[᭖᭐ 60 B]
᭖᭐
ᬓᬶᬂᬩᬮᬶ᭞ᬢᬶᬕᬵᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬭᬶᬂᬳᬶᬤᬵᬤᬭᬓᬦ᭄ᬥᬵ᭞ᬳᬶᬤᬾᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬧᬢᭂᬄᬳᬢᬸᬃᬤᬵ᭞ᬗ᭄ᬢᬸᬲ᭄ᬓᬬᬸᬦ᭄ᬲᬯ᭄ᬬᬓ᭄ᬢᬶ᭟᭚ᬧᬗ᭄ᬓᬸᬃ᭚ᬭᬵᬢᬸᬤ᭄ᬯᬕᬸᬂᬧᬦᭂᬫ᭄ᬩᬳᬦ᭄᭞ᬢᬦ᭄ᬓᬢᬳᬸᬃᬳᬸᬢᬂᬢᬶᬢ᭄ᬬᬂᬫᬢᬶᬦ᭄ᬤᬶᬄ᭞ᬮᬶᬦ᭄ᬢᬂᬲ᭄ᬯᬾᬘ᭄ᬘᬵᬚᭂᬂᬧᬸᬓᬸᬮᬸ
ᬦ᭄᭞ᬭᬓᬦ᭄ᬥᬵᬳᬮᬸᬲ᭄ᬦᬶᬫ᭄ᬩᬮ᭄᭞ᬤᬢᬤᬢᬵᬩ᭄ᬭᬶᬦ᭄ᬭᬯᭀᬲᬂᬦᬓᬕᬸᬂ᭞ᬢ᭄ᬯᬭᬵᬤᬜᬦ᭄ᬥᬂᬮᬦ᭄ᬢᬗᬂ᭞ᬲᬂᬢᬶᬕᬵᬫᭂᬧᭂᬲᬳᬶᬭᬶᬂ᭟ᬲᬃᬯ᭄ᬯᬶᬢᬦ᭄ᬧᬕᬦ᭄ᬢᬶᬜᭂᬫ᭄ᬩᬄ᭞ᬤᬲᬂᬦᬵᬸᬶᬣᬶᬕᬵᬗᬦ᭄ᬤᬶᬓᬵᬢ᭄ᬓᬾᬦ᭄ᬳᬭᬶ᭞ᬭᬶᬂᬳᬭᬶᬳᬶᬤᬳᬶᬤ᭄ᬯᬕᬸᬂ᭞ᬧᬸᬢᬺᬳᬲ᭄ᬢ᭄ᬭᬫᬸᬱ᭄ᬝᬧᬵ᭞
ᬧᬧᬢᭂᬳᬦ᭄ᬧᬦ᭄ᬤᬶᬓᬵᬓᬮᬶᬦ᭄ᬢᬂᬳᬮᬸᬲ᭄᭞ᬫᬾᬳᬢᬸᬤᬾᬅ᭄ᬜᬫᬦ᭄ᬢ᭄ᬬᬂ᭞ᬳᬸᬢᬂᬢ᭄ᬬᬗᬾᬫᬢᬶᬦ᭄ᬤᬶᬄ᭟ᬭᬾᬄᬜᬸᬧᬢ᭄ᬧᬶᬢᬺᬓᬲᬲᬃ᭞ᬤᬳᬭᬶᬦ᭄ᬥᬵᬫᬜᭂᬫ᭄ᬩᬄᬳᬶᬤᬕ᭄ᬮᬶᬲ᭄᭞ᬭᬶᬂᬭᬓᬦ᭄ᬥᬵᬓᬮᬶᬄᬫᬢᬸᬃ᭞ᬤᬾᬯᬕᬸᬂᬲᬵᬫ᭄ᬧᬸᬦ᭄ᬧᬶᬲᬦ᭄᭞ᬫᬫᬜ᭄ᬚᬗᬂ
ᬩᬓ᭄ᬢᬶᬦ᭄ᬢᬶᬢ᭄ᬬᬂᬕᬫᭂᬮ᭄ᬤ᭄ᬯᬕᬸᬂ᭞ᬤᬵᬭᬓᬦ᭄ᬥᬵᬢᬶᬕᬦᬶᬫ᭄ᬩᬮ᭄᭞ᬗ᭄ᬕᬶᬄᬢ᭄ᬬᬂᬢᬭᬶᬫᬕᬢᬶ᭟ᬳᬶᬤᬾᬯᬕᬸᬂᬫᬥᬾᬜᭂᬫ᭄ᬩᬄ᭞ᬫᬢᬸᬃᬳᬭᬶᬲ᭄ᬫ᭄ᬭᬶᬂᬳᬚᬶᬳᬸᬯᬦ᭄ᬥᬵᬫᬮᬶᬄ᭞ᬦᬾᬩᬾᬜ᭄ᬚᬂᬢᬶᬢ᭄ᬬᬂᬤᬾᬯᬕᬸᬂ᭞ᬫᬧᬫᬶᬢ᭄ᬫᬤᬩ᭄ᬤᬩᬦ᭄᭞ᬭᬾᬄᬦᬍᬲᭂ
[᭖᭑ 61 A]
ᬓ᭄ᬲᬫᬮᬶᬄᬢᬶᬢ᭄ᬬᬂᬤᬾᬯᬕᬸᬂ᭞ᬓᬤᬶᬮᬸᬘᬸᬫᬗ᭄ᬮᬸᬗ᭄ᬲᬸᬭᬂ᭞ᬲᬦᬾᬳ᭄ᬮᬸᬄᬲᬋᬂᬲᬫᬶ᭟ᬫᬢᬢᬄᬭᬶᬂᬫᬜ᭄ᬘ᭄ᬬᬭᬚᬵ᭟ᬳᬦᬓ᭄ᬤ᭄ᬯᬕᬸᬂᬲᬦᬾᬫ᭄ᬯᬦᬶᬯ᭄ᬬᬓ᭄ᬢᬶ᭞ᬓ᭄ᬦᬶᬳᬶᬭᬶᬓᬶᬤᬾᬯᬕᬸᬂ᭞ᬫᬢᬢᬄᬢ᭄ᬬᬂ᭞ᬲᬓᬾᬯᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬗᬾᬤ᭄ᬯᬕᬸᬂ
ᬧᬸᬦᬶᬓᬶᬳᬶᬩ᭄ᬬᬂᬲᬫ᭄ᬬᬦ᭄᭞ᬯᬾᬦ᭄ᬢᭂᬦ᭄ᬓᬫᬜ᭄ᬘ᭄ᬬᬳᬶᬭᬶᬓᬶ᭞ᬲᬂᬦᬵᬣᬫᬮᬶᬄᬫᬦᬶᬫ᭄ᬩᬮ᭄᭞ᬤᬶᬚᬗᬮᬶᬄᬧᬤᬡ᭄ᬥᬵᬫᬗ᭄ᬯᬾᬤᬳᬶᬦ᭄᭞ᬤᬳᬦᬓ᭄ᬥᬵᬓᬮᬶᬄᬫᬢᬸᬃ᭞ᬳᬦᬓ᭄ᬤᬦᬾᬯᬶᬰᬾᬱᬵ᭞ᬳᬢᬸᬃᬧᬢᭂᬄᬧᬫᬦᬄᬢᬶᬢ᭄ᬬᬗᬾᬤ᭄ᬯᬕᬸᬂ᭞ᬚᬕᬶᬫᬗᬃᬤ᭄ᬩ
ᬕᬯᬦ᭄᭞ᬓ᭄ᬦᬶᬳᬶᬤᬫᬗ᭄ᬯᬾᬤᬳᬶᬦ᭄᭟ᬲᬫᬶᬕ᭄ᬬᬢ᭄ᬲᬂᬫᬶᬬᬃᬱᬵ᭞ᬓᬮᬶᬄᬕᬯᭀᬓ᭄ᬳᬶᬤᬵᬕᬸᬂᬳᬚᬶ᭞ᬧᬥᬮᬾᬤᬗᬾᬓᬮᬗ᭄ᬓᬸᬂ᭞ᬦ᭄ᬤᬸᬯᬾᬳᭀᬓᬲᬦ᭄ᬤᬾᬯ᭞ᬳᬶᬤᬾᬯᬕᬸᬂᬫᬥᬾᬓ᭄ᬜᭂᬫ᭄ᬗᬦ᭄ᬤᬶᬓᬵᬮᬸᬲ᭄᭞ᬭᬶᬂᬳᬭᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬳᬢᬸ
ᬤᬾᬅ᭄ᬦᬩ᭄ᬤᬩᬂᬚᬦᬶ᭟ᬓᬮᬶᬄᬦᬾᬩᬶᬦ᭄ᬧᬶᬢᬸᬂᬤᬶᬦᬵ᭞ᬳᬶᬭᬶᬂᬧᬶᬲᬦ᭄ᬳᬶᬩ᭄ᬬᬂᬲᬋᬂᬓᬮᬶᬄ᭞ᬓ᭄ᬦᬶᬫᬦ᭄ᬢᬸᬓᬫᬜ᭄ᬘ᭄ᬬᬸ᭞ᬳᬶᬤᬧᬘᬂᬗ᭄ᬯᬶᬮᬗᬂ᭞ᬭᬾᬄᬤᬶᬚᬯᬧᬤᬢ᭄ᬯᬭᬵᬦᬯᬂᬳᬸᬦ᭄ᬤᬸᬓ᭄᭞ᬳᬢᬸᬅ᭄ᬳᬸᬢᭂᬦ᭄ᬧᬥᬳᬚᬓ᭄᭞ᬭᬾᬄᬤᬶᬢᬸᬮᬓᬃᬢᬢᬳᬶᬦ᭄
Kaca:Bali-lontar-gaguritan-twan-raja-300ppi.pdf/61
Kaca puniki sampun kauji-wacén
