[᭕᭗ 57 B]
᭕᭗
ᬫᬗ᭄ᬓᬶᬦ᭄᭞ᬭᬾᬄᬕᬦ᭄ᬢᭀᬲ᭄ᬧᬶᬲᬦ᭄ᬤᬾᬯᬕᬸᬂ᭞ᬓᬮᬶᬄᬘᭀᬓᭀᬃᬳᬶᬤᬾᬯ᭞ᬫᬳᬶᬘᬬᬂᬳᬶᬧᬰᬵᬩᬚᬺᬤᬾᬯᬕᬸᬂ᭞ᬳᬶᬓᭀᬃᬕ᭄ᬕᬭᬶᬂᬳᬫᬸᬱᬵᬡ᭄ᬦ᭞ᬘᭂᬦ᭄ᬤᭂᬣᬢᬸᬃᬢᬶᬢ᭄ᬬᬂᬯ᭄ᬬᬓ᭄ᬢᬶ᭟ᬤᬾᬯᬕᬸᬂᬢᬶᬢ᭄ᬬᬂᬦᬯ᭄ᬕᬂ᭞ᬓᬤᬶᬮᬸᬘᬸᬧᬺᬱᬗ᭄ᬕᬵᬦᬾᬦ᭄ᬢᭂᬦ᭄ᬗᬶ
ᬭᬶᬂ᭞ᬢᬦ᭄ᬲᬓᬾᬂᬢᬶᬢ᭄ᬬᬂᬤᬾᬯᬕᬸᬂ᭞ᬦᬸᬮᬓ᭄ᬚᬦᬳᬶᬘ᭄ᬘᬵ᭞ᬭᬾᬳᬶᬂᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬓᬓᬢᬳᬦ᭄ᬤ᭄ᬯᬕᬸᬂ᭞ᬦᬾᬫᬵᬦ᭄ᬤᬸᬯᬾᬧᬋᬓᬦ᭄᭞ᬓᬦ᭄ᬢᭀᬲ᭄ᬫᬗᬦ᭄ᬢᬸᬓᬂᬯ᭄ᬬᬓ᭄ᬢᬶ᭟ᬢᬦ᭄ᬧᬓᬦ᭄ᬥᬵᬳᬚᬶᬦ᭄ᬥᬵ᭞ᬩᬸᬫ᭄ᬬᬃᬱᬵᬳᬢᬸᬃᬳᬦᬓ᭄ᬥᬵᬯ᭄ᬬᬓ᭄ᬢᬶ᭞
ᬦ᭄ᬢᭀᬯᬶᬓᬦ᭄ᬧᬥᬫᬲᬳᬸᬃ᭞ᬫᬮᬶᬄᬳᬶᬤ᭄ᬯᬕᬸᬂᬧᬸᬢᬺ᭞ᬭᬶᬂᬫᬸᬱ᭄ᬝᬧᬵᬜᭂᬫ᭄ᬩᬄᬭᬶᬂᬭᬓᬦ᭄ᬥᬵᬫᬢᬸᬃ᭞ᬭᬶᬂᬭᬓᬦ᭄ᬳᬶᬤ᭄ᬯᬕᬸᬂᬕᬸᬯᬸᬢᬺ᭞ᬲᬃᬯ᭄ᬯᬶᬫ᭄ᬓᬸᬮ᭄ᬧᬥᬧᬶᬓ᭄ᬢᬶ᭟ᬤᬾᬯᬕᬸᬂᬲᬵᬫ᭄ᬧᬸᬦ᭄ᬧᬫᭂᬗ᭄ᬕᬄ᭞ᬭᬾᬳᬶᬂᬢᬶᬢ᭄ᬬᬂᬧᬺᬲᬗ᭄ᬕᬵᬫᬫᬶᬮᬶᬳᬶᬦ᭄᭞ᬬᬾᬦ᭄ᬓᬶᬭᬗᬦ᭄ᬭᬢᬸ
ᬤ᭄ᬯᬕᬸᬂ᭞ᬢᬶᬢ᭄ᬬᬂᬧᬘᬂᬗᬢᬸᬭᬂ᭞ᬓ᭄ᬦᬶᬤ᭄ᬯᬕᬸᬂᬗᬫ᭄ᬧᬸᬭᬵᬭᬾᬳᬵᬚᬤ᭄ᬫᬵᬤᬸᬲᬸᬦ᭄᭞ᬓᬾᬯᬦ᭄ᬢᭂᬦ᭄ᬫᬶᬥᭂᬧ᭄ᬫᬧᬚᬃ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬓᬦ᭄ᬓᬾᬦ᭄ᬜᭂᬮᬶᬃ᭚ᬤᬹᬃᬫ᭄ᬫᬵ᭚ᬲᬭᬳᬶᬤᬢ᭄ᬬᬂᬘᭂᬦ᭄ᬤᭂᬢ᭄ᬫᬦᬸᬳᬸᬢᬂ᭞ᬢ᭄ᬬᬂᬢᬾᬩᬸᬓᬵᬚᬦᬶ᭞ᬍᬩᬶᬄᬢᬓᬸ
[᭕᭘ 58 A]
ᬢ᭄ᬧᬶᬲᬦ᭄᭞ᬳᬭᬶᬦ᭄ᬥᬵᬫᬮᬶᬄᬜᭂᬫ᭄ᬩᬄ᭞ᬲᬵᬫ᭄ᬧᬸᬦ᭄ᬫᬫᬜ᭄ᬚᬗᬂᬫᬮᬶᬂ᭞ᬲᬸᬩᬓ᭄ᬢᬶᬦ᭄ᬢᬶᬢ᭄ᬬᬂ᭞ᬕᬫᭂᬮ᭄ᬲᬓᬤᬶᬫᬗ᭄ᬓᬶᬦ᭄᭟ᬭᬓᬲᬫ᭄ᬬᬦ᭄ᬫᬮᬶᬄᬦᬶᬫ᭄ᬩᬮ᭄ᬭᬸᬫᬵᬃᬤ᭄ᬥᬵᬯᬵ᭞ᬳᭂᬗ᭄ᬕᬶᬄᬦᬓᬕᬸᬂᬳᭂᬗ᭄ᬕᬶᬄ᭞ᬫᬮᬶᬄᬦᬾ ᬦᬾᬧᬢ᭄ᬧᬢ᭄᭞ᬲᭂᬲᭂᬓ᭄ᬳᬶᬤᬤᬶᬋᬤ᭄ᬥᬵ
᭞ᬓᬮᬶᬄᬳᬾᬭᬗᬾᬢᬦ᭄ᬲᬶᬧᬶ᭞ᬩᬳᬦᬾᬳᬶᬤ᭞ᬢ᭄ᬯᬭᬵᬧᬶᬲᬦ᭄ᬓᬢᬫ᭄ᬧᬶ᭟ᬫᭂᬧᭂᬲ᭄ᬩᬸᬦ᭄ᬢᬸᬓ᭄ᬧᬥᬓᬗᭂᬦ᭄ᬭᬶᬂᬳᬗ᭄ᬕᬦ᭄ᬥ᭞ᬯᬸᬲ᭄ᬧᬥᬲᬾᬗᭂᬄᬲᬫᬶ᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬳᬧᬦᬶᬂᬫᬗ᭄ᬕᭂᬄ᭞ᬯᬸᬲ᭄ᬲᬾᬗᭂᬄᬗ᭄ᬮᬾᬦᬂᬯ᭄ᬬᬓ᭄ᬢᬶ᭞ᬓᬮᬶᬄᬦᬾᬲᬫ᭄ᬬ
ᬦ᭄᭞ᬢᭀᬂᬯᬶᬓᬦ᭄ᬫᬫᬶᬦ᭄ᬳᬶᬦ᭄᭟ᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬳᬶᬤᬵᬫᬮᬶᬄᬫᬗᭂᬦ᭄ᬤᬶᬓᬵ᭞ᬭᬶᬂᬳᬭᬶᬳᭀᬓᬯ᭄ᬬᬓ᭄ᬢᬶ᭞ᬭᬾᬄᬜᬦ᭄ᬤᬂᬧᬫᭂᬗ᭄ᬕᬄ᭞ᬭᬾᬄᬧᬶᬦᭂᬄᬮᬗ᭄ᬲᭀᬢ᭄ᬧᬶᬲᬦ᭄᭞ᬧᬺᬧᬸᬢᬺᬧᬸᬭᬸᬦᬦ᭄ᬤᬶᬗᬶᬦ᭄᭞ᬓᬮᬶᬄᬓᬧᬶᬦᭂᬄ᭞ᬳᭀᬓᬵᬳᬭᬶᬦᬾ
ᬫᬗ᭄ᬓᬶᬦ᭄᭟ᬮᬶᬦ᭄ᬢᬂᬰᬓ᭄ᬢᬶᬳᬧᬦᬶᬂᬲᬫᬶᬧᬮᬧ᭄ᬦ᭄᭞ᬭᬶᬂᬳᬦᬓ᭄ᬥᬵᬲᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬲᬂᬦᬵᬣᬭᬶᬂᬓᬸᬭᬶᬧᬦ᭄᭞ᬫᬧᬶᬦᭂᬄᬳᬶᬤᬵᬦᬾ ᬫᬗ᭄ᬓᬶᬦ᭄᭞ᬳᬬᬢ᭄ᬗᬃᬲᬬᬂ᭞ᬳᬶᬤᬵᬲᬂᬭᬵᬚᬧᬸᬢ᭄ᬭᬶ᭟ᬭᬵᬢ᭄ᬦᬚ᭄ᬯᬶᬢ᭄ᬣᬓ᭄ᬦᬶᬗᬦ᭄ᬢᬾᬦ᭄ᬳᬩ᭄ᬭᬶ
Kaca:Bali-lontar-gaguritan-twan-raja-300ppi.pdf/58
Kaca puniki sampun kauji-wacén
