[᭗᭗ 77 B]
᭗᭗
ᬢᬫᬤᬧᬮᬬ᭄ᬯᬦ᭄ᬯᬶᬬᬓ᭄ᬢᬶ᭞ᬳᬯᬦᬦ᭄ᬳᬶᬤᬫᬲᬸᬭᬸᬂ᭞ᬭᬓᬦ᭄ᬥᬵᬜᬗ᭄ᬓᬶᬮ᭄ᬢᬗ᭄ᬲᬄ᭞ᬤᬵᬳᬭᬶᬦ᭄ᬥᬫᬸᬱ᭄ᬝᬧᬵᬫᬦᬫ᭄ᬩᬸᬢ᭄ᬲᬸᬓᬸ᭞ᬲᬸᬓᬸᬦ᭄ᬳᬶᬤᬭᬢ᭄ᬦᬚ᭄ᬯᬶᬢ᭄ᬣᬵ᭞ᬧᬭᬳᬶᬲ᭄ᬢ᭄ᬭᬶᬫᬜᬋᬗᬶᬦ᭄᭟ᬫᬩ᭄ᬭᬶᬬᬸᬓ᭄ᬯᬸᬲ᭄ᬫᬫᬵᬃᬕ᭄ᬕ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬦᬢᬄᬫᬹᬃᬤ᭄ᬥᬫᬡᬶ
ᬓ᭄᭞ᬳᬶᬤᬾᬯᬕᬸᬂᬧᬸᬢ᭄ᬭᬳᬕᬸᬂᬮᬶᬦ᭄ᬢᬂᬮᬾᬤᬂᬤᬶᬋᬤ᭄ᬥᬵ᭞ᬕ᭄ᬮᬶᬲ᭄ᬫᭂᬦ᭄ᬤᬓ᭄ᬳᬶᬤᬲᬂᬧᬡᬶᬓᬶᬂᬭᬸᬫ᭄ᬭᬸᬫ᭄᭞ᬫᬫᬵᬕ᭄ᬕᬶᬩᬦ᭄ᬩᬦ᭄ᬫᬗᬶᬭᬶᬲ᭄᭞ᬯᬸᬲ᭄ᬢᬫ᭄ᬧᭂᬓ᭄ᬕᭂᬮᬶᬲ᭄ᬦᬾᬫᬗ᭄ᬓᬶᬦ᭄᭟ᬦᬸᬦᬲ᭄ᬮᬸᬕᬺᬭᬶᬂᬳᬚᬶᬩ᭄ᬬᬂ᭞ᬭᬶᬂᬭᬓᬦ᭄ᬥᬵᬳᬶᬤ᭄ᬯᬕᬸᬂᬫᬥᬾᬫᬮᬶᬄ᭞ᬲᬂᬓᬮᬶᬄᬳᬶᬤᬫᬩ᭄ᬭᬶ
ᬬᬸᬓ᭄᭞ᬳᬶᬤᬵᬳᬶᬤ᭄ᬯᬕᬸᬂᬮᬦᬂ᭞ᬮᬾᬦ᭄ᬳᬶᬤ᭄ᬯᬕᬸᬂᬭᬳᬶᬦᬸᬦᬲ᭄ᬮᬸᬕᬺᬲᬵᬫ᭄ᬧᬸᬦ᭄᭞ᬫᬩ᭄ᬭᬶᬬᬸᬓ᭄ᬗᬗ᭄ᬕᬸᬢᬶᬦ᭄ᬳᬶᬤᬵ᭞ᬲᬵᬃᬯ᭄ᬯᬶᬫᬶᬚᬶᬮ᭄ᬲᬋᬂᬲᬫᬶ᭟ᬲᬦᬾᬮᬦᬂᬭᬶᬂᬧᬸᬗ᭄ᬓᬸᬭᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄᬦᬾ ᬫᬗ᭄ᬓᬶᬦ᭄᭞ᬲᬂᬤ᭄ᬬᬄᬫᬸᬗ᭄ᬕᬳᬦ᭄ᬲᬫ᭄ᬧᬸᬦ᭄᭞
ᬭᬶᬂᬚᬸᬮᬶᬓᬺᬩᬸᬂᬢᬕ᭄ᬲᬄ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬓᬮᬶᬄᬯᬸᬲ᭄ᬓᬤᬯᬸᬄ᭞ᬓ᭄ᬦᬶᬜᬋᬗᬶᬦ᭄ᬳᬶᬭᬶᬓᬵ᭞ᬳᬶᬤᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭟ᬢᬦ᭄ᬢᬸᬮᬓ᭄ᬭᬸᬲ᭄ᬫᬸᬗ᭄ᬕᬄᬳᬶᬤ᭞ᬧᬭᬮᬦᬂᬫᬸᬗ᭄ᬕᬳᬶᬂᬲ᭄ᬧᬸᬃᬲᬫᬶ᭞ᬫᬲ᭄ᬯᬂᬲ᭄ᬯᬂᬫᬳᬸᬦ᭄ᬤᬸᬓ᭄᭞ᬮᬶᬗ᭄ᬕᬶᬄᬳᬶᬤᬦᬾᬲᬫ᭄ᬬᬦ᭄
[᭗᭘ 78 A]
᭞ᬯᬸᬲ᭄ᬫᬤᬩ᭄᭞ᬳᬶᬤᬾᬯᬕᬸᬂᬫᬥᬾᬳᬕᬸᬂ᭞ᬓᬮᬶᬄᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬲᬯᬵᬯᬫᬗᬼᬓᬲ᭄ᬫᬗ᭄ᬓᬶᬦ᭄᭟ᬢᬦ᭄ᬫᬭᬶᬫᬵᬗᬫ᭄ᬧᬂᬳᬫ᭄ᬧᬂ᭞ᬦᬾᬫᬫᬵᬃᬕ᭄ᬕᬶᬲᬫᬗ᭄ᬤᬾᬓᬤᬶᬳᬗᬶᬦ᭄᭞ᬭᬾᬄᬧᬘᬂᬤᬶᬧᬸᬗ᭄ᬓᬸᬃᬲ᭄ᬧᬸᬃ᭞ᬦᭂᬫᬶᬓᬸᬮ᭄ᬯᬸᬲ᭄ᬓᬢᬶᬩᬦ᭄᭞ᬓᬮᬶᬄᬦᬾ
ᬦᬾᬗᬯᬳᬸᬧᬘᬭᬲᬵᬫ᭄ᬧᬸᬦ᭄᭞ᬫᬩ᭄ᬭᬶᬬᬸᬓ᭄ᬫᬗ᭄ᬓᬶᬦ᭄ᬫᬫᬵᬃᬕ᭄ᬕ᭞ᬩ᭄ᬘᬢᬦ᭄ᬢᭂᬓᬾᬦᬶᬂᬳᬗᬶᬦ᭄᭟ᬳ᭄ᬦᭂᬗᬂᬳ᭄ᬦᬸᬫᬫᬵᬃᬕ᭄ᬕ᭞ᬤᬶᬫᬸᬱ᭄ᬝᬧᬢᬶᬫ᭄ᬩᬮ᭄ᬳᬸᬘᬧᬂᬚᬦᬶ᭞ᬰ᭄ᬭᬶᬫᬤᬾᬯᬶᬫᬤᬤᬯᬸᬄ᭞ᬓ᭄ᬦᬶᬦᬩ᭄ᬤᬩ᭄ᬧᬫᭂᬦ᭄ᬤᬓ᭄᭞ᬮᬾᬦ᭄ᬲᬳᬕᬦ᭄ᬲᬳᬸᬧᬘᬭᬦᬶᬂᬭᬵᬢᬸ᭞ᬯᬸ
ᬲ᭄ᬧᬸᬧᬸᬢ᭄ᬲᬳᬸᬧᬓᬭ᭞ᬤᬶᬩᬜ᭄ᬘᬶᬗᬄᬗᬦ᭄ᬢᭀᬲᬫᬶ᭟ᬰ᭄ᬭᬶᬫᬤᬾᬯᬶᬲᬵᬫ᭄ᬧᬸᬦ᭄ᬓᭀᬤᬮ᭄᭞ᬢ᭄ᬩᭂᬂᬗᬫ᭄ᬩ᭄ᬬᬃᬧᬤᬡ᭄ᬥᬵᬳᬓᬾᬄᬗᬶᬭᬶᬂ᭞ᬩ᭄ᬯᬶᬦ᭄ᬳᬤᬳᬶᬚᭂᬓ᭄ᬲᬵᬫ᭄ᬧᬸᬦ᭄᭞ᬫᬦᬩ᭄ᬤᬧᬗ᭄ᬯᬾᬤᬗᬦ᭄᭞ᬭᬾᬄᬳᬶᬂᬢᬫ᭄ᬧᭂᬓ᭄ᬲ᭄ᬯᬭᬦ᭄ᬢᬫ᭄ᬩᬸᬃᬮᬶᬦ᭄ᬢᬂᬢᬗ᭄ᬮᬸᬲ᭄᭞
ᬲᬕᬾᬢ᭄ᬲᬵᬫ᭄ᬧᬸᬦ᭄ᬤᬶᬩᬜ᭄ᬘᬶᬗᬄ᭞ᬳᬶᬤᬾᬯᬕᬸᬂᬲᬋᬂᬲᬫᬶ᭟ᬦᬾᬦᬾᬫᬶᬓᬸᬮ᭄ᬫᬗ᭄ᬭᬭ᭄ᬬᬦᬂ᭞ᬩ᭄ᬭᬶᬬᬸᬓ᭄ᬢᭂᬤᬸᬦ᭄ᬲᬦᬾᬭᬶᬂᬲ᭄ᬧᬸᬃᬲᬫᬶ᭞ᬳᬶᬤ᭄ᬯᬕᬸᬂᬩ᭄ᬬᬂᬫᬩ᭄ᬭᬶᬬᬸᬓ᭄᭞ᬜᬸᬚᬸᬃᬳᬶᬤᬳᬦᬓ᭄ᬥᬵ᭞ᬦᬾᬭᬶᬂᬚᬸᬮᬶ᭞ᬳᬶᬤᬾᬯᬕᬸᬂᬫᬥᬾᬲᬵᬫ᭄ᬧᬸ
Kaca:Bali-lontar-gaguritan-twan-raja-300ppi.pdf/78
Kaca puniki sampun kauji-wacén
