[᭗᭙ 79 B]
᭗᭙
ᬭᬶᬬᬂ᭞ᬲᬦᭂᬫᬗᬯᬵᬯ᭄ᬬᬓ᭄ᬢᬶ᭞ᬦᬾᬓᬤ᭄ᬯᬾᬧᬶᬲᬦ᭄᭞ᬳᬦ᭄ᬢᬸᬓ᭄ᬳᬶᬤ᭄ᬯᬕᬸᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬳᬶᬤᬵᬫᬗ᭄ᬓᬶᬦ᭄᭞ᬭᬶᬂᬓᬫᬵᬃᬢᬗ᭄ᬲᬄ᭞ᬕ᭄ᬦᬶᬧᬘᬂᬫᬩᬸᬜ᭄ᬘᬶᬂ᭟ᬲᬫ᭄ᬧᬸᬦ᭄ᬫᭂᬤᬮ᭄ᬦᬾᬗᬯᬳᬶᬤᬲᬫ᭄ᬬᬦ᭄᭞ᬩ᭄ᬤᬶᬮ᭄ᬓᬸᬮ᭄ᬓᬸᬮ᭄ᬦᬾᬫᬗ᭄ᬓᬶᬦ᭄᭞ᬓᬤᬯᬸᬄ
ᬜᭂᬬᭂᬧᬂ᭞ᬢᬦ᭄ᬓᭀᬘᬧ᭄ᬲᬶᬬᭂᬧ᭄ᬲᬫ᭄ᬬᬦ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬫᬗ᭄ᬭᬜ᭄ᬚᬶᬂ᭞ᬓᬳᬶᬭᬶᬂᬢᬗ᭄ᬲᬄ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬓᬮᬶᬄ᭟ᬤᬵᬭᬓᬦ᭄ᬥᬵᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬫᬗ᭄ᬕᭂᬄᬭᬶᬂᬓᬫᬃᬯ᭄ᬬᬓ᭄ᬢᬶ᭞ᬗᬫᭂᬮ᭄ᬥᬵᬳᬭᬶᬦ᭄ᬥᬵ᭞ᬩᬸᬭᬯᬸᬄᬤᬵᬳᬸᬯᬦ᭄ᬥᬵ᭞ᬫ
ᬓᬶᬲᭂᬮᬶᬗ᭄ᬕᬶᬄᬤᬵᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬩ᭄ᬬᬂ᭞ᬕ᭄ᬮᬶᬲ᭄ᬳᬸᬶᬲ᭄ᬳᬶᬤᬫᬮᬶᬗ᭄ᬕᬶᬄ᭟ᬗᬸᬲᬧᬸᬲᬧ᭄ᬳᬬᬢ᭄ᬫᬦ᭄ᬢᬸᬦ᭄ᬥᬵᬲᬂᬤ᭄ᬬᬄ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬓᬮᬶᬄ᭞ᬯᬸᬲ᭄ᬫᬮᬶᬗ᭄ᬕᬶᬄᬳᬶᬤᬵ᭞ᬤᬶᬦᬢᬄᬳᬢᬧ᭄ᬗᬫ᭄ᬩ᭄ᬬᬃ᭞ᬳᬶᬤᬾᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬕ᭄ᬮᬶᬲ᭄ᬫᬳ᭄ᬬᬸᬲ᭄᭞ᬳᬭᬶᬦ᭄ᬥᬵᬫ
ᬗᬬᬳᬶᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬂᬓᬮᬶᬄᬲᬵᬫ᭄ᬧᬸᬦ᭄ᬫᬫᬶᬜᬓ᭄᭞ᬫᬶᬳᬶᬓ᭄ᬗᭂᬩ᭄ᬓᬶᬦ᭄ᬧᬸᬭᬶ᭞ᬭᬾᬄᬫᬶᬜᬓ᭄ᬓᬧᬮᬵ᭞ᬕ᭄ᬮᬶᬲ᭄ᬳᬶᬤᬓᬯ᭄ᬤᬮ᭄᭞ᬳᬭᬶᬳᬭᬶᬲᬫᬶᬗᬶᬭᬶᬂ᭞ᬯᬸᬲ᭄ᬦᬗ᭄ᬓᬶᬮ᭄ᬳᬶᬤᬵ᭞ᬤᬶᬦᬢᬄᬲᬫᬶᬫᬮᬶᬗ᭄ᬕᬶᬄ᭟ᬳᬧᬦ᭄ᬳᬶᬤ
[᭘᭐ 80 A]
ᬓᬭᬶᬗᬦ᭄ᬢᭀᬲ᭄ᬤᬤᬯᬸᬳᬦ᭄᭞ᬓᬮᬶᬄᬭᬓᬦ᭄ᬥᬵᬯ᭄ᬬᬓ᭄ᬢᬶ᭞ᬤᬸᬭᬸᬂᬳᬶᬤᬫ᭄ᬥᬮ᭄᭞ᬳ᭄ᬦᭂᬗᬂᬦᬾᬤᬶᬦᬢᬄ᭞ᬤᬶᬓᬫᬃᬳᬸᬘᬧᬂᬫᬮᬶᬄ᭞ᬲᬂᬭᬢ᭄ᬦᬚ᭄ᬯᬶᬢ᭄ᬣᬵ᭞ᬫ᭄ᬓᬸᬮ᭄ᬳᬭᬶᬫ᭄ᬦᬗᬶᬲ᭄᭟ᬤᬵᬳᬭᬶᬦ᭄ᬥᬵᬳᬶᬤᬾᬯᬕᬸᬂᬳᬦᭀᬫ᭄ᬳᬶᬤᬵ᭞ᬲᬯᬯᬳᬶᬤᬦᬗᬶᬲ᭄᭠
ᬓᬗᭂᬦ᭄ᬭᬶᬂᬭᬓᬦ᭄ᬥᬵ᭞ᬫ᭄ᬓᬸᬮ᭄ᬧᬤᬦ᭄ᬭᬓᬦ᭄ᬥᬵ᭞ᬳᬶᬤᬾᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬯᬸᬲ᭄ᬓᬧᬶᬦ᭄ᬳᬂ᭞ᬦᬾᬫᬗ᭄ᬓᬶᬦ᭄ᬜᬦ᭄ᬤᬂᬗ᭄ᬭᬜ᭄ᬚᬶᬂ᭟ᬕ᭄ᬮᬶᬲ᭄ᬳᬶᬤᬵᬫᬧᬫᬶᬢ᭄ᬜᭂᬫ᭄ᬩᬄᬭᬶᬂᬳ᭄ᬬᬂ᭞ᬳ᭄ᬯᬦ᭄ᬥᬵᬫᬶᬦᬓᬤᬶ᭞ᬩ᭄ᬬᬂᬫᬳᬗ᭄ᬕᬸᬢᬦ᭄᭞ᬳᬶᬤ᭄ᬯᬕᬸᬂᬫᬥᬾᬫ᭄ᬥᬮ᭄᭞ᬯᬸᬲ᭄ᬤᬶᬦᬢᬄ
ᬳᬶᬤᬫ᭄ᬮᬶᬗ᭄ᬕᬶᬄ᭞ᬦᬗ᭄ᬓᬶᬮ᭄ᬳᬸᬯᬦ᭄ᬥᬵ᭞ᬳᬧᬦ᭄ᬲᬫᬶᬫᬓᬸᬃᬱᬶ᭟ᬳᬶᬤᬾᬯᬕᬸᬂᬧᬸᬢᬺᬕ᭄ᬮᬶᬲ᭄ᬫᬢᬸᬃᬜᭂᬫ᭄ᬩᬄ᭞ᬭᬶᬂᬭᬓᬦ᭄ᬥᬵᬦᬾᬫᬗ᭄ᬓᬶᬦ᭄᭞ᬤᬕᬶᬂᬫᬗ᭄ᬮᬸᬗ᭄ᬲᬸᬭᬂ᭞ᬭᬾᬄᬲᬵᬫ᭄ᬧᬸᬦ᭄ᬧᬳᬶᬗᬦᬦ᭄᭞ᬦᬸᬦᬲ᭄ᬮᬸᬕ᭄ᬭᬧᬘᬂᬗ᭄ᬭᬦ᭄ᬚᬶᬂ᭞ᬳᬚᬶᬦ᭄ᬥᬵᬲᬫ᭄ᬬᬦ᭄᭞
ᬗᬦ᭄ᬤᬶᬓᬵᬫᬫ᭄ᬭᬶᬬᬸᬓᬶᬦ᭄᭟ᬲᬚᬵᬓᬕᬸᬂᬲᬸᬩᬲ᭄ᬧᭂᬂᬤᬤᬯᬸᬳᬦ᭄᭞ᬳᬶᬤ᭄ᬯᬕᬸᬂᬫᬥᬾᬕ᭄ᬮᬶᬲ᭄᭞ᬜᭂᬫ᭄ᬩᬄᬫᬫᬵᬢᬸᬢᬂ᭞ᬲᬕᬶᬂᬳᬶᬤᬢᬦ᭄ᬧᬶᬯᬮ᭄᭞ᬫᬮᬶᬄᬗᬦ᭄ᬤᬶᬓᬭᬶᬂᬳᬭᬶ᭞ᬓ᭄ᬫᬵᬮᬯᬸᬢᬂ᭞ᬳᬭᬶᬦ᭄ᬥᬵᬜᭂᬫ᭄ᬩᬄᬫᬮᬶᬄ᭟ᬫᬮᬶᬄ
Kaca:Bali-lontar-gaguritan-twan-raja-300ppi.pdf/80
Kaca puniki sampun kauji-wacén
