[᭕᭘ 58 B]
᭕᭘
ᬬᬸᬓᬦ᭄᭞ᬳᬦᬓ᭄ᬳᬦᬓ᭄ᬥᬵᬯ᭄ᬬᬓ᭄ᬢᬶ᭞ᬭᬾᬄᬓᬧᬶᬦᭂᬄᬜᬦ᭄ᬤᬂ᭞ᬫᬮᬶᬄᬫᬧᬶᬦᭂᬄᬳᬶᬤᬵ᭞ᬤᬵᬳᬦᬓ᭄ᬥᬵᬲᬋᬂᬲᬫᬶ᭞ᬓᬬᬸᬦ᭄ᬲᬂᬦᬵᬣ᭞ᬓ᭄ᬦᬶᬫᬧᬦ᭄ᬤᭂᬲ᭄ᬭᬶᬳᬶᬦ᭄᭟ᬲᬧᬸᬦᬶᬓᬵᬓᬬᬸᬦ᭄ᬥᬵᬤᬶᬚ᭄ᬭᭀᬦᬶᬂᬋᬤ᭄ᬥᬵ᭞ᬕ᭄ᬮᬶᬲ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬭᬶᬂᬳᬶᬤ
ᬫᬦ᭄ᬢᬸᬦ᭄ᬥᬵ᭞ᬳᬶᬓᬦᭀᬂᬓ᭄ᬫᬓᬾᬳᬚᬓ᭄᭞ᬢᭀᬫᬶᬲᬦᬾᬧᬤᬫᬸᬮᬶᬄ᭞ᬬᬾᬦ᭄ᬤᬶᬚᬵᬧᬘᬂ᭞ᬮᬸᬄᬮᬸᬳᬾᬫᬦᭀᬗᭀᬲᬶᬦ᭄᭟ᬤᬵᬳᬦᬓ᭄ᬥᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬜᭂᬫ᭄ᬩᬄ᭞ᬢᬶᬢ᭄ᬬᬂᬢᬮ᭄ᬲᬳᬶᬭᬶᬂ᭞ᬫᬮᬶᬄᬳᬶᬤᬜᭂᬫ᭄ᬩᬄ᭞ᬭᬶᬂᬭᬓᬦ᭄ᬥᬵᬲᬫ᭄ᬬ
ᬦ᭄᭞ᬭᬶᬂᬳᬶᬤᬵᬲᬂᬭᬵᬳᬚᬧᬸᬢ᭄ᬭᬶ᭞ᬳᬶᬤ᭄ᬯᬕᬸᬂᬫᬸᬢᬺ᭞ᬤ᭄ᬯᬕᬸᬂᬭᬢᬸᬢᬦ᭄ᬓᬤᬶ᭟ᬤᬵᬲᬂᬓᬮᬶᬄᬭᬓᬦ᭄ᬥᬵᬗᬗ᭄ᬕᬸᬢᬶᬦ᭄ᬕᬗ᭄ᬲᬃ᭞ᬳᬶᬤᬵᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬫᬮᬶᬄᬫᭂᬧᭂᬲ᭄ᬳᬶᬤᬵ᭞ᬭᬶᬂᬫᬤᬾᬯᬶᬲᬫ᭄ᬬᬦ᭄᭞ᬭᬶᬂᬭᬓᬦ᭄ᬥᬵᬫᬶᬦᬓᬤᬶ᭞ᬭᬶᬂᬳᬶᬧᬾᬦᬵᬢᬗ᭄ᬲᬄ᭞ᬫᬩ᭄ᬭᬶᬬᬸᬓ᭄ᬫ
ᬗᬗ᭄ᬕᬸᬢᬶᬦ᭄᭟ᬲᬋᬂᬲᬫ᭄ᬬᬦ᭄ᬫᬜᭂᬫ᭄ᬩᬄᬭᬶᬂᬳᬚᬶᬳ᭄ᬬᬂ᭞ᬳᬢᬸᬃᬲᬫᬶᬫᬧᬫᬶᬢ᭄᭞ᬩ᭄ᬬᬂᬤᬵᬳᬚᬶᬦ᭄ᬥᬵ᭞ᬕ᭄ᬮᬶᬲ᭄ᬳᬶᬤᬫᬳᬗ᭄ᬕᬸᬢᬦ᭄᭞ᬤᬵᬳᬦᬓ᭄ᬥᬵᬢ᭄ᬤᬸᬦ᭄ᬲᬫᬶ᭞ᬧᬺᬧᬸᬢ᭄ᬭᬶᬲᬫ᭄ᬬᬦ᭄᭞ᬫᬤᬾᬯᬶᬫᬶᬦᬓᬤᬶ᭟ᬲᬧᬋᬓᬦ᭄ᬲᬂᬤ᭄ᬬᬄᬗᬶᬭᬶᬂᬲᬫ᭄ᬬᬦ᭄᭞ᬜᬸ
[᭕᭙ 59 A]
ᬚᬸᬃᬕ᭄ᬥᭀᬂᬦᬾᬫᬗ᭄ᬓᬶᬦ᭄᭞ᬕ᭄ᬥᭀᬂᬓᬯᬶᬰ᭄ᬫᬭᬵ᭞ᬳᬶᬭᬶᬓᬳᬬᬢ᭄ᬳᬶᬤᬵ᭞ᬲᬂᬤ᭄ᬬᬄᬤᬤᭀᬲ᭄ᬳᬲᬶᬓᬶ᭞ᬕ᭄ᬥᭀᬂᬢᬢᬶᬕᬵ᭞ᬭᭀᬂᬭᭀᬂᬭᬲ᭄ᬧᬳᬸᬢ᭄ᬳᬲᬶᬦ᭄᭟ᬧᬭᬧᬸᬢ᭄ᬭᬶᬫᬗᬳᬸᬓ᭄ᬲᬫᬶᬫᬓᬫᬃ᭞ᬳᬶᬤᬫᬤᬾᬯᬶᬲᬫᬶ᭞ᬳᬕ᭄ᬥᭀᬂᬓᬢᬸᬭᬦ᭄᭞ᬳᬶᬤᬲᬂ
ᬤ᭄ᬬᬄᬲᬫ᭄ᬬᬦ᭄᭞ᬩᬮᬾᬫᬵᬲ᭄ᬧᬢ᭄ᬗᬾᬤᬦᬶᬦ᭄᭞ᬲᬯᬯᬧᬶᬲᬦ᭄᭞ᬘᬳ᭄ᬬᬦ᭄ᬲᭀᬘ᭄ᬘᬗᬸᬮᬧᬶᬦ᭄᭟ᬯᬸᬲ᭄ᬫᬳᬸᬦ᭄ᬤᬸᬓ᭄ᬫᬮᬶᬄᬓᬢᬸᬭᬦ᭄ᬫᬗ᭄ᬯᬾᬤᬂ᭞ᬢᬦ᭄ᬓᭀᬘᬧ᭄ᬳᬸᬲᬦ᭄ᬯ᭄ᬬᬓ᭄ᬢᬶ᭞ᬭᬢᬢᬦᬵᬦᬗ᭄ᬲᬬᬵ᭞ᬮᬾᬤᬂᬭᬾᬄᬓᬸᬫ᭄ᬧᬸᬮ᭄ᬳᬶᬤᬵ᭞ᬳᬶ
ᬤᬵᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬳᬕᬸᬂᬫᬫᬶᬦᭂᬄ᭞ᬳᬭᬶᬦ᭄ᬥᬵᬍᬲᬸᬲᬫᬶ᭟ᬳᬶᬤᬾᬯᬸᬶᬯᬕᬸᬂᬫᬗᬦ᭄ᬤᬶᬓᬵ᭞ᬭᬶᬂᬳᬭᬶᬳᬭᬶᬲᬫᬶ᭞ᬦᬓᬕᬸᬂᬫᬓ᭄ᬚᬂ᭞ᬢᬢᬰᭀᬯᭀᬦ᭄ᬓᬮᬶᬦ᭄ᬢᬂ᭞ᬓᬮᬶᬄᬳᬲᬺᬧ᭄ᬫᬲᬸᬓ᭄ᬳᬗᬶᬦ᭄᭞ᬫ᭄ᬮᬄᬫᬸᬮ᭄ᬬᬦ᭄᭞
ᬫᬺᬫᬺᬫᬦ᭄ᬳᬶᬗ᭄ᬕᬶᬄ᭟ᬤᬵᬳᬭᬶᬦ᭄ᬥᬵᬲᬂᬓᬮᬶᬄᬫᭂᬧᭂᬲ᭄ᬫᬜᭂᬫ᭄ᬩᬄ᭞ᬗᬸᬦᬶᬗᬵᬍᬲᬸᬯ᭄ᬬᬓ᭄ᬢᬶ᭞ᬕ᭄ᬮᬶᬲᬭᬓᬦ᭄ᬥᬵ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬳᬶᬤ᭞ᬳᬕᬸᬂᬦᬫ᭄ᬩᬸᬢᬗᬦ᭄ᬳᬭᬶ᭞ᬧᬦ᭄ᬳᬲᬾᬯᬓᬵ᭞ᬭᬾᬄᬳᬬᬢ᭄ᬳᬶᬧᬾᬦ᭄ᬯ᭄ᬬᬓ᭄ᬢᬶ᭟ᬳᬶᬤᬾᬯᬕᬸᬂᬭᬵᬢᬸ
Kaca:Bali-lontar-gaguritan-twan-raja-300ppi.pdf/59
Kaca puniki sampun kauji-wacén
