[᭖᭑ 61 B]
᭖᭑
᭟ᬲᬩᬢᭂᬓ᭄ᬢᭀᬦ᭄ᬤᬾᬦ᭄ᬫᬢᬢᬄ᭞ᬳᬚᬓ᭄ᬫᬵᬦᬾᬲᬸᬩᬤ᭄ᬧᬶᬦ᭄ᬤᬶᬦᬶ᭞ᬧᬂᬳᬤᬗᬬᬳᬶᬦ᭄ᬮᬯᬸᬢ᭄᭞ᬳᬭᬶᬜᭂᬫ᭄ᬩᬄᬢᬦ᭄ᬳᬸᬮᬓ᭄᭞ᬳᬚᬶᬩ᭄ᬬᬂᬫᬦᬶᬫ᭄ᬩᬮ᭄ᬫᬃᬤᬯᬫᬭᬸᬫ᭄᭞ᬧᬢᭂᬄᬧᬦᬶᬫ᭄ᬩᬮᬾᬲᬫ᭄ᬬᬦ᭄᭞ᬳᬶᬭᬮᬓᬃᬗ᭄ᬳᬸᬫ᭄ᬚᬜ᭄ᬚᬶ᭟ᬳᬦᬓ᭄ᬥᬵᬜᭂᬫ᭄ᬩᬄᬫᬢᬸ
ᬢᬂ᭞ᬲᬵᬫ᭄ᬧᬸᬦ᭄ᬕᬸᬮᬸᬓ᭄ᬩᬩᬯᭀᬲ᭄ᬳᬶᬤᬵᬫᬗ᭄ᬓᬶᬦ᭄᭞ᬧᬥᬮᬾᬤᬗᬾᬤᬶᬓᬬᬸᬦ᭄᭞ᬳᬶᬤᬾᬯᬕᬸᬂᬫᬸᬱ᭄ᬝᬧᬵ᭞ᬕ᭄ᬮᬶᬲ᭄ᬳᬶᬤᬵᬫᬦᬯᬸᬳᬶᬦ᭄ᬧᬭᬭᬢᬸ᭞ᬳᬚᬶᬅ᭄ᬳᬚᬶᬅ᭄ᬲᬋᬂᬲᬫ᭄ᬬᬦ᭄᭞ᬕᬳᬾᬦ᭄ᬢ᭄ᬬᬗᬾᬳᬶᬢᬸᬗᬶᬦ᭄᭟ᬧᬂᬲᬵᬫ᭄ᬧᬸᬦ᭄ᬧ᭄ᬭᬕᬢ᭄ᬫᬵ
ᬓ᭄ᬚᬂ᭞ᬳᬸᬧᬓᬵᬭᬩᬮᬾᬧᬥᬧᬬᬲᬶᬦ᭄᭞ᬤᬶᬩᬮᬾᬗᬸᬮᬾᬮᬫ᭄ᬳᬦᬸᬢ᭄᭞ᬢᭀᬗᭀᬲ᭄ᬢ᭄ᬬᬂᬫᬢᬢᬄ᭞ᬳᬧᬂᬳᬰ᭄ᬭᬶᬳᬦ᭄ᬢᬭᬦ᭄ᬳᬓᬾᬳᬦᬸᬢ᭄᭞ᬓᬮᬶᬄᬫᬸᬮᬶᬄᬫᬸᬓᬸᬮ᭄ᬓᬯᬢ᭄᭞ᬲᬸᬭᬤᬤᬸᬧᬤᬧᬗ᭄ᬕᬶᬮ᭄᭟ᬳᬧᬂᬳ᭄ᬬᬧᬥᬲᬬᬕ᭞
ᬮᬦ᭄ᬤᬶᬓᬨᬮ᭄ᬓ᭄ᬭᬡᬢ᭄ᬧᬥᬳᬶᬲᬶᬦᬶᬦ᭄᭞ᬯᬢᭂᬓ᭄ᬫᬳᬶᬦᬦ᭄ᬫᬢᬸᬭᬸᬢ᭄᭞ᬳᬧᬗᬧᬥᬢ᭄ᬓᬵ᭞ᬧᬭᬭᬵᬢᬸᬫᭂᬧᭂᬲ᭄ᬜᭂᬫ᭄ᬩᬄᬢᬸᬃᬫᬩ᭄ᬭᬶᬬᬸᬓ᭄᭞ᬤᬕᬶᬂᬲᬫᬶᬦᬾᬦ᭄ᬢᬦ᭄ᬢᬸᬮᬓ᭄᭞ᬳᬶᬤᬾᬯᬕᬸᬂᬗᬦ᭄ᬤᬶᬓᬵᬭᬶᬲ᭄᭟ᬢᬦ᭄ᬫᬭᬶᬭᬶᬂᬧᬭᬵ
[᭖᭒ 62 A]
ᬧᬸᬢᬺ᭞ᬩᬶᬄᬦᬾᬓᬕᬸᬂᬦᬾᬕᬳᬾᬧᬥᬢᬫ᭄ᬧᬶ᭞ᬢᬢᬭᬶᬂᬕᬳᬾᬧᬂᬳᬮᬸᬲ᭄᭞ᬓᬫᬜ᭄ᬘ᭄ᬬᬸᬢ᭄ᬓᭂᬤᬂ᭞ᬓᬮᬶᬄᬲᬸᬦ᭄ᬤᬶᬄᬳᬧᬂᬗᬧᬶᬢ᭄ᬫᬃᬕ᭄ᬕᬵᬧᬳᬸᬢ᭄᭞ᬢᬢᬭᬶᬂᬳᬧᬂᬫᬧᬬᬲ᭄᭞ᬢᭀᬗᭀᬲ᭄ᬫᬳᬶᬦᬦ᭄ᬳᬧᬶᬓᬶᬦ᭄᭟ᬦᬓᬬᭀᬦᬦᬾ
ᬤᬶᬫᬵᬃᬕ᭄ᬕᬵ᭞ᬧᬂᬫᬳ᭄ᬬᬲ᭄ᬧᬺᬧᬸᬢᬺᬜᭂᬫ᭄ᬩᬄᬲᬫᬶ᭞ᬳᬶᬧᬶᬦᬾᬢ᭄ᬕᭂᬮᬶᬲ᭄ᬓᬤᬯᬸᬄ᭞ᬜᭂᬫ᭄ᬩᬄᬳᬶᬧᬸᬦ᭄ᬗᬋᬧᬂ᭞ᬳᬶᬤᬾᬯᬕᬸᬂᬫᬮᬶᬄᬫᬗᬦ᭄ᬤᬶᬓᬵᬳᬮᬸᬲ᭄᭞ᬩᬶᬄᬳᬶᬩᬫᬮᬸᬫᬢᬢᬄ᭞ᬳᬶᬧᬶᬦᬾᬢ᭄ᬜᭂᬫ᭄ᬩᬄᬲᬳᬶᬭᬶᬂ᭟ᬫᬮᬶᬄᬕᬯᭀᬓ᭄ᬲ
ᬋᬂᬲᬂᬫ᭄ᬬᬦ᭄᭞ᬓᬧᬶᬦ᭄ᬢᬂᬳᬶᬧᬶᬦᬾᬢ᭄ᬲᬤ᭄ᬬᬕᬢᬶ᭞ᬫᬢᬢᬄᬗᬶᬭᬶᬂᬳᬶᬤ᭄ᬯᬕᬸᬂ᭞ᬓᬲ᭄ᬢᬸᬧᬸᬗ᭄ᬓᬸᬪᬕᬯᬦ᭄᭞ᬮᬦ᭄ᬫᬓᬢᬂᬲᬳᬸᬧᬓᬭᬦᬶᬂᬭᬵᬢᬸ᭞ᬳ᭄ᬦᭂᬂᬦᬾᬫᬗᬗᭀᬩᬂ᭞ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬫᬮᬶᬄ᭟ᬭᬶᬂᬧᬸᬗ᭄ᬕᬯᬫᬜ᭄ᬘᬲᬫ᭄ᬬ
ᬦ᭄᭞ᬓᬶᬘᬾᬦ᭄ᬓᬃᬬ᭄ᬬᬵᬫᬲᭀᬯᬂᬲᭀᬯᬂᬯ᭄ᬬᬓ᭄ᬢᬶ᭞ᬳᬤᬗᬋᬧᬶᬦ᭄ᬧᬢᬫ᭄ᬬᬸ᭞ᬳᬤᬓᬾᬧᬧᬾᬲ᭄ᬢᬬᬦ᭄᭞ᬳᬤᬓᭀᬧᬶᬳᬤᬧᬫᬶᬚ᭄ᬬᬦ᭄ᬲᬫ᭄ᬧᬸᬦ᭄᭞ᬩ᭄ᬭᬶᬦ᭄ᬳᬤᬍᬮᬕᬭᬦ᭄᭞ᬳᬶᬦᬸᬫ᭄ᬳᬶᬦᬸᬫᬦ᭄ᬢᬦ᭄ᬫᬭᬶ᭟ᬳ᭄ᬤᬗᬋᬧᬶᬦ᭄
Kaca:Bali-lontar-gaguritan-twan-raja-300ppi.pdf/62
Kaca puniki sampun kauji-wacén
