[᭖᭗ 67 B]
᭖᭗
ᬫ᭄ᬧᬸᬦ᭄᭞ᬫᬱ᭄ᬝᬸᬧᬸᬗ᭄ᬓᬸᬩᬕᬯᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬳᬸᬧᬓᬵᬭᬦ᭄ᬳᬶᬤ᭄ᬯᬕᬸᬂ᭞ᬩ᭄ᬤᬶᬮ᭄ᬕᭀᬂᬫᬫ᭄ᬩᬸᬃᬢᬦ᭄ᬧ᭄ᬕᬢ᭄᭞ᬓᬮᬶᬄ᭠ᬓᬸᬮ᭄ᬓᬸᬮᬶᬦ᭄ᬢᬂᬳᬢ᭄ᬭᬶ᭟ᬚᬦ᭄ᬫᬵᬦᬾᬢᭀᬂᬩᬓᬢ᭄ᬳᬾᬢᬂ᭞ᬳ᭄ᬮᬾᬦ᭄ᬫᬘᭂᬫᬘᭂᬫ᭄ᬲᬯ᭄ᬬᬓ᭄ᬢᬶ᭞ᬚᬢᬶᬢᬸᬗ᭄ᬕᬶᬮ᭄ᬫᬱ᭄ᬝᬸᬧᬸᬗ᭄ᬓᬸ᭞ᬭᬯᬸᬄ
ᬳᬶᬤᬵᬪᬕᬯᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬳᬸᬧᬘᬭᬦᬶᬂᬭᬵᬢᬸ᭞ᬫᬸᬜᬶᬢᬸᬶᬦ᭄ᬚ᭄ᬭᬦᬢ᭄ᬗ᭄ᬭᬲᬂᬫᬦᬄ᭞ᬢᬦ᭄ᬓᭀᬘᬧᬵᬳᬸᬲᬦ᭄ᬫᬗ᭄ᬓᬶᬦ᭄᭟ᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬳᬶᬤᬾᬯᬕᬸᬂᬫᬸᬱ᭄ᬝᬧᬵᬫᬶᬦᬓᬤᬶ᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬫᬢᬸᬃ᭞ᬭᬶᬂᬳᬶ
ᬤᬵᬰ᭄ᬭᬶᬪᬕᬯᬦ᭄᭞ᬓ᭄ᬦᬶᬳᬶᬤᬵᬜᬯᬾᬘᬦᬶᬦ᭄ᬫᬮᬶᬄᬭᬯᬸᬄ᭞ᬜᬬᬚᬬᬤᬵᬳᬭᬶᬦ᭄ᬥᬵ᭞ᬦᬾᬫᬮᬶᬄᬳᬓᬸᬢᬸᬲ᭄ᬯ᭄ᬗᬶ᭟ᬓᬢᬸᬃᬧᬘᬂᬧᬩᬸᬜ᭄ᬘᬶᬗᬦ᭄᭞ᬲᬸᬭᬤᬤᬸᬓ᭄ᬦᬶᬓᬓᬧᬮ᭄ᬫᬗ᭄ᬓᬶᬦ᭄᭞ᬦᬵᬗ᭄ᬳᬶᬂᬤᬶᬧᬲᬶᬄᬫᬜ᭄ᬘ᭄ᬬᬸ᭞ᬓᬧᬮ᭄ᬳᬶᬤᬦᬾᬲᬫ᭄ᬬ
ᬦ᭄᭞ᬓ᭄ᬦᬶᬫᬗ᭄ᬕᭂᬄᬦᬾᬓᬤᬯᬸᬄᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬓᬮᬶᬄᬢᬫ᭄ᬬᬸᬢᬦ᭄ᬢᬸᬮᬓ᭄᭞ᬫᬳᬯᬦᬦ᭄ᬫᬗ᭄ᬕᭂᬄᬲᬫᬶ᭟ᬳᬬᬢ᭄ᬳᬶᬤᬾᬯᬕᬸᬂᬧᬸᬢᬺ᭞ᬲᬓᬶᬂᬩᬮᬶᬧᬶᬦᭂᬄᬭᬶᬂᬳᬶᬦ᭄ᬫᬩᬸᬜ᭄ᬘᬶᬂ᭞ᬓᬮᬶᬄᬲᬵᬫ᭄ᬧᬸᬦ᭄ᬳᬶᬤᬵᬫᬢᬸᬃ᭞ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬭᬶᬂᬳᬚᬶᬩ᭄ᬬᬂ
[᭖᭘ 68 A]
ᬤᬵᬳᭂᬗ᭄ᬲᭂᬓᬮᬗ᭄ᬓᬸᬂ᭞ᬢᭀᬂᬯᬶᬓᬦ᭄ᬫᬲᬯᬸᬃᬳᬶᬤᬵ᭞ᬓᬮᬶᬄᬚ᭄ᬭᬶᬄᬫᬫᬶᬯᬮᬶᬦ᭄᭟ᬩ᭄ᬬᬂᬤᬵᬕᬾᬕᬲ᭄ᬫᬦᬶᬫ᭄ᬩᬮ᭄᭞ᬦᬄᬲᬭᬡᬵᬳᬶᬕ᭄ᬬᬸᬃᬲᬸᬩᬚᬦᬶ᭞ᬳᬶᬭᬢᬾᬍᬩᬶᬄᬲᬢᬸᬭᬸᬢ᭄᭞ᬚ᭄ᬮᬾᬫ᭄ᬮᬄᬩᬳᬦ᭄ᬧᬦᬓ᭄᭞ᬲᬕᬾᬢ᭄ᬗᬺᬤᭂᬕ᭄ᬳᬭᬶᬭᬓᬦ᭄ᬥᬵᬭ
ᬯᬸᬄ᭞ᬭᬾᬄᬧᬘᬂᬦᬸᬦᬲ᭄ᬗᬃᬲᬬᬂ᭞ᬭᬵᬢ᭄ᬦᬚ᭄ᬯᬶᬢ᭄ᬣᬵᬲᬦᬾᬫᬗ᭄ᬓᬶᬦ᭄᭟ᬓᬳᬶᬭᬶᬂᬳᬦ᭄ᬢᬸᬓ᭄ᬳᬦᬓ᭄ᬥᬵ᭞ᬮᬦᬂᬳᬶᬲ᭄ᬢ᭄ᬭᬶᬳᬶᬤ᭄ᬯᬕᬸᬂᬧᬸᬢᬺᬓᬮᬶᬄ᭞ᬤ᭄ᬯᬕᬸᬂᬫᬸᬢᭂᬃᬢᬦᬓᬦ᭄ᬢᬸᬦ᭄᭞ᬲᬵᬫ᭄ᬧᬸᬦ᭄ᬗᬶᬭᬶᬂᬩ᭄ᬬᬂᬤᬵ᭞ᬰ᭄ᬭᬶᬫᬤᬾᬯᬶᬧᬺᬧᬸᬢ᭄ᬭᬶᬗᬶᬭᬶᬂᬫᬩ᭄ᬭᬶᬬᬸᬓ᭄᭞ᬲᭂᬭ
ᬗᬦ᭄ᬳᬶᬤ᭄ᬯᬕᬸᬂᬧᬸᬢᬺ᭞ᬭᬾᬄᬧᬘᬂᬓᬲ᭄ᬭᬄᬲᬫᬶ᭟ᬭᬶᬂᬳᬶᬤᬵᬲᬂᬭᬢ᭄ᬦᬵᬚ᭄ᬯᬶᬢ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬕ᭄ᬥᭀᬂᬕ᭄ᬥᬄᬯ᭄ᬬᬓ᭄ᬢᬶ᭞ᬤᬵᬲᬂᬦᬵᬣᬤ᭄ᬳᬢ᭄ᬥᬸᬦ᭄᭞ᬓᬮᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬳᬶᬤᬾᬯᬕᬸᬂᬫᬥᬾᬧᬮᬶᬂᬕᬗ᭄ᬲᬃᬢ᭄ᬥᬸᬦ᭄᭞ᬳᬶᬤᬵᬲᬂᬭᬵᬢ᭄ᬦ
ᬚ᭄ᬯᬶᬢ᭄ᬣᬵ᭞ᬭᬶᬂᬓᬫᬃᬳᬶᬤᬫ᭄ᬦᬗᬶᬲ᭄᭟ᬭᬾᬄᬳᬶᬤᬵᬢ᭄ᬭᬂᬫ᭄ᬬᬃᬱᬵ᭞ᬳᬢᬸᬃᬭᬓᬵᬭᬶᬂᬩ᭄ᬬᬂᬓᬮᬶᬄᬳᬚᬶ᭞ᬳᬯᬦᬦ᭄ᬲᭂᬲᭂᬓ᭄ᬤᬶᬓᬬᬸᬦ᭄᭞ᬳᬓᬾᬄᬗᬶᬭᬶᬂᬤᬶᬓᬫᬵᬃ᭞ᬰ᭄ᬭᬶᬫᬤᬾᬯᬶᬤ᭄ᬳᬗᬫᭂᬃᬳᬶᬤᬲᬫ᭄ᬧᬸᬦ᭄᭞ᬓᬮᬶᬄᬳᬶ
Kaca:Bali-lontar-gaguritan-twan-raja-300ppi.pdf/68
Kaca puniki sampun kauji-wacén
