[᭗ 7 B]
᭗
ᬲ᭄ᬳᬳᬶᬦ᭄ᬤᬵᬗᭂᬩᬢᬂ᭞ᬧ᭄ᬭᬫᬶᬤᬫᬶᬓ᭄ᬮᬫ᭄ᬩᬸᬫᬕᬸᬮᬸᬂᬲᬫᬶ᭞ᬮᬶᬦ᭄ᬢᬂᬢᬗᬃᬳᬶᬤᬾᬯᬕᬸᬂ᭞ᬳᬧᬂᬤᬵᬓᬲ᭄ᬭᬄᬫᬾᬚᬵ᭞ᬓᬸᬃᬱᬶᬫᬜᬫ᭄ᬧᬶᬂᬜᬗ᭄ᬓᭂᬍᬓ᭄ᬤᬶᬩᬸᬘᬸ᭞ᬳᬧᬦ᭄ᬭᬾᬄᬓᬧᬶᬦᭂᬄᬳᬦᬓ᭄᭞ᬳᬶᬤᬵᬢ᭄ᬯᬦ᭄ᬭᬵᬚᬩᬸᬧᬢᬶ᭟ᬲᬵᬫ᭄ᬧᬸᬦ᭄ᬫᬵ
ᬜᬫ᭄ᬧᬶᬂᬲᬫ᭄ᬬᬦ᭄᭞ᬦᬢᬄᬓᬫᬃᬗ᭄ᬮᬸᬦᬕᬮᬂᬢᬦ᭄ᬲᬶᬧᬶ᭞ᬭᬓᬦ᭄ᬤᬵᬗᬦ᭄ᬤᬶᬓᬳᬮᬸᬲ᭄᭞ᬦᬾᬚᬦᬶᬚᬮᬦ᭄ᬲᬬᬂ᭞ᬤᬳᬭᬶᬦ᭄ᬤᬵᬫᬜᭂᬫ᭄ᬩᬄᬗᬶᬭᬶᬂᬤᬾᬯᬕᬸᬂ᭞ᬤᬵᬲᬂᬓᬮᬶᬄᬕ᭄ᬮᬶᬲ᭄ᬜᭂᬫ᭄ᬩᬄ᭞ᬫᬜᬢᬸᬃᬕ᭄ᬦᬳᬾᬯ᭄ᬬᬓ᭄ᬢᬶ᭟ᬭᬶᬂ
ᬳᬶᬤᬵᬳ᭄ᬬᬂᬲᬲᬸᬳᬸᬦᬦ᭄᭞ᬚᭂᬂᬪᬝᬭᬵᬦᬭᬶᬫᬳᬶᬤᬵᬲᬫᬶ᭞ᬭᬾᬄᬳᬶᬭᬶᬓᬵᬳᬶᬤᬵᬓᬸᬫ᭄ᬧᬸᬮ᭄᭞ᬩ᭄ᬭᬶᬬᬸᬓ᭄ᬗᬫ᭄ᬩᬶᬮ᭄ᬓ᭄ᬭᬶᬲ᭄ᬳᬶᬤᬵ᭞ᬢᬦ᭄ᬫᬭᬶᬳᬶᬦᬸᬲᬄᬧᬢᬶ᭟ᬧᬥᬗᬸᬦᬸᬲ᭄ᬧᬚ᭄ᬦᭂᬗᬦ᭄᭞ᬫᬩ᭄ᬭᬶᬬᬸᬓ᭄ᬗᬦ᭄ᬤᬶᬓᬵᬧᬢᭂᬄ
ᬯ᭄ᬬᬓ᭄ᬢᬶ᭞ᬫᬶᬘ᭄ᬓᭂᬢᬶᬦ᭄ᬓ᭄ᬭᬶᬲ᭄ᬢᬸᬳᬸ᭞ᬦᬸᬲᬄᬧᬢᬶᬦ᭄ᬤᬶᬗᭂᬳᬂ᭞ᬦᬄᬳᬮᬶᬳᬂᬫᬵᬗ᭄ᬕᬧᬗ᭄ᬲᬶᬤ᭄ᬥᬵᬓᬢ᭄ᬧᬸᬓ᭄᭞ᬭᬾᬄᬜᬫᬫᬸᬮᬶᬄᬫᬮ᭄ᬯᬦ᭄᭞ᬳᬗ᭄ᬲᭂᬳᬂᬧᬂᬩᬓᬢ᭄ᬳᬸᬕᬶ᭟ᬫᬶᬦᬵᬓᬤᬶᬓᬾᬦ᭄ᬕᬕᬾᬮᬦ᭄᭞ᬲᬵᬫ᭄ᬧᬸᬦ᭄ᬳᬶᬤᬵᬫᭂ
[᭘ 8 A]
ᬲ᭄ᬦᬶᬦ᭄ᬓ᭄ᬭᬶᬲ᭄ᬯ᭄ᬬᬓ᭄ᬢᬶ᭞ᬕ᭄ᬮᬶᬲ᭄ᬫ᭄ᬬᬸᬤᬸᬓ᭄ᬳᬗ᭄ᬕᬵᬩ᭄ᬭᬶᬬᬸᬓ᭄᭞ᬢᬦ᭄ᬲᬄᬳᬶᬮᬂᬳᬶᬮᬗᬦ᭄᭞ᬳᭂᬦ᭄ᬤᬕ᭄ᬓᬸᬮᬶᬢ᭄ᬲᬂᬓᬮᬶᬄᬢ᭄ᬗᬄᬫᬕᭂᬩ᭄ᬬᬸᬕ᭄᭞ᬲᬂᬧᬭᬅᬢ᭄ᬫᬵᬳᬸᬫᬶᬫ᭄ᬩᬃ᭞ᬪᬝᬵᬭᬕ᭄ᬮᬶᬲ᭄ᬫᬗᬫ᭄ᬩᬶᬮ᭄᭟ᬅᬢ᭄ᬫᬵᬦ᭄ᬳᬶᬤᬵᬲᬂᬧᬮᬢᬺ᭞ᬫᬓᬓᬮᬶᬄᬧ᭄ᬭᬩᬯᬫᬶᬚᬶ᭠
ᬮ᭄ᬫᬗ᭄ᬓᬶᬦ᭄᭞ᬳᬸᬚᬦ᭄ᬭᬚᬵᬫᬮᬶᬄᬮᬶᬦᬸᬄ᭞ᬓ᭄ᬭᬸᬕ᭄ᬓᬮᬵᬧᬾᬕ᭄ᬢᬦ᭄ᬧ᭄ᬕᬢ᭄᭞ᬢᬾᬚᬗᬤᭂᬕ᭄ᬫᬤᬸᬮᬸᬭᬦ᭄ᬢᭀᬚᬶᬸᬬᬫᬭᬹᬫ᭄᭞ᬧ᭄ᬭᬶᬂᬫᬵᬃᬕ᭄ᬕᬫᬜᬼᬫ᭄ᬧᬂ᭞ᬓᬸᬯᬸᬂᬓᬸᬯᬸᬂᬢᬾᬚᬕᬸᬮᬶᬂ᭟ᬳᬧᬦ᭄ᬭᬾᬄᬚᬦᬶᬧᬺᬪᬵᬯ᭞ᬲᬂᬫᬯᬭᬵᬢ᭄ᬭᬢᬸ
ᬯᬶᬚᬶᬮᬶᬂᬍᬯᬶᬄ᭞ᬧᬤᬓᬕ᭄ᬬᬢ᭄ᬓᬮᬗ᭄ᬓᬸᬂ᭞ᬯᬸᬲ᭄ᬓᬧᬶᬦᭂᬄᬧ᭄ᬭᬪᬵᬯ᭞ᬩᬦᬾᬢᬯᬄᬢ᭄ᬯᬭᬵᬢᬳᬾᬦ᭄ᬧᬥᬫᬗ᭄ᬕᬸᬄ᭞ᬳᬸᬚᬦ᭄ᬩᬍᬲ᭄ᬗᬺᬱᬂᬫᬦᬄ᭞ᬧᬗᬦ᭄ᬤᭂᬕ᭄ᬧᬂᬤᬵᬫᬫᬵᬃᬕ᭄ᬕᬶ᭟ᬳᬶᬤᬾᬯᬕᬸᬂᬳᬚᬶᬳᬶᬤᬵ᭞ᬲᬋᬂᬲᬫ᭄ᬬᬦ᭄ᬓᬬᬸᬦ᭄ᬭᬸᬲ
ᬓ᭄ᬢᬦ᭄ᬲᬶᬧᬶ᭞ᬧᬧᬶᬦᭂᬄᬓ᭄ᬦᬶᬫᬓᬸᬫ᭄ᬧᬸᬮ᭄᭞ᬭᬶᬂᬳᭀᬓᬦ᭄ᬳᬶᬤᬵᬲᬫ᭄ᬬᬦ᭄᭞ᬮᬶᬦ᭄ᬢᬂᬓᬾᬫᬦ᭄ᬧᬘᬂᬫᬗᬸᬢᬸᬲ᭄ᬫᬦᬸᬢᬸᬃ᭞ᬭᬾᬄᬳᬸᬚᬦ᭄ᬓᬩᬶᬦᬵᬩᬶᬦᬵ᭞ᬓ᭄ᬭᬸᬕ᭄ᬓ᭄ᬮᬾᬧ᭄ᬫᬜᬦ᭄ᬤᭂᬭᬶᬦ᭄᭟ᬗ᭄ᬳᬶᬂᬧᬤᬲᬸᬗ᭄ᬲᬸᬢ᭄ᬤᬶᬋᬤ᭄ᬥᬵ᭞ᬦᭂᬂᬤᬶᬧᬸᬭᬶᬤᬶᬩ
Kaca:Bali-lontar-gaguritan-twan-raja-300ppi.pdf/8
Kaca puniki sampun kauji-wacén
