[᭘᭒ 82 B]
᭘᭒
ᬦ᭄᭞ᬳᬶᬧᬾᬦ᭄ᬥᬵᬫᭂᬧᭂᬲ᭄ᬫᬜᭂᬫ᭄ᬩᬄ᭟ᬫᬫᬢᬸᬢᬂᬭᬾᬳᬶᬂᬚᬢᬶᬤᭂᬦ᭄ᬥᬦ᭄ᬯᬶᬥᬶ᭞ᬫᬮᬶᬄᬤᬸᬶᬤᬵᬭᬓᬦ᭄ᬥᬵ᭞ᬳᬶᬤᬾᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬩᬕᬧ᭄ᬲᬂᬫᬹᬱ᭄ᬝᬶᬓᬾᬦᬵᬕ᭄ᬋᬤ᭄ᬥᬵ᭚ᬥᬂᬥᬂ᭚ᬤᬸᬄᬧᬸᬓᬸᬮᬸᬦ᭄ᬲᬵᬫ᭄ᬧᬸᬦᬫᬦᬸᬮᬓ᭄ᬳᭂᬗ᭄ᬕᬶᬄ᭞ᬳᬢᬹᬃᬢᬶᬢ᭄ᬬᬂ
᭞ᬢᬭᬶᬫᬗ᭄ᬕᬶᬄᬲᬬᬂ᭞ᬤᬵᬧᭂᬗ᭄ᬓᬸᬂᬤᬾᬯᬦ᭄ᬢᬶᬢ᭄ᬬᬗᬾ᭞ᬬᬦᬶᬂᬪᬝᬵᬭᬶᬳᬕᬸᬂ᭞ᬫᭂᬗ᭄ᬕᬄᬤᬸᬭᬸᬲᬂᬦᬾ ᬫᬗ᭄ᬓᬶᬦ᭄᭞ᬥᭂᬡ᭄ᬥᬵᬲᬮᬾᬤᬂᬮᬾᬤᬂ᭞ᬲᬯᬦᭂᬄᬤᬾᬯᬕᬸᬂ᭞ᬫᬸᬮᬵᬓᬕᬸᬂᬫᬓᬬᭀᬕ᭄ᬬ᭞ᬫᬫᬶᬲᬮ᭄ᬳ᭄᭞ᬦᬧᬶᬩ᭄ᬯᬶᬦ᭄ᬚᬢᬶᬲᬶᬲᬶ
ᬧ᭄᭞ᬲᬵᬃᬯ᭄ᬯᬶᬗᬮᬧ᭄ᬫᬗᬸᬲᬧ᭄᭟ᬤᬵᬲᬂᬤ᭄ᬬᬄᬜᭀᬕ᭄ᬭᭀᬄᬜᬶᬗ᭄ᬕᬸᬓ᭄ᬯ᭄ᬬᬓ᭄ᬢᬶ᭞ᬤᬭᬓᬦ᭄ᬥᬵ᭞ᬲᬬᬦ᭄ᬫᬦᬫ᭄ᬧ᭄ᬓᬂ᭞ᬧᬦ᭄ᬢᬶᬤᬵᬮᬶᬦ᭄ᬢᬂᬚᬬᬦᬾ᭞ᬓᬮᬶᬄᬢᭀᬢᭀᬲᬶᬂᬚᬬᬾᬦᬵᬕ᭄ᬭᬸᬫ᭄᭞ᬳᬦᬓ᭄ᬩᬕᬸᬲ᭄ᬓᬾᬩ᭄ᬓᬶᬂᬫᬦᬶᬲ᭄᭞ᬜᬶᬲᬬᬂᬧᬭᬭᬲᬦ᭄᭞᭠
ᬲᬶᬂᬲᭀᬮᬳᬂᬧᬳᬸᬢ᭄᭞ᬫᬮᬶᬄᬳᬶᬤᬗᬕᬧ᭄ᬳᬕᬧ᭄᭞ᬲᬵᬃᬯ᭄ᬯᬶᬳᬶᬤᬵ᭞ᬫᬯᬗ᭄ᬲᬶᬢ᭄ᬭᬶᬂᬳᬶᬧᬾᬦ᭄ᬯ᭄ᬬᬓ᭄ᬢᬶ᭞ᬤᬕᬶᬂᬳᬶᬤᬗᬃᬲᬬᬂ᭟ᬧᬘᬂᬦᬫ᭄ᬩᬸᬢ᭄ᬲᬫᬦᬶᬓᬶᬂᬉᬓᬶᬃ᭞ᬤᬵᬳᬶᬧᬾᬦ᭄ᬥᬵ᭞ᬫᬯᬗ᭄ᬲᬶᬢ᭄ᬗᬢᬸᬭᬂ᭞ᬦᬵᬗ᭄ᬳᬶᬂᬢᬾᬫᬗ᭄ᬕᭂᬄᬓ
[᭘᭓ 83 A]
ᬗᭂᬦᬾ᭞ᬳᬶᬧᬾᬦ᭄ᬥᬵᬲᬾᬗᭂᬄᬲᬵᬫ᭄ᬧᬸᬦ᭄᭞ᬭᬾᬳᬶᬂᬲᬵᬫ᭄ᬧᬸᬦ᭄ᬓᬢᬸᬭᬦ᭄ᬫᬗ᭄ᬓᬶᬦ᭄᭞ᬳᬶᬤᬳᬶᬤ᭄ᬯᬕᬸᬂᬧᬸᬢᬺ᭞ᬫᬗᬸᬲᬧ᭄ᬫᬫ᭄ᬓᬸᬮ᭄᭞ᬳᬶᬤᬲᬂᬫᬡᬶᬓᬶᬂᬭᬭᬲ᭄᭞ᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬩ᭄ᬭᬳ᭄ᬫᬵᬦ᭄ᬢ᭄ᬬᬦ᭄ᬳᬶᬤᬵᬤᬶᬋᬤ᭄ᬥᬶ᭞ᬦᬶᬜ᭄ᬚᬓ᭄ᬜᭀᬕ᭄ᬭᭀᬄᬢᬜ᭄ᬚᬗ᭄ᬓᬵ᭟
ᬧᬺᬫᬦᬦ᭄ᬥᬵᬫᬕᭂᬂᬫ᭄ᬢᬸᬯ᭄ᬬᬓ᭄ᬢᬶ᭞ᬭᬾᬄᬩ᭄ᬭᬳ᭄ᬫᬵᬦ᭄ᬢ᭄ᬬᬦ᭄᭞ᬮᬾᬜ᭄ᬘᭀᬓᭀᬃᬫᬤᬾᬕ᭄ᬤᬕ᭄᭞ᬢᬦ᭄ᬚᬗ᭄ᬓᬵᬦᬶᬕ᭄ᬢᬶᬕ᭄ᬭᬓᬦᬾ᭞ᬭᬓᬦ᭄ᬥᬵᬳᬶᬤᬾᬯᬕᬸᬂ᭞ᬧᬸᬢᬺᬱᬬᬦ᭄ᬗᬭᬲ᭄ᬗᬓ᭄ᬩᬶᬦ᭄᭞ᬭᬾᬄᬦᬾᬦ᭄ᬢᭂᬦ᭄ᬗᬾᬫᬦ᭄ᬳᬗ᭄ᬕᬵ᭞ᬳᬗ᭄ᬕᬵᬤᭂᬓ᭄ᬤᭂᬓ᭄ᬋᬜᬸᬄ᭞ᬳᬶᬤᬳᬶ
ᬤᬾᬯᬕᬸᬂᬧᬸᬢᬺ᭞ᬦᬾᬦᬵᬢᭂᬦ᭄ᬧᬶᬲᬦ᭄᭞ᬳᬶᬤᬧᬘᬂᬫᬜᬶᬭᬶᬕᬶᬦ᭄᭞ᬕ᭄ᬮᬶᬲ᭄ᬳᬶᬤᬫᬗᬗ᭄ᬓᬢ᭄᭟ᬜᬫ᭄ᬩᬸᬢ᭄ᬳᬭᬶᬯᬸᬲ᭄ᬓᬲᬗ᭄ᬓᬶᬮ᭄ᬳᬲᬶᬦ᭄᭞ᬳᬶᬤᬾᬯᬕᬸᬂ᭞ᬳᬶᬲ᭄ᬢ᭄ᬭᬶᬲᬵᬫ᭄ᬧᬸᬦ᭄ᬓᭀᬤᬮ᭄᭞ᬫᬗ᭄ᬭᬜ᭄ᬚᬶᬂᬩᬢᬸᬦ᭄ᬘᬸᬓᬶᬦᬾ᭞ᬕ᭄ᬦᬄᬲᬵᬫ᭄ᬧᬸᬦ᭄ᬫᬳᬸᬦ᭄ᬤᬸᬓ᭄᭞
ᬳᬶᬤᬾᬯᬕᬸᬂᬧᬸᬢᬺᬦᬾᬫᬗ᭄ᬓᬶᬦ᭄᭞ᬗᬸᬓᬸᬢ᭄ᬳᬭᬶᬦ᭄ᬥᬵ᭞ᬳᬭᬶᬫᬮᬶᬄᬗᬯᬸᬓ᭄᭞ᬭᬓᬢᬦ᭄ᬧᬕᬦ᭄ᬢᬶᬗᬭᬵᬲ᭄᭞ᬲᬬᬦ᭄ᬫᬫ᭄ᬭᬢ᭄᭞ᬳᬶᬤᬾᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬫ᭄ᬢᬸᬓᬬᬸᬦ᭄ᬓᬲ᭄ᬫᬵᬭᬦ᭄᭟ᬤᬵᬳᬭᬶᬦ᭄ᬥᬵᬫᬗ᭄ᬓᬶᬦ᭄ᬓᬕᬸᬬᬗᬶᬦ᭄᭞
Kaca:Bali-lontar-gaguritan-twan-raja-300ppi.pdf/83
Kaca puniki sampun kauji-wacén
