[᭕᭖ 56 B]
᭕᭖
ᬕᬸᬂᬫᬸᬱ᭄ᬝᬧᬵᬲᬫ᭄ᬧᬸᬦ᭄᭞ᬲᬾᬗᭂᬄᬦᬵᬗ᭄ᬳᬶᬂᬫᬗ᭄ᬮᬾᬦᬂ᭞ᬭᬾᬄᬓᬬᬸᬦ᭄ᬢᬦ᭄ᬲᬸᬤᬶᬓᬶᬭᬶᬂ᭟ᬳᬶᬤ᭄ᬯᬕᬸᬂᬳᬚᬶᬓᬸᬭᬶᬧᬦ᭄᭞ᬢᬍᬃᬲᬗᭂᬄᬕ᭄ᬮᬶᬲ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬭᬶᬂᬳᬦᬓ᭄ᬥᬵᬧᬮᬶᬂᬤᬸᬳᬸᬃ᭞ᬗ᭄ᬢᬸᬲ᭄ᬓᬬᬸᬦ᭄ᬯᬘᬦᬵ᭞ᬫᬾᬦᬓᬕᬸᬂᬳᬶᬗ᭄ᬢᬂᬩᬸᬓᬦᬾᬫᬮᬸ᭞ᬳᬶᬧᬓ
ᬩᬚᬺᬱ᭄ᬭᬳᬂ᭞ᬧᬂᬳᬤᬶᬦᬾᬳᬚᬓ᭄ᬩ᭄ᬯᬶᬦ᭄᭟ᬳᬶᬤ᭄ᬯᬕᬸᬂᬧᬸᬢᬺᬢᬦ᭄ᬢᬸᬮᬓ᭄᭞ᬲᬵᬃᬯ᭄ᬯᬶᬜᭂᬫ᭄ᬩᬄᬕ᭄ᬮᬶᬲ᭄ᬫᬦ᭄ᬲᭂᬓ᭄ᬳᬭᬶ᭞ᬲᬵᬃᬯ᭄ᬯᬶᬗᬸᬲᬧ᭄ᬗᬦ᭄ᬤᬶᬓᬵᬮᬸᬲ᭄᭞ᬳᬢᬸᬤᬾᬅ᭄ᬜᬫᬦ᭄ᬢ᭄ᬬᬂ᭞ᬜᭂᬦ᭄ᬤᬵᬧᬶᬲᬦ᭄ᬫᬸᬘᬶᬗᬶᬦ᭄ᬢ᭄ᬬᬂᬦᬓᬕᬸᬂ᭞ᬳᬶᬤ᭄ᬧᬂᬤᬧᭂᬗ᭄ᬓᬸᬂᬲᬬᬂ᭞ᬢ᭄ᬬᬂᬫᬦᬸᬦᬲᬂ
ᬚᬦᬶ᭟ᬲᬶᬲᬶᬧ᭄ᬳᬶᬧᬸᬦᬾᬦᬾᬧᬢ᭄ᬧᬢ᭄᭞ᬦᬾᬦᬾᬗᬸᬦᬶᬭᬾᬄᬳᬶᬧᬸᬦ᭄ᬮᬶᬯᬢ᭄ᬩᬦᬶ᭞ᬫᬦᬦ᭄ᬤᬶᬗᬶᬦ᭄ᬳᬦᬓᬕᬸᬂ᭞ᬢ᭄ᬯᬭᬵᬧᬶᬲᬦ᭄ᬚᬗᬓᬳᬦ᭄᭞ᬳᬧᬦ᭄ᬳᬶᬧᬸᬦ᭄ᬓᬲᬸᬲᬸᬧᬦ᭄ᬩᬬᬸᬢᬸᬤᬸᬄ᭞ᬳᬓᬾᬢᭀᬦᬓᬕᬸᬂᬲᬬᬂ᭞ᬢ᭄ᬭᬶᬫᬵᬤᬵᬢᬸᬮᬓ᭄ᬳᭂᬗ᭄ᬕᬶᬄ᭟ᬭᬾᬄᬯᬶᬥᬶ᭠
ᬚᬢᬶᬫᬶᬦᭂᬦ᭄ᬥᬵ᭞ᬦᬾᬦᬾᬧᬢ᭄ᬧᬢ᭄ᬫᬜᭂᬫ᭄ᬩᬄ᭞ᬫᬫ᭄ᬭᬶᬬᬸᬓᬶᬦ᭄᭞ᬢᬶᬢ᭄ᬬᬂᬦᬯᬂᬤᬾᬯᬕᬸᬂ᭞ᬫᬗ᭄ᬮᬸᬗ᭄ᬲᬸᬃᬮᬮᬸᬧᬸᬢᬦ᭄᭞ᬲᬦᬾ ᬫᬗ᭄ᬓᬶᬦ᭄ᬘᭂᬦ᭄ᬤᭂᬢ᭄ᬳᬢᬸᬃᬢᬶᬢ᭄ᬬᬂᬤ᭄ᬯᬕᬸᬂ᭞ᬲᬫᬗ᭄ᬤᬾᬘᭀᬓᭀᬃᬳᬶᬤᬾᬯ᭞ᬲ᭄ᬯᬾᬘ᭄ᬘᬵᬫᬜᬶᬲᬶᬧᬂᬯ᭄ᬬᬓ᭄ᬢᬶ
[᭕᭗ 57 A]
᭟ᬭᬾᬄᬓᬕᭂᬗᬦ᭄ᬲᬶᬲᬶᬧ᭄ᬢᬶᬢ᭄ᬬᬂ᭞ᬲᬦᬾᬗᬸᬦᬶᬮᬶᬦ᭄ᬢᬂᬧᬸᬭᬸᬦ᭄ᬲᬯ᭄ᬬᬓ᭄ᬢᬶ᭞ᬭᬶᬂᬮᬶᬗ᭄ᬕᬶᬄᬪᬝᬵᬭᬳᬕᬸᬂ᭞ᬦᬾᬫᬗ᭄ᬓᬶᬦ᭄ᬤᭂᬦ᭄ᬥᬵᬢᬶᬢ᭄ᬬᬂ᭞ᬬᬤᬶᬦ᭄ᬢᬶᬢ᭄ᬬᬂᬫᬯᬶᬦᬦ᭄ᬳᬸᬭᬶᬧ᭄ᬤᬾᬯᬕᬸᬂ᭞ᬬᬤᬶᬦ᭄ᬢᬶᬢ᭄ᬬᬂᬫᬧᬤ᭄ᬫᬂ᭞ᬢᬶᬢ᭄ᬬᬂᬧᬶᬢ᭄ᬮᬲᬳᬶᬭᬶᬂ᭟ᬢᬦ᭄ᬓᬤᬶᬳᬚᬶᬦᬾᬧᬢ᭄ᬧᬢ᭄᭞
ᬕ᭄ᬮᬶᬲ᭄ᬳᬶᬤᬵᬫ᭄ᬭᬶᬬᬸᬓᬶᬦ᭄ᬳᭀᬓᬵᬫᬗ᭄ᬓᬶᬦ᭄᭞ᬢ᭄ᬭᬶᬫᬗ᭄ᬕᬶᬄᬳᬦᬓᬕᬸᬂ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬦᬸᬮᬓ᭄᭞ᬳᬢᬸᬃᬳᬶᬧᬸᬦ᭄ᬦᬾᬚᬦᬶᬲᬭᬦᬓᬕᬸᬂ᭞ᬫᬫᬶᬲᬮᬄᬦᬾ ᬦᬾᬧᬢ᭄ᬧᬢ᭄᭞ᬢ᭄ᬬᬂᬫᬜ᭄ᬭᬳᬂᬚᬦᬶ᭟ᬰ᭄ᬭᬶᬫᬤᬾᬯᬶᬭᬶᬂᬓᬸᬭᬶᬧᬦ᭄᭞ᬕ᭄ᬮᬶᬲ᭄ᬦᭂ
ᬲᭂᬓ᭄ᬳᬶᬤ᭄ᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬫᬸᬱ᭄ᬝᬧᬵᬓᬳᬸᬭᬸᬢ᭄ᬳᬸᬭᬸᬢ᭄᭞ᬦᬓᬕᬸᬂᬧᬦᬓ᭄ᬢ᭄ᬬᬂ᭞ᬲᬵᬃᬯ᭄ᬯᬶᬦᬗᬶᬲ᭄ᬳᬫ᭄ᬧᬸᬭᬢᬶᬢ᭄ᬬᬂᬦᬓᬕᬸᬂ᭞ᬭᬾᬄᬢ᭄ᬬᬂᬧ᭄ᬮᬶᬄᬓᬮᬶᬦ᭄ᬢᬂ᭞ᬳᬚᬶᬩ᭄ᬬᬂᬫᬭᬶᬬᬸᬓᬶᬦ᭄᭟ᬫᬮᬶᬄᬓᬸᬶᬳᬓᬾᬄᬲᬮᬶᬂᬢᬶᬫ᭄ᬩᬮ᭄᭞ᬦᬾᬦᬾᬧᬢᬸ
ᬢ᭄ᬢᬍᬃᬫ᭄ᬮᬓᬸᬧ᭄ᬮᬶᬄ᭞ᬤ᭄ᬮᬶᬲ᭄ᬳᬶᬤᬵᬳᬶᬤᬾᬯᬕᬸᬂ᭞ᬧᬸᬢᬺᬳᬲ᭄ᬢ᭄ᬭᬫᬸᬱ᭄ᬝᬧᬵ᭞ᬫᬗᭂᬳ᭄ᬚᬂᬲᬵᬃᬯ᭄ᬯᬶᬫᭂᬧᭂᬲ᭄ᬦᬾᬭᬶᬂᬧᬢᬸᬢ᭄᭞ᬫᬜᭂᬫ᭄ᬩᬄᬭᬶᬂᬳᬚᬶᬩ᭄ᬬᬂ᭞ᬭᬶᬂᬭᬓᬦ᭄ᬥᬵᬫᬶᬦᬓᬤᬶ᭟ᬭᬢᬸᬤ᭄ᬯᬕᬸᬂᬲᬋᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬜ᭄ᬚᬗᬂᬓᬤᬶ
Kaca:Bali-lontar-gaguritan-twan-raja-300ppi.pdf/57
Kaca puniki sampun kauji-wacén
