[᭓ 3 B]
᭓
ᬫᬉᬢ᭄ᬢᬵᬫ᭞ᬳᬭᬄᬓᬍᬩᬶᬄᬲᬶᬗ᭄ᬲᬮᬾ᭞ᬢ᭄ᬓᬾᬦᬾᬓᬸᬘᬧ᭄ᬢᬸᬳᬸ᭞ᬤᬤᬶᬭᬢᬸᬦ᭄ᬫᬸᬓᬶᬂᬓᬶᬂ᭞ᬓᬮᬶᬄᬲᬶᬂᬗ᭄ᬮᬄᬢ᭄ᬕᬓ᭄᭞ᬲᬶᬂᬓᬾᬓᬾᬢᭀᬓᬕᬸᬂ᭞ᬓ᭄ᬭᬡᬵᬫᬢᬶᬲᬶᬂᬲᬶᬂᬚᬮᬦ᭄᭞ᬩᬬᬵᬳᬧ᭞ᬧᬓᬶᬃᬢ᭄ᬣᬶᬦ᭄ᬢ᭄ᬬᬗᬾᬗᬹᬦᬶ᭞ᬓ᭄ᬭᬡᬵᬚᬵᬓᬾᬦᬾᬢᭂ
ᬫᭀᬓᬂ᭟ᬮᬫᬸᬦ᭄ᬢ᭄ᬯᬭᬭᬵᬢᬸᬫᬶᬮᬸᬫᬢᬶ᭞ᬗ᭄ᬕᬶᬄᬧᭂᬲ᭄ᬭᬦ᭄᭞ᬗ᭄ᬳᬶᬂᬤᬵᬯᬿᬭᬵᬲᬬᬂ᭞ᬦᬸᬢᬸᬭᬂᬳᬶᬥᭂᬧ᭄ᬢ᭄ᬬᬗᬾ᭞ᬓᬵᬧᬶᬂᬓᬮᬶᬄᬤᭂᬜᭂᬦ᭄ᬫᬢᬸᬃ᭞ᬢ᭄ᬓᬾᬦ᭄ᬳᬚᬶᬅ᭄ᬳᬶᬩ᭄ᬬᬂᬲᬫᬶ᭞ᬬᬦ᭄ᬲᬸᬩᬳᬶᬩ᭄ᬬᬂᬧ᭄ᬚᬄ᭞ᬳᬸᬦᬶᬗᬬᬂᬳᬢᬸᬃ᭞ᬬᬾᬦᬶᬂᬢ᭄ᬬᬂᬳᬶᬤᬸᬧ᭄ᬧ
ᬬᬂ᭞ᬢᬦ᭄ᬳᬭᬸᬗᬦ᭄᭞ᬗᬢᬸᬭᬂᬧᬓᭀᬩᭂᬢ᭄ᬕᬢᬶ᭞ᬫᬳᬂᬓᬕᬸᬂᬤᬸᬄᬓᬶᬢᬵ᭟ᬗ᭄ᬳᬶᬂᬤᬧᬶᬲᬦ᭄ᬫᬜᭂᬮ᭄ᬲ᭄ᬮᬂᬳᭂᬗ᭄ᬕᬶᬄ᭞ᬩᬢᭂᬓ᭄ᬢᬶᬢᬄ᭞ᬓᬾᬯᬮᬮ᭄ᬕᬬᬂ᭞ᬧᬗ᭄ᬮᬶᬧᬸᬃᬲᬸᬗ᭄ᬲᬸᬢ᭄ᬳᬚᬶᬅᬾ᭄ᬳ᭞ᬩᬶᬱᬩᬶᬱᬵᬦᬓᬕᬸᬂ᭞ᬧᬭᬶᬲᬓ᭄ᬱᬢ᭄ᬫᬢᬶᬢ᭄ᬬᬂᬚᬦᬶ᭞ᬭᬲᬢᭀᬂ
ᬧᬧᬵᬢ᭄ᬬᬂ᭞ᬲᬢ᭄ᬯᬧ᭄ᬭᬂᬢᬸᬳᬸ᭞ᬢᬸᬳᬸᬓᬾᬢᭀᬳᬸᬧᬫᬜ᭞ᬭᬾᬳᬶᬢ᭄ᬬᬂ᭞ᬲᬶᬂᬧᬶᬲᬦ᭄ᬫᬗᬾᬫᬦ᭄ᬳᬸᬭᬶᬧ᭄᭞ᬫᬦᬶᬦ᭄ᬤᬶᬳᬂᬓ᭄ᬱᬢ᭄ᬭᬶᬬᬦ᭄᭚ᬥᬹᬃᬫ᭄ᬫᬵ᭚ᬤᬳᬭᬶᬦ᭄ᬥᬵᬫᬶᬦᭂᬄᬭᬕ᭄ᬕᬵᬓᬕᭂᬕᬶᬭᬲ᭄᭞ᬫᬜᭂᬫ᭄ᬩᬄᬫᬢᬹᬃᬕ᭄ᬮᬶᬲ᭄᭞ᬲᬃᬯ᭄ᬯᬶᬫ᭄ᬓᬸᬮ᭄
[᭔ 4 A]
ᬧᬤᬵ᭞ᬤᬾᬯᬕᬸᬂᬧᬦᭂᬫ᭄ᬩᬳᬦ᭄᭞ᬤᭀᬄᬢᬶᬢ᭄ᬬᬂᬧᬘᬂᬫᬶᬯᬮᬶᬦ᭄᭞ᬓᬤᬶᬯᬘ᭄ᬘᬦ᭞ᬢᬶᬢ᭄ᬬᬂᬢ᭄ᬮᬲᬳᬶᬭᬶᬂ᭟ᬤᬭᬓᬵᬦ᭄ᬥᬵᬫᬦᬶᬫ᭄ᬩᬮ᭄ᬲᬃᬯ᭄ᬯᬶᬫᬗᬭᬲ᭄᭞ᬦᬄᬚᬮᬦ᭄ᬚᬦᬶᬫᬢᬶ᭞ᬳᬧᬂᬲᬸᬩᬶᬸᬯᬸᬲ᭄ᬮᬭ᭞ᬦᬄᬓᬾᬯᬮᬍᬕᬬᬂ᭞ᬳᬧᬂᬢ᭄ᬧᬸ
ᬓ᭄ᬳᬕᬸᬂᬳᬮᬶᬄ᭞ᬲᬓᬮᬶᬄᬢ᭄ᬬᬂ᭞ᬳᬧᬂᬲᬶᬤ᭄ᬥᬵᬦ᭄ᬧᬸᬓᬶᬦ᭄᭟ᬢᭀᬗᭀᬲ᭄ᬢᬸᬤᬾᬅ᭄ᬳᬭᬶᬦ᭄ᬥᬵᬫᬮᬶᬸᬫᬜᭂᬫ᭄ᬩᬄ᭞ᬫᬳᬢᬹᬃᬲᬤ᭄ᬥᬵᬓᬮᬶᬲ᭄᭞ᬭᬾᬄᬲᬯᬯᬤᬶᬦᬵ᭞ᬲᬫᬶᬫᬫᬶᬦᭂᬄᬳᬗ᭄ᬕᬵ᭞ᬳᬧᬂᬢᬸᬭᬸᬦᬦ᭄ᬳᬲᬶᬓᬶ᭞ᬢᬯᬦᬦ᭄ᬳᬶᬤᬵ᭞ᬢᬦ᭄ᬯᬾᬦ᭄ᬢᭂ
ᬦ᭄ᬧᬧᬓ᭄ᬳᬶᬭᬶ᭟ᬳᬢᬸᬃᬳᬭᬶᬤᬾᬯᬕᬸᬂᬲᬵᬫ᭄ᬧᬸᬦ᭄ᬫᬜ᭄ᬚᬗᬂ᭞ᬬᬤᬶᬦ᭄ᬢᬾᬬᬫᬦᬶ᭞ᬤᬤᭀᬲ᭄ᬳᬦ᭄ᬢᭂᬧ᭄ᬓᬯᬄ᭞ᬢᬶᬢ᭄ᬬᬂᬲᬳᬶᬭᬶᬂᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬲᬸᬫᬦ᭄ᬤᬾᬬᬫᬮᬶᬄ᭞ᬦᬸᬦᬲ᭄ᬫᬳ᭄ᬬᬲ᭄᭞ᬗᬗ᭄ᬕᬾᬧ᭄ᬢᬓ᭄ᬦᬾᬫᬗ᭄ᬓᬶᬦ᭄᭟ᬤᬭᬓᬦ᭄ᬥᬵ
ᬫᬦᬶᬫ᭄ᬩᬮ᭄ᬲᬂᬯ᭄ᬯᬶᬫᬗᬭᬲ᭄᭞ᬫᬃᬕ᭄ᬕᬶᬄᬓᬾᬦᬓᬕᬸᬂᬚᬦᬶ᭞ᬲᬂᬓᬮᬶᬄᬫᬳ᭄ᬬᬲ᭄᭞ᬦᬵᬗ᭄ᬳᬶᬂᬕᬮᬸᬂᬧ᭄ᬢᬓ᭄᭞ᬮᬶᬦ᭄ᬢᬂᬧᬳᬸᬢ᭄ᬗᬸᬮᬗᬸᬦᬶᬦ᭄᭞ᬓᬫᬫᬶᬜᬓ᭄᭞ᬗᬾᬮᭀᬗᬋᬧᬶᬦ᭄ᬘᬺᬫᬶ᭟ᬲᬳᬳᬶᬤᬵᬫᬫ᭄ᬢᬶᬓᬂᬧᬧᬭᬲᬦ᭄᭞ᬢ᭄ᬯᬭᬵ
Kaca:Bali-lontar-gaguritan-twan-raja-300ppi.pdf/4
Kaca puniki sampun kauji-wacén
