[᭒ 2 B]
᭒
ᬦ᭄ᬧ᭄ᬮᬦ᭄ᬓᬚᬯᬵ᭞ᬳᬢᬢᬕᭀᬦ᭄ᬤᬵᬓᬭᬶ᭟ᬢᭀᬂᬯᬶᬓᬦ᭄ᬳᬶᬤᬵᬫᬶᬦ᭄ᬳᬂ᭞ᬧᬗᬦ᭄ᬤᬶᬓᬦ᭄ᬭᬓᬦ᭄ᬤᬵᬗᬰᬶᬳᬰᬶᬄ᭞ᬢᭀᬬᬦ᭄ᬳᬓ᭄ᬱᬶᬤᬺᬱ᭄ᬫ᭄ᬢᬸ᭞ᬳᬶᬤᬵᬳᬶᬤ᭄ᬯᬕᬸᬂᬮᬦᬂ᭞ᬲᭂᬓᬮᬗ᭄ᬓᬸᬂᬢᭀᬤᬤᭀᬲ᭄ᬳᬶᬤᬵᬫᬳᬢᬸᬃ᭞ᬓᬾᬯᬦ᭄ᬢᭂᬦ᭄ᬫᬫ᭄ᬓᬸᬮ᭄ᬧᬥᬵ
ᬭᬓᬦ᭄ᬤᬵᬫᬍᬲ᭄ᬩᬓ᭄ᬩᬶᬦ᭄᭟᭚ᬥᬂᬥᬂ᭚ᬲᭀᬃᬯ᭄ᬯᬶᬳᬶᬤᬗᬰᬶᬳᬲᬶᬄᬯ᭄ᬬᬓ᭄ᬢᬶ᭞ᬫᬗᬦ᭄ᬤᬶᬓᬵ᭞ᬫᬾᬦᬓᬕᬸᬂᬲᬬᬂ᭞ᬲᬳᬸᬢᬶᬦ᭄ᬫᬸᬜᬶᬦ᭄ᬢ᭄ᬬᬗᬾ᭞ᬳ᭄ᬤᬫᭂᬦ᭄ᬤᭂᬨᬦᬓᬕᬸᬂ᭞ᬧ᭄ᬤᬲ᭄ᬳᬕᬸᬂᬮᬓᬃᬫᬸᬘᬶᬗᬶᬦ᭄᭞ᬬᬦ᭄ᬳᬓᬃᬜᬓ᭄ᬦᬸᬢᬸᬕ᭄ᬢ᭄ᬬᬂ᭞
ᬢ᭄ᬬᬂᬧᬫᬶᬢ᭄ᬓᬕᬸᬂ᭞ᬤ᭄ᬧᬶᬦ᭄ᬫᬢᬶᬧᬤᬶᬤ᭄ᬬᬦ᭄᭞ᬢ᭄ᬯᬄᬳᬾᬲᬚᬵ᭞ᬜᬦ᭄ᬤᬂᬭᬢᬸᬢᬓᬸᬢ᭄ᬫᬢᬶ᭞ᬫᬢᬶᬦ᭄ᬤᬶᬄᬩᬸᬓᬢ᭄ᬬᬂ᭟ᬩ᭄ᬯᬶᬦᬜᬧᬬᬸᬕᬢᬶᬕᬢᬶ᭞ᬦᬾᬧᬗᭂᬦᬂ᭞ᬓᬮ᭄ᬓᬮᬳᬶᬦ᭄ᬳᬶᬤᬵ᭞ᬭᬾᬄᬓᬳᬾᬮᬦ᭄ᬦᬓᬕᬸᬗᬾ᭞ᬢ᭄ᬯᬭᬵᬤᬫᬶ
ᬮᬸᬮᬫ᭄ᬧᬸᬲ᭄᭞ᬦ᭄ᬢᭀᬫᬓ᭄ᬭᬳᬵᬲ᭄ᬭᬦ᭄ᬢᬜᬳᬸᬢᬶᬦ᭄᭞ᬳᬭᬶᬦ᭄ᬢᬵᬕ᭄ᬮᬶᬲ᭄ᬜᭂᬫ᭄ᬩᬄ᭞ᬮᭀᬕᬲ᭄ᬫᬢᬹᬃᬳᬮᬸᬲ᭄᭞ᬲᬵᬃᬯ᭄ᬯᬶᬢᭀᬬᬦ᭄ᬢᬓ᭄ᬱᬶᬲᬫ᭄ᬩ᭄ᬭᬕ᭄᭞ᬭᬢᬸᬤ᭄ᬯᬕᬸᬂ᭞ᬩᭀᬬᬲᬓᬾᬢᬶᬢ᭄ᬬᬂᬳᬚ᭄ᬭᬶᬄ᭞ᬗᬶᬭᬶᬂᬚᭃᬂᬲᬲᬸᬳᬸᬦᬦ᭄᭟ᬢ᭄ᬬᬂᬳᬚᬶᬧᬸ
[᭓ 3 A]
ᬦᬶᬓᬵᬧᬶᬦ᭄ᬳᬶᬦ᭄᭞ᬲᬵᬫ᭄ᬧᬸᬦ᭄ᬮᭀᬮ᭄ᬬ᭞ᬧᬸᬦᬧᬶᬯᬱ᭄ᬝᬜ᭞ᬧᬸᬧᬸᬢ᭄ᬧᬶᬲᬜ᭄ᬚᬮᬘᬸᬭᬾ᭞ᬧᬶᬲᬜᬭᬵᬢᬸᬤ᭄ᬯᬕᬸᬂ᭞ᬬᬦ᭄ᬓᬧᬢᬸᬢ᭄ᬩ᭄ᬘᬶᬓ᭄ᬮᬶᬗ᭄ᬕᬶᬳᬶᬦ᭄᭞ᬦᬸᬦᬲ᭄ᬢᬸᬳᬸᬃᬲᬫ᭄ᬬᬦ᭄᭞ᬳᬶᬭᬶᬓ᭄ᬦᬶᬧᬸᬧᬸᬢ᭄᭞ᬤᬵᬭᬓᬦ᭄ᬥᬵᬭᬾᬄᬓᬕᭂᬗᬦ᭄᭞ᬮᬭᬦ᭄ᬳᬶᬤᬵ
ᬳᬯᬶᬦᬦ᭄ᬘᭂᬦ᭄ᬤᭂᬢ᭄ᬲᬯ᭄ᬬᬓ᭄ᬢᬶ᭞ᬓᬬᬸᬦ᭄ᬳᬶᬤᬵᬭᬓᬦ᭄ᬥᬵ᭟ᬫᬾᬦᬓᬕᬸᬂᬳᬭᬄᬮ᭄ᬬᬕᬢᬶᬚᬓ᭄ᬦᭂᬳᬂ᭞ᬬᬾᬦᬶᬂᬳᬸᬦᬶᬗᬬᬂᬩᬸᬓᬭᬳᭀᬲ᭄ᬦᬓᬕᬸᬗᬾ᭞ᬭᬱᬵᬢᭀᬧᬬᬸᬮᬫ᭄ᬧᬸᬲ᭄᭞ᬢᬢᬲ᭄ᬮ᭄ᬬᬮᬓᬃᬗᬮᬗᬶᬦ᭄᭞ᬭᬾᬄᬓᬬᬸᬦ᭄ᬫᬮᬾᬦ᭄ᬮᬾᬦᬦ᭄᭞ᬓᬾ
ᬦᬾᬩᬸᬓᬦᬓᬕᬸᬂ᭞ᬦᬸᬗᬾᬫᬦ᭄ᬢᬸᬭᬶᬧ᭄ᬓᬮᬶᬦ᭄ᬢᬂ᭞ᬓ᭄ᬭᬡᬮᬦ᭄ᬢᬂ᭞ᬫᬓ᭄ᬚᬂᬧᬧᬓ᭄ᬓ᭄ᬦᭂᬳᬶᬦ᭄᭞ᬳᬧᬦ᭄ᬓᬾᬩ᭄ᬓᬶᬮᬂᬕᬂ᭟ᬭᬾᬳᬶᬢ᭄ᬬᬂᬓᬕ᭄ᬥᬾᬦ᭄ᬲᬓᬶᬢ᭄᭞ᬓᬚᬦ᭄ᬢᬓᬵ᭞ᬢᭀᬂᬩᬶᬱᬵᬦᬳᬦᬂ᭞ᬦ᭄ᬢᭀᬓ᭄ᬭᬡᬵᬮᬫ᭄ᬧᬸᬲ᭄ᬢ᭄ᬬᬗᬾ᭞ᬳᬤᬬᬦ᭄ᬢ᭄ᬬᬂᬗᬼᬩᬹᬃ᭞
ᬩ᭄ᬯᬶᬦ᭄ᬳᬯ᭄ᬓᬲ᭄ᬤᬶᬢᬸᬯᬯᭀᬦᬶᬦ᭄᭞ᬦᬸᬫᬶᬢᬶᬲ᭄ᬤᬤᬶᬚᬦ᭄ᬫᬵ᭞ᬳᬓᬾᬢᭀᬦᬓᬕᬸᬂ᭞ᬓ᭄ᬦᭂᬄᬢ᭄ᬬᬂᬓᬚᬢᬶᬬᬦ᭄᭞ᬦᬾᬦᬾᬚᬦᬶ᭞ᬓᬸᬤᬸᬳᬤᬲ᭄ᬯᬾᬘ᭄ᬘᬵᬦ᭄ᬯᬶᬥᬷ᭞ᬫᬦ᭄ᬤᬤᬶᬭᬚᬵᬧᬸᬢᬺ᭟ᬳᭀᬓᬦ᭄ᬦᬵᬣᬦᬸᬗ᭄ᬲᬸᬂᬪᬹᬧᬢᬶ᭞ᬢᬹᬃᬦᬶᬦᬸᬘᬧ᭄᭞ᬭᬵᬢᬸ
Kaca:Bali-lontar-gaguritan-twan-raja-300ppi.pdf/3
Kaca puniki sampun kauji-wacén
