[᭖᭘ 68 B]
᭖᭘
ᬧᬦ᭄ᬳᬶᬤᬵᬓᬢᬄ᭞ᬳ᭄ᬦᭂᬗᬂᬤᬶᬓᬫᬃᬚᬦᬶ᭟ᬦᬾᬤᬶᬦᬢᬄᬘᬭᬶᬢᬬᬂ᭞ᬳᬶᬤᬾᬯᬕᬸᬂᬩ᭄ᬬᬂᬓᬸᬭᬶᬧᬦ᭄ᬫᬗ᭄ᬓᬶᬦ᭄᭞ᬗᬫ᭄ᬩᬶᬮ᭄ᬢᬗᬦ᭄ᬳᬭᬶᬲᬵᬫ᭄ᬧᬸᬦ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬤ᭄ᬳᬵ᭞ᬤᬵᬲᬂᬦᬵᬣᬓᬸᬭᬶᬧᬦ᭄ᬢᬗ᭄ᬲᬄᬫᬦ᭄ᬫ᭄ᬩᬸᬢ᭄᭞ᬢᬗᬦ᭄ᬲᬂᬦᬵᬣᬤᬶᬤ᭄ᬳᬵ
᭞ᬧᬢᭂᬄᬧᬦ᭄ᬤᬶᬓᬵᬲᬂᬓᬮᬶᬄ᭟ᬧᬥᬗ᭄ᬢᬸᬲ᭄ᬓᬬᬸᬦ᭄ᬧᬶᬲᬦ᭄᭞ᬳᬤᬶᬕᬸᬂᬫᬵᬃᬕᬶᬄᬫ᭄ᬦᬾᬓ᭄ᬦᬾᬫᬗ᭄ᬓᬶᬦ᭄᭞ᬭᬳᬶᬓᬮᬶᬄ᭠ᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬢᬶᬢ᭄ᬬᬂᬲᬳᬶᬭᬶᬂᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬦᬾᬳᬓᬾᬄᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬭᬓᬭᬓᬦ᭄ᬥᬵᬫ
ᬗ᭄ᬕᬸᬢᬦ᭄᭞ᬢᬦ᭄ᬓᭀᬘᬧ᭄ᬲᬫᬶᬫᬮᬶᬗ᭄ᬕᬶᬄ᭟ᬳᬶᬫᬸᬢᭂᬃᬗ᭄ᬭᬭᬶᬲ᭄ᬓᬓᬫᬃ᭞ᬓᬳᬶᬭᬶᬂᬩᬦ᭄ᬳᬶᬧᬾᬦ᭄ᬳᬶᬤᬦᬾᬲᬫᬶ᭞ᬯᬸᬲ᭄ᬭᬯᬸᬄᬫᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬭᬶᬂᬳᬶᬤᬭᬢ᭄ᬦᬚ᭄ᬯᬶᬢ᭞ᬭᬢ᭄ᬦᬚ᭄ᬯᬶᬢ᭄ᬣᬦᬾᬦ᭄ᬢᭂᬦ᭄ᬧᬶᬲᬦ᭄ᬳᬶᬤᬵᬓᬬᬸᬦ᭄᭞ᬦ᭄ᬭᬶᬫᬲᭂᬫ᭄ᬩᬄᬤᬲᬫ᭄ᬬᬦ᭄᭞
ᬢᬸᬗ᭄ᬓᬸᬮ᭄ᬳᬶᬤᬵᬩ᭄ᬓᬸᬢ᭄ᬦᬗᬶᬲ᭄᭟ᬢᬗ᭄ᬲᬄᬜᬸᬗ᭄ᬓᭂᬮ᭄ᬭᬶᬂᬧᬗ᭄ᬓᭀᬦᬦ᭄᭞ᬰ᭄ᬭᬶᬫᬤᬾᬯᬶᬤᬶᬓᬫᬃᬳ᭄ᬦᭂᬗᬂᬚᬦᬶ᭞ᬦᬾᬤᬶᬳᬫ᭄ᬩᬾᬦ᭄ᬓᭀᬘᬧ᭄ᬫᬮᬸ᭞ᬲᬂᬦᬵᬣᬕᬸᬩ᭄ᬢᬂ᭞ᬭᬶᬂᬓᬸᬭᬶᬧᬦ᭄ᬕᭂᬫ᭄ᬩᭂᬂᬢᬗᬶᬲ᭄ᬗᬦ᭄ᬤᬶᬓᬵᬮᬸᬲ᭄᭞ᬭᬶᬂᬳᬶᬤᬵᬳᬶᬤ᭄ᬯᬕᬸᬂᬤ᭄ᬳᬵ᭞ᬭᬶᬂᬳᬶ
[᭖᭙ 69 A]
ᬤ᭄ᬯᬕᬸᬂᬫᬥᬾᬫᬮᬶᬄ᭟ᬫᬾᬄᬤᬶᬬᬕᬸᬂᬜᬫᬦ᭄ᬢ᭄ᬬᬂ᭞ᬧᬦᬓ᭄ᬤᬤᬶᬢᬸᬦᬲ᭄ᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬭᬶᬂᬳᭀᬓᬫᬾᬳᬦᬓᬕᬸᬂ᭞ᬳᬶᬬᬤᬶᬢᬸᬦᬲ᭄ᬢ᭄ᬬᬂ᭞ᬗ᭄ᬳᬶᬂᬳᬫ᭄ᬧᬸᬭᬳᬤᬶᬗ᭄ᬮᬄᬜᬫᬮᬘᬸᬃ᭞ᬓᬚᬦ᭄ᬢᬓᬦᬶᬗ᭄ᬕᬮ᭄ᬤᬾᬰᬵ᭞ᬭᬶᬂᬳᬶᬤ᭄ᬯᬕᬸᬂᬫᬥᬾᬫ
ᬮᬶᬄ᭟ᬳᬦᬓᬕᬸᬂᬮᬘᬸᬃᬧᬶᬲᬦ᭄᭞ᬗ᭄ᬮᬄᬳ᭄ᬯᬓᬮᬶᬄᬫᬶᬲᬦ᭄ᬢᬦ᭄ᬓᬤᬶ᭞ᬍᬕᬬᬂᬧᬶᬲᬦᬓᬕᬸᬂ᭞ᬢᬸᬦᬫᬓ᭄ᬚᬂᬓ᭄ᬚᬂ᭞ᬲᬓᬶᬂᬩᬮᬶᬫᬜᭂᬫ᭄ᬩᬄᬳᬶᬤᬫᬫᬢᬸᬢ᭄᭞ᬧᬢᭂᬄᬳᬢᬸᬃᬲᬮᬶᬂᬢᬶᬫ᭄ᬩᬮ᭄᭞ᬓ᭄ᬦᬶᬫᬗᬫ᭄ᬧᬸᬭᬵᬯ᭄ᬬᬓ᭄ᬢᬶ᭟ᬲᬂᬢᬶᬕ᭄ᬕᬵᬕ᭄ᬮᬶᬲ᭄ᬫᬜᭂ
ᬫ᭄ᬩᬄ᭞ᬭᬶᬂᬭᬓᬦ᭄ᬥᬵᬳ᭄ᬯᬦ᭄ᬥᬵᬫᬶᬦᬓᬤᬶ᭞ᬲᬵᬫ᭄ᬧᬸᬦ᭄ᬫᬜ᭄ᬚᬗᬂᬤᬾᬯᬕᬸᬂ᭞ᬘᭂᬦ᭄ᬤᭂᬢᬶᬢ᭄ᬬᬂᬗᬢᬸᬯᭂᬭᬂ᭞ᬬᬦ᭄ᬓᬧᬢᬸᬢ᭄ᬧᬫᬦᬄᬢᬶᬢ᭄ᬬᬂᬤᬾᬯᬕᬸᬂ᭞ᬭᬾᬄᬲᬵᬫ᭄ᬧᬸᬦ᭄ᬜᬦ᭄ᬤᬂᬲᬫ᭄ᬬᬦ᭄᭞ᬓ᭄ᬦᬶᬳᬶᬧᬸᬦ᭄ᬗᬦ᭄ᬢᬾᬦ᭄ᬲᬫᬶ᭟ᬳᬶᬤᬵᬲᬂᬦᬵ
ᬯᬾᬂᬕᬕ᭄ᬮᬂ᭞ᬲᬶᬗ᭄ᬳᬵᬲᬭᬶᬕ᭄ᬮᬶᬲ᭄ᬜᭂᬫ᭄ᬩᬄᬫ᭄ᬭᬶᬬᬸᬓᬶᬦ᭄᭞ᬧᬢᭂᬄᬳᬢᬸᬭᬾᬫᬫᬢᬸᬢ᭄᭞ᬭᬾᬳᬵᬳᬶᬤᬵᬲᬮᬶᬂᬢᬸᬦᬲ᭄᭞ᬤᬵᬲᬂᬦᬵᬣᬓᬸᬭᬶᬧᬦ᭄ᬘᭂᬦ᭄ᬤᭂᬢ᭄ᬫᬲᬳᬸᬃ᭞ᬗ᭄ᬕᬶᬄᬬᬾᬦ᭄ᬓᬾᬢᭀᬧᬥᬚ᭄ᬯᬂ᭞ᬢ᭄ᬬᬂᬢ᭄ᬯᬭᬵᬮᬦ᭄ᬢᬂᬩ᭄ᬯᬶᬦ᭄
Kaca:Bali-lontar-gaguritan-twan-raja-300ppi.pdf/69
Kaca puniki sampun kauji-wacén
