[᭕᭕ 55 B]
᭕᭕
ᬚᬶᬦ᭄ᬥᬵᬗᬗ᭄ᬕᬸᬢᬶᬦ᭄ᬩ᭄ᬭᬶᬬᬸᬓ᭄᭞ᬯᬸᬲ᭄ᬫᬸᬗ᭄ᬕᬄᬲᬋᬂᬲᬫ᭄ᬬᬦ᭄᭞ᬮᬶᬗ᭄ᬕᬶᬄᬳᬶᬤᬳᬢᬳᬢᬵᬢᬫᬳᬸᬦ᭄ᬤᬸᬓ᭄᭞ᬓᬮᬶᬄᬧᬺᬭᬵᬢᬸᬧᬺᬧᬸᬢᬺ᭞ᬮᬶᬦ᭄ᬢᬂᬫᬸᬦ᭄ᬤᬸᬓᬤᬶᬢᬸᬮᬶᬲ᭄᭟ᬲᬦᬾᬲᬓᬶᬂᬩᬮᬶᬲᬫ᭄ᬬᬦ᭄᭞ᬓᬕᬯᭀᬓᬦ᭄ᬲᬶᬂᬘᬶᬗᬓ᭄ᬫᬗᬾᬤᬦᬶᬦ᭄᭞ᬲᬓᬮᬶᬄ
ᬩᬳᬦᬾᬧᬢᬸᬄ᭞ᬓᬫᬜ᭄ᬘ᭄ᬬᬸᬦᬵᬕᬭᬵ᭞ᬓᬫ᭄ᬮᬳᬦ᭄ᬧᬫᬺᬫᬦ᭄ᬩᬸᬮᬾᬮᬫ᭄ᬧᬢᬸᬄ᭞ᬓᬸᬦᬶᬂᬓᬮᬶᬄᬫᬲᬲᭀᬘ᭄ᬘᬦ᭄᭞ᬫᬶᬦᬩ᭄ᬳᬲᬶᬓᬶᬗᬃᬬ᭄ᬬᬦᬶᬦ᭄᭟ᬅᬃᬤ᭄ᬥᬵᬫᬡᬶᬓᬤᬶᬲᬶᬧᬢ᭄᭞ᬢᬦᬓᬲᭀᬃᬭᬶᬂᬫᬹᬃᬤ᭄ᬥᬵᬫᬡᬶᬓ᭄ᬯ᭄ᬬᬓ᭄ᬢᬶ᭞ᬮᬾᬦ᭄ᬓᬦ᭄ᬢᭂᬦ᭄ᬫᬵᬃ
ᬕ᭄ᬕᬧᬢᬸᬄ᭞ᬭᬾᬄᬧᬥᬲᬸᬓᬯᬶᬃᬬ᭄ᬬ᭞ᬢᬦ᭄ᬤᬶᬂᬦ᭄ᬭᬲᬄᬲᬓᬮᬶᬄᬳᬩᬮᬭᬢᬸ᭞ᬳᬯᬦᬦ᭄ᬳᬶᬤ᭄ᬯᬕᬸᬂᬲᬫ᭄ᬬᬦ᭄᭞ᬮᬾᬤᬂᬢᭀᬂᬩᬶᬱᬵᬫᬶᬦ᭄ᬳᬶᬦ᭄᭟ᬓᬕᬸᬗᬦ᭄ᬳᬭᬶᬳᬦ᭄ᬥᬵ᭞ᬮᬾᬦ᭄ᬧᬺᬧᬸᬢ᭄ᬭᬦᬾᬲᬓᬶᬂᬩᬮᬶᬲᬫᬶ᭞ᬧᬤᬕᬯᭀᬓᬾᬮᬗ᭄ᬓᬸᬂ᭞ᬢ
ᬦ᭄ᬓᬤᬶᬦᬾᬦᬾᬧᬢ᭄ᬧᬢ᭄᭞ᬧᬰᬵᬗᬚᬺᬓᬃᬕ᭄ᬕᬫᬸᬰᬡ᭄ᬦᬵᬢᬦ᭄ᬓᬦ᭄ᬢᬸᬦ᭄᭞ᬓᬩᭂᬭᬱᬦᬶᬂᬋᬥᬬᬵ᭞ᬓᬮᬶᬄᬓᬳᬾᬭᬗᬦ᭄ᬯ᭄ᬬᬓ᭄ᬢᬶ᭟ᬲᬦᬾᬗᬸᬦᬶᬓᬳᬶᬮᬶᬗᬂ᭞ᬮᬾᬦ᭄ᬓᬧᬶᬦᭂᬄᬳᬶᬤ᭄ᬯᬕᬸᬂᬯ᭄ᬬᬓ᭄ᬢᬶ᭞ᬫᬗ᭄ᬕᭂᬄᬳᬶᬤᬦᬾᬤᬶᬓᬬᬸᬦ᭄᭞ᬲᬂᬓ
[᭕᭖ 56 A]
ᬮᬶᬄᬫᬶᬦᭂᬄᬳᬗ᭄ᬕᬵ᭞ᬮᬶᬦ᭄ᬢᬂᬲᬶᬲᬶᬧ᭄ᬦᬾᬗᬸᬦᬶᬓᬮᬶᬦ᭄ᬢᬂᬧᬸᬭᬸᬦ᭄᭞ᬲᭀᬮᬄᬳᬢᬸᬃᬢᬦ᭄ᬚᬗ᭄ᬓᬬᬦ᭄᭞ᬭᬾᬄᬲᬸᬲᬸᬧᬶᬦ᭄ᬳᬾᬤᬦ᭄ᬯ᭄ᬬᬓ᭄ᬢᬶ᭟ᬦᬾᬫᬗ᭄ᬓᬶᬦ᭄ᬓᬬᬸᬦ᭄ᬫᬋᬓᬦ᭄᭞ᬓᬧᬶᬦ᭄ᬳᬂᬭᬱᬵᬢᭀᬂᬓᬬᬸᬦ᭄ᬦᬫ᭄ᬧᬶ᭞ᬓᬮᬶᬄᬓᬧᬶᬦᭂᬄᬢᭀᬂᬓᬬᬸᬦ᭄᭞ᬗᬫ᭄ᬧᬸ
ᬭᬲᬶᬲᬶᬧ᭄ᬳᬶᬤᬵ᭞ᬮᬶᬦ᭄ᬢᬂᬲᭂᬲᭂᬓ᭄ᬓᬬᬸᬦ᭄ᬳᬶᬤᬦᬾᬫᬯᬸᬯᬸᬄ᭞ᬫᬮᬶᬄᬳᬶᬤᬳᬾᬮᬶᬂᬧᬶᬲᬦ᭄᭞ᬲ᭄ᬤᬸᬓᬾᬫᬦᬸᬦᬲ᭄ᬗᬶᬭᬶᬂ᭟ᬲᬶᬂᬤᬵ᭠ᬓᬶᬘᬾᬦ᭄ᬢᬸᬃᬗᬦ᭄ᬤᬶᬓᬵ᭞ᬫᬜᭂᬗᬳᬶᬦ᭄ᬳᬸᬮᬢ᭄ᬫᬧ᭄ᬮᬾᬄᬕᬢᬶ᭞ᬮᬶᬦ᭄ᬢᬂᬳᬾᬭᬗᬾᬤᬶᬓᬬᬸᬦ᭄᭞ᬓᬮᬶᬄᬧᬧᬶᬦᭂᬄᬳᬶᬤᬵ᭞ᬲᬦᬾᬫ
ᬗ᭄ᬓᬶᬦ᭄ᬮᬶᬦ᭄ᬢᬂᬓᬧᬶᬮᬸᬕ᭄ᬤᬶᬓᬬᬸᬦ᭄᭞ᬭᬾᬄᬳᬶᬤᬵᬓᬮᬶᬦ᭄ᬢᬂᬧᬲ᭄ᬘᬢ᭄᭞ᬗᬸᬮᬦᬶᬦ᭄ᬲᭀᬮᬄᬚᬶᬦᭂᬫ᭄ᬭᬶᬓ᭄᭟ᬳᬓᬾᬄᬧᬶᬲᬵᬦ᭄ᬓᬳᬶᬮᬶᬗᬂ᭞ᬳᬦᬓ᭄ᬩᬕᬸᬲ᭄ᬤᬃᬫ᭄ᬫᬵᬜᬦ᭄ᬤᬂᬦ᭄ᬫᭂᬦᬶᬦ᭄᭞ᬓᬤᬶᬫᬗ᭄ᬓᬶᬦ᭄ᬳᬶᬤᬾᬯᬕᬸᬂ᭞ᬢ᭄ᬯᬭᬵᬓᬬᬸᬦ᭄ᬫᬧᬧᬲ᭄᭞ᬓᬮᬶᬂᬲᬧᬘᬵ
ᬘᬶᬗᬓ᭄ᬲᬯᬢ᭄ᬗᬫᬸᬩᬸ᭞ᬧᬥᬢᭀᬂᬱᬵᬫᬶᬦ᭄ᬳᬂ᭞ᬓᬾᬦ᭄ᬓᬾᬦ᭄ᬩᭂᬢᬾᬫᬢᬸᬃᬲᬶᬲᬶᬧ᭄᭟ᬧᬤᬵᬳᬶᬤᬵᬩᬶᬗᬸᬂᬫᬶᬦᭂᬄ᭞ᬳᬗ᭄ᬕᬵᬗᭂᬫ᭄ᬩᭂᬂᬯ᭄ᬲ᭄ᬧᬵᬓᬗᭂᬦᬶᬂᬯ᭄ᬬᬓ᭄ᬢᬶ᭞ᬫᬶᬦᭂᬄᬳᬗ᭄ᬕᬵᬮᬶᬦ᭄ᬢᬂᬮᬘᬸᬃ᭞ᬳᬶᬤ᭄ᬯᬕᬸᬂᬲᬾᬗᭂᬄᬲᬫ᭄ᬬᬦ᭄᭞ᬫᬶᬦᬓᬤᬶᬳᬶᬤ᭄ᬯᬵ
Kaca:Bali-lontar-gaguritan-twan-raja-300ppi.pdf/56
Kaca puniki sampun kauji-wacén
