[᭗᭑ 71 B]
᭗᭑
ᬦ᭄᭞ᬓᬬᬂᬳᬸᬫᬄᬧᬋᬓᬦ᭄ᬫᬸᬦ᭄ᬤᬸᬓ᭄ᬲᬫᬶ᭞ᬮᬦᬂᬳᬶᬲ᭄ᬢ᭄ᬭᬶᬮᬶᬦ᭄ᬢᬂᬳᬦᬸᬢ᭄᭞ᬫᬶᬦᬓᬤᬶᬧᬺᬧᬸᬢᬻ᭞ᬳᬶᬤᬾᬯᬕᬸᬂᬓᭀᬤᬮ᭄ᬓᬩᬜ᭄ᬘᬶᬗᬄᬳᬕᬸᬂ᭞ᬭᬾᬄᬳᬶᬤᬵᬧᬘᬂᬦᬯᬸᬳᬂ᭞ᬓ᭄ᬦᬶᬫᬤᬩ᭄ᬤᬩᬦ᭄ᬫᬮᬶᬄ᭟ᬧᬺᬧᬸᬢᬺᬫᬗᬶᬭᬶᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬳᬶᬤ
ᬤᬶᬩᬜ᭄ᬘᬶᬗᬄᬦᬾᬫᬗᬸᬶᬭᬸᬶᬂᬗ᭄ᬓᬶᬦ᭄᭞ᬭᬤᬾᬦ᭄ᬳᬃᬬ᭄ᬬᬤ᭄ᬫᬂᬤ᭄ᬫᬸᬂ᭞ᬯᬸᬲ᭄ᬳᬶᬤᬵᬤᬶᬩᬜ᭄ᬘᬶᬗᬄ᭞ᬮᬾᬦ᭄ᬧᬺᬭᬢᬸᬓᬼᬢ᭄ᬢ᭄ᬯᬭᬩᬓᬢ᭄ᬳᬶᬢᬸᬂ᭞ᬳᬶᬤᬾᬯᬕᬸᬂᬫᬗᭂᬦ᭄ᬤᬶᬓᬵ᭞ᬭᬶᬂᬳᬶᬤᬵᬦᬾᬦᬗ᭄ᬓᬶᬮ᭄ᬲᬫᬶ᭟ᬳᬸᬧᬘᬭᬩ᭄ᬯᬶᬦ᭄ᬧ᭄ᬲᬯᬂ᭞ᬚᬸᬮᬶᬓᬺᬩᬸᬂᬩ᭄ᬯᬶᬦ᭄ᬳᬩᬄ
ᬳᬩᬳᬶᬦ᭄᭞ᬫᬫᬲ᭄ᬩᭂᬮ᭄ᬧᬤᬳᬶᬢᬸᬂ᭞ᬳᬸᬦ᭄ᬤᬸᬓᬂᬦᬾᬓᬃᬗᬩ᭞ᬧᬺᬭᬵᬢᬸᬦᬾᬫᭂᬧᭂᬲ᭄ᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬫᬮᬶᬄᬳᬶᬤᬵᬫᬦᬯᬸᬳᬂ᭞ᬧᬘᬂᬓᬫᬜ᭄ᬘ᭄ᬬᬸᬫᬮᬶᬄ᭟ᬯᬢᭂᬓ᭄ᬕᭀᬂᬧᬤᬢᬸᬳᬸᬦᬂ᭞ᬤᬶᬫᬵᬃᬕ᭄ᬕᬦᬾᬧᬂᬗᬧᬸᬢ᭄ᬫᬵᬃᬕ᭄ᬕᬳᬰ᭄ᬭᬶ᭞ᬳᬵ
ᬧᬂᬢ᭄ᬓᭂᬤ᭄ᬓᬫᬜ᭄ᬘ᭄ᬬᬸ᭞ᬲᬸᬭᬤᬤᬸᬢᬸᬳᬸᬦᬂ᭞ᬳᬸᬮᬶᬓᬧᬮ᭄ᬳᬧᬂᬫᬩᬭᬶᬲᬦ᭄ᬮᬯᬸᬢ᭄᭞ᬫᬮᬶᬄᬳᬶᬤᬵᬫᬦᬯᬸᬳᬂ᭞ᬭᬶᬂᬳᬶᬤᬳᬶᬕᬸᬲ᭄ᬢᬶᬧᬢᬶᬄ᭟ᬓ᭄ᬦᬶᬫᬗ᭄ᬯᬶᬮᬗᬶᬦ᭄ᬲᬸᬦ᭄ᬬ᭞ᬳᬧᬂᬫᬸᬦ᭄ᬤᬸᬓ᭄ᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬲᬳᬶᬭᬶᬂ᭞ᬲᬳᬸᬧᬓᬭᬯᬸᬲ᭄ᬧᬸ
[᭗᭒ 72 A]
ᬧᬸᬢ᭄᭞ᬲ᭄ᬧᭂᬂᬳᬶᬤᬵᬦᬯᬸᬳᬂ᭞ᬲᬕᬾᬢ᭄ᬓᬢᬹᬃᬧᬗ᭄ᬯᬾᬤᬗᬦ᭄ᬳᬶᬰ᭄ᬭᬷᬮᬗᬸ᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬳᬸᬲᬦ᭄᭞ᬳᬶᬤᬾᬯᬕᬸᬂᬯᬸᬲ᭄ᬓᬧᬸᬭᬶ᭟ᬗ᭄ᬳᬶᬂᬭᬶᬂᬳᬵᬃᬤ᭄ᬥᬫᬡᬶᬓ᭄ᬳᬶᬤᬵ᭞ᬭᬾᬄᬳᬭᬶᬦ᭄ᬥᬵᬳᬶᬤᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬦᬓᬕᬸᬂᬳᬶᬲ᭄ᬢ᭄ᬭᬶᬢᬦ᭄ᬓᬦ᭄ᬢᬸᬦ᭄᭞ᬫᬗ᭄ᬕᭂᬄᬭᬶᬂ
ᬫᬜ᭄ᬘ᭄ᬬᬸᬭᬚᬵ᭞ᬯᬦᬓᬕᬸᬂᬩ᭄ᬬᬂᬓᬳᬢᬸᬭᬦ᭄ᬲᬵᬫ᭄ᬧᬸᬦ᭄᭞ᬫᬤᬾᬯᬶᬳᬲ᭄ᬢ᭄ᬭᬫᬸᬱ᭄ᬝᬵᬧ᭞ᬗ᭄ᬯᬶᬮᬗᬶᬦ᭄ᬲᬦᬾ ᬳᬶᬭᬶᬓᬶ᭟ᬲᬳᬸᬧᬓᬭᬦᬾᬲᬫ᭄ᬬᬦ᭄᭞ᬗᬫ᭄ᬩᬶᬮ᭄ᬗᬦ᭄ᬢᬾᬦ᭄ᬬᬦ᭄ᬲᬵᬫ᭄ᬧᬸᬦ᭄ᬭᬯᬸᬄᬯ᭄ᬬᬓ᭄ᬢᬶ᭞ᬧᬫᭂᬦ᭄ᬤᬓ᭄ᬦᬶᬫᬘᬸᬦ᭄ᬥᬸᬓ᭄᭞ᬫᬤᬾᬯᬶᬦᬾᬦ᭄ᬢᭂ
ᬦ᭄ᬧᬶᬯᬮ᭄᭞ᬫᬮᬶᬄᬳᬶᬤᬵᬳᬶᬤᬾᬯᬕᬸᬂᬗᬦ᭄ᬤᬶᬓᬵᬮᬸᬲ᭄᭞ᬭᬶᬂᬧᬋᬓᬦ᭄ᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬤᬕᬶᬂᬓ᭄ᬦᬶᬫᬗᭂᬫ᭄ᬧᭀᬦᬶᬦ᭄᭟ᬳᬸᬧᬘᬭᬦᬶᬂᬧᬫᬺᬫᬦ᭄᭞ᬧᬩᬸᬜ᭄ᬘᬶᬗᬦ᭄ᬲᬫᬗ᭄ᬤᬾᬫᬸᬦ᭄ᬤᬸᬢ᭄ᬳᬰ᭄ᬭᬶ᭞ᬓᬶᬘᬾᬦ᭄ᬫᬶᬜᬓ᭄ᬧᬾᬦ᭄ᬤᬾᬃᬲᬵᬫ᭄ᬧᬸᬦ᭄᭞ᬧ
ᬘᬂᬦᬶᬲ᭄ᬢᬶᬲ᭄ᬧᬫᬺᬫᬦ᭄᭞ᬯᬢᭂᬓ᭄ᬫᬶᬜᬓ᭄ᬧᬤᬦᬾᬦᭀᬫᭂᬃᬲᬢᬸ᭞ᬫᬮᬶᬄᬳᬶᬤᬫᬦᬯᬸᬳᬂ᭞ᬓ᭄ᬦᬶᬦᬕᬶᬦ᭄ᬍᬫᬭᬶ᭟ᬧᬘᬂᬧᭂᬲᬮᬶᬦ᭄ᬭᬓᬦ᭄ᬥᬵ᭞ᬭᬓᬓᬮᬶᬄᬦᬾᬦᬾᬧᬘᬂᬫᬩᬸᬜ᭄ᬘᬶ᭞ᬭᬓᬳᬶᬲ᭄ᬢ᭄ᬭᬶᬢᬍᬃᬲᬵᬫ᭄ᬧᬸᬦ᭄᭞ᬢ
Kaca:Bali-lontar-gaguritan-twan-raja-300ppi.pdf/72
Kaca puniki sampun kauji-wacén
