[᭘᭐ 80 B]
᭘᭐
ᬳᬶᬤᬫᬜᭂᬫ᭄ᬩᬄᬭᬶᬂᬳᬚᬶᬲᬫ᭄ᬬᬦ᭄᭞ᬳᬚᬶᬦ᭄ᬥᬵᬫᬗᬗ᭄ᬕᬸᬢᬶᬦ᭄᭞ᬳᬶᬤᬾᬯᬕᬸᬂᬧᬸᬢᬺ᭞ᬕ᭄ᬮᬶᬲ᭄ᬫᬢᬗᬶᬳᬶᬤᬵ᭞ᬫᬗᬶᬭᬶᬲ᭄ᬳᬶᬤᬵᬫᬫᬵᬃᬕ᭄ᬕᬶ᭞ᬫᬳᬶᬤ᭄ᬮᬜ᭄ᬘᬶᬗᬦ᭄ᬲᬶᬂᬭᬭᬲ᭄ᬗᬸᬮᬗᬸᬦᬶᬦ᭄᭟ᬳᬦᬓ᭄ᬩᬕᬸᬲ᭄ᬓᬮᬶᬄᬫᬜᬶᬲᬬᬂᬭᬭᬲ᭄᭞ᬧ
ᬦ᭄ᬢᬸᬳᬸᬲᬭᬶᬦ᭄ᬕᬸᬫᬶ᭞ᬧᬢᬸᬢ᭄ᬢᬦ᭄ᬧᬓ᭄ᬯᬘ᭄ᬘᬵ᭞ᬳᬗ᭄ᬕᬳᬶᬧᬶᬲᬫᬧ᭄ᬢ᭞ᬕᬥᬶᬂᬫ᭄ᬗᬸᬭᬗ᭄ᬓᬵᬋᬫ᭄ᬧᬶ᭞ᬯᬸᬲ᭄ᬜᬸᬚᬸᬃᬳᬶᬤᬵ᭞ᬕ᭄ᬦᬄᬳᬶᬤᬵᬲᬂᬧᬸᬢ᭄ᬭᬶ᭟ᬯᬸᬲ᭄ᬤᬶᬓᬫᬃᬕ᭄ᬮᬶᬲ᭄ᬜᭂᬫ᭄ᬩᬄᬭᬶᬂᬩ᭄ᬬᬂᬤᬵ᭞ᬩ᭄ᬬᬂᬳᬶᬤᬫᬗ᭄ᬕᬸᬢᬶᬦ᭄᭞ᬜᬭᬸᬜᬭᬸ
ᬓᭀᬤᬮ᭄᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬳᬶᬤᬵ᭞ᬳᬕᬸᬂᬳᬶᬤᬵᬕ᭄ᬮᬶᬲ᭄ᬫᬶᬚᬶᬮ᭄᭞ᬲᬓᬮᬶᬄᬳᬶᬤᬵ᭞ᬤᬸᬭᬸᬂᬲᬾᬗᭂᬄᬲᬯ᭄ᬬᬓ᭄ᬢᬶ᭟ᬭᬶᬂᬭᬓᬦ᭄ᬥᬵᬳᬶᬤᬳᬶᬤᬾᬯᬕᬸᬂᬧᬸᬢᬺ᭞ᬳᬧᬦ᭄ᬫᬮᬶᬗᬦ᭄ᬯ᭄ᬬᬓ᭄ᬢᬶ᭞ᬤᬵᬲᬂᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬳᬶᬤ᭄ᬯᬕᬸᬂᬳᬦᭀᬫ᭄ᬳᬶᬤ
᭞ᬧᬦ᭄ᬢᬶᬗ᭄ᬓᬸᬮ᭄ᬲᬮᬶᬂᬢᬗᬶᬲᬶᬦ᭄᭞ᬓᬗᭂᬦᬶᬂᬳᬗ᭄ᬕᬵ᭞ᬧᬢᬸᬳᬸᬭᬓᬯᬭᬶ᭟᭚ᬓᬹᬫᬫ᭄ᬩᬂ᭚ᬮᬶᬦ᭄ᬢᬂᬳᬰᬶᬄᬫᬧᬸᬦ᭄ᬢᭂᬮ᭄ᬳᬶᬤᬵᬲᬂᬓᬮᬶᬄ᭞ᬫ᭄ᬓᬸᬮ᭄ᬓᬧ᭄ᬓᬸᬮᬦ᭄᭞ᬳᬶᬤᬲᬂᬫᬡᬶᬓᬶᬂᬉᬓᬶᬃ᭞ᬭᬵᬢ᭄ᬦᬚ᭄ᬯᬶᬢ᭄ᬣᬵᬫᬲᬲᬫ᭄ᬩᬢᬦ᭄
[᭘᭑ 81 A]
᭟ᬫ᭄ᬕᬢ᭄ᬫᭂᬕᬢ᭄ᬭᬾᬄᬳᬓᬾᬄᬳᬶᬮᬶᬗᬂᬯ᭄ᬬᬓ᭄ᬢᬶ᭞ᬮᬭᬦᬾᬳᬶᬂᬓᬸᬦᬵ᭞ᬳᬯᬦᬦ᭄ᬜᭂᬮ᭄ᬲᭂᬮ᭄ᬤᬶᬋᬦ᭄ᬥᬶ᭞ᬭᬓᬦ᭄ᬥᬵᬓᬧᬶᬦᭂᬄᬫᭂᬗ᭄ᬕᬄ᭟ᬫᬾᬤᬶᬳᬕᬸᬂᬳᬶᬤ᭄ᬯᬕᬸᬂᬫᭂᬗ᭄ᬕᬄᬢᬦ᭄ᬲᬶᬧᬶ᭞ᬳᬧᬲᬮᬄᬢ᭄ᬬᬂ᭞ᬓ᭄ᬭᬡᬳᬶᬤᬩᬸᬓᬚᬦᬶ᭞ᬳ᭄ᬮᬲ᭄ᬫᬳᬶᬘᬬᬂᬢ᭄ᬬᬂ᭟ᬢᭀᬂ
ᬫᬤᬬᬵᬢ᭄ᬬᬂᬮᬓᬃᬩᬸᬓᬚᬦᬶ᭞ᬭᬾᬄᬲ᭄ᬧᭂᬂᬧᬦ᭄ᬤᬶᬓᬵ᭞ᬤᬸᬓ᭄ᬢ᭄ᬬᬗᬾᬢ᭄ᬓᭂᬤᬶᬦᬶ᭞ᬓᬾᬦᬾᬧᬗᬦ᭄ᬤᬶᬓᬦ᭄ᬳᬶᬤᬵ᭟ᬢᬫ᭄ᬧᬶᬦ᭄ᬢ᭄ᬬᬂᬚ᭄ᬮᬾᬫ᭄ᬮᬄᬩᬋᬂᬳᬸᬕᬶ᭞ᬲᬶᬂᬤᬵᬧᬘᬂᬳ᭄ᬮᬲ᭄᭞ᬳᬶᬤᬗᬓᬸᬲ᭄ᬯᬾᬘᬕᬢᬶ᭞ᬲᬓᬮᬶᬄᬫᬢᬶᬦ᭄ᬤᬶᬄᬧᬶᬲᬦ᭄᭟ᬫᬗᬾᬭᬗᬂᬮ
ᬘᬸᬃᬢ᭄ᬬᬗᬾᬦᬾᬗᬸᬦᬶ᭞ᬩᬳᬦᬾᬓᬲᭀᬦ᭄ᬢ᭄ᬭ᭞ᬤᬬᬂᬚᭀᬕᬾᬤ᭄ᬫᬶᬕᬸᬦᬳᬶᬦ᭄᭞ᬲᬓᬮᬶᬄᬲᬸᬦ᭄ᬤᭂᬮ᭄ᬩᬚᬶᬗᬦ᭄᭟ᬓᭀᬘᬧ᭄ᬦᬶᬓᬵᬦᬾᬫᭂᬗ᭄ᬕᬳᬂᬳᬶᬤᬕᬢᬶ᭞ᬓ᭄ᬭᬡᬫᬯᬘᬦ᭞ᬦᬾᬧᬢᬸᬢᬼᬕᬬᬂᬕᬢᬶ᭞ᬢ᭄ᬓᬚᬦᬶᬍᬩᬶᬄᬲᬶᬗ᭄ᬲᬮ᭄᭟ᬓᬬᬸ
ᬦ᭄ᬳᬶᬤᬵᬦᬾᬦᬾᬫᬮᬸᬢ᭄ᬓᬾᬦ᭄ᬫᬗ᭄ᬓᬶᬦ᭄᭞ᬬᭂᬦ᭄ᬳᬧᬓᬤ᭞ᬳᬶᬬᬭᬶᬫᬳᬢᬸᬃᬦᬗᬶᬲ᭄᭞ᬭᬾᬄᬦᬶᬫ᭄ᬩᬮ᭄ᬧᬦ᭄ᬤᬶᬓᬦ᭄ᬭᬓᬵ᭟ᬫᬾᬫ᭄ᬩᭀᬓᬕᬸᬂᬮᬘᬸᬃᬯᬱ᭄ᬝᬦ᭄ᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬦ᭄ᬯᬾᬕᬸᬲ᭄ᬢᬶᬜᬫ᭞ᬗᬧᬶᬮᬸᬕ᭄ᬗᬸᬤᬸᬢᬦ᭄ᬲᬶᬧᬶ᭞ᬭᬶᬂᬳᬶᬤᬳᬶᬤ᭄ᬯᬕᬸᬂᬧᬸᬢᬺ᭟
Kaca:Bali-lontar-gaguritan-twan-raja-300ppi.pdf/81
Kaca puniki sampun kauji-wacén
