[᭑ 1 B]
᭑
᭚᭜᭚ᬧᬗ᭄ᬓᬸᬃ᭚ᬭᬵᬢᬸᬤ᭄ᬯᬕᬸᬂᬢᬯᬄᬢᬯᬄ᭞ᬮᬶᬦ᭄ᬢᬂᬳᬤᭀᬄᬫᬦᬄᬢᬶᬢ᭄ᬬᬂᬗᬾᬯ᭄ᬬᬓ᭄ᬢᬶ᭞ᬓᬤᬶ᭠ᬯᬘ᭄ᬘᬦᬦ᭄ᬤᬾᬯᬕᬸᬂ᭞ᬦᬸᬦᬲ᭄ᬢᬾᬫᬲᬲᬜ᭄ᬚᬦ᭄᭞ᬳᬶᬤᬾᬯᬕᬸᬂᬭᬳᬶᬫᬜᬳᬸᬭᬶᬦ᭄ᬳᬮᬸᬲ᭄᭞ᬓᬃᬓᬶᬚᬵ
ᬫᬮᬮᬶᬢ᭄ᬯᬦ᭄᭞ᬳᬶᬫᬬᭂᬃᬫᬳᬢᬸᬃᬫᬮᬶᬄ᭟ᬳᬦ᭄ᬢᭂᬦᬃᬫ᭄ᬭᬶᬬᬸᬓᬶᬦ᭄ᬲᬫ᭄ᬬᬦ᭄᭞ᬭᬶᬂᬩᬜ᭄ᬘᬶᬗᬄᬫᬗ᭄ᬓ᭄ᬱᬶᬧᬲᬃᬯ᭄ᬬᬓ᭄ᬢᬶ᭞ᬧᬳᭂᬳᬧᬸᬢ᭄ᬭᬦᬶᬫ᭄ᬩᬮ᭄ᬗ᭄ᬭᬶᬬᬸᬓ᭄᭞ᬲᬵᬫ᭄ᬧᬸᬦ᭄ᬜᭂᬦ᭄ᬲᬋᬂᬲᬫ᭄ᬬᬦ᭄᭞ᬜᭂᬦ᭄ᬫᬢᬗᬶᬭᬓᬦ᭄ᬤ᭄ᬯᬕᬸᬂᬲᬸᬯᬸᬂᬕᭂᬫ᭄ᬧᬸᬂ᭞ᬧᬸᬦᬶ
ᬓᬳᬯᬦᬦ᭄ᬫᭂᬗ᭄ᬕᬄ᭞ᬳᬶᬤ᭄ᬯᬕᬸᬂᬭᬳᬶᬜᬳᬸᬭᬶᬧ᭄᭟ᬯᬢᭂᬓ᭄ᬢᭀᬳᬶᬚᬶᬯᬭᬕ᭄ᬕᬵ᭞ᬳ᭄ᬤᬗᬚᬓᬵᬲᬃᬯ᭄ᬯᬶᬳᬶᬤᬵᬦᬯᬸᬳᬶᬦ᭄᭞ᬧ᭄ᬭᬧᬸᬢᬺᬫ᭄ᬭᬶᬬᬸᬓᬶᬦ᭄ᬳᬮᬸᬲ᭄᭞ᬩᬶᬄᬳᬶᬩᬚᬓ᭄ᬫᬓ᭄ᬚᬂ᭞ᬤᭂᬜᭂᬦ᭄ᬫᬮᬮᬶᬬᬦ᭄ᬓᭀᬤᬮ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬓᬮᬶᬄ
ᬓᬳᬶᬤᬶᬩᬜ᭄ᬘᬶᬗᬄ᭞ᬢᬾᬓᭀᬃᬫᬜᭂᬫ᭄ᬩᬄᬲᬳᬶᬭᬶᬂ᭟ᬳᬶᬤ᭄ᬯᬕᬸᬂᬓᬮᬶᬄᬧ᭄ᬭ᭄ᬧᬸᬢᬺ᭞ᬮᬾᬦ᭄ᬳᬦ᭄ᬢᭂᬦᬃᬩ᭄ᬭᬶᬬᬸᬓ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬾᬓᭀᬃᬫᬕᬺᬤᭂᬕᬦ᭄ᬮ᭄ᬬᬸ᭞ᬧᬤᬫᬯᬳᬶᬭᬶᬗᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬩᬜ᭄ᬘᬶᬗᬄᬳᬶᬤᬾᬯᬕᬸᬂ᭞ᬫᬗ᭄ᬭ
[᭒ 2 A]
ᬭᬶᬲ᭄ᬓᬓᬺᬢ᭄ᬣᬵᬕᭀᬰᬵ᭞ᬫᬸᬗ᭄ᬕᬳᬦ᭄ᬲᬫᬶᬫᬮᬶᬗ᭄ᬕᬶᬄ᭞ᬓᬤᬶᬮᬾᬤᬂᬲᬋᬂᬲᬫ᭄ᬬᬦ᭄᭞ᬜᬶᬗᬓᬸᬶᬱᬸᬶᬓ᭄ᬧᬲᬃᬳᬸᬫ᭄ᬬᬃᬮᬶᬦ᭄ᬢᬂᬢᬦ᭄ᬲᬶᬧᬶ᭞ᬢᬾᬓᭀᬃᬫᬚᬚᬃᬓᬬᬸᬦ᭄ᬳ᭄ᬬᬸᬦ᭄᭞ᬧ᭄ᬢᬸᬢ᭄ᬫᬗᬧᬶᬢ᭄ᬫᬃᬕ᭄ᬕᬵ᭞ᬤᬕᬗᬾᬦᬾᬦᭀᬫᭂᬃᬲᬢᬸ᭞ᬓᬲᭀᬃ
ᬢᭀᬓᭀᬲᬸᬭᬩᬬᬵ᭞ᬲ᭄ᬫᬭᬂᬫᬲᭂᬫ᭄ᬲᬯ᭄ᬬᬓ᭄ᬢᬶ᭟ᬳ᭄ᬦᭂᬦᬾᬦᬾᬦᭀᬦ᭄ᬢᭀᬦ᭄ᬧᬲᬃ᭞ᬳᬶᬤᬯᬕᬸᬂᬧᬸᬢᬺᬳᬸᬘᬧᬂᬚᬦᬶ᭞ᬲᬬᬦ᭄ᬲᭂᬲᭂᬓᬾᬤᬶᬓᬬᬸᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬓᬫᬃ᭞ᬫ᭄ᬓᬸᬮ᭄ᬳᬭᬶᬗᭂᬫ᭄ᬩᭂᬂᬯᬲ᭄ᬧᬗᬦ᭄ᬤᬶᬓᬳᬮᬸᬲ᭄᭞ᬗ
ᬦ᭄ᬤᬶᬓᬵᬫᬫ᭄ᬮᬦ᭄ᬫᭂᬮᬦ᭄᭞ᬗ᭄ᬢᬸᬲ᭄ᬓᬬᬸᬦ᭄ᬗᬳᬾᬲ᭄ᬢᬶᬄ᭟ᬫᬾᬦᬓᬕᬸᬂᬜᬫᬦ᭄ᬢ᭄ᬬᬂ᭞ᬜᬾᬦ᭄ᬲᬾᬲᬬᬂᬤᬵᬧᬶᬲᬦ᭄ᬧᬶᬯᬮ᭄ᬳᭂᬗ᭄ᬕᬶᬄ᭞ᬦᬓᬕᬸᬂᬓᬤᬤᬾᬦ᭄ᬧᬢᬸᬄ᭞ᬫᬸᬮ᭄ᬬᬢ᭄ᬓᬾᬦᬶᬂᬢ᭄ᬬᬂ᭞ᬓ᭄ᬭᬡᬓᬾᬦᬾᬲᬢᬢᬫᬦ᭄ᬫᬸᬳᬶᬩᬸᬓ᭄᭞ᬧᬤᬓᬢᬶ᭠
ᬗ᭄ᬕᬮᬦ᭄ᬜᬫᬵ᭞ᬚᬮᬦ᭄ᬢᬸᬢᬸᬕ᭄ᬳᬕᬸᬂᬳᭂᬗ᭄ᬕᬶᬄ᭟ᬦᬶᬦᬶᬚᬦᬶᬢᭀᬗᭀᬲ᭄ᬧ᭄ᬚᬄ᭞ᬳᬭᬶᬦ᭄ᬤᬵᬳᭂᬗ᭄ᬲᭂᬓ᭄ᬓᬕ᭄ᬬᬢ᭄ᬫ᭄ᬬᬃᬱᬶ᭞ᬤᬸᬭᬸᬂᬕᬦ᭄ᬢᬲ᭄ᬳᬶᬤᬵᬫᬢᬹᬃ᭞ᬭᬾᬄᬳᬓᬾᬄᬓᬧᬶᬦᭂᬳᬂ᭞ᬳᬶᬤᬳᬚᬶᬦ᭄ᬤᬵᬩ᭄ᬬᬂᬤᬵᬓᬮᬶᬦ᭄ᬢᬂᬮᬘᬹᬃ᭞ᬓᬧ᭄ᬮᬵ
Kaca:Bali-lontar-gaguritan-twan-raja-300ppi.pdf/2
Kaca puniki sampun kauji-wacén
