[᭖᭙ 69 B]
᭖᭙
᭟ᬳᬶᬤᬾᬯᬕᬸᬂᬫᬥᬾᬜᭂᬫ᭄ᬩᬄ᭞ᬭᬶᬂᬳ᭄ᬯᬦ᭄ᬥᬵᬳᬚᬶᬳᬚᬶᬦ᭄ᬥᬵᬲᬫᬶ᭞ᬧᬫᬦᬄᬢᬶᬢ᭄ᬬᬗᬾᬤ᭄ᬯᬕᬸᬂ᭞ᬳᬦᬓ᭄ᬘᭀᬓᭀᬃᬳᬶᬤᬾᬯ᭞ᬳᬶᬧᬸᬦ᭄ᬳᬶᬜ᭄ᬚᭀᬃᬗᬦ᭄ᬢᬾᬦ᭄ᬧᬮᬶᬂᬭᬶᬳᬶᬦ᭄ᬤ᭄ᬯᬕᬸᬂ᭞ᬦᬾᬫᬮᬶᬄᬓᬸᬢᬸᬲ᭄ᬭᬳᬶᬦᬵ᭞ᬓ᭄ᬦᬶᬤᬗᬦᬦ᭄ᬫᬦᬳᬶ
ᬦ᭄᭟ᬳᬶᬧᬸᬦ᭄ᬳᬶᬬᭀᬃᬳᬶᬩᬸᬩᬢ᭄᭞ᬫᬮᬶᬄᬭᭀᬭᬲ᭄ᬭᬳᬶᬦᬵᬓ᭄ᬦᬶᬗᬫ᭄ᬩᬶᬮ᭄᭞ᬲᬂᬢᬶᬕᬮᬾᬤᬂᬓᬮᬗ᭄ᬓᬸᬂ᭞ᬫᬳ᭄ᬭᬶᬬᬸᬓ᭄ᬳᬶᬤᬵᬜᭂᬫ᭄ᬩᬄ᭞ᬭᬶᬂᬭᬓᬦ᭄ᬥᬵᬢᬶᬢ᭄ᬬᬂᬲᬳᬶᬭᬶᬂᬧᬸᬓᬸᬮᬸᬦ᭄᭞ᬲᬂᬦᬵᬣᬫᬫᬢᬸᬢ᭄ᬲᬫ᭄ᬬᬦ᭄᭞ᬕᬸᬮᬸᬓ᭄ᬩᬩᬯᭀ
ᬲ᭄ᬥᬵᬲᬫᬶ᭟ᬲᬕᬾᬢ᭄ᬓᬢᬹᬃᬧᬗ᭄ᬯᬾᬤᬗᬦ᭄᭞ᬢᬦᬦᬗ᭄ᬲᬮ᭄ᬳᬦ᭄ᬓᭀᬘᬧ᭄ᬳᬸᬲᬦ᭄ᬫᬗ᭄ᬓᬶᬦ᭄᭞ᬓᬬᬂᬧᬗᬶᬭᬶᬗᬾᬲᬵᬫ᭄ᬧᬸᬦ᭄᭞ᬳᬶᬤᬵᬳᬶᬤ᭄ᬯᬕᬸᬂᬩ᭄ᬬᬂ᭞ᬭᬶᬂᬓᬸᬭᬶᬧᬦ᭄ᬫᬗ᭄ᬭᬜ᭄ᬚᬶᬂᬳᬶᬤᬵᬳᬶᬤ᭄ᬯᬕᬸᬂ᭞ᬫᬭᬦᬶᬦ᭄ᬳᬬᬢ᭄ᬫᬦ᭄ᬢᬸᬦ᭄ᬥᬵ᭞ᬯᬸᬲ᭄ᬳᬶᬓ
ᬫᬵᬃᬳᬶᬤᬵᬫᬗ᭄ᬓᬶᬦ᭄᭟ᬦᬾᬤᬶᬓᬫᬃᬫᬓᬶᬲ᭄ᬮᬦ᭄᭞ᬳᬶᬤᬾᬯᬕᬸᬂᬩ᭄ᬬᬂᬓᬸᬭᬶᬧᬦ᭄ᬫᬗ᭄ᬓᬶᬦ᭄᭞ᬦᭂᬲᭂᬓ᭄ᬳᬬᬢ᭄ᬫᬦ᭄ᬢᬸᬲᬵᬫ᭄ᬧᬸᬦ᭄᭞ᬗᬦ᭄ᬤᬶᬓᬵᬲᬵᬃᬯ᭄ᬯᬶᬗᬸᬲᬧ᭄᭞ᬫᬾᬄᬦᬓᬕᬸᬂᬤᬵᬢᬦ᭄ᬥ᭄ᬭᬸᬄᬳ᭄ᬬᬘᬢ᭄ᬭᬶᬓ᭄ᬢᬸᬤᬸᬄ᭞ᬓᬾᬯᬮᬮ᭄ᬕᬬᬂᬧᬶ
[᭗᭐ 70 A]
ᬲᬦ᭄᭞ᬗ᭄ᬮᬄᬫᬾᬫᬾᬍᬩᬶᬄᬫᬶᬲ᭄ᬓᬶᬦ᭄᭟ᬢᬸᬦᬬᬦ᭄ᬫᬓ᭄ᬚᬂᬓ᭄ᬚᬂ᭞ᬲᬚᬯᬦᬶᬂᬳᬯᬓ᭄ᬢ᭄ᬬᬗᬾᬳᭂᬗ᭄ᬕᬶᬄ᭞ᬳᬶᬭᬢᬸᬜ᭄ᬯᬂᬦᬓᬕᬸᬂ᭞ᬚ᭄ᬮᬾᬫ᭄ᬮᬄᬩᬦ᭄ᬳᬶᬤᬵ᭞ᬩ᭄ᬯᬶᬦᬶᬓᬶᬯᬢᭂᬓ᭄ᬳᬶᬤᬍᬫ᭄ᬦᬓᬕᬸᬂ᭞ᬫᬓ᭄ᬚᬂᬭᬢᬸᬗ᭄ᬮᬳᬂ᭞ᬢ᭄ᬬᬂᬫᬜ᭄ᬭᬳᬂᬚᬦᬶ᭟ᬯᬢᭂᬓ᭄ᬳᬶᬤ
ᬍᬫᬜᭂᬫ᭄ᬩᬄ᭞ᬲᬮᬶᬂᬢᬶᬫ᭄ᬩᬮ᭄ᬢᬶᬢ᭄ᬬᬂᬢ᭄ᬮᬲᬳᬶᬭᬶᬂ᭞ᬫᬮᬶᬄᬜᭂᬫ᭄ᬩᬄᬳᬶᬤᬵᬫᬢᬸᬃ᭞ᬭᬶᬂᬳᬶᬤᬵᬤᬲᬂᬤ᭄ᬬᬄ᭞ᬭᬢ᭄ᬦᬵᬚ᭄ᬯᬶᬢ᭄ᬣᬵᬳᬶᬫᬸᬢᭂᬃᬫᬜᭂᬫ᭄ᬩᬄᬫᬶᬮᬸ᭞ᬳᬢᬹᬃᬳᬶᬤᬵᬧᬧᬢᭂᬗᬦ᭄᭞ᬧᬥᬗ᭄ᬢᬸᬲ᭄ᬓᬬᬸᬦ᭄ᬯ᭄ᬬᬓ᭄ᬢᬶ᭟ᬤᬾᬯᬕᬸᬂᬢ᭄ᬭᬶᬫᬵᬧᬶ
ᬲᬦ᭄᭞ᬭᬢᬸᬢᬶᬢ᭄ᬬᬂᬗᬢᬸᬭᬂᬤᬾᬯᬾᬓ᭄ᬯ᭄ᬬᬓ᭄ᬢᬶ᭞ᬭᬢ᭄ᬦᬵᬚ᭄ᬯᬶᬢᬢᬦ᭄ᬧᬲᬯᬸᬃ᭞ᬦᬾᬦ᭄ᬢᭂᬦ᭄ᬓᬬᬸᬦ᭄ᬫᬦᬶᬫ᭄ᬩᬮ᭄᭞ᬮᬶᬦ᭄ᬢᬂᬲᭂᬲᭂᬓᬬᬸᬦ᭄ᬲᬂᬫᬡᬶᬓᬶᬂᬭᬸᬫ᭄ᬭᬸᬫ᭄᭞ᬳᬧᬦ᭄ᬢᬸᬳᬸᬭᬚᬵᬓᬦ᭄ᬬ᭞ᬲᬕᬾᬢ᭄ᬧᬸᬓᬸᬮᬶᬫᬵᬦᬫ᭄ᬧᬶ᭟ᬦᬾᬤᬶ᭠
ᬳᬫ᭄ᬩᬾᬦ᭄ᬲᬫᬶᬩᬸᬤᬮ᭄᭞ᬦᬾᬦᬾᬧᬢᬸᬢ᭄ᬲᬫ᭄ᬧᬸᬦ᭄ᬜᭂᬫ᭄ᬩᬄᬫᬧᬫᬶᬢ᭄᭞ᬧᬤᬗᬸᬗ᭄ᬲᬶᬳᬸᬗ᭄ᬕ᭄ᬯᬦ᭄ᬲᬵᬫ᭄ᬧᬸᬦ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶᬧᬦ᭄᭞ᬫᬗ᭄ᬕᭂᬄᬳᬶᬤᬵᬭᬶᬂᬳᬬᬢ᭄ᬫᬦ᭄ᬢᬸᬦ᭄ᬳᬶᬤ᭄ᬯᬕᬸᬂ᭞ᬲᬓᬮᬶᬄᬳᬶᬫᬸᬢᭂᬃᬢᬗ᭄ᬲᬄ᭞ᬗ᭄ᬮᬮᬶᬧᬸᬃᬲᬂᬭᬚ
Kaca:Bali-lontar-gaguritan-twan-raja-300ppi.pdf/70
Kaca puniki sampun kauji-wacén
