[᭘᭑ 81 B]
᭘᭑
ᬫᬳᬯᬶᬦᬦ᭄ᬳᬶᬤᬮᭀᬮ᭄ᬬᬓᬤᬶᬫᬗ᭄ᬓᬶᬦ᭄᭞ᬭᬶᬂᬧᬦ᭄ᬤᬶᬓᬦ᭄ᬳᬶᬤᬵ᭞ᬓᬮᬶᬳᬜᬢ᭄ᬓᬾᬦ᭄ᬳᬭᬶ᭞ᬩᬾᬩᬲ᭄ᬫᬦᬤᭀᬲ᭄ᬳᬸᬢᬸᬲᬦ᭄᭟ᬫᬓ᭄ᬢᬲᬸᬭᬢ᭄ᬭᬾᬄᬳᬶᬤ᭄ᬯᬕᬸᬂᬓᬢᭂᬫ᭄ᬧᬸᬄᬯ᭄ᬬᬓ᭄ᬢᬶ᭞ᬳᬶᬤᬾᬯᬕᬸᬂᬧᬸᬢᬺ᭞ᬫᬗᬦ᭄ᬤᭂᬮ᭄ᬲᬬᬂᬢᬦ᭄ᬲᬶᬧᬶ᭞ᬋᬄᬫᬶ
ᬦᭂᬄᬭᬕᬩᬕᬸᬲᬦ᭄᭟ᬓᬤᬶᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬫᬦ᭄ᬤ᭄ᬭᬸᬳᬂᬳᬶᬗ᭄ᬕᬶᬄ᭞ᬳᬶᬧᬸᬦ᭄ᬩᬢᭂᬓ᭄ᬢᬶᬢᬄ᭞ᬭᬾᬄᬳᬶᬤ᭄ᬯᬕᬸᬂᬫᬗᬃᬬ᭄ᬬᬦᬶᬦ᭄᭞ᬓᬯᭀᬦ᭄ᬩ᭄ᬘᬶᬓ᭄ᬳᬦ᭄ᬢᬸᬓ᭄ᬳᬶᬤ᭟ᬳᬶᬤᬵᬩᬸᬤᬸᬄᬭᬾᬄᬮᬶᬮᬶᬢ᭄ᬦᬕᬲᬗ᭄ᬓ᭄ᬯᬶ᭞ᬬᬦ᭄ᬢᬦ᭄ᬓᬤᬶᬕᬸᬡᬵ᭞᭠
ᬩᭀᬬᬦᬸᬕᬶᬓᬤᬶᬫᬗ᭄ᬓᬶᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬓᬕ᭄ᬬᬢ᭄᭟ᬩᬸᬫ᭄ᬬᬃᬱᬳᬢᬸᬃᬳᬶᬧᬾᬦ᭄ᬳᬶᬤᬯ᭄ᬬᬓ᭄ᬢᬶ᭞ᬲᬩᬩᬯᭀᬲᬫ᭄ᬬᬦ᭄᭞ᬭᬾᬄᬳᬶᬤᬓᬧᬶᬦᭂᬄᬯ᭄ᬬᬓ᭄ᬢᬶ᭞ᬫᬶᬕᬸᬦᬾᬦ᭄ᬳᬶᬤᬭᬓᬦ᭄ᬥᬵ᭟ᬕ᭄ᬮᬶᬲ᭄ᬳᬶᬤᬫᬦ᭄ᬲᭂᬓ᭄ᬳᬭᬶᬲᬂᬓᬮᬶᬄ᭞ᬲᬂᬓᬵ
ᬮᬶᬄᬓᬕ᭄ᬬᬢ᭄᭞ᬳᬶᬤᬳᭀᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬫᬫ᭄ᬘᬶᬓᬂᬮᬶᬗ᭄ᬕᬶᬄᬳᬶᬤᬵ᭟ᬦᬵᬗ᭄ᬳᬶᬂᬫ᭄ᬦᭂᬂᬤᬸᬭᬸᬂᬕᬾᬦ᭄ᬢᬲ᭄ᬫᬢᬸᬃᬯ᭄ᬬᬓ᭄ᬢᬶ᭞ᬳᬧᬦ᭄ᬓᬧᬶᬦ᭄ᬳᬂ᭞ᬩᬩᬯᭀᬲ᭄ᬥᬓᬯᬶᬓᬦᬶᬦ᭄᭞ᬓᬤᬶᬫᬮᬶᬂᬓᬘᭀᬭᭀᬓᬦ᭄᭟ᬲᬓᬾᬯᬦ᭄ᬢᭂᬦ᭄ᬚᭂᬚᭂᬧ᭄ᬳᬶᬤ
[᭘᭒ 82 A]
ᬦᬾᬤᬶᬋᬥᬶ᭞ᬚ᭄ᬭᬶᬄᬭᬶᬂᬭᬓᬦ᭄ᬥᬵ᭞ᬳᬶᬤᬾᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬜᭂᬦ᭄ᬓᬢᬹᬃᬢᭀᬮᬓᬃᬓᬸᬤ᭄ᬬᬂ᭟ᬳᬶᬤᬾᬯᬕᬸᬂᬧᬸᬢᬺᬶᬲᬵᬫ᭄ᬧᬸᬦ᭄ᬲᬾᬗᭂᬄᬯ᭄ᬬᬓ᭄ᬢᬶ᭞ᬭᬶᬂᬧᬧᬶᬦᭂᬄᬳᬶᬤᬵ᭞ᬳᬶᬧᬾᬦ᭄ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬮᬗ᭄ᬳᬶᬂᬳᬶᬤᬗᬫ᭄ᬧᬸᬭᬬᬂ᭟ᬲᬧᬦ᭄ᬤᬶ
ᬓᬵᬤᬲᬂᬭᬢ᭄ᬦᬵᬚ᭄ᬯᬶᬢ᭄ᬣᬫᬗ᭄ᬓᬶᬦ᭄᭞ᬲᬬᬦ᭄ᬦᬗᬶᬲ᭄ᬳᬶᬤᬵ᭞ᬫᬜᬸᬗ᭄ᬓᭂᬮ᭄ᬫᬫ᭄ᬓᬸᬮ᭄ᬳᬭᬶ᭞ᬲᬵᬃᬯ᭄ᬯᬶᬗᬫᭂᬓ᭄ᬫᬦ᭄ᬓᭂᬓᬂ᭟ᬳᬶᬤᬾᬯᬕᬸᬂᬧᬸᬢᬺᬗᬕᬧ᭄ᬗᬰᬶᬄᬳᬰᬶᬄ᭞ᬗ᭄ᬢᬸᬮ᭄ᬓᬬᬸᬦ᭄ᬫᬫ᭄ᬮᬤ᭄᭞ᬫᬾᬪᬝᬵᬭᬶᬲᬂᬳ᭄ᬬᬂᬭᬢᬶᬄ᭞ᬕᬸᬂᬋᬡᬵᬳᬫ᭄ᬧᬸᬭᬵᬢᬶᬢ᭄ᬬᬂ᭟ᬯᬦ᭄ᬢᬄ
ᬬᬓ᭄ᬢᬶᬢᬶᬢ᭄ᬬᬂᬓᬮᬶᬦ᭄ᬢᬗᬶᬂᬲᬶᬲᬶᬧ᭄᭞ᬭᬶᬂᬚᭂᬂᬧᬦᭂᬫ᭄ᬩᬳᬦ᭄᭞ᬭᬾᬄᬢᬶᬢ᭄ᬬᬂᬩᬸᬤᬸᬄᬪᬝᬵᬭᬶ᭞ᬧᬢᬸᬢ᭄ᬳᬶᬯᬗᬾᬫᬳᬶᬫ᭄ᬧᬲ᭄᭟ᬲᬋᬂᬲᬫᬶᬤᭂᬦ᭄ᬥᬵᬲᬂᬳ᭄ᬬᬂᬯᬶᬥᬶ᭞ᬭᬶᬂᬳᬶᬧᬾᬦ᭄ᬗᬦ᭄ᬤᬶᬓ᭞ᬲᬚᬓᬕᬸᬂᬢ᭄ᬬᬂᬲᬶᬲᬶᬧ᭄᭞ᬢ᭄ᬓᬾᬦ᭄ᬳᬶᬤᬵᬢ᭄ᬬᬂ
ᬲᬮᬄ᭟ᬳᬧᬦ᭄ᬩᬸᬤᬸᬄᬢ᭄ᬯᬭᬵᬦᬯᬂᬩ᭄ᬦᭂᬄᬧ᭄ᬮᬶᬄ᭞ᬥᭂᬡ᭄ᬥᬦ᭄ᬲᬲᬸᬳᬸᬦᬦ᭄᭞ᬓᬾᬯᬮᬳᬫ᭄ᬧᬸᬭᬵᬕᬢᬶ᭞ᬤᬵᬢᬸᬮᬓ᭄ᬢᬭᬶᬫᬧᬶᬲᬦ᭄᭟ᬭᬾᬳᬶᬂᬢ᭄ᬬᬂᬫᬮᬓᬸᬧ᭄ᬮᬶᬄᬦᬾᬫᬗ᭄ᬓᬶᬦ᭄᭞ᬗ᭄ᬕᬶᬄᬫᬗ᭄ᬓᬶᬦ᭄ᬧᬶᬲᬮᬄ᭞ᬢ᭄ᬬᬂᬢ᭄ᬯᬭᬫᬫᬶᬯᬮᬶ
Kaca:Bali-lontar-gaguritan-twan-raja-300ppi.pdf/82
Kaca puniki sampun kauji-wacén
