[᭘᭓ 83 B]
᭘᭓
ᬤᬶᬧᬫᬺᬫᬦ᭄᭞ᬢᬦ᭄ᬧᬕᬦ᭄ᬢᬶᬗᬭᬲ᭄᭞ᬫᭂᬫ᭄ᬩᬄᬕᬸᬮᬵᬧᬗ᭄ᬭᬸᬫ᭄ᬭᬸᬫᬾ᭞ᬫᬾᬳᬸᬲᬦ᭄ᬫᭂᬗ᭄ᬕᬄᬤᬾᬯᬕᬸᬂ᭞ᬗᬸᬤ᭄ᬥᬵᬓᬾᬦᬾᬫ᭄ᬦᭂᬂᬪᬝᬵᬭᬶ᭞ᬲᬯᬸᬭᬶᬦ᭄ᬳᬢᬸᬃᬢᬶᬢ᭄ᬬᬂ᭞ᬳᬶᬮᬭᬓᬯ᭄ᬮᬲ᭄ᬳ᭄ᬬᬦ᭄᭞ᬜᬤ᭄ᬬᬫᬗᬢᬸᬭᬂᬳᬯᬓ᭄᭞ᬫᬶᬢᭂᬫᭂᬲᬂ᭞ᬕᬸᬂᬋ
ᬡᬵᬢᬶᬢ᭄ᬬᬂᬳᬶᬫᬶᬲ᭄ᬓᬶᬦ᭄᭞ᬦᬾᬦᬾᬲᬵᬫ᭄ᬧᬸᬦ᭄ᬮᬶᬦ᭄ᬢᬗᬂ᭟ᬲᬦᬾᬫᬗ᭄ᬓᬶᬦ᭄ᬤᬾᬯᬕᬸᬂᬯᬯᭀᬦᬶᬦ᭄᭞ᬘᭂᬦ᭄ᬤᭂᬢ᭄ᬢᬶᬢ᭄ᬬᬂ᭞ᬗ᭄ᬮᬸᬗ᭄ᬲᬸᬃᬲᬲᬶᬦᬳᬦ᭄᭞ᬧᬂᬲᬶᬦᬄᬓᬬᬸᬦ᭄ᬳᬶᬤᬦᬾ᭞ᬯᬶᬢ᭄ᬢᬶᬢ᭄ᬬᬂᬭᬢᬸᬤ᭄ᬯᬕᬸᬂ᭞ᬲᬦᬾᬗᬸᬦᬶᬧᬶᬥᭂᬦ᭄ᬤᬦ᭄ᬯᬶᬥᬶ᭞ᬲᬸᬲᬸᬧᬶᬦ᭄ᬫᬦᬄᬳᬾᬤᬦ᭄᭞
ᬳᬯᬦᬦ᭄ᬤᬾᬯᬕᬸᬂ᭞ᬢᬦ᭄ᬧ᭄ᬕᬢ᭄ᬫᬦ᭄ᬫᬸᬮᬭ᭞ᬭᬾᬄᬲᬫ᭄ᬬᬦ᭄᭞ᬢᬦ᭄ᬋᬗᬵᬢ᭄ᬓᬾᬦ᭄ᬪᬝᬵᬭᬶ᭞ᬲᬓᬮᬶᬳᬜᬢᬶᬢ᭄ᬬᬂ᭟ᬦᬾᬦ᭄ᬢᭂᬦ᭄ᬤᭂᬫᭂᬦ᭄ᬭᬶᬂᬮᬶᬗ᭄ᬕᬶᬪᬝᬵᬭᬶ᭞ᬩᬲ᭄ᬓᬤᬸᬭᬸᬲ᭄᭞ᬯᬶᬥᬶᬦᬾ ᬫᬶᬦᭂᬡ᭄ᬥᬵ᭞ᬤᬶᬕᬦ᭄ᬢᬶᬳᬸᬯᬸᬕᬸᬫᬶᬦᬾ᭞ᬲᬦᬾᬭᬶᬂᬩᬮᬶᬤ᭄ᬯᬕᬸᬂ
ᬕᬦ᭄ᬢᭀᬲ᭄ᬧᬘᬂᬓᬸᬫ᭄ᬧᬸᬮ᭄ᬭᬶᬂᬚᬯᬶ᭞ᬳᬶᬗ᭄ᬕᬶᬄᬲᬯᬸᬭᬶᬦ᭄ᬢᬶᬢ᭄ᬬᬂ᭞ᬲᬵᬃᬯ᭄ᬯᬶᬗᬭᬲ᭄ᬫ᭄ᬓᬸᬮ᭄᭞ᬳᬭᬶᬦ᭄ᬥᬵᬲᬬᬦ᭄ᬗ᭄ᬭᬲᬬᬦ᭄ᬩ᭄ᬭᬳ᭄ᬫᬵᬦ᭄ᬢ᭄ᬬᬦ᭄᭞ᬜᭀᬕ᭄ᬭᭀᬄᬜᬓᬃ᭞ᬓᬤᬶᬢᬶᬦᬗᬶᬦ᭄ᬭᬸᬦ᭄ᬢᬶᬓ᭄᭞ᬦᭀᬕᬲ᭄ᬳᬶᬤᬵᬫᬦᬶᬫ᭄ᬩᬮ᭄᭟ᬲᬵᬃᬯ᭄ᬯᬶᬗ᭄ᬮᬯᬦ᭄ᬗᬸᬩᬢ᭄ᬳᬩᬶ
[᭘᭔ 84 A]
ᬢ᭄ᬯ᭄ᬬᬓ᭄ᬢᬶ᭞ᬭᬶᬂᬧᬫᬺᬫᬦ᭄᭞ᬓ᭄ᬮᬫ᭄ᬩᬸᬓᬦ᭄ᬢᭀᬲ᭄ᬢᬲ᭄ᬢᬲ᭄᭞ᬭᬾᬄᬳᬶᬤᬵᬮᬶᬦ᭄ᬢᬂᬫᭂᬗ᭄ᬕᬳᬾ᭞ᬳᬬᬢ᭄ᬧᬘᬂᬫᬘ᭄ᬩᬸᬃ᭞ᬧᬧ᭄ᬤᭂᬓᬾᬧᬤᬧᬍᬂᬓ᭄ᬢᬶᬓ᭄᭞ᬫᬢ᭄ᬩᬢ᭄ᬫᬦᬗᬶᬲ᭄ᬳᬶᬤᬵ᭞ᬳᬄᬩᭂᬲᬼᬩᬶᬄᬳ᭄ᬢᬸᬄ᭞ᬮᬶᬦ᭄ᬢᬂᬳᬲᬢ᭄ᬫᬦᬗ᭄ᬓᬸᬮᬓ᭄᭞ᬓ᭄ᬭᬡᬵᬚ᭄ᬯᬭᬶ᭞ᬢ᭄ᬓᬫᬜᬯᬶ
ᬢ᭄ᬣᬵᬫᬳᬶ᭞ᬲᬶᬂᬧᬶᬲᬦ᭄ᬦᬯᬂᬚ᭄ᬗᬄ᭟᭚ᬲᬶᬦᭀᬫ᭄᭚ᬦᬾᬦᬾᬫᬮᬸᬢᭀᬳᬶᬗ᭄ᬢᬂ᭞ᬚ᭄ᬦᭂᬂᬗᭂᬗ᭄ᬲᬧ᭄ᬕᬢᬶᬕᬢᬶ᭞ᬲᬫᬸᬜᬶᬫᬸᬜᬶᬫᬓ᭄ᬚᬂ᭞ᬚᬦᬶᬢ᭄ᬬᬂᬫ᭄ᬢᬸᬳᬶᬮᬶᬂ᭞ᬲ᭄ᬤᬸᬓᬾᬦᬸᬤᬶᬩᬮᬶ᭞ᬳᬯᬓᬾᬕᬯᬾᬦᬶᬦ᭄ᬫᬮᬸ᭞ᬢᬸᬲᬶᬂᬮᬓᬃᬲᬬᬗᬂ᭞ᬫᬸᬜᬶᬦᬾᬫ
ᬲᬶᬄᬧᬶᬢᬶᬦ᭄ᬤᬶᬄ᭞ᬓᬤᬸᬂᬮᬩᬸᬄ᭞ᬲᬶᬂᬤᬤᬶᬫᬶᬢ᭄ᬬᬾᬂᬓᬾᬦ᭄ᬳᬸᬚᬃ᭟ᬭᬾᬄᬳᬯᬓᬾᬫᬜ᭄ᬩᬸᬢᬂ᭞ᬩᬯᬓ᭄ᬢ᭄ᬬᬗᬾᬦᬾᬗᬸᬦᬶ᭞ᬚᭀᬕᬾᬤ᭄ᬲᬸᬦ᭄ᬤᭂᬮᬦ᭄ᬩᬚᬶᬗᬦ᭄᭞ᬧᬗ᭄ᬮᬾᬩ᭄ᬤᬬᬂᬢᬦ᭄ᬓᬤᬶ᭞ᬓᬮᬶᬄᬫ᭄ᬮᬾᬂᬢᬦ᭄ᬲᬶᬧᬶ᭞ᬳᬯᬓᬾᬳᬶᬗ᭄ᬢᬂᬫᬮᬸ᭞ᬲᬶᬜ
ᬧᬶᬂᬓᬸᬤᬢ᭄ᬬᬂ᭞ᬧᬢᬶᬲᭂᬳᭂᬩ᭄ᬫᬦ᭄ᬮᭀᬓᬶᬦ᭄᭞ᬭᬾᬄᬳᬯᬓᬾ᭞ᬓᬫ᭄ᬩᬸᬢ᭄ᬩᬕᬸᬲᬾᬓᬮᬶᬦ᭄ᬢᬂ᭟ᬲᬓᬮᬶᬄᬚᬦᬵᬦᬸᬭᬳᬵ᭞ᬗᬍᬫ᭄ᬳᬯᬓ᭄ᬩᬕᬸᬲ᭄ᬫᬦᬶᬲ᭄᭞ᬓ᭄ᬭᬡ᭄ᬦᬢᬜ᭄ᬚᬗ᭄ᬓᬵᬫᬧ᭄ᬢᬵ᭞ᬤᭀᬂᬤᬤᬶᬩᬦ᭄ᬗᬗ᭄ᬕᭀᬚᬦᬶ᭞ᬓ᭄ᬦᭂᬄᬳᬧᬜᬸ
Kaca:Bali-lontar-gaguritan-twan-raja-300ppi.pdf/84
Kaca puniki sampun kauji-wacén
