[᭕᭙ 59 B]
᭕᭙
ᬳᬶᬤᬾᬯᬕᬸᬂᬮᬦᬂ᭞ᬦ᭄ᬤᬸᬯᬾᬢᬢᬢᭀᬦ᭄ᬯ᭄ᬬᬓ᭄ᬢᬶ᭞ᬫᬳᬯᬶᬦᬦ᭄ᬳᬶᬤᬵ᭞ᬭᬓᬓᬮᬶᬦ᭄ᬢᬂᬧᬮᬦ᭄᭞ᬢᬦ᭄ᬓᭀᬘᬧ᭄ᬲᬫᬶᬫᬗ᭄ᬭᬜ᭄ᬚᬶᬂ᭞ᬫᬺᬫᬺᬫᬦ᭄᭞ᬳᬶᬤᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭟ᬢᬦ᭄ᬓᬶᬲ᭄ᬮᬦ᭄ᬗᬫᭂᬮ᭄ᬳᬬᬢ᭄ᬳᬶᬧᬾᬦ᭄ᬳᬶᬤᬵ᭞ᬳ᭄ᬦᭂᬗᬂᬫᬮᬸᬤᬶᬦᬶ᭞ᬲᬂᬦᬵᬣᬳᬸᬘᬧᬂ
᭞ᬢᬗ᭄ᬓᬶᬮᬦ᭄ᬮᬶᬦ᭄ᬢᬂᬳᬸᬫ᭄ᬬᬂ᭞ᬲᬂᬦᬵᬣᬓᬸᬭᬶᬧᬦ᭄ᬫᬗ᭄ᬓᬶᬦ᭄᭞ᬧᬧᬶᬦᭂᬄᬳᬶᬤ᭞ᬧᬘᬂᬓᬯ᭄ᬥᬃᬫᬗ᭄ᬓᬶᬦ᭄᭟ᬕ᭄ᬮᬶᬲ᭄ᬳᬶᬤᬵᬗᬦ᭄ᬤᬶᬓᬵᬭᬶᬂᬳᬭᬶᬢᬶᬕᬵ᭞ᬯᬘᬦᬵᬭᬸᬫ᭄ᬳᬫᬦᬶᬲ᭄᭞ᬳᬤᬶᬚᬓ᭄ᬫᬓ᭄ᬚᬂ᭞ᬓᬾᬦᬵᬳᬾᬧᬶᬓ᭄ᬦᭂᬄᬢ᭄ᬬᬂ᭞ᬲᬧᬦᬓ᭄ᬮᬓᬃᬢᬢᬳᬶᬦ᭄᭞ᬲᬸᬯᬸᬤ᭄ᬫᬢ
ᬢᬄ᭞ᬳᬧᬂᬧᬤᬫᬩᬸᬜ᭄ᬘᬶᬂ᭞ᬤᬵᬳᬭᬶᬦ᭄ᬥᬵᬢᬶᬕᬜᭂᬫ᭄ᬩᬄᬫᬫᬢᬸᬢᬃ᭞ᬡᭀᬓᭀᬃᬜᭂᬫ᭄ᬩᬄᬲᬫᬶ᭞ᬢᬍᬃᬫᬫᬢᬸᬢᬂ᭞ᬩ᭄ᬭᬶᬬᬸᬓ᭄ᬳᬶᬤᬲᬂᬦᬵᬣ᭞ᬗᬦ᭄ᬤᬶᬓᬵᬭᬶᬂᬳᭀᬓᬵᬫᬗ᭄ᬓᬶᬦ᭄᭞ᬢᬦ᭄ᬓᬤᬶᬭᬶᬂᬲᬂ᭞ᬯᬶᬰᬾᬱᬵᬫᬓᬓ᭄ᬮᬶᬄ᭟ᬫᬾᬦᬓ
ᬕᬸᬂᬢ᭄ᬬᬂᬩᬜ᭄ᬚᬸᬭᬦ᭄ᬓ᭄ᬦᭂᬳᬂ᭞ᬭᬾᬄᬲᬸᬩᬜᬦ᭄ᬤᬂᬲᬫᬶ᭞ᬫᬦ᭄ᬮᬳᬶᬦ᭄ᬳᬯᬓ᭄᭞ᬓᬮᬶᬄᬲᬸᬩᬧᬶᬗᬦᬦ᭄᭞ᬲᬸᬳᬸᬤ᭄ᬫᬢᬢᬄᬫᬩᬸᬜ᭄ᬘᬶᬂ᭞ᬳᬶᬤᬳᬦᬓ᭄ᬥᬵ᭞ᬫᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬗᬶᬭᬶᬂ᭟ᬫᬮᬶᬄᬳᬶᬤᬳᬶᬤᬾᬯᬕᬸᬂᬤᬵᬳᬸᬯᬦ᭄ᬥᬵ᭞ᬗᬦ᭄ᬤᬶ
[᭖᭐ 60 A]
ᬓᬵᬭᬶᬂᬲᬂᬓᬮᬶᬄ᭞ᬭᬶᬂᬳᭀᬓᬯᬶᬰᬾᬱᬵ᭞ᬕ᭄ᬬᬸᬃᬓᬮᬶᬄᬩᬜ᭄ᬚᬸᬭᬦ᭄᭞ᬮᬳᬸᬢᬂᬳᬮᬶᬳᬂᬚᬦᬶ᭞ᬤᬾᬯᬕᬸᬂᬰᬵᬫ᭄ᬮᬄ᭞ᬫᬢᬢᬄᬮᬾᬦ᭄ᬫᬩᬸᬜ᭄ᬘᬶᬂ᭟ᬤᬵᬲᬂᬓᬮᬶᬄᬳᬦᬓ᭄ᬥᬵᬭᬭᬶᬲ᭄ᬫᬢᬶᬫ᭄ᬩᬮ᭄᭞ᬤᬕᬶᬂᬢ᭄ᬮᬲᬳᬶᬭᬶᬂ᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬕ᭄ᬮᬶᬲ᭄ᬳᬶᬤ
ᬦᬯᬸᬳᬂ᭞ᬫᬗᬫ᭄ᬩᬶᬮ᭄ᬓᬶᬢᬩ᭄ᬦᬾᬫᬗ᭄ᬓᬶᬦ᭄᭞ᬭᬾᬄᬧᬗᬮᬶᬬᬦ᭄᭞ᬤᬾᬯᬱᬵᬓᬢᬹᬃᬕ᭄ᬮᬶᬲ᭄᭟ᬳᬶᬤᬾᬯᬕᬸᬂᬫᬸᬱ᭄ᬝᬧᬵᬫᬗ᭄ᬓᬶᬦ᭄ᬗᬺᬋᬳᬂ᭞ᬢᬦ᭄ᬓᭀᬘᬧ᭄ᬓ᭄ᬦᬶᬫᬗ᭄ᬓᬶᬦ᭄᭞ᬧᬸᬧᬸᬢ᭄ᬫᬗᬺᬋᬳᬂ᭞ᬕ᭄ᬮᬶᬲ᭄ᬳᬶᬤᬫᬜᭂᬫ᭄ᬩᬄ᭞ᬭᬶᬂᬳᬶᬤᬵᬳᬚᬶᬦ᭄ᬥᬵᬲᬫᬶ᭞ᬤᬾᬯ
ᬕᬸᬂᬲᬫ᭄ᬬᬦ᭄᭞ᬫᬮᬶᬄᬳᬤᬰᬯ᭄ᬗᬶ᭟ᬧᬧᬦ᭄ᬤᭂᬲᬦ᭄ᬳᬶᬭᬶᬓᬩ᭄ᬘᬶᬓᬮᬶᬦ᭄ᬢᬂ᭞ᬫᬮᬶᬄᬲ᭄ᬮᬳᬾᬯ᭄ᬗᬶ᭞ᬩ᭄ᬘᬶᬓ᭄ᬧᬩᬸᬜ᭄ᬘᬶᬗᬦ᭄᭞ᬲᬂᬦᬣᬢᬶᬕᬦᬶᬫ᭄ᬩᬮ᭄᭞ᬧᬢᭂᬄᬧᬦᬶᬫ᭄ᬩᬮᬾᬯ᭄ᬬᬓ᭄ᬢᬶ᭞ᬢᬗ᭄ᬲᬄᬭᬶᬂᬳᬶᬤᬵ᭞ᬳᭀᬓᬵᬯᬶᬰᬾᬱᬓᬮᬶᬄ᭟ᬫᬾᬦᬓᬕᬸᬂᬳᬚᬓ᭄ᬤ
ᬤ᭄ᬯᬫᬗᬶᬢᬸᬗᬂ᭞ᬘᭂᬦ᭄ᬤᭂᬢ᭄ᬳᬸᬯᬦᬾᬚᬦᬶ᭞ᬓᬮᬶᬄᬳᬚᬶᬓ᭄ᬧᬥᬵᬚ᭄ᬮᬾᬫ᭄ᬮᬄᬩᬦ᭄ᬧᬦᬓ᭄᭞ᬭᬾᬳᬵᬳᬕᬸᬂᬳᬕᬸᬂᬫᬗᬗ᭄ᬓᬶᬤ᭄᭞ᬳ᭄ᬬᬂᬫᬓ᭄ᬚᬂ᭞ᬫᬍᬩᭀᬓ᭄ᬤᬶᬬᬫᬦᬶ᭟ᬤᬲᬂᬓᬮᬶᬄᬫᬮᬶᬄᬜᭂᬫ᭄ᬩᬄᬦᬾᬦ᭄ᬢᭂᬦ᭄ᬧᬜ᭄ᬚᬂᬳᬦᬓ᭄ᬥᬵᬲ
Kaca:Bali-lontar-gaguritan-twan-raja-300ppi.pdf/60
Kaca puniki sampun kauji-wacén
