[᭖ 6 B]
᭖
ᬤᬕᬶᬂᬓ᭄ᬦᬶᬗᬶᬭᬶᬂᬲᬫ᭄ᬬᬦ᭄᭞ᬦᬄᬳᬓᬾᬢᭀᬳᬶᬤ᭄ᬯᬕᬸᬂᬮᬦᬂᬫᬗ᭄ᬓᬶᬦ᭄᭞ᬲᬸᬭᬵᬢ᭄ᬳᬶᬤᬵᬗ᭄ᬢᬸᬲ᭄ᬓᬬᬸᬦ᭄᭞ᬓᬢᬹᬃᬢ᭄ᬓᬾᬦ᭄ᬳᬚᬶᬦ᭄ᬥᬵ᭞ᬭᬶᬂᬩ᭄ᬬᬂᬤᬵᬢᬶᬢ᭄ᬬᬂᬫᬧᬫᬶᬢ᭄ᬤᬾᬯᬕᬸᬂ᭞ᬗ᭄ᬭᬶᬳᬶᬦᬶᬜ᭄ᬘᭀᬓᭀᬃᬤᬾᬯ᭞ᬢᬶᬢ᭄ᬬᬂᬧᬘᬂᬫᬫᭂᬦ᭄ᬤᬓᬶᬦ᭄᭟ᬗᬶᬭᬶᬂᬦᬓ᭄ᬘᭀ
ᬓᭀᬃᬳᬶᬤᬾᬯᬣ᭞ᬳᬶᬤᬾᬯᬕᬸᬂᬧᬸᬢ᭄ᬭᬗ᭄ᬭᬕ᭄ᬕᬵᬲᬯ᭄ᬬᬓ᭄ᬢᬶ᭞ᬲᬵᬫ᭄ᬧᬸᬦᬂᬫᭂᬗ᭄ᬕᬄᬤᬾᬯᬕᬸᬂ᭞ᬳᬚᬶᬅ᭄ᬫᬦ᭄ᬢᬸᬓ᭄ᬧᬸᬗ᭄ᬓᬸᬭᬦ᭄᭞ᬦᬄᬳᬓᬾᬢᭀᬲᬸᬭᬢᬾᬦᬾᬧᬘᬂᬓᬢᬹᬃ᭞ᬫᬮᬶᬄᬳᬶᬤᬵᬗᬃᬬ᭄ᬬᬵᬲᬸᬭᬵᬢ᭄᭞ᬧᬘᬂᬭᬶᬂᬢᬢᬕᭀᬦ᭄ᬮᬓᬶ᭟ᬫᬶᬭᬵᬢᬸ
ᬪᬝᬵᬭᬶᬲᬬᬂ᭞ᬢ᭄ᬬᬂᬧᬫᬶᬢ᭄ᬭᬾᬄᬭᬢᬸᬫᬗ᭄ᬭᬶᬳᬶᬦᬶᬦ᭄᭞ᬲᬵᬫ᭄ᬧᬸᬦ᭄ᬫᭂᬗ᭄ᬕᬄᬳᬦᬓᬕᬸᬂ᭞ᬢᬦ᭄ᬲᬓᬾᬂᬢ᭄ᬬᬂᬳ᭄ᬮᬲ᭄᭞ᬫᬗᬮᬳᬶᬦ᭄ᬳᬶᬭᬵᬢᬸᬪᬝᬵᬭᬶᬳᬕᬸᬂ᭞ᬭᬾᬳᬶᬂᬢ᭄ᬬᬂᬓᬢᬓᬸᬢᬦ᭄᭞ᬭᬶᬂᬳᬶᬤ᭄ᬯᬕᬸᬂᬧᬸᬢ᭄ᬭᬯ᭄ᬬᬓ᭄ᬢᬶ᭟ᬲᬗ᭄ᬓᬮᬶᬄᬧᬤᬍ
ᬫ᭄ᬢ᭄ᬬᬂ᭞ᬳᬶᬤᬵᬧᬘᬂᬫᬗ᭄ᬭᬕᬫᬗ᭄ᬓᬶᬦ᭄᭞ᬚᬦᬶᬢᭀᬂᬲᬶᬤ᭄ᬥᬵᬓᬢ᭄ᬧᬸᬓ᭄᭞ᬗᬶᬭᬶᬂᬪᬝᬭᬶᬲᬬᬂ᭞ᬩ᭄ᬯᬶᬦᬯ᭄ᬓᬲ᭄ᬢ᭄ᬓᭂᬤᬶᬢᬸᬳᬦᬓᬕᬸᬂ᭞ᬧᬂᬢ᭄ᬬᬂᬲᬶᬤ᭄ᬥᬫᬋᬓᬦ᭄᭞ᬤᬾᬯᬕᬸᬂᬗᬶᬭᬶᬂᬢ᭄ᬬᬂᬳᬚᬶ᭟ᬧᬸᬧᬸᬢ᭄ᬤᬶᬢ᭄ᬗᬄᬳᬶᬂᬳᭀᬫ᭞ᬭᬵᬢᬸᬢᬶᬢ᭄ᬬᬂᬫᬦ
[᭗ 7 A]
ᬤᬓ᭄ᬪᬝᬵᬭᬶᬭᬢᬶᬄ᭞ᬧᬢᬸᬭᬸᬅᬢ᭄ᬫᬵᬓᬢ᭄ᬧᬸᬓ᭄᭞ᬳᬓᬾᬢᭀᬫᬸᬜᬶᬦ᭄ᬲᬸᬭᬵᬢ᭄᭞ᬕ᭄ᬮᬶᬲ᭄ᬳᬶᬤᬵᬗᬢᬸᬭᬂᬭᬶᬂᬭᬓᬲᭀᬫ᭄ᬧᬸᬦ᭄᭞ᬳᬶᬤᬵᬳᬶᬤᬾᬯᬕᬸᬂᬧᬸᬢᬺ᭞ᬗᬫ᭄ᬩᬶᬮᬶᬦ᭄ᬲᬳᬵᬫᬳᭀᬲᬶᬦ᭄᭟ᬓᬧᬢᬸᬢ᭄ᬳᬦ᭄ᬢᬸᬓ᭄ᬭᬓᬦ᭄ᬥᬵ᭞ᬤᬵᬭᬓ
ᬦ᭄ᬤᬵᬫᬗᬶᬘᬾᬦ᭄ᬲᬸᬭᬵᬫᬗ᭄ᬓᬶᬦ᭄᭞ᬦᬾᬩᬮᬶᬳᬶᬦ᭄ᬳᬦᬓᬕᬸᬂ᭞ᬓᬾᬦ᭄ᬓᬾᬦ᭄ᬳᬤᬧ᭄ᬮᬶᬳᬵ᭞ᬤᬳᬭᬶᬦ᭄ᬤᬵᬫᬫᬶᬢᬂᬫᬫᬯᭀᬲ᭄ᬲᬵᬫ᭄ᬧᬸᬦ᭄᭞ᬯᬸᬲᬮᬶᬂᬢᬭᬾᬓᬶᬦ᭄ᬲᬸᬭᬵᬢ᭄᭞ᬳᬭᬶᬦ᭄ᬤᬵᬫᬫᬢᬸᬢ᭄ᬯ᭄ᬬᬓ᭄ᬢᬶ᭟ᬲᬸᬭᬵᬢ᭄ᬳᬶᬤ
ᬦᬾᬭᬓᬦ᭄ᬤᬵ᭞ᬲᬸᬭᬵᬢ᭄ᬲᬫᬶᬭᬶᬂᬫᬾᬚᬕ᭄ᬦᬄᬯ᭄ᬬᬓ᭄ᬢᬶ᭞ᬳᬭᬶᬦ᭄ᬤᬵᬜᭂᬫ᭄ᬩᬄᬫᬳᬢᬸᬃ᭞ᬤᬾᬯᬕᬸᬂᬤᬶᬚᬕ᭄ᬦᬄ᭞ᬧᬘᬂᬧᬸᬧᬸᬢ᭄ᬭᬓᬦ᭄ᬥᬵᬦᬶᬫ᭄ᬩᬮ᭄ᬫᬫ᭄ᬓᬸᬮ᭄᭞ᬩ᭄ᬢᬾᬦ᭄ᬢᭀᬗᭀᬲ᭄ᬫᬢᬶᬲᬬᬂ᭞ᬫᬗ᭄ᬤᬲᬗᭂᬢ᭄ᬫᬗᭀᬢᭀᬭᬶᬦ᭄᭟
ᬭᬾᬄᬧ᭄ᬤᭂᬫᬦ᭄ᬳᬦᬓ᭄ᬫ᭄ᬮᬄ᭞ᬤᬵᬫᬕᬍᬂᬭᬾᬳᬶᬂᬳᬯᬓ᭄ᬫᬗᭂᬫ᭄ᬧᬶ᭞ᬳᬫ᭄ᬧᬸᬭᬵᬭᬾᬄᬳᬯᬓ᭄ᬮᬘᬹᬃ᭞ᬧ᭄ᬭᬫᬶᬤᬫᬶᬓ᭄ᬮᬢᬂ᭞ᬧᬂᬓᬶᬓᬶᬢᬦ᭄ᬫᬗᬳᬾᬦᬂᬳᬦᬓ᭄ᬢᬸᬬᬸᬄ᭞ᬭᬾᬄᬲᬸᬩᬜ᭄ᬩᭂᬮᬶᬦ᭄ᬳᬸᬫᬄ᭞ᬳᬭᬶᬦ᭄ᬚᬵᬜᭂᬫ᭄ᬩᬄᬲᬳᬶᬭᬶᬂ᭟ᬕ᭄ᬮᬶ
Kaca:Bali-lontar-gaguritan-twan-raja-300ppi.pdf/7
Kaca puniki sampun kauji-wacén
