[᭕᭔ 54 B]
᭕᭔
ᬘᬸᬃᬤᬶᬧᬲᬶᬄ᭞ᬢᬸᬚᬸᬦᬶᬓᬶᬳᬦᬓᬕᬸᬂ᭞ᬳᬦ᭄ᬢᭂᬦᬵᬃᬫᬢᬸᬚᬸᬯᬂ᭞ᬦᬤᬓᬧᬲᬶᬄᬫᬮᬮᬶ᭞ᬫᬦ᭄ᬕᬓᬶᬦ᭄᭞ᬓᬧᬮᬧ᭄ᬭᬂᬕ᭄ᬥᬾᬮᬦ᭄ᬢᬂ᭟ᬩᬳᬸᬧᬥᬜᬶᬗᬓ᭄ᬢ᭄ᬬᬂ᭞ᬮᬶᬦ᭄ᬢᬂᬯ᭄ᬮᬲ᭄ᬫᬜᬕ᭄ᬚᬕᬶᬦ᭄᭞ᬲᬂᬓᬮᬶᬄᬗᬚᬓᬶᬦ᭄ᬲᬶᬗ᭄ᬕᬄ᭞ᬳᬓᬾᬢᭀᬦᬓ
ᬕᬸᬂᬚᬢᬶ᭞ᬳᬯᬦᬦ᭄ᬓᬤᬶᬫᬗ᭄ᬓᬶᬦ᭄᭞ᬧᬦᬓ᭄ᬢ᭄ᬬᬂᬧᬥᬢ᭄ᬧᬸᬓ᭄᭞ᬗᬦ᭄ᬤᬶᬓᬵᬗᭂᬫ᭄ᬩᭂᬂᬯᬲ᭄ᬧᬵ᭞ᬭᬾᬳᬶᬂᬢ᭄ᬬᬂᬧᬦ᭄ᬕᬓᬶᬦ᭄᭞ᬓᬨᬮ᭄ᬧ᭄ᬭᬂ᭞ᬧᬺᬭᬵᬢᬸᬜᭂᬫ᭄ᬩᬄᬫᬢᬶᬫ᭄ᬩᬮ᭄᭟ᬲᬵᬃᬯ᭄ᬯᬶᬫᬢᬸᬃᬧᬧᬢᭂᬳᬦ᭄᭞ᬭᬢᬸᬤ᭄ᬯᬕᬸᬂᬲᬋᬂᬲᬫᬶ᭞ᬲᬫ᭄ᬧᬸᬦ᭄ᬧᬶᬲᬦ᭄ᬫᬦᬦ᭄ᬤ᭄ᬭᬸᬳᬂ᭞ᬓ
ᬦ᭄ᬢᭀᬲ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬫᬜᬸᬗ᭄ᬲᬸᬂᬲᬋᬂᬲᬫᬶ᭞ᬧᬤᬡ᭄ᬥᬳᬓᬾᬄᬫᬫᬢᬸᬢ᭄᭞ᬳᬢᬸᬃᬧ᭄ᬭᬭᬵᬢᬸᬲᬫ᭄ᬬᬦ᭄᭞᭠ᬳᬦᬓ᭄ᬥᬵᬓᬮᬶᬄᬫ᭄ᬭᬶᬬᬸᬓᬶᬦ᭄᭞ᬳᬶᬤᬾᬯᬕᬸᬂᬫᬥᬾᬮᬾᬦ᭄ᬳᬶᬤ᭄ᬯᬕᬸᬂᬧᬸᬢᬺ᭟᭚ᬧᬗ᭄ᬓᬸᬃ᭚ᬧᬸᬢᬺᬗ᭄ᬳᬶᬂᬗᬱ᭄ᬝ᭄ᬭᬫᬸᬱ᭄ᬝᬧᬵ᭞
ᬭᬢᬸᬤ᭄ᬯᬕᬸᬂᬲᬵᬫ᭄ᬧᬸᬦ᭄ᬫᬜ᭄ᬚᬗᬂᬫᬮᬶᬄ᭞ᬦᬸᬦᬲ᭄ᬦᬾᬫᬗ᭄ᬓᬶᬦ᭄ᬤᬾᬯᬕᬸᬂ᭞ᬫᬦ᭄ᬢᬸᬓᬦ᭄ᬲᬋᬂᬲᬫ᭄ᬬᬦ᭄᭞ᬤᬵᬳᬚᬶᬦ᭄ᬥᬵᬗᬗ᭄ᬕᬸᬢᬶᬦ᭄ᬳᬶᬤᬵᬫᬩ᭄ᬭᬶᬬᬸᬓ᭄᭞ᬦᬾ ᬧᬢᬸᬢ᭄ᬫᬗᬶᬭᬶᬂᬲᬫ᭄ᬬᬦ᭄᭞ᬢ᭄ᬥᬸᬦᬦ᭄ᬪ᭄ᬭᬶᬬᬸᬓᬧᬸᬭᬶ᭟ᬳ᭄ᬦᭂᬗᬂᬳ᭄ᬦᬸᬫᬫᬵᬃᬕ᭄ᬕ᭞ᬦᬾ ᬦᬾ ᬳᬶᬲ᭄ᬢ᭄ᬭᬶ
[᭕᭕ 55 A]
ᬯᬸᬲ᭄ᬳᬶᬤᬲᬋᬂᬲᬫᬶ᭞ᬫᬲᬮᬶᬦᬦ᭄ᬯᬲ᭄ᬢ᭄ᬭᬲᬵᬫ᭄ᬧᬸᬦ᭄᭞ᬫᬶᬦᬓᬤᬶᬗᬯᬾᬦᬂ᭞ᬬᬾᬦ᭄ᬗᬬᬸᬦᬂᬦᬓᬕᬸᬂᬗᬚᭂᬗᬂᬲᬵᬫ᭄ᬧᬸᬦ᭄᭞ᬯᬸᬲ᭄ᬫᬓᬦ᭄ᬥᬵᬧᬶᬲᬦ᭄ᬧᬶᬲᬦ᭄᭞ᬭᬾᬄᬧᬰ᭄ᬘᬢ᭄ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭟ᬦᬵᬗ᭄ᬳᬶᬂᬓᬭᬶᬓᬸᬫ᭄ᬧᬸᬮ᭄ᬳᬶᬤᬵ᭞ᬭᬶᬂᬕ᭄ᬥᭀᬂᬫᬵᬲ᭄ᬧ᭄ᬘᬓ᭄ᬧᬫᬺᬫ
ᬦ᭄᭞ᬯ᭄ᬬᬓ᭄ᬢᬶ᭞ᬲᬵᬦᬵᬣᬫᬸᬱ᭄ᬝᬧᬢᬸᬳᬸ᭞ᬭᬾᬄᬳᬬᬢ᭄ᬥᬵᬳᬚᬶᬦ᭄ᬥᬵ᭞ᬤᬵᬲᬂᬦᬵᬣᬓᬸᬭᬶᬧᬦ᭄ᬓᬢᬸᬭᬦ᭄ᬗᬳᬸᬕ᭄᭞ᬭᬶᬂᬕ᭄ᬥᭀᬂᬫᬲ᭄ᬧᬸᬦᬶᬓᬵ᭞ᬤᬵᬳᬦᬓ᭄ᬥᬵᬫᬗᬢᬸᬭᬶᬦ᭄᭟ᬰ᭄ᬭᬶᬫᬤᬾᬯᬶᬫᬳᬶᬗ᭄ᬲᬸᬶᬭᬂ᭞ᬮᬶᬦ᭄ᬢᬂᬳᬸᬫ᭄ᬬᬂᬢᬗ᭄ᬓᬶᬮᬦ᭄ᬢ᭄ᬩᭂᬂᬯ᭄ᬬᬓ᭄ᬢᬶ᭞ᬲ
ᬦᬾᬗᭂᬦᬄᬳᬓᬾᬄᬲᬵᬫ᭄ᬧᬸᬦ᭄᭞ᬯᬢᭂᬓ᭄ᬭᬩᬶᬦ᭄ᬧᬸᬗ᭄ᬕᬯᬵ᭞ᬳᬓᬾᬄᬫᬮᬶᬄᬭᬾᬄᬳᭀᬃᬢ᭄ᬣᬵᬓᬲ᭄ᬩᬸᬢ᭄ᬲᬫ᭄ᬧᬸᬦ᭄᭞ᬳᬶᬤᬾᬯᬕᬸᬂᬭᬯᬸᬄᬲᬫ᭄ᬬᬦ᭄᭞ᬳᬯᬦᬦ᭄ᬲᬫᬶᬧᬸᬶᬦᬸᬶᬫᬦᬗ᭄ᬓᬶᬮ᭄᭟ᬲᬳᬲᬫᬶᬫᬳᬢᬸᬭᬦ᭄᭞ᬧᬦᬫ᭄ᬭᬫᬵᬳᬦ᭄ᬭᬾᬄᬲ
ᬫᬶᬳᬸᬦᬶᬂ᭞ᬭᬶᬂᬳᬚᬶᬩ᭄ᬬᬂᬳᬶᬤ᭄ᬯᬕᬸᬂ᭞ᬓᬮᬶᬄᬲᬲ᭄ᬫᬢᭀᬦᬦ᭄᭞ᬤᬾᬦᬶᬂᬦᬢᬄᬓᬼᬢ᭄ᬯᬭᬩᬓᬢ᭄ᬳᬶᬢᬸᬂ᭞ᬲᬕᬾᬢ᭄ᬭᬳᬸᬄᬤᬲᬂᬦᬵᬣ᭞ᬢᬗ᭄ᬓᬶᬮᬦ᭄ᬫᬲ᭄ᬩᬸᬃᬲᬫᬶ᭟ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬜᭂᬫ᭄ᬩᬄ᭞ᬭᬶᬂᬳᬚᬶᬦ᭄ᬥᬵᬤᬕᬶᬂᬗᬢᬸᬭᬶᬦ᭄ᬗ᭄ᬭᬭᬶᬲ᭄᭞ᬳ᭠
Kaca:Bali-lontar-gaguritan-twan-raja-300ppi.pdf/55
Kaca puniki sampun kauji-wacén
