧᬤᬡ᭄ᬥᬗᬦ᭄ᬢᭀᬲ᭄ᬳᬶᬭᬶᬓᬶ᭞ᬳᬶᬗ᭄ᬕᬶᬄᬲᬳᬸᬭᬾᬲᬦ᭄ᬤᬶ
ᬓᬵ᭟ᬭᬭᬶᬲ᭄ᬢᭂᬤᬸᬦ᭄ᬲᬸᬫᬃᬕᬦ᭄ᬥᬵᬫᬶᬳᬶᬓ᭄᭞ᬫᬳᬶᬫ᭄ᬧᬸᬕᬦ᭄᭞ᬓᬾᬄᬳᬾᬓᭀᬃᬗᬶᬭᬶᬗᬵ᭞ᬓᬚᬸᬚᬸᬃᬲ᭄ᬫᬭᬵᬪᬯ᭄ᬯᬦᬾ᭞ᬳᬶᬤᬾᬯᬕᬸᬂᬫᬦᬸᬚᬸ᭞ᬫᬩᭀᬂᬩᭀᬂ
ᬤᬶᬦᬢᬃᬓᬳᬶᬭᬶᬂ᭞ᬳᬦ᭄ᬢᬸᬓ᭄ᬳ᭄ᬬᬂᬲ᭄ᬫᬭᬓᭂᬫ᭄ᬩᬃ᭞ᬧᬋᬓᬦ᭄ᬫᬾᬦᬓ᭄ᬮ᭄ᬬᬸ᭞ᬭᬫᬾᬫᬜᬸᬭᬓᬂᬲ᭄ᬬᬧ᭄᭞ᬲᬕᭂᬢ᭄ᬧ᭄ᬭᬧ᭄ᬢᬵ᭞ᬤᬩᬕᬸᬲ᭄ᬧᬸᬗ᭄ᬕᬯᬉᬓᬶᬃ᭞ᬳᬶᬤ᭄ᬯᬕᬸᬂ
Kaca:Bali-lontar-gaguritan-ukir-kawi-450ppi.pdf/68
Kaca puniki sampun kauji-wacén
