[᭘᭔ 84 B]
᭘᭔
ᬲᬸᬧᬶᬦ᭄᭞ᬓ᭄ᬭᬡᬚᬦᬶᬍᬩᬶᬄᬩᬶᬗᬸᬂ᭞ᬲᭀᬓ᭄ᬗᬓᬸᬭᬵᬢᬸᬯᬶᬃᬬ᭄ᬬᬵ᭞ᬜᬾᬦ᭄ᬲᬶᬲ᭄ᬳᭂᬫ᭄ᬫᬗᬸᬕᭀᬦᬶᬦ᭄᭞ᬳᬄᬬᬾᬦ᭄ᬓᬾᬦᬾ᭞ᬓ᭄ᬦᭂᬄᬩᬚᬶᬗᬦ᭄ᬲᬸᬲᬸᬧᬂ᭟ᬓ᭄ᬭᬡ᭄ᬦᬢ᭄ᬯᬭᬦᬯᬂᬚ᭄ᬗᬄ᭞ᬩ᭄ᬯᬶᬦᬾᬤᬶᬗ᭄ᬳᬂᬚᬦᬶ᭞ᬓ᭄ᬦᭂᬄᬦᬾᬳᬶᬲᬸᬦ᭄ᬥᭂᬮ᭄ᬤᬬᬂ᭞
ᬳ᭄ᬬᬫᬶᬢᬶᬦ᭄ᬤᬶᬄᬫᬸᬜᬶᬕᬢᬶ᭞ᬲᬓᬮᬶᬄᬳᬶᬗᭂᬢ᭄ᬕᬢᬶ᭞ᬧᬶᬢ᭄ᬯᬶᬳᬯᬓᬾᬩᬕᬸᬲ᭄᭞ᬓᬲᬸᬩ᭄ᬓᬚᬦᬵᬮᭀᬓᬵ᭞ᬓᬮᬶᬄᬲᬶᬂᬳᬤᬦᬦ᭄ᬤᬶᬗᬶᬦ᭄᭞ᬜᬾᬦ᭄ᬲᬶᬓᬤᬾᬦ᭄᭞ᬚᭀᬮᭀᬢ᭄ᬓᬾᬦ᭄ᬓᬩᬕᬸᬲᬦ᭄᭟ᬲᬓᬮᬶᬄᬜ᭄ᬩᬸᬢᬂᬧᬶᬲᬦ᭄
᭞ᬗᬸᬦᬳᬶᬦ᭄ᬳᬢᬸᬤᬾᬅ᭄ᬗᬸᬦᬶ᭞ᬤᭀᬂᬲᬸᬩᬫᬳᬦ᭄ᬜᬺᬧᬂ᭞ᬤᬶᬚᬲᬾᬢ᭄ᬬᬂᬫᬗᬮᬶᬄ᭞ᬲᬶᬜᬳᬯᬓᬾᬚᬦᬶ᭞ᬜᬫᬦ᭄ᬢ᭄ᬬᬗᬾᬳᬶᬤ᭄ᬯᬕᬸᬂ᭞ᬚ᭄ᬦᭂᬂᬢᬾᬓ᭄ᬦᬵᬕᬸᬡ᭄ᬦᬵ᭞ᬓ᭄ᬭᬡ᭄ᬦᬵᬳᬶᬤᬩᬸᬓᬚᬦᬶ᭞ᬭᬾᬄᬳᬯᬓᬾᬓᬲᭀᬄᬫᬜᬮᬦᬂᬘᬾ
ᬭᬄ᭚ᬓᬸᬫᬫ᭄ᬩᬂ᭚ᬳᬶᬤᬾᬯᬕᬸᬂᬧᬸᬢᬺᬓᬕ᭄ᬬᬢ᭄ᬩᬸᬫ᭄ᬬᬃᬱᬶ᭞ᬳᬢᬹᬃᬤᬵᬳᬭᬶᬦ᭄ᬥᬵ᭞ᬭᬾᬄᬭᬲ᭄ᬬᬦ᭄ᬳᬶᬤᬦᬾᬗᬸᬦᬶ᭞ᬦᬾᬫᬗ᭄ᬓᬶᬦ᭄ᬢ᭄ᬮᬲ᭄ᬓᬯ᭄ᬤᬮ᭄᭟ᬓᬮᬶᬳᬜᬓᬧᬶᬦᭂᬄᬫᬕᬸᬡ᭄ᬦᬯ᭄ᬬᬓ᭄ᬢᬶ᭞ᬗᬸᬦᬳᬶᬦ᭄ᬭᬓᬦ᭄ᬥᬵ᭞ᬓᬮᬶᬄ
[᭘᭕ 85 A]
ᬳᬶᬤᬵᬫᬫ᭄ᬬᬃᬱᬶ᭞ᬧᬫᬢ᭄ᬩᬢ᭄ᬳᬶᬤᬳᬭᬶᬦ᭄ᬥᬵ᭟ᬓᬤᬶᬤᬸᬤᬸᬢ᭄ᬓᬬᬸᬦ᭄ᬳᬶᬤᬦᬾᬦᬾᬫᬗ᭄ᬓᬶᬦ᭄᭞ᬳᬾᬮᬶᬂᬢ᭄ᬓᬾᬦ᭄ᬳᬗ᭄ᬕᬵ᭞ᬫᬶᬲ᭄ᬓᬶᬦ᭄ᬲᬓᬮᬶᬄᬫᬗᭂᬫ᭄ᬧᬶ᭞ᬓᬤᬶᬳᬢᬹᬃᬳᬭᬶᬧᬶᬲᬦ᭄᭟ᬫᬮᬶᬄᬳᬶᬤᬵᬫ᭄ᬓᬸᬮ᭄ᬳᬭᬶᬗᬰᬶᬄᬳᬰᬶᬄ᭞ᬲᬵᬃᬯ᭄ᬯᬶᬦᬗᬶᬲ᭄ᬳᬶᬤᬵ᭞ᬢᭀᬬᬦ᭄ᬳ
ᬓ᭄ᬱᬶᬤᬺᬱ᭄ᬫᬶᬚᬶᬮ᭄᭟ᬤᬸᬄᬫᬲ᭄ᬫᬶᬭᬄᬧᬦᭂᬫ᭄ᬩᬳᬦ᭄᭟ᬤᬵᬳᬭᬶᬦ᭄ᬥᬵᬜᭂᬗ᭄ᬕᬸᬓ᭄ᬭᬾᬄᬓᬧ᭄ᬮᬸᬓ᭄ᬫᬮᬶᬄ᭞ᬗᬯᬸᬓ᭄ᬢᬜ᭄ᬚᬗ᭄ᬓᬬᬵᬦ᭄᭞ᬗᬗ᭄ᬓᬲ᭄ᬫᬓᬬᬸᬦ᭄ᬫᬢᬗᬶ᭞ᬭᬓᬵᬦ᭄ᬥᬫᬦᬫ᭄ᬩᬸᬢ᭄ᬕᬗ᭄ᬲᬃ᭟ᬤᬶᬧᬗ᭄ᬓᬸᬦᬦ᭄ᬥᬵᬳᬭᬶᬦ᭄ᬥᬵᬓᬕᬸᬬᬗᬶᬦ᭄᭞ᬗᬰᬶᬳᬰᬶᬄᬫ
ᬫ᭄ᬮᬤ᭄᭞ᬫᬾᬪᬝᬵᬭᬶᬲᬗ᭄ᬳ᭄ᬬᬂᬭᬢᬶᬄ᭞ᬚᬕᬵᬓ᭄ᬚᬧᬦᭂᬫ᭄ᬩᬳᬦ᭄᭟ᬤᬵᬳᬭᬶᬦ᭄ᬥᬵᬫᬗ᭄ᬕᭂᬄᬫᭂᬗ᭄ᬕᬳᬾᬢᬦ᭄ᬲᬶᬧᬶ᭞ᬢᬵᬦ᭄ᬓᬬᬸᬦ᭄ᬗᬫ᭄ᬧᬸᬭᬵ᭞ᬭᬾᬄᬲᬫ᭄ᬧᬸᬦ᭄ᬢᬶᬢ᭄ᬬᬂᬪᬝᬵᬭᬶ᭞ᬫᬢᬸᬃᬲᬶᬲᬶᬧ᭄ᬫᬓᬲ᭄ᬫᭂᬓᬲ᭄᭟ᬢᬍᬃᬤ᭄ᬯᬕᬸᬂᬦᬾᬦ᭄ᬢᭂᬦ᭄ᬫᬦᬭᬶᬫ
ᬯ᭄ᬬᬓ᭄ᬢᬶ᭞ᬳᬢᬸᬃᬲᬶᬲᬶᬧ᭄ᬢᬶᬢ᭄ᬬᬂ᭞ᬩ᭄ᬘᬶᬓ᭄ᬦᬾ ᬫᬗ᭄ᬓᬶᬦ᭄ᬪᬝᬵᬭᬶ᭞ᬲ᭄ᬯᬾᬘ᭄ᬘᬵᬓ᭄ᬦᬶᬫᬫᬸᬧᬸᬢᬂ᭟ᬤᬾᬯᬾᬓ᭄ᬢᬶᬢ᭄ᬬᬂᬓ᭄ᬦᬶᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬫᬗᬶᬬᭀᬳᬶᬫᬶᬭᬄ᭞ᬗᬢᬸᬭᬂᬧᬓᭀᬩᭂᬢ᭄ᬯ᭄ᬬᬓ᭄ᬢᬶ᭞ᬬᬓ᭄ᬢᬶᬓᬕᬸᬂᬜᬦ᭄ᬤᬂᬫᭂᬗ᭄ᬕᬄ᭟ᬭ
Kaca:Bali-lontar-gaguritan-twan-raja-300ppi.pdf/85
Kaca puniki sampun kauji-wacén
