[᭔ 4 B]
᭔
ᬩᬓᬢ᭄ᬘᬾᬤᬦᬶᬦ᭄᭞ᬯᬸᬲ᭄ᬗᬬᬸᬦᬂᬲ᭄ᬥᬄ᭞ᬯᬸᬲ᭄ᬢᬶᬦᬭᬶᬫᬾᬂᬲ᭄ᬧᬄ᭞ᬳᬲᬸᬳᬶᬤᬵᬲᬓᬾᬂᬮᬢᬶ᭞ᬯᬸᬲ᭄ᬫᬶᬫ᭄ᬬᬦᬶᬫ᭄ᬬᬦ᭄᭞ᬭᬓᬦ᭄ᬥᬵᬗᬦ᭄ᬤᬶᬓᬳᬭᬶᬲ᭄᭟ᬭᬶᬂᬳᬭᬶᬦ᭄ᬥᬵᬤᬵᬕ᭄ᬥᭂᬕ᭄ᬦᬓᬕᬸᬂᬲᬬᬂ᭞ᬢ᭄ᬬᬂᬦᬸᬮᬸᬲ᭄ᬳᬓᬶᬓᬶᬢ᭄᭞ᬢ᭄ᬓᬾᬦᬶᬂᬳᬶᬫᬸᬲ᭄ᬓᬦ᭄᭞ᬭᬾᬄᬕ᭄ᬮᬄᬜ
ᬦᬾᬚ᭄ᬯᬂ᭞ᬦᬾᬦᬾᬳᬗ᭄ᬕᭀᬦ᭄ᬩᬸᬓᬵᬚᬦᬶ᭞ᬳᬭᬶᬦ᭄ᬥᬵᬜᭂᬫ᭄ᬩᬄ᭞ᬤᬸᬭᬸᬲᬂᬜᬸᬭᬵᬢ᭄ᬳᬶᬗ᭄ᬕᬶᬄ᭟ᬤᬵᬭᬓᬦ᭄ᬥᬵᬫᬦᬫ᭄ᬩᬸᬢᭀᬦ᭄ᬓ᭄ᬭᬢᬲ᭄᭞ᬫᬜᬸᬭᬵᬢ᭄ᬳᬶᬤᬵᬕ᭄ᬮᬶᬲ᭄᭞ᬲᬃᬯ᭄ᬯᬶᬗᭂᬫ᭄ᬩᭂᬂᬯᬲ᭄ᬧᬵ᭞ᬳᬾᬮᬶᬂᬢ᭄ᬓᬾᬦᬶᬂᬢ᭄ᬯᬦ᭄ᬭᬚᬵ᭞ᬭᬾᬄᬓᬬᬸᬦ᭄ᬓᬧᬶᬬᬸᬕ᭄ᬯ᭄ᬬᬓ᭄ᬢᬶ
᭞ᬓᬮᬶᬄᬭᬶᬳᬶᬤ᭞ᬪᬝᬭᬶᬳᬶᬭᬶᬧᬸᬢ᭄ᬭᬶ᭟ᬫᬶᬜᬶᬦ᭄ᬢᬸᬮᬶᬲ᭄ᬦᬾᬧᬘᬂᬢ᭄ᬓᬾᬦᬶᬂᬢ᭄ᬯᬦ᭄᭞ᬭᬵᬚᬳᬯᬓᬾᬢ᭄ᬬᬂᬧᬫᬶᬢ᭄᭞ᬤᬶᬦᬶᬳᬧᬫ᭄ᬮᬄ᭞ᬗᬸᬮᬸᬭᬶᬦ᭄ᬫᬓᬲᬸᬓᬦ᭄᭞ᬧᬂᬲᬶᬂᬳᬤᬫᬗ᭄ᬮᬶᬓᬤᬶᬦ᭄᭞ᬲᬓᬮᬶᬳᬜ᭞ᬢ᭄ᬬᬂᬦ᭄ᬕᬵᬕᬢᬶ᭟ᬭᬾᬳᬶᬂᬮ᭄ᬬᬕ᭄ᬮᬄᬳᬯᬓᬾ
ᬢᬸᬦᬲ᭄ᬢ᭄ᬬᬂ᭞ᬓᬮᬶᬄᬳᬸᬫᬳᬾᬩ᭄ᬯᬶᬦ᭄᭞ᬢᭀᬗᭀᬲ᭄ᬢ᭄ᬬᬂᬧ᭄ᬚᬄ᭞ᬧᬶᬂᬲ᭄ᬬᬸᬬᬾᬦ᭄ᬘᬭᬶᬢᬬᬂ᭞ᬫᬸᬜᬶᬦ᭄ᬢᬸᬮᬶᬲ᭄ᬫᬾᬄᬫ᭄ᬕᬢ᭄ᬲᬶᬄ᭞ᬳᬧᬦ᭄ᬧᬘᬂᬦᬶᬗ᭄ᬕᬮ᭄᭞ᬗᬮᬳᬶᬦ᭄ᬦᬾᬤ᭄ᬫᭂᬦᬶᬦ᭄᭟᭚ᬥᬂᬤᬂ᭚ᬫᬸᬜᬶᬦ᭄ᬢᬸᬮᬶᬲ᭄ᬗᬰᬶᬳᬲᬶᬄᬯ᭄ᬬᬓ᭄ᬢᬶ᭞ᬗ᭄ᬕᬳᬾᬭᬕᬦ᭄᭞
[᭕ 5 A]
ᬳᬯᬓᬾᬧᬶᬋᬗᬂ᭞ᬢ᭄ᬭᬶᬫᬢᬸᬮᬶᬲ᭄ᬢ᭄ᬬᬗᬾ᭞ᬢ᭄ᬬᬂᬗᬮᬶᬳᬶᬦ᭄ᬮᬫ᭄ᬧᬸᬲ᭄᭞ᬭᬾᬄᬳᬯᬓᬾᬗᬳᬾᬢ᭄ᬬᬂᬫᬢᬶ᭞ᬢ᭄ᬮᬲ᭄ᬗᬮᬳᬶᬦ᭄ᬢ᭄ᬬᬂ᭞ᬢᬸᬃᬫᬶᬢ᭄ᬬᬾᬂᬓᬾᬦ᭄ᬲᬗ᭄ᬕᬸᬧ᭄᭞ᬲᬗ᭄ᬕᬸᬧ᭄ᬳᬯᬓᬾᬓᬾᬦ᭄ᬢ᭄ᬬᬂ᭞ᬢ᭄ᬯᬭᬧᬲᬄ᭞ᬩ᭄ᬯᬶᬦᬗᭂᬦ᭄ᬤᭂᬓᬂᬚᬦᬶ᭞ᬢ᭄ᬯᬭᬵᬤᬫ᭄ᬩᬳᬂᬢᬸᬮᬓ᭄᭟ᬓ᭄ᬭᬡ᭄ᬦᬵ
ᬢ᭄ᬬᬂᬘᭂᬦ᭄ᬤᭂᬢ᭄ᬫᬜᬗ᭄ᬕᬸᬧᬶᬦ᭄᭞ᬢᬸᬃᬜᬧᬳᬂ᭞ᬫᬢᬶᬳᬶᬤᬸᬧ᭄ᬢ᭄ᬬᬂ᭞ᬳᬧᬂᬤᬶᬕᬸᬫᬶᬦ᭄ᬳᬯᬓᬾ᭞ᬳᬭᬄᬍᬩᬶᬄᬢᬓᬸᬢ᭄᭞ᬮᬓᬃᬧᬧᬕ᭄ᬩᬦ᭄ᬢ᭄ᬬᬂᬫᬸᬜᬶ᭞ᬳᬩ᭄ᬲᬶᬓ᭄ᬢᬸᬦᬲ᭄ᬢ᭄ᬬᬂ᭞ᬳᬧᬂᬳᬶᬗᭂᬢᬸᬳᬸ᭞ᬬᬾᬳᬵᬫᬢᬩ᭄ᬓᭂᬲᬶᬦ᭄ᬢ᭄ᬬᬂ᭞ᬩ᭄ᬯᬶᬦᬜ᭞ᬩᬗ᭄ᬓᬾᬢᬸᬶᬦ᭄ᬢ᭄ᬬᬂᬚ᭄ᬫᬔᭂᬗ᭄ᬕᬶᬄ᭞
ᬳᭂᬦ᭄ᬢᭀᬲᬗᬸᬉᬢ᭄ᬢᬫᬵ᭟ᬦᬄᬳᬓᬾᬢᭀᬲᬸᬭᬵᬣᬶᬤᬵᬯ᭄ᬬᬓ᭄ᬢᬶ᭞ᬓᬾᬦᬵᬢ᭄ᬯᬦ᭄ᬭᬚᬵ᭞ᬫᬮᬶᬄᬗᬃᬬ᭄ᬬᬲᬸᬭᬵᬢ᭄᭞ᬗ᭄ᬢᬸᬲ᭄ᬓᬬᬸᬦ᭄ᬓᬓᬘᬧᬾ᭞ᬳᬧᬦ᭄ᬭᬾᬄᬧᬘᬂᬓᬢᬸᬃ᭞ᬭᬶᬂᬳᬶᬤᬵᬲᬂᬫ᭄ᬯᬱ᭄ᬝᬶᬓᬂᬋᬤ᭄ᬥᬶ᭞ᬳᬶᬤᬵᬲᬂᬗᬯᬾᬧᬸᬲᬂ᭞ᬗᬯᬾᬓᬧᬶᬮᬸᬮᬸᬢ᭄᭞
ᬫᬾᬄᬪᬝᬭᬶᬧᬦᭂᬫ᭄ᬩᬳᬦ᭄᭞ᬜᭀᬜᬄᬭᬵᬚᬵ᭞ᬢ᭄ᬭᬶᬫᬲᬸᬭᬵᬢ᭄ᬬᬗᬾᬳᭂᬗ᭄ᬕᬶᬄ᭞ᬧᬯᭀᬲ᭄ᬤᬶᬚ᭄ᬭᭀᬦᬶᬂᬋᬤ᭄ᬥᬵ᭟ᬭᬾᬳᬶᬂᬢᬶᬢ᭄ᬬᬂᬫᬧᬫᬶᬢ᭄ᬦᬾᬫᬗ᭄ᬓᬶᬦ᭄᭞ᬳᬸᬲᬦ᭄ᬫᭂᬗ᭄ᬕᬄ᭞ᬭᬾᬄᬢᬶᬢ᭄ᬬᬂᬗᬯᭀᬦᬂ᭞ᬢᭀᬂᬫᬫ᭄ᬧᬸᬄᬦᬳᭂᬦ᭄ᬮᬭᬦᬾ᭞ᬳᬶᬭᬢᬸ
Kaca:Bali-lontar-gaguritan-twan-raja-300ppi.pdf/5
Kaca puniki sampun kauji-wacén
