[᭗᭘ 78 B]
᭗᭘
ᬦ᭄᭞ᬳᬶᬤᬦᬸᬦᬲᬫ᭄ᬧᬸᬦ᭄ᬮᬸᬕᬺ᭞ᬭᬶᬂᬩ᭄ᬬᬂᬲᬓᬮᬶᬄᬳᬚᬶ᭟ᬭᬾᬄᬧᬘᬂᬗᬫ᭄ᬩᬶᬮ᭄ᬳᬭᬶᬦ᭄ᬥᬵ᭞ᬳᬚᬶᬩ᭄ᬬᬂᬕ᭄ᬮᬶᬲ᭄ᬳᬶᬤᬵᬗᬗ᭄ᬕᬸᬢᬶᬦ᭄᭞ᬫᬸᬗ᭄ᬕᬄᬳᬶᬤᬳᬶᬤᬾᬯᬕᬸᬂ᭞ᬦᬫ᭄ᬩᬸᬢ᭄ᬳᬭᬶᬗᬦ᭄ᬤᬶᬓᬵ᭞ᬚᬮᬦ᭄ᬢᬸᬯᬸᬦ᭄ᬳᬶᬤᬾᬯᬕᬸᬂᬫᬸᬱ᭄ᬝᬧᬩ᭄ᬭᬶᬬᬸᬓ᭄᭞ᬓᬮᬶᬄ
ᬲᬫ᭄ᬧᬸᬦᬸᬦᬲ᭄ᬮᬸᬕᬺ᭞ᬲᬋᬂᬓᬮᬶᬄᬜᬗ᭄ᬓᭀᬮ᭄ᬳᬲᬶᬦ᭄᭟᭚ᬤᬹᬃᬫ᭄ᬫᬵ᭚ᬕ᭄ᬮᬶᬲ᭄ᬢᭂᬦ᭄ᬲᬂᬤ᭄ᬬᬂᬭᬵᬢ᭄ᬦᬚ᭄ᬯᬶᬢ᭄ᬣ᭞ᬳᬧᬦ᭄ᬫᬲᬸᬭᬸᬂᬯ᭄ᬬᬓ᭄ᬢᬶ᭞ᬫᬜᬸᬚᬸᬃᬲᬳᬕᬦ᭄᭞ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬕ᭄ᬮᬶᬲ᭄ᬫᬦᬯᬸᬳᬶᬦ᭄ᬳᬭᬶ᭞ᬳᬶᬤ᭄ᬯᬕᬸᬂᬧᬸᬢᬺᬳᭂᬜ᭄ᬚᭀᬃᬧ
ᬳᭂᬓᬂᬫᬳᬶ᭟ᬳᬶᬤᬾᬯᬕᬸᬂᬩ᭄ᬬᬂᬫ᭄ᬭᬶᬬᬸᬓᬶᬦ᭄ᬗᬦ᭄ᬤᬶᬓᬵ᭞ᬲᬵᬃᬯ᭄ᬯᬶᬗᬫᭂᬮ᭄ᬲᬂᬧᬸᬢ᭄ᬭᬶ᭞ᬳᬬᬢ᭄ᬫᬢ᭄ᬯᬦ᭄ᬳᬶᬤᬵ᭞ᬤᬕᬶᬂᬧᬦ᭄ᬤᬶᬓᬵᬦ᭄ᬳᬶᬤᬵ᭞ᬧᬘᬂᬫᬲᬳᬕᬜ᭄ᬚᬦᬶ᭞ᬭᬾᬄᬫᬸᬮᬵᬧ᭄ᬭᬄ᭞ᬳᬶᬤ᭄ᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭟ᬕ᭄ᬮᬶᬲ᭄ᬜᭂᬫ᭄ᬩᬄᬭᬶᬂᬩ᭄ᬬᬂᬫᬓᬤᬶᬭᬓᬵ᭞
ᬯᬸᬲ᭄ᬜᭂᬫ᭄ᬩᬄᬓᬋᬧ᭄ᬕᭂᬮᬶᬲ᭄᭞ᬦ᭄ᬲᭂᬓ᭄ᬥᬵᬳᬭᬶᬦ᭄ᬥᬵ᭞ᬳ᭄ᬤᬵᬲᬂᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬗᬤᭂᬕ᭄ᬭᬓᬵᬗᬫᭂᬮ᭄ᬯ᭄ᬬᬓ᭄ᬢᬶ᭞ᬳᬶᬧᬾᬦ᭄ᬥᬵᬲᬫ᭄ᬬᬦ᭄᭞ᬧᬺᬧᬸᬢ᭄ᬭᬶᬫᬗᬺᬫ᭄ᬧᭂᬕᬶᬦ᭄᭟ᬮᬶᬦ᭄ᬢᬂᬧᬯᬸᬢ᭄ᬲ᭄ᬫᬭᬭᬢᬶᬄᬫᬓᭂᬫ᭄ᬩᬭᬦ᭄᭞ᬳᬶᬤᬵᬕ᭄ᬬᬂᬕᬶᬭᬶᬧᬸᬢ᭄ᬭᬶ
[᭗᭙ 79 A]
᭞ᬫᬗ᭄ᬕᭂᬄᬦᬗᬶᬲ᭄ᬳᬶᬤᬵ᭞ᬓᬦ᭄ᬢᬸᬦ᭄ᬭᬚᬵᬓᬦ᭄ᬬ᭞ᬳᬲᬶᬂᬳᬓ᭄ᬱᬶᬳᬶᬤᬲᬫᬶ᭞ᬮᬾᬤᬂᬤᬶᬋᬥᬵ᭞ᬓᬮᬶᬄᬫᬫᬵᬃᬡ᭄ᬦᬲᬫᬶ᭟ᬮᬶᬦ᭄ᬢᬂᬳᬦᬸᬢ᭄ᬳᬶᬤᬳᬶᬤ᭄ᬯᬕᬸᬂᬧᬸᬢᬺ᭞ᬫᬜᬦ᭄ᬤᬶᬂᬤᬵᬲᬂᬧᬸᬢ᭄ᬭᬶ᭞ᬭᬾᬄᬧᬥᬢᭀᬂᬓᬮᬶᬄ᭞ᬧᬤᬢ᭄ᬯᬭᬗᬶᬤᬶᬳᬂ᭞ᬓᬤᬶᬚ
ᬫ᭄ᬩᬾᬩᬕᬶᬓᬮᬶᬄ᭞ᬳᬬᬸᬓᬮᬶᬦ᭄ᬢᬂ᭞ᬩᬕᬸᬲ᭄ᬮᬶᬦ᭄ᬢᬂᬗᬾᬤᬦᬶᬦ᭄᭟ᬲᬧᬸᬦᬶᬓᬫᬫᬃᬡ᭄ᬦᬵᬳᬲᬶᬂᬫᬜᬶᬗᬓ᭄᭞ᬳᬶᬤᬵᬳ᭄ᬬᬂᬲ᭄ᬫᬭᬭᬢᬶᬄ᭞ᬕ᭄ᬮᬶᬲ᭄ᬫᬲᬳᬕᬦ᭄᭞ᬯᬢᭂᬓ᭄ᬮᬾᬢ᭄ᬦᬦ᭄ᬲᬫ᭄ᬬᬦ᭄᭞ᬕ᭄ᬮᬶᬲ᭄ᬫᬗ᭄ᬯᬗ᭄ᬲᬶᬢᬂᬫᬗ᭄ᬓᬶᬦ᭄᭞ᬗᬢᬸᬭᬂᬳᭀᬃᬫ᭄ᬫᬢ᭄
᭞ᬓᬸᬮ᭄ᬓᬸᬮ᭄ᬫᬤᬾᬂᬤᬂᬕ᭄ᬮᬶᬲ᭄᭟ᬢᬫ᭄ᬩᬸᬃᬗᬺᬤᭂᬕ᭄ᬲᬭᬵᬤᬤᬸᬦᬾᬲᬫ᭄ᬬᬦ᭄᭞ᬩ᭄ᬭᬶᬬᬸᬓ᭄ᬦᬶᬫ᭄ᬩᬮ᭄ᬩᬦ᭄ᬩᭂᬤᬶᬮ᭄᭞ᬢ᭄ᬯᬭᬵᬩᬶᬱᬵᬧ᭄ᬕᬢ᭄᭞ᬭᬾᬄᬲᬸᬭᬵᬤᬤᬸᬓᬢᬄ᭞ᬮᬾᬦ᭄ᬳᬸᬮᬶᬓᬨᬮ᭄ᬫ᭄ᬭᬶᬬᬸᬓᬶᬦ᭄᭞ᬚᬺᬦᬢ᭄ᬫᬦᬶᬫ᭄ᬩᬮ᭄᭞ᬫᬘ᭄ᬧᬸᬕ᭄ᬮᬶᬦ᭄ᬢᬂᬢᬶᬢᬶ᭟ᬓᬕᬕ
ᬯᭀᬓ᭄ᬱᬦᬾᬲᬓᬶᬂᬩᬮᬶᬲᬫ᭄ᬬᬦ᭄᭞ᬫᬸᬜᬶᬦ᭄ᬕᭀᬂᬫᬗᭂᬫ᭄ᬧᭂᬗᬶᬦ᭄᭞ᬭᬾᬄᬓᬮᬶᬦ᭄ᬢᬂᬳᬸᬫ᭄ᬬᬂ᭞ᬫᬮᬶᬄᬳᬶᬤᬵᬳ᭄ᬬᬂᬲ᭄ᬫᬵᬭ᭞ᬫᬶᬦᬓᬤᬶᬤᬾᬯᬶᬭᬢᬶᬄ᭞ᬯᬸᬲ᭄ᬧᬸᬧᬸᬢ᭄ᬳᬶᬤᬵ᭞ᬳᬸᬧᬵᬘᬭᬲᬯ᭄ᬬᬓ᭄ᬢᬶ᭟ᬤᬲᬂᬤ᭄ᬬᬄᬲᬵᬫ᭄ᬧᬸᬦ᭄ᬫᬯᬗᬧᬸ
Kaca:Bali-lontar-gaguritan-twan-raja-300ppi.pdf/79
Kaca puniki sampun kauji-wacén
