[᭖᭒ 62 B]
᭖᭒
ᬯᭀᬄᬯᭀᬳᬦ᭄᭞ᬲᬵᬫ᭄ᬧᬸᬦ᭄ᬲᭂᬧᭂᬂᬲᬦᬾᬓᬤᬯᬸᬄᬲᬫᬶ᭞ᬲᬂᬳ᭄ᬬᬂᬤᬶᬯᬗ᭄ᬓᬵᬭᬲᬸᬭᬸᬧ᭄᭞ᬢᬗ᭄ᬓᬶᬮᬦ᭄ᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬭᬶᬂᬲᬫ᭄ᬬᬦ᭄ᬳᬶᬤ᭄ᬯᬕᬸᬂᬗᬗ᭄ᬕᬸᬢᬶᬦ᭄ᬩ᭄ᬭᬶᬬᬸᬓ᭄᭞ᬢᬦ᭄ᬓᭀᬘᬧᬩᬸᬤᬮ᭄ᬲᬫ᭄ᬬᬦ᭄᭞ᬓᬮᬶᬄᬳᬶᬤᬾᬯᬕᬸᬂᬲᬫᬶ᭟ᬧᬥᬗᬸᬗ᭄ᬲᬶ
ᬧᬲᬗ᭄ᬕ᭄ᬭᬳᬦ᭄᭞ᬢᬦ᭄ᬘᬭᬶᬢᬲᬵᬫ᭄ᬧᬸᬦ᭄ᬗᬬᬸᬦᬂᬗᬸᬧᬶ᭞ᬧᬥᬮᬾᬤᬂᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄᭞ᬯᬢᭂᬓ᭄ᬦᬾᬳᬦᬾᬫ᭄ᬲᬫ᭄ᬬᬦ᭄᭞ᬯ᭄ᬗᬶᬧᬶᬲᬦ᭄ᬳᬤᬗᬸᬶᬳᬶᬗᬦ᭄ᬧᬸᬓᬸᬮ᭄ᬢᭂᬮᬸ᭞ᬗ᭄ᬭᬦᬶᬂᬲᬫᬶᬗᬸᬗ᭄ᬲᬶᬓᬫᬃ᭞ᬳᬶᬤᬾᬯᬕᬸᬂᬫᬥᬾᬫᬗ᭄ᬓᬶᬦ᭄᭟ᬢᬦ᭄ᬫᬭᬶ
ᬲ᭄ᬮᬕᬯᬶᬭᬕᬵ᭞ᬭᬶᬂᬳᬭᬶᬦ᭄ᬥᬵᬳᬶᬤ᭄ᬯᬕᬸᬂᬧᬸᬢᬺᬓᬮᬶᬳ᭄᭞ᬫᬫᬥᬸᬲᬫ᭄ᬢᭀᬦ᭄ᬳᬦᬸᬢ᭄᭞ᬭᬾᬄᬭᬓᬮᬶᬦ᭄ᬢᬂᬯᬶᬓᬦ᭄᭞ᬫᬗᬸᬮᬦᬶᬦ᭄ᬭᬓᬗᬭᬲ᭄ᬳᬭᬶᬧᬢᬸᬄ᭞ᬧᬫ᭄ᬓᬲ᭄ᬭᬶᬂᬦᬾᬤᬸᬳᬸᬭᬦ᭄᭞ᬭᬾᬄᬭᬓᬧᬘᬂᬦᬶᬗ᭄ᬕᬮᬶᬦ᭄᭟ᬗᬦ᭄ᬤᬶᬓᬵᬭᬶᬂᬦᬾᬤᬸᬳᬸᬭᬦ᭄
᭞ᬫᬾᬦᬓᬕᬸᬂᬫᬦᬶᬢ᭄ᬬᬂᬫᬧᬫᬶᬢ᭄᭞ᬫᬸᬮᬶᬄᬫᬤᬩ᭄ᬤᬩᬦ᭄ᬫᬮᬸ᭞ᬤᬶᬦᬶᬳᬤᬶᬦᬾᬳᬚᬓ᭄᭞ᬤᬵᬳᬭᬶᬦ᭄ᬤᬵᬤᬸᬳᬸᬭᬦ᭄ᬗᬭᬲ᭄ᬫᬳᬢᬹᬃ᭞ᬬᬾᬢᬶᬢ᭄ᬬᬂᬤᭀᬂᬮᬓᬃᬓᬸᬢᬂ᭞ᬭᬓᬦ᭄ᬥᬵᬗᬭᬲ᭄ᬦᬶᬫ᭄ᬩᬮᬶᬦ᭄᭟ᬬᬾᬓᬮᬶᬂᬓᬾᬮᬓᬃᬓᬸᬢᬂ
[᭖᭓ 63 A]
᭞ᬮᬓᬃᬤᬸᬤᬸᬓ᭄ᬍᬩᬶᬄᬓ᭄ᬯᬗᬦ᭄ᬕᬢᬶ᭞ᬓ᭄ᬭᬡᬳ᭄ᬬᬂᬫᬸᬮᬶᬄᬫᬮᬸ᭞ᬭᬾᬄᬗᬦ᭄ᬢ᭄ᬬᬂᬫᬦᬸᬦ᭄ᬤᬾᬦᬂ᭞ᬧᬂᬫᬤᬩ᭄ᬤᬩ᭄ᬬᬦᬶᬂᬳᬦᬓᬕᬸᬂᬫᬶᬮᬸ᭞ᬳᬭᬄᬜᬮᬶᬢ᭄ᬧᬶᬲᬦ᭄ᬧᬶᬲᬦ᭄᭞ᬩᬦᬾᬢ᭄ᬬᬂᬩ᭄ᬯᬶᬦ᭄ᬫᬳᬶ᭟ᬓᬮᬶᬄᬤᬶᬦᬶᬮᬓᬃᬫᬢᬢᬄ᭞ᬤᬳ
ᬭᬶᬦ᭄ᬥᬵᬫᭂᬧᭂᬲ᭄ᬫᬢᬹᬃᬳᬭᬶᬲ᭄᭞ᬭᬶᬂᬭᬓᬦ᭄ᬳᬶᬤᬦᬾ ᬢᬸᬳᬸ᭞ᬤᬾᬯᬕᬸᬂᬧᬢᬸᬢ᭄ᬧᬶᬲᬦ᭄᭞ᬭᬾᬳᬶᬂᬧᬘᬂᬭᬓᬦ᭄ᬥᬵᬕᬸᬂᬫᬮᬶᬄᬭᬯᬸᬄ᭞ᬭᬓᬵᬢᬸᬳᬸᬳᬮᬸᬲ᭄ᬧᬶᬲᬦ᭄᭞ᬫᬦᬶᬫ᭄ᬩᬮᬶᬦ᭄ᬳᬢᬸᬃᬳᬭᬶ᭟ᬗ᭄ᬕᬶᬄᬓᬾᬦ᭄ᬢᭂᬦ᭄ᬚᬢ᭄ᬬᬂᬳ᭄ᬜᬓ᭄᭞ᬭᬶᬂᬭᬓᬵ
ᬦ᭄ᬥᬵᬳᬶᬤᬵᬫᬳᬢᬸᬃᬫᬸᬮᬶᬄ᭞ᬲᬓᬾᬯᬦ᭄ᬢᭂᬦ᭄ᬭᬢᬸᬤ᭄ᬯᬕᬸᬂ᭞ᬧᬦ᭄ᬤᬶᬓᬦᬾᬳᬶᬮᬶᬗᬂ᭞ᬧᬘᬂᬭᬯᬸᬄᬭᬓᬦ᭄ᬥᬵᬗᬭᬲ᭄ᬫᬵᬫ᭄ᬓᬸᬮ᭄᭞ᬲᬵᬃᬯ᭄ᬯᬶᬜᬳᬸᬭᬶᬦ᭄ᬗ᭄ᬕᬶᬄᬲᬬᬂ᭞ᬤᭀᬗ᭄ᬕᬶᬄᬧᬬᬲᬶᬦ᭄ᬢ᭄ᬬᬂᬚᬦᬶ᭟᭚ᬲᬶᬦᭀᬫ᭄᭚ᬳᬭᬶᬓᬮᬶᬄᬢᬸ
ᬢᬸᬢ᭄ᬳᬶᬤᬵ᭞ᬤᬵᬭᬓᬦ᭄ᬥᬵᬫᬳ᭄ᬬᬲ᭄ᬫᬗ᭄ᬓᬶᬦ᭄᭞ᬢᬦ᭄ᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬲᬶᬭᬫ᭄᭞ᬧᬬᬲ᭄ᬓᬳᬦᬸᬢᬂᬯ᭄ᬬᬓ᭄ᬢᬶ᭞ᬳᬭᬶᬓᬮᬶᬄ᭞ᬳᬭᬶᬓᬮᬶᬄᬗᬬᬳᬶᬦ᭄᭞ᬫᬫᬥᬹᬲᬫ᭄ᬢᭀᬦ᭄ᬳᬦᬸᬢ᭄᭞ᬮᬦ᭄ᬭᬓᬮᬶᬦ᭄ᬢᬂᬯᬶᬓᬦ᭄᭞ᬗᬸᬮᬦᬶᬦ᭄ᬲᬂᬯᬶᬭᬵᬓᬮᬶᬄ
Kaca:Bali-lontar-gaguritan-twan-raja-300ppi.pdf/63
Kaca puniki sampun kauji-wacén
