[᭔᭙ 49 B]
᭔᭙
ᬫᬹᬃᬤ᭄ᬥᬵᬗ᭄ᬭᬭᬶᬲ᭄᭞ᬲᬂᬓᬮᬶᬄᬫᬗ᭄ᬭᬜ᭄ᬚᬶᬂᬲᬫ᭄ᬧᬸᬦ᭄᭞ᬢᬦ᭄ᬲᬄᬫᬤᬦ᭄ᬤᬦ᭄ᬢᬗᬦ᭄᭞ᬯᬸᬲ᭄ᬤᬶᬓᬫᬃᬳᬭᬶᬦ᭄ᬥᬵᬗᬭᬲ᭄ᬫᬫ᭄ᬓᬸᬮ᭄᭞ᬤᬾᬯᬕᬸᬂᬦᬶᬓᬳᬶᬦ᭄ᬢᬶᬢ᭄ᬬᬂ᭞ᬳᬯᬦᬦ᭄ᬓᬬᬸᬦ᭄ᬳᬶᬬᬭᬶ᭟ᬭᬓᬦ᭄ᬥᬫᬍᬲ᭄ᬫᬗᬭᬲ᭄᭞ᬲᬵᬃᬯ᭄ᬯᬶᬳᬶᬤᬵᬫᬶᬤᬃᬢ᭄ᬢᬵᬓᬦ᭄ᬥᬵᬲᬫᬶ᭞ᬢᬸ
ᬮᬶᬲ᭄ᬳᬶᬤᬦᬾᬦᬓᬕᬸᬂ᭞ᬲ᭄ᬤᬸᬓᬾᬦᬶᬗ᭄ᬕᬮ᭄ᬧ᭄ᬚᬄ᭞ᬦᬾᬦᬾᬧᬘᬂᬢ᭄ᬓᬾᬦᬶᬂᬳᬶᬬᬤᬶᬳᬕᬸᬂ᭞ᬫᬲᬶᬄᬬᬵᬲ᭄ᬭᬳᬶᬦ᭄ᬢ᭄ᬬᬂ᭞ᬲᬳᬵᬦᬸᬦ᭄ᬤᬾᬦᬂᬦ᭄ᬤᬾᬦᬂᬫᬘᬳᬶᬦ᭄᭟ᬳᬭᬶᬦ᭄ᬥᬵᬮᬾᬤᬂᬓᬮᬶᬦ᭄ᬢᬂ᭞ᬩᬸᬫ᭄ᬬᬃᬱᬵᬜᭂᬫ᭄ᬩᬄᬦᬾᬦ᭄ᬢᭂᬦ᭄ᬫᬕᬦ᭄ᬢᬶ᭞ᬗᬭᬲ᭄ᬗᬭᬲ᭄ᬭᬓᬵᬫ᭄ᬓᬸᬮ᭄᭞
ᬤᬾᬯᬕᬸᬂᬧᬦᭂᬫ᭄ᬩᬳᬦ᭄᭞ᬮᬶᬦ᭄ᬢᬂᬲ᭄ᬯᬾᬘ᭄ᬘᬵᬳᬭᬶᬯᬶᬓᬦ᭄ᬗᭂᬢᬸᬲ᭄ᬓᬬᬸᬦ᭄᭞ᬭᬓᬦ᭄ᬥᬵᬫᬍᬲ᭄ᬫᬗᬭᬲ᭄᭞ᬳ᭄ᬤᬓᬾᬭᬯᭀᬲᬂᬩ᭄ᬯᬶᬦ᭄᭟ᬚᬮᬦ᭄ᬫᬮᬸᬫᬳᭂᬫ᭄ᬲᬬᬂ᭞ᬤᬵᬳᬭᬶᬦ᭄ᬥᬗᬭᬲ᭄ᬦᬾᬦ᭄ᬢᭂᬦ᭄ᬫᬶᬯᬮᬶᬦ᭄᭞ᬫᬩᬋᬗᬦ᭄ᬫᬶᬚᬶᬮ᭄ᬲᬵᬫ᭄ᬧᬸ
ᬦ᭄᭞ᬢᬗ᭄ᬓᭀᬘᬧ᭄ᬲᬫ᭄ᬧᬸᬦ᭄ᬳᬸᬲᬦ᭄᭞ᬫᬗᬬᬸᬦᬂᬧᬺᬧᬸᬢᬺᬳᬦ᭄ᬢᭂᬦᬃᬲᬫ᭄ᬧᬸᬦ᭄᭞ᬢᬦ᭄ᬲᬄᬳᬶᬤᬫᬓᬫᬸᬮᬦ᭄᭞ᬳᭀᬯᬶᬦᭂᬄᬯ᭄ᬗᬶᬧᬸᬓᬸᬮ᭄ᬓᬮᬶᬄ᭟ᬲᬂᬓᬮᬶᬄᬗ᭄ᬭᬜ᭄ᬚᬶᬂᬓᬓᬫᬃ᭞ᬧᬭᬧᬸᬢᬺᬓᬮᬶᬄᬳᬦ᭄ᬢᭂᬦᬃᬲᬫᬶ᭞ᬧᬥᬗᬸᬗ᭄ᬲᬶᬳᬸ
[᭕᭐ 50 A]
ᬗ᭄ᬕ᭄ᬯᬦ᭄ᬲᬫ᭄ᬧᬸᬦ᭄᭞ᬧᬥᬗᬚᬓᬍᬕᬦ᭄᭞ᬢᬦ᭄ᬓᭀᬘᬧᬲᬲᭀᬮᬳᬾᬚᬶᬦᭂᬫ᭄ᬭᬸᬫ᭄᭞ᬧᬥᬲᬶᬋᬧ᭄ᬲᬋᬂᬲᬫ᭄ᬬᬦ᭄᭞ᬲᬕᬾᬢᬦ᭄ᬭᬳᬶᬤᬵᬫᬗ᭄ᬓᬶᬦ᭄᭚ᬲᬶᬦᭀᬫ᭄᭚ᬳᬶᬤᬾᬯᬕᬸᬂᬲᬋᬂᬲᬫ᭄ᬬᬦ᭄᭞ᬕᬭᬮᬯᬦ᭄ᬳᬶᬤᬯ᭄ᬬᬓ᭄ᬢᬶ
᭞ᬭᬾᬳᬶᬂᬳᬬᬢ᭄ᬧᬘᬂᬮᬸᬗᬵ᭞ᬓᬫᬸᬲ᭄ᬢᬧᬵᬲᬦᬾᬫᬗ᭄ᬓᬶᬦ᭄᭞ᬫᬲᬶᬭᬫ᭄ᬧᬥᬲᬫᬶ᭞ᬫᬶᬦᬓᬤᬶᬧᬳ᭄ᬬᬲᬵᬫ᭄ᬧᬸᬦ᭄᭞ᬧᬥᬫᬦᬸᬢ᭄ᬳᬦᬸᬢᬦ᭄᭞ᬚᬯᬦᬶᬂᬲᬂᬯᬶᬭᬓᬮᬶᬄ᭞ᬦᬾᬦ᭄ᬢᭂᬦ᭄ᬮᬸᬗᬵ᭞ᬳᬶᬤᬾᬯᬕᬸᬂᬩ᭄ᬬᬂᬳᬶᬤᬵ᭟ᬭᬾᬄᬳᬦᬓ᭄ᬥᬵᬦᬾᬦ᭄ᬢᭂᬦ᭄ᬮᬸ
ᬗ᭄ᬳᬵ᭞ᬭᬢ᭄ᬦᬵᬚ᭄ᬯᬶᬢ᭄ᬣᬵᬧᬦ᭄ᬧ᭄ᬭᬶᬬᬢᬶ᭞ᬳ᭄ᬦᭂᬗᬂᬦᬾᬦᬾᬦ᭄ᬢᭂᬦ᭄ᬮᬸᬗ᭄ᬳᬵ᭞ᬦᬾᬧᬘᬂᬮᬸᬗ᭄ᬳᬵᬩᬮᬶᬓᬶᬦ᭄᭞ᬳᬶᬤ᭄ᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬕ᭄ᬮᬶᬲ᭄ᬳᬶᬤᬫᬤᬤᬯᬸᬄ᭞ᬩᬶᬄᬳᬶᬩᬓ᭄ᬫᬳᬾᬦᬵᬕ᭄ᬕᬮ᭄᭞ᬳ᭄ᬬᬫᬢᬸᬦ᭄ᬤᬾᬦᬂᬚᬦᬶ᭞ᬫᬫᭂᬲ᭄ᬯᬂᬲ᭄ᬧᬸᬃᬧᬢ᭄ᬧᬢ᭄ᬮᬓᬃᬮ᭄ᬯᬲ᭄
ᬳᬶᬓᬧ᭄ᬲᬸᬦ᭄ᬫᭂᬧᭂᬲ᭄ᬫᬜᬸᬫ᭄ᬩᬄ᭞ᬕ᭄ᬮᬶᬲ᭄ᬓᬚᬩᬦᬾᬫᬗ᭄ᬓᬶᬦ᭄᭞ᬢᬦ᭄ᬓᭀᬘᬧ᭄ᬳᬶᬤᬵᬦᬯᬸᬳᬂ᭞ᬳᬶᬬᬫᬢ᭄ᬕᬗ᭄ᬲᬃᬦᬾᬫᬗ᭄ᬓᬶᬦ᭄᭞ᬦᬩ᭄ᬤᬩ᭄ᬧᬓᬓᬲ᭄ᬕᭂᬮᬶᬲ᭄᭞ᬲ᭄ᬧᬸᬃᬧᬢ᭄ᬧᬢ᭄ᬫᬶᬚᬶᬮ᭄ᬲᬵᬫ᭄ᬧᬸᬦ᭄᭞ᬲᬸᬧᬶᬃᬦᬾᬩᬕᬸᬲ᭄ᬲᬫ᭄ᬬᬦ᭄᭞ᬧᬤᬧᬲ᭄ᬘᬢᬗ᭄ᬓᭂ
Kaca:Bali-lontar-gaguritan-twan-raja-300ppi.pdf/50
Kaca puniki sampun kauji-wacén
