[᭕ 5 B]
᭕
ᬗᬳᬾᬳᬶᬩᬸᬓ᭄᭞ᬓ᭄ᬭᬡᬢᬶᬢ᭄ᬬᬂᬳᬸᬤᬸᬄᬧᬮᬶᬸᬤᬶᬤᬶ᭞ᬩᬸᬤᬸᬄᬗᭂᬦ᭄ᬳᬂᬳᬶᬤᬵ᭞ᬳᬶᬭᬢᬸᬢᭀᬂᬓᬬᬸᬦ᭄᭞ᬦᬶᬫ᭄ᬩᬮᬶᬦ᭄ᬩᬦ᭄ᬢᬲ᭄ᬘᬵᬘᬶᬗᬓ᭄᭞ᬢ᭄ᬯᬄᬢᬾᬬᬓ᭄ᬢᬶ᭞ᬭᬩᬶᬦ᭄ᬪᬝᬭᬶᬗᬾᬤᬦᬶᬦ᭄᭞ᬩᬕᬸᬲ᭄ᬜᬶᬲᬬᬂᬭᬭᬲ᭄᭟ᬳᬓ᭄ᬚᬬᬢᬹᬃᬓᬾᬫ᭄ᬩᬂᬫᬦᬶᬲ᭄᭞ᬯᬵᬱ᭄ᬝ
ᬦ᭄ᬢᬶᬢ᭄ᬬᬂ᭞ᬚᬢ᭄ᬫᬵᬦ᭄ᬤᭀᬓᭂᬦ᭄ᬤᭀᬓᬦ᭄᭞ᬤᬸᬲᬸᬦ᭄ᬧᬶᬂᬓᬮᬶᬄᬦᬶᬱ᭄ᬝᬦᬾ᭞ᬜᬦ᭄ᬤᬂᬦᬵᬣᬭᬶᬂᬳᬕᬸᬂ᭞ᬦᬾᬦ᭄ᬢᭂᬦ᭄ᬲᬤᬶᬫᬧᬧᬲ᭄ᬳᬓ᭄ᬱᬶ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬧ᭄ᬚᬄ᭞ᬳᬸᬲᬦ᭄ᬲ᭄ᬩᭂᬢ᭄ᬓᬬᬸᬦ᭄᭞ᬭᬾᬳᬶᬂᬢᬶᬢ᭄ᬬᬂᬫᬢᬯᬦᬦ᭄᭞ᬭᬵᬢᬸᬫᭂᬗ᭄ᬕᬄ᭞ᬭᬾᬄᬭᬓᬦ᭄ᬪ
ᬝᬵᬭᬶᬭᬢᬶᬄ᭞ᬢᬶᬢ᭄ᬬᬂᬲ᭄ᬭᬶᬂᬫᬗᬚᬓ᭄᭟ᬫᬗᬮᬶᬗᬦ᭄ᬮᬾᬤᬗᬾᬳᬶᬫᬡᬶᬓ᭄᭞ᬳᬚᬓ᭄ᬭᬓᬵ᭞ᬓ᭄ᬭᬡᬭᬵᬢᬸᬳᬶᬤᬵ᭞ᬗ᭄ᬯᬍᬲ᭄ᬩᭂᬓᬧ᭄ᬭᬓᬦᬾ᭞ᬗᬸᬮᬸᬭᬶᬦ᭄ᬮᬾᬤᬂᬓᬬᬸᬦ᭄᭞ᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬢ᭄ᬬᬂᬫᬢᬶ᭞ᬧᬂᬲᬸᬯᬸᬤ᭄ᬓᬧ᭄ᬭᬩᬸᬢᬦ᭄᭞ᬲᬓᬾᬯᬦ᭄ᬢᭂᬦ᭄ᬭᬢᬸ᭞
ᬧᬶᬦᬸᬦᬲ᭄ᬢ᭄ᬬᬗᬾ ᬫᬶᬭᬄ᭞ᬳᬧᬂᬳᬶᬤᬵ᭞ᬲᬫᬢᬺᬳᬰᬶᬄᬭᬾᬄᬫᬢᬶ᭞ᬫᬗᬓ᭄ᬱᬶᬩᬦ᭄ᬓᬾᬦ᭄ᬢᬶᬢ᭄ᬬᬂ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬸᬭᬵᬢ᭄ᬳᬶᬤᬵᬯ᭄ᬬᬓ᭄ᬢᬶ᭞ᬭᬶᬂᬲᬂᬤ᭄ᬬᬄ᭞ᬕ᭄ᬮᬶᬲ᭄ᬫᬗᭂᬦᬳᬂ᭞ᬢᬦ᭄ᬫᬭᬶᬤᬸᬳᬸᬃᬫᬾᬚᬦᬾ᭞ᬭᬭᬶᬲ᭄ᬗᬦ᭄ᬤᬶᬓᬵᬳᬮᬸᬲ᭄᭞ᬫᬾᬅ᭄ᬕᬸᬂᬳᬦᬂ
[᭖ 6 A]
ᬗᬳᬾᬢᬸᬮᬶᬲ᭄᭞ᬳᭂᬗ᭄ᬕᬶᬄᬢᬸᬮᬶᬲ᭄ᬫᬧᬫᬶᬢ᭄᭞ᬧᬘᬂᬢ᭄ᬬᬂᬫᬮᬶᬸᬲᬶᬄᬫᬶᬮᬸ᭞ᬫᬧᬫᬶᬢᭂᬓᬾᬦ᭄ᬳᬚᬶᬓ᭄ᬢ᭄ᬬᬂ᭞ᬓᬮᬶᬳᬜ᭞ᬫᬲᬤᬸᬢᬦ᭄ᬯᬾᬦᬰᬶᬄ᭞ᬳᬭᬶᬦ᭄ᬥᬵᬫᭂᬧᭂᬲ᭄ᬜᬸᬫ᭄ᬩᬄ᭟ᬤᬵᬲᬂᬓᬮᬶᬄᬜᬫ᭄ᬩᬢ᭄ᬧᬾᬦ᭄ᬯᬗ᭄ᬓᭂᬦ᭄᭞ᬗᬃᬬ᭄ᬬᬲᬸᬭᬵᬢ᭄᭞ᬧᬢᭂᬄᬳᬢᬹᬃᬳᬶᬤᬵ
᭞ᬢᬦ᭄ᬫᬭᬶᬢ᭄ᬓᬾᬦ᭄ᬳᬚᬶᬦᬾ᭞ᬭᬶᬂᬩ᭄ᬬᬂᬲᬵᬫ᭄ᬧᬸᬦ᭄ᬫᬸᬗ᭄ᬕᬸᬄ᭞ᬭᬵᬢᬸᬤ᭄ᬯᬕᬸᬂᬢᬶᬢ᭄ᬬᬂᬫᬧᬫᬶᬢ᭄᭞ᬧᬤᬵᬫᬦ᭄ᬢᬸᬓ᭄ᬭᬶᬳᬶᬦ᭄᭞ᬧᬸᬗ᭄ᬓᬸᬭᬲᬤᬸᬢᬦ᭄ᬯᬾᬦᬰᬶᬄ᭞ᬳᬭᬶᬦ᭄ᬥᬵᬫᭂᬳᭀᬯᭂᬲ᭄ᬜᬸᬫ᭄ᬩᬄ᭟ᬤᬵᬲᬂᬓᬮᬶᬄᬜᬫ᭄ᬩᬢ᭄ᬧᬾᬦ᭄ᬯᬗ᭄ᬓᭂᬦ᭄᭞ᬗᬃᬬ᭄ᬬᬲᬸᬭᬵᬢ᭄᭞ᬧᬢᭂᬄᬳᬢᬹᬃᬳᬶᬤ
ᬧᬗ᭄ᬓᬸᬃ᭚ᬫᬯᬶᬦᬦ᭄ᬢᬶᬢ᭄ᬬᬂᬭᬶᬳᬶᬦᬦ᭄᭞ᬩᭀᬬᬤᬤᭀᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬦᬳᭂᬦᬶᬦ᭄᭞ᬓᬕᭂᬗᬦ᭄ᬮᬭᬤᬾᬯᬕᬸᬂ᭞ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄᬧᬶᬲᬦ᭄᭞ᬬᬦᬶᬧᬤᬾᬢᬶᬢ᭄ᬬᬂᬫᬳᬸᬭᬶᬧ᭄ᬤᬾᬯᬕᬸᬂ᭞ᬢᬦᬸᬭᬸᬂᬗᬢᬸᬭᬂᬳᬾᬭᬂ᭞ᬧᬓᭀᬩᭂᬢ᭄ᬫᬓᬵᬃᬬ᭄ᬬᬓᬮᬶ
᭟ᬓᬢᬹᬃᬩᬦᬾᬓᬸᬮᬗᬸᬦᬦ᭄᭞ᬲᬸᬭᬵᬢ᭄ᬧᬸᬧᬸᬢ᭄ᬦᬾᬧᬘᬂᬓᬢᬹᬃᬯ᭄ᬬᬓ᭄ᬢᬶ᭞ᬫᬮᬶᬄᬫᬓᬵᬃᬬ᭄ᬬᬳᬶᬤ᭄ᬯᬕᬸᬂ᭞ᬧᬘᬂᬓᬶᬘᬾᬦ᭄ᬳᬭᬶᬦ᭄ᬤᬵ᭞ᬦᬾᬦ᭄ᬢᭂᬦ᭄ᬢ᭄ᬬᬂᬫᬮ᭄ᬯᬦ᭄ᬗᬮᬳᬶᬦ᭄ᬮᬫ᭄ᬧᬸᬲ᭄᭞ᬦᬓᬕᬸᬂᬳᬚᬶᬅ᭄ᬳᬶᬭᬶᬗᬂ᭞ᬓᬮᬶᬄᬭᬶᬂᬭᬩᬶᬦ᭄ᬤᬵᬲᬵᬫᬶ᭟
Kaca:Bali-lontar-gaguritan-twan-raja-300ppi.pdf/6
Kaca puniki sampun kauji-wacén
