[᭗᭒ 72 B]
᭗᭒
ᬦ᭄ᬩᬶᬦᬵᬳᬦ᭄ᬢᬸᬓ᭄ᬳᬶᬤᬵ᭞ᬭᬶᬂᬳᬶᬫᬸᬢᭂᬃᬧ᭄ᬘᬓ᭄ᬳᬶᬤᬵᬮᬶᬦ᭄ᬢᬂᬳᬦᬸᬢ᭄᭞ᬍᬫᬭᬶᬲᬫᬶᬫᬧᬢ᭄ᬧᬢ᭄᭞ᬲᬯᬯᬳ᭄ᬩᭂᬓ᭄ᬫᬤᬕᬶᬂ᭟ᬗ᭄ᬳᬶᬂᬯᬢᭂᬓ᭄ᬦᬾᬫ᭄ᬮᬄᬫ᭄ᬮᬄ᭞ᬫᬶᬜᬓ᭄ᬧᬾᬦ᭄ᬤᬾᬃᬢᬦ᭄ᬫᬭᬶᬳᬍᬫᬭᬶ᭞ᬢᬦ᭄ᬓᭀᬘᬧᬵᬲᬺᬕᭂᬧ᭄ᬲᬵᬫ᭄ᬧᬸᬦ᭄᭞ᬳᬸᬧᬵ
ᬓᬭᬫᬦ᭄ᬥᬵ᭞ᬲᬕᬾᬢ᭄ᬯ᭄ᬗᬶᬢᬦ᭄ᬓᭀᬘᬧ᭄ᬗᬚ᭄ᬗᬂᬲᬵᬫ᭄ᬧᬸᬦ᭄᭞ᬓᬮᬶᬄᬲᬵᬫ᭄ᬧᬸᬦ᭄ᬲᬸᬋᬧ᭄ᬲᬫ᭄ᬬᬦ᭄᭞ᬲᬕᬾᬢᬦ᭄ᬭᬳᬶᬦᬵᬫᬮᬶᬄ᭟ᬦᬄᬢ᭄ᬯᬭᬵᬜᬦ᭄ᬤᬂᬘ᭄ᬭᬶᬢᬬᬂ᭞ᬧᬤᬭᬶᬚᭂᬓ᭄ᬳᬤᬩᬦ᭄ᬢᭂᬦ᭄ᬓᬋᬧᬶᬦ᭄᭞ᬧ᭄ᬢᭂᬂᬍᬫᬄᬤᬶᬦᬦ᭄ᬫᬸ᭞ᬦᬾᬜᬦᬦ᭄ᬧᬵ
ᬗᬫ᭄ᬩᬶᬮᬦ᭄᭞ᬭᬫᬾᬳᬸᬫ᭄ᬬᬂᬫᬸᬲ᭄ᬢᬧᬵᬓᬮᬶᬄᬫᬜ᭄ᬘ᭄ᬬᬸ᭞ᬚᬦ᭄ᬫᬵᬦᬾᬳᬓᬾᬄᬫᬶᬬᬸᬭᬵᬦ᭄᭞ᬓᬮᬶᬄᬕ᭄ᬥᭀᬂᬗᬧᬶᬢ᭄ᬫᬃᬕ᭄ᬕᬶ᭟ᬫᬫᬲ᭄ᬩᭂᬤᬶᬮ᭄ᬯᬸᬲ᭄ᬫᬓᬦ᭄ᬥᬵ᭞ᬲᬸᬭᬤᬤᬸᬧᬯᬸᬢ᭄ᬫᬦᬶᬓᬸᬮ᭄ᬩᭂᬤᬶᬮ᭄᭞ᬭᬾᬄᬧᬘᬂᬤᬶᬧᬸᬗ᭄ᬓᬸᬃᬢᬫ᭄ᬩᬸᬃ᭞ᬲᬫ᭄ᬧᬸᬦ᭄ᬫᬓᬦ᭄ᬥᬵᬧᬶᬲᬦ᭄᭞ᬚᬸᬮᬶ
ᬓᬺᬩᬸᬂᬧᬢᬸᬢ᭄ᬳᬧᬶᬢ᭄ᬧᬬᬸᬂᬩ᭄ᬬᬸᬃ᭞ᬧᬬᬸᬂᬢᭀᬂᬩᬓᬢ᭄ᬓ᭄ᬦᭂᬳᬂ᭞ᬫᬫᬸᬢᬾᬩᬦ᭄ᬳᬶᬦ᭄ᬢᭂᬦ᭄ᬯ᭄ᬬᬓ᭄ᬢᬶ᭟ᬳ᭄ᬦᭂᬗᬂᬧᬸᬧᬸᬢ᭄ᬫᬤᬩ᭄ᬤᬩ᭄᭞ᬳᬶᬤᬾᬯᬕᬸᬂᬫᬸᬱ᭄ᬝᬧᬫᬳ᭄ᬬᬲ᭄ᬕᭂᬮᬶᬲ᭄᭞ᬧᬗᬗ᭄ᬕᬾᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬧᬺᬧᬸᬢᬻᬫᬗᬦᬸᬢᬂ᭞ᬮᬶᬦ᭄ᬢᬂᬳᬸᬮᬧ᭄
[᭗᭓ 73 A]
ᬳᬲᬶᬂᬜᬶᬗᬓ᭄ᬳᬶᬤᬾᬯᬕᬸᬂ᭞ᬭᬾᬄᬯᬶᬦ᭄ᬢᭂᬦ᭄ᬢᬦ᭄ᬓ᭄ᬦᬳᬾᬢᬂ᭞ᬢᬸᬧᬶᬦ᭄ᬳᬶᬤᬦᬾᬩᬾᬤᬦᬶᬦ᭄᭟ᬫᬯᬸᬯᬸᬄᬩᬕᬸᬲ᭄ᬓᬮᬶᬦ᭄ᬢᬂ᭞ᬘᬬᬦ᭄ᬳᬶᬤᬳ᭄ᬬᬂᬗᬃᬓ᭄ᬓᬵᬓᬲᭀᬃᬯ᭄ᬬᬓ᭄ᬢᬶ᭞ᬭᬶᬂᬘᬳ᭄ᬬᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬧᬸᬧᬸᬢ᭄ᬫᬲ᭄ᬫᬫᬶᬜᬓ᭄᭞ᬧᬺᬧᬸᬢ᭄ᬭᬦᬾᬧᬤᬵ
ᬫᬳ᭄ᬬᬸᬲ᭄ᬫᬩ᭄ᬭᬶᬬᬸᬓ᭄᭞ᬯᬸᬲ᭄ᬧᬸᬧᬸᬢ᭄ᬓᬮᬶᬄᬫᬫᬶᬜᬓ᭄᭞ᬳᬶᬤᬾᬯᬕᬸᬂᬓᭀᬤᬮ᭄ᬕᭂᬮᬶᬲ᭄᭟ᬚᬸᬮᬶᬦ᭄ᬳᬶᬤᬯᬸᬲ᭄ᬲᬬᬕ᭞ᬳᬧᬶᬢ᭄ᬧᬬᬸᬂᬤ᭄ᬬᬃᬱᬵᬢᬫ᭄ᬬᬂᬯ᭄ᬬᬓ᭄ᬢᬶ᭞ᬫᬸᬗ᭄ᬕᬄᬳᬶᬤᬳᬶᬤᬾᬯᬕᬸᬂ᭞ᬧᬭᬧᬸᬢ᭄ᬭᬦᬾᬲᬫ᭄ᬬᬦ᭄᭞ᬫᬩ᭄ᬭᬶᬬᬸᬓ᭄ᬕ᭄ᬮᬶᬲ᭄ᬫᬸᬗ᭄ᬕᬄ᭠
ᬓᬸᬤ᭄ᬥᬵᬲᬫ᭄ᬧᬸᬦ᭄᭞ᬳᬶᬤᬾᬯᬕᬸᬂᬯᬸᬲ᭄ᬫᭂᬧᬲᬂ᭞ᬧᬗᬫ᭄ᬧᬂᬳᬫ᭄ᬧᬂᬫᬫᬵᬃᬕ᭄ᬕᬶ᭟ᬲᬧᬗᬶᬭᬶᬂᬯᬸᬲ᭄ᬓᬢᬶᬩᬦ᭄᭞ᬳᬱ᭄ᬝ᭄ᬭᬫᬵᬦ᭄ᬢ᭄ᬭᬧᬦ᭄ᬮᬶᬦ᭄ᬢᬂᬲᬶᬤ᭄ᬥᬶᬫᬦ᭄ᬤᬶ᭞ᬕ᭄ᬮᬶᬲ᭄ᬳᬶᬤᬵᬫᬤᬤᬯᬸᬄ᭞ᬓ᭄ᬦᬶᬫᬗ᭄ᬓᬶᬦ᭄ᬫᬫᬵᬃᬕ᭄ᬕ᭞ᬲᬵᬫ᭄ᬧᬸᬦ᭄ᬘᬸᬦ᭄ᬤᬸᬓ᭄ᬫᬫᬵᬃᬕ᭄ᬕᬶᬫᬗ᭄ᬓᬶᬦ᭄ᬫᬩ᭄ᬭᬶᬬᬸ
ᬓ᭄᭞ᬧᬫᬵᬃᬕ᭄ᬕᬶᬲᬓ᭄ᬱᬢ᭄ᬧᬯᬡᬵ᭞ᬳ᭄ᬦᭂᬗᬂᬳ᭄ᬦᬸᬤᬶᬫᬵᬃᬕ᭄ᬕᬶ᭟ᬤᬶᬫᬜ᭄ᬘ᭄ᬬᬸᬘᬭᬶᬢᬬᬂ᭞ᬳᬶᬤᬾᬯᬕᬸᬂᬫᬥᬾᬦᬯᬸᬳᬂᬕ᭄ᬮᬶᬲ᭄᭞ᬯᬢᭂᬓ᭄ᬢᬾᬓᭀᬃᬦᬾᬓᬤᬯᬸᬄᬫᬸᬓᬸᬮ᭄ᬓᬯᬢ᭄ᬓᬓᬧᬮ᭄᭞ᬓ᭄ᬦᬶᬫᬗ᭄ᬓᬶᬦ᭄ᬲᬸᬭᬤᬦ᭄ᬳᬶᬤᬢ᭄ᬥᬸᬦ᭄᭞
Kaca:Bali-lontar-gaguritan-twan-raja-300ppi.pdf/73
Kaca puniki sampun kauji-wacén
