[᭗᭖ 76 B]
᭗᭖
ᬩᬮᬶᬳᬶᬤᬵ᭞ᬭᬶᬂᬦᬢᬄᬫᬹᬃᬤ᭄ᬥᬵᬫᬡᬶᬓ᭄᭞ᬓᬶᬭᬶᬂᬩᬦ᭄ᬧ᭄ᬭᬧᬸᬢᬺ᭞ᬓᬮᬶᬄᬯᬢᭂᬓ᭄ᬳᬦ᭄ᬢᭂᬦᬃ᭞ᬭᬾᬄᬲᬵᬫ᭄ᬧᬸᬦ᭄ᬫᬳ᭄ᬬᬲᬫᬶ᭞ᬳᬶᬤ᭄ᬯᬕᬸᬂᬮᬦᬂ᭞ᬤ᭄ᬯᬕᬸᬂᬭᬳᬶᬢᬦ᭄ᬓᬤᬶ᭟ᬢᬍᬃᬓᬸᬫ᭄ᬧᬸᬮ᭄ᬭᬶᬂᬫᬹᬃᬤ᭄ᬥᬵᬫᬦᬗ᭄ᬓᬶᬮ᭄ᬭᬓᬵ᭞ᬲᬕᬾᬢ᭄ᬳᬭᬶᬦ᭄ᬥᬵᬧ᭄ᬭᬧ᭄ᬢᬶ᭞ᬳᬶᬤ᭄ᬯᬕᬸᬂᬫᬸ
ᬲ᭄ᬢᬧᬵ᭞ᬕ᭄ᬮᬶᬲ᭄ᬭᬓᬲᬂᬢᬶᬕᬵ᭞ᬫᬧᬕ᭄ᬩᬦ᭄ᬫᬦᬶᬲ᭄ᬦᬶᬂᬮᬶᬭᬶᬂ᭞ᬳᬶᬤᬵᬳᬭᬶᬦ᭄ᬥᬵ᭞ᬜᭂᬫ᭄ᬩᬄᬭᬶᬂᬭᬓᬲᬫᬶ᭟ᬲᬵᬯ᭄ᬯᬶᬫᬢᬹᬃᬤᬯᬕᬸᬂᬜᬦ᭄ᬤᬂᬫᬫᬵᬃᬕ᭄ᬕ᭞ᬭᬓᬦ᭄ᬥᬵᬦᬶᬫ᭄ᬩᬮ᭄ᬲᬫᬶ᭞ᬧᬢᭂᬄᬧᬗᬦ᭄ᬤᬶᬓᬵ᭞ᬧᬤᬵᬳᬭᬸᬫᬤᬯ᭞ᬬᬦ᭄ᬢᬦ᭄ᬳᬢᬸᬤᬾᬅ᭄ᬦᬾᬚ
ᬦᬶ᭞ᬫᬢᬸᬃᬫᬦᭀᬕᬲ᭄᭞ᬢ᭄ᬓᬾᬦ᭄ᬩ᭄ᬬᬂᬮᬦ᭄ᬳᬚᬶᬅ᭄᭚ᬧᬗ᭄ᬓᬸᬃ᭚ᬳᬭᬶᬦ᭄ᬥᬵᬫᭂᬧᭂᬲ᭄ᬫᬜᭂᬫ᭄ᬩᬄ᭞ᬭᬶᬂᬲᬂᬢᬶᬕᬕ᭄ᬮᬶᬲ᭄ᬳᬤᬵᬓᬧᬸᬭᬶ᭞ᬧᬺᬧᬸᬢ᭄ᬭᬦ᭄ᬥᬵᬗᬶᬭᬶᬂᬩ᭄ᬭᬶᬬᬸᬓ᭄᭞ᬭᬯᬸᬄᬭᬶᬂᬩᬮᬾᬕ᭄ᬥᬄ᭞ᬕ᭄ᬮᬶᬲ᭄ᬜᭂᬫ᭄ᬩᬄᬭᬶᬂᬳᬚᬶᬲᬂᬚᬢᬶᬲᬵᬫ᭄ᬧᬸᬦ᭄᭞
ᬲᬵᬃᬯ᭄ᬯᬶᬳᬶᬤᬵᬗᬸᬦᬶᬗᬬᬂ᭞ᬭᬾᬄᬲᬵᬫ᭄ᬧᬸᬦ᭄ᬜᬦ᭄ᬤᬂᬫᬫᬵᬃᬕ᭄ᬕᬶ᭟ᬳᬚᬶᬲᬂᬢᬶᬕᬵᬫᬦᬶᬫ᭄ᬩᬮ᭄᭞ᬧᬧᬢᭂᬳᬦ᭄ᬧᬦ᭄ᬤᬶᬓᬦ᭄ᬳᬶᬤᬯ᭄ᬬᬓ᭄ᬢᬶ᭞ᬜᬫᬦᬾᬚᬕ᭄ᬚᬕᬶᬦ᭄ᬫᬮᬸ᭞ᬳᬶᬕ᭄ᬬᬸᬃᬦᬸᬚᬸᬫᬳᬦ᭄᭞ᬦᬸᬗᬲᬶᬳᬶᬦ᭄ᬜᬫᬦ᭄ᬳᬶᬤᬦᬾᬦᬓᬕᬸᬂ᭞ᬳᬦᬓ᭄ᬥ
[᭗᭗ 77 A]
ᬕ᭄ᬮᬶᬲ᭄ᬫᬜᭂᬫ᭄ᬩᬄ᭞ᬫᬗ᭄ᬭᬭᬶᬲ᭄ᬳᬶᬤᬵᬫᬗ᭄ᬭᬜ᭄ᬚᬶᬂ᭟ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬚᬢᬶᬳᬶᬤᬗᬰᬶᬳᬰᬶᬄᬓᬾᬦ᭄ᬳᬭᬶ᭞ᬚᬮᬦ᭄ᬧ᭄ᬲᬸᬳᬦᬓᬕᬸᬂ᭞ᬢᬸᬢᬸᬕ᭄ᬢᬶᬢᬳᬾᬲᬬᬂ᭞ᬫᬸᬜᬶᬦ᭄ᬢᬂᬳᬶᬗ᭄ᬢᬂᬤᬵᬗᭂᬗ᭄ᬲᬧ᭄ᬓᬕᬸᬂ᭞ᬢ᭄ᬬᬂᬲᬸᬩᬳᬶᬗᭂᬢ᭄ᬧᬶᬲᬦ᭄᭞ᬓᬾᬦ᭄ᬫᬸᬜᬶᬦ᭄ᬢ᭄ᬬ
ᬗᬾᬫᬡᬶᬓ᭄᭟ᬲᬗ᭄ᬕᬸᬧ᭄ᬫᬦᬤᬶᬢᬤ᭄ᬢᬤᬦ᭄᭞ᬳᬶᬤᬾᬯᬕᬸᬂᬫᬸᬲ᭄ᬢᬧᬫᬫ᭄ᬭᬶᬬᬸᬓᬶᬦ᭄᭞ᬫᬜᭂᬫ᭄ᬩᬄᬫᬳᬢᬹᬃᬳᬮᬸᬲ᭄᭞ᬫ᭄ᬩᭀᬓᬕᬸᬂᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬧᬘᬂᬲᬸᬫᬦ᭄ᬤᬾᬬᬵᬓᬬᬸᬦ᭄᭞ᬧᬸᬦᬶᬓᬵᬭᬢᬸᬧ᭄ᬬᬃᬱᬵ᭞ᬳᬢᬹᬃᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭟ᬮᬶ
ᬦ᭄ᬢᬂᬘᭂᬦ᭄ᬤᭂᬢ᭄ᬳᬢᬹᬃᬢᬶᬢ᭄ᬬᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬤᬾᬯᬕᬸᬂᬦ᭄ᬯᬾᬲᬫᬶ᭞ᬲᬮᬾᬤᬂᬮᬾᬤᬂᬤᬾᬯᬕᬸᬂ᭞ᬫᬗᬶᬘᬾᬦ᭄ᬢᬶᬢ᭄ᬬᬂᬢ᭄ᬥᬵ᭞ᬚᬢᬶᬢᬶᬢ᭄ᬬᬂ᭞ᬧᬤᭂᬫ᭄ᬳᬸᬭᬶᬧ᭄ᬭᬢᬸᬤ᭄ᬯᬕᬸᬂ᭞ᬓ᭄ᬦᬶᬫᬗ᭄ᬯᬶᬰᬾᬱᬵᬢᬶᬢ᭄ᬬᬂ᭞ᬫᬮᬶᬄᬳᬓᬾᬄᬫᬫ᭄ᬭᬶᬬᬸᬓᬶᬦ᭄᭟ᬳᬤᬫᬜ᭄ᬭᬳᬂᬳ
ᬗ᭄ᬕᬵ᭞ᬤᬵᬲᬂᬤ᭄ᬬᬄᬜᬸᬫᬶᬗ᭄ᬓᬶᬦ᭄ᬳᬶᬤᬵᬦᬗᬶᬲ᭄᭞ᬭᬓᬦ᭄ᬥᬵᬕ᭄ᬮᬶᬲ᭄ᬫᬦᬫ᭄ᬩᬸᬢ᭄᭞ᬳᬭᬶᬦ᭄ᬥᬵᬫᬢᬗᬶᬬᬂ᭞ᬳᬬᬢ᭄ᬫᬢ᭄ᬯᬳᬶᬲ᭄ᬢ᭄ᬭᬶᬫᬫ᭄ᬭᬶᬬᬸᬓᬶᬦᬫ᭄ᬩᬸᬢ᭄᭞ᬭᬾᬄᬦᬾᬫᬗ᭄ᬓᬶᬦ᭄ᬧᬘᬂᬫ᭄ᬤᬮ᭄᭞ᬫᬩ᭄ᬭᬶᬬᬸᬓ᭄ᬗᬫᭂᬮ᭄ᬯᬶᬬᬓ᭄ᬢᬶ᭟ᬧᬭᬶᬲᬓ᭄ᬱᬢ᭄ᬤᬲᬂᬤ᭄ᬬᬄ᭞ᬭᬢ᭄ᬦᬚ᭄ᬯᬶ
Kaca:Bali-lontar-gaguritan-twan-raja-300ppi.pdf/77
Kaca puniki sampun kauji-wacén
