[᭗᭐ 70 B]
᭗᭐
ᬧᬸᬢ᭄ᬭᬶ᭟ᬳᬶᬤ᭄ᬯᬕᬸᬂᬧᬸᬢᬺᬫᬸᬱ᭄ᬝᬧᬵ᭞ᬲᬵᬫ᭄ᬧᬸᬦ᭄ᬳᬶᬤᬵᬫᬧᬫᬶᬢ᭄ᬫᬦ᭄ᬢᬸᬓ᭄ᬕᭂᬮᬶᬲ᭄᭞ᬳᬯᬦᬦ᭄ᬳᬶᬤ᭄ᬯᬕᬸᬂ᭞ᬫᬦ᭄ᬢᬸᬓ᭄ᬭᬾᬄ᭠ᬧᬘᬂᬦᬩ᭄ᬤᬩ᭄᭞ᬫᬫᬺᬫᬦ᭄ᬦᬾᬓᬢᬸᬭᬦ᭄ᬭᬓᬗᬯᬸᬕ᭄᭞ᬭᬓᬦ᭄ᬥᬵᬳᬶᬤ᭄ᬯᬕᬸᬂᬧᬸᬢᬺ᭞ᬭᬾᬄᬧᬘᬂᬫᬗᬫ᭄ᬩᬶᬮ᭄ᬭᬩᬶ᭟ᬢ
ᬦ᭄ᬘᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬕᬢ᭄᭞ᬩᬮᬾᬧ᭄ᬘᬓ᭄ᬫᬧᬦ᭄ᬤᭂᬲ᭄ᬗᭂᬦᬕ᭄ᬯ᭄ᬬᬓ᭄ᬢᬶ᭞ᬭᬶᬂᬕ᭄ᬥᭀᬂᬳᬳᬾᬮᬦ᭄ᬳᬦᬸᬢ᭄᭞ᬲᬵᬫ᭄ᬧᬸᬦ᭄ᬫᬳᬸᬦ᭄ᬤᬸᬓ᭄ᬧᬶᬲᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬕ᭄ᬥᭀᬂᬭᭀᬂᬭᭀᬭᬲ᭄ᬫᬗ᭄ᬮᬚᬸᬃ᭞ᬍᬃᬳᬮᬸᬲ᭄ᬫᬢᬾᬫ᭄ᬩᭀᬓ᭄ᬕᬫ᭄ᬩᬃ᭞ᬧᬘᬂᬕ᭄ᬦᬄᬧᬭᬧᬸᬢ᭄ᬭᬶ
᭟ᬯᬢᭂᬓ᭄ᬭᬩᬶᬦ᭄ᬥᬵᬭᬓᬦ᭄ᬥᬵ᭞ᬭᬾᬄᬭᬓᬦ᭄ᬥᬓᬢᬄᬫᬤ᭄ᬯᬾᬭᬩᬶ᭞ᬯᬸᬲ᭄ᬧᬥᬲᬵᬫ᭄ᬧᬸᬦ᭄ᬫᬳᬸᬦ᭄ᬤᬸᬓ᭄᭞ᬧᬫᬺᬫᬦ᭄ᬥᬭᬵᬓᬦ᭄ᬥᬵ᭞ᬭᬵᬢ᭄ᬦᬚ᭄ᬯᬶᬢ᭄ᬣᬢᬗ᭄ᬲᬄᬯᬸᬲ᭄ᬮᬸᬧᬸᬢ᭄ᬯᬶᬦᬸᬯᬸᬲ᭄᭞ᬓᬸᬦᬶᬂᬗ᭄ᬭᭀᬜᭀᬂᬫᬲᬲᭀᬘᬦ᭄᭞ᬲᬯᬯᬭᬶᬂᬤ᭄ᬯᬾᬦ᭄ᬳᬭᬶ᭟ᬳᬶ
ᬤᬾᬯᬕᬸᬂᬳᬦᭀᬫ᭄ᬳᬶᬤ᭞ᬓᬮᬶᬄᬲᬵᬫ᭄ᬧᬸᬦ᭄ᬫᬲᬼᬂᬓ᭄ᬦᬶᬗᬶᬮᬶᬲ᭄᭞ᬭᬓᬦ᭄ᬥᬵᬳᬶᬤᬵᬳᬶᬤ᭄ᬯᬕᬸᬂ᭞ᬧᬸᬢᬺᬳᬧᬓᬭᬗᬦ᭄᭞ᬭᬶᬂᬫᬤᬸᬭᬳᬬᬢ᭄ᬕ᭄ᬦᬄᬭᬓᬵᬢᬸᬳᬸ᭞ᬦᬾᬳᬶᬲ᭄ᬢ᭄ᬭᬶᬳᬧᬓᬭᬗᬦ᭄᭞ᬭᬾᬄᬳᬕᬾᬧᬘᬂᬫᬩᬸᬜ᭄ᬘᬶᬂ᭟ᬭᬶᬂᬳᬶᬤ᭄ᬯ
[᭗᭑ 71 A]
ᬕᬸᬂᬭᬳᬶᬳᬶᬤᬵ᭞ᬧᬫᬺᬫᬦ᭄ᬲᬯᬯᬫᬗᬾᬤᬦᬶᬦ᭄᭞ᬫᬶᬦᬓᬤᬶᬲᬵᬫ᭄ᬧᬸᬦ᭄ᬫᬸᬦ᭄ᬤᬸᬓ᭄᭞ᬕ᭄ᬦᬄᬧᬺᬧᬸᬢ᭄ᬭᬶᬲᬫ᭄ᬬᬦ᭄᭞ᬲᬶᬗᬲ᭄ᬓᬃᬲᬯᬯᬵᬕ᭄ᬥᭀᬂᬫᬗ᭄ᬮᬚᬸᬃ᭞ᬫᬳ᭄ᬭᭀᬂᬧᬯᬸᬢ᭄ᬓᬮᬶᬦ᭄ᬢᬂ᭞ᬧᬫᬺᬫᬦ᭄ᬩ᭄ᬬᬂᬳᬚᬶᬫᬮᬶᬄ᭟ᬢᬗ᭄ᬲᬄᬭᬶᬂᬕ᭄ᬥᭀᬂᬲᬂᬫᭀᬓ᭄ᬢᬄ᭞ᬳᬚᬶ
ᬩ᭄ᬬᬂᬦᬾᬦᬫᬧᬸᬢᬺᬯ᭄ᬬᬓ᭄ᬢᬶ᭞ᬳᬶᬭᬶᬓᬳᬬᬢ᭄ᬳᬶᬤ᭄ᬯᬕᬸᬂ᭞ᬳᬚᬶᬩ᭄ᬬᬂᬓᬢᬸᬭᬦ᭄᭞ᬧᬘᬂᬗᬯᬸᬕ᭄ᬓᬮᬶᬄᬫᬩ᭄ᬘᬶᬓᬂᬲᬵᬫ᭄ᬧᬸᬦ᭄᭞ᬭᬾᬄᬳᬶᬤᬵᬮᬶᬦ᭄ᬢᬂᬫᭀᬫ᭄ᬩᭀᬢᬂ᭞ᬮᬶᬗ᭄ᬕᬶᬄᬳᬶᬤᬲᬫᬶᬗᬃᬤ᭄ᬥᬶ᭟ᬧᬦ᭄ᬳᬶᬤᬵᬓᬮᬶᬦ᭄ᬢᬂᬤᬃᬫ᭄ᬫᬵ᭞ᬓ᭄ᬭ
ᬡ᭄ᬦᬮᭀᬮ᭄ᬬᬭᬶᬂᬮᬭᬦ᭄ᬳᬶᬤᬗᬸᬦᬶ᭞ᬳᬯᬦᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬲᬸᬰ᭄ᬭᬸᬱᬵᬩᬓ᭄ᬢᬶᬓᬮᬶᬦ᭄ᬢᬂ᭞ᬭᬶᬂᬦᬾᬗᬃᬤ᭄ᬥᬶᬭᬶᬂᬭᬓᬳᬢ᭄ᬯᬂᬓᬮᬗ᭄ᬓᬸᬂ᭞ᬓᬮᬶᬄᬳᬶᬤᬵᬮᬮᬶᬧᬶᬲᬦ᭄᭞ᬭᬶᬂᬭᬲ᭄ᬬᬦ᭄ᬭᬓᬦ᭄ᬥᬵᬗᬸᬦᬶ᭟ᬓᬮᬶᬄᬳᬶᬤᬵᬳᬸᬦᬶᬂᬧᬶᬲᬦ᭄᭞
ᬭᬶᬂᬲᬫ᭄ᬬᬦ᭄ᬧᬶᬤᭂᬡ᭄ᬥᬦ᭄ᬲᬗ᭄ᬳ᭄ᬬᬂᬯᬶᬥᬶ᭞ᬓ᭄ᬭᬡᬚᬓ᭄ᬫᬓ᭄ᬚᬂᬩᬸᬤᬸᬄ᭞ᬧᭂᬗ᭄ᬕᬄᬳ᭄ᬮᬲ᭄ᬓᬾᬦ᭄ᬳᬶᬤᬵ᭞ᬲᬧᬸᬦᬶᬓᬵᬧᬧᬶᬦᭂᬄᬳᬶᬤᬤᬶᬓᬬᬸᬦ᭄᭞ᬳᬯᬦᬦ᭄ᬳᬶᬤᬵᬗᬫ᭄ᬧᬸᬭᬵ᭞ᬫᭂᬗ᭄ᬕᬄᬢᬦ᭄ᬧᬫ᭄ᬗᬦ᭄ᬯ᭄ᬬᬓ᭄ᬢᬶ᭟ᬯᬸᬲ᭄ᬧᬸᬧᬸᬢ᭄ᬫᬓᬦ᭄ᬥᬵᬲᬫ᭄ᬬᬦ᭄ᬬᬸᬶ
Kaca:Bali-lontar-gaguritan-twan-raja-300ppi.pdf/71
Kaca puniki sampun kauji-wacén
