[᭕᭐ 50 B]
᭕᭐
ᬧ᭄ᬓᬮᬶᬲ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬦᬾᬫ᭄ᬬᬲ᭄ᬩ᭄ᬯᬶᬦ᭄ᬳᬸᬘᬧᬂ᭟ᬳᬶᬤᬾᬯᬕᬸᬂᬳᬚᬶᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫ᭄ᬬᬲ᭄ᬯ᭄ᬬᬓ᭄ᬢᬶ᭞ᬳᬶᬤᬾᬯᬕᬸᬂᬩ᭄ᬬᬂᬢᬶᬕ᭞ᬧᬗᬗ᭄ᬕᬾᬧᬢᭂᬄᬲᬯ᭄ᬬᬓ᭄ᬢᬶ᭞ᬳᬧᬦ᭄ᬳᬦᬸᬢ᭄ᬢᬦ᭄ᬲᬶᬧᬶ᭞ᬭᬾᬄᬭᬓᬳᬭᬶᬫᬓᬸᬫ᭄ᬧᬸᬮ᭄᭞ᬓ
ᬮᬶᬄᬲᬵᬫ᭄ᬧᬸᬦ᭄ᬢᭀᬕᬵ᭞ᬫᬶᬦᬓᬤᬶᬰ᭄ᬭᬶᬫᬤᬾᬯᬷ᭞ᬯᬸᬲ᭄ᬫᬳ᭄ᬬᬸᬲ᭄᭞ᬢᬦ᭄ᬓᬤᬶᬘᭀᬓᭀᬃᬤ᭄ᬥᬵᬲᬫ᭄ᬬᬦ᭄᭟ᬓᬮᬶᬄᬲᬂᬭᬵᬳᬚᬓᬦ᭄ᬬ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬜᬋᬗᬶᬦ᭄᭞ᬳᬕᬸᬂᬫᬗᬦᬸᬢᬂᬫ᭄ᬬᬲ᭄᭞ᬧᬭᬧᬸᬢ᭄ᬭᬶᬫ᭄ᬬᬲᬫᬶ᭞ᬯᬸᬲ᭄ᬧᬸᬧᬸᬢ᭄ᬲᬋᬂᬲ
ᬫᬶ᭞ᬲᬗ᭄ᬓᬮᬶᬄᬫᬫᬶᬜᬓ᭄ᬲᬫ᭄ᬧᬸᬦ᭄᭞ᬦᬾᬮᬦᬂᬘᬭᬶᬢᬬᬂ᭞ᬧᬥᬫᬕᬶᬮᬧ᭄ᬗᬧᬶᬓᬶᬦ᭄᭞ᬳᬶᬤᬾᬯᬕᬸᬂ᭞ᬳᬫ᭄ᬥᬾᬳᬶᬤᬾᬯᬕᬸᬂᬧᬸᬢᬺ᭟ᬫᬧᬗᬗ᭄ᬕᬾᬧᬧᬢᭂᬳᬦ᭄᭞ᬧᬥᬢᭀᬂᬩᬓᬢ᭄ᬓᭂᬦᬳᬶᬦ᭄᭞ᬫᬢᬸᬧᬶᬧᬳᬸᬢ᭄ᬲᬯᬯᬵ᭞ᬧᬥᬫᬢ᭄ᬭᬸᬫ᭄ᬧᬄ
ᬳᬰ᭄ᬭᬷ᭞ᬧᬥᬩᬕᬸᬲ᭄ᬗᬾᬤᬦᬶᬦ᭄᭞ᬧᬤᬵᬫᬗᬸᬦ᭄ᬕᬸᬂᬮᬸᬮᬸᬢ᭄᭞ᬢ᭄ᬯᬭᬧᬥᬗᬶᬤᬶᬳᬂ᭞ᬲᬲᬶᬭᬢ᭄ᬲᬯᬯᬫᬶᬗᬶ᭠ᬤ᭄᭞ᬘᬶᬘᬶᬗᬓᬾ᭞ᬫᬗ᭄ᬭᬾᬤᬾᬧ᭄ᬫᬗ᭄ᬤᬄᬘᬓ᭄ᬘᬓ᭄᭟ᬲᬯᬯᬫᬦᬶᬲ᭄ᬫᬜᬸᬶᬮᬵᬜᬤ᭄᭞ᬲᬂᬓᬮᬶᬄᬲᬵᬫ᭄ᬧᬸᬦ᭄ᬫᬍ᭠
[᭕᭑ 51 A]
ᬗᬶᬲ᭄᭞ᬧᬺᬧᬸᬢᬺᬓᬮᬶᬄᬳᬦ᭄ᬢᭂᬦᬃ᭞ᬲᬧᬗᬗ᭄ᬕᬾᬧᬢᭂᬄᬲᬫᬶ᭞ᬲᬵᬫ᭄ᬧᬸᬦ᭄ᬫᬫᬶᬜᬓ᭄ᬲᬫᬶ᭞ᬓᬩᬮᬾᬫᬹᬃᬤ᭄ᬥᬵᬫᬩ᭄ᬭᬶ᭠ᬬᬸᬓ᭄᭞ᬓᬤᬶᬕᬦ᭄ᬤᬃᬯ᭄ᬯᬭᬵᬚ᭞ᬲᬂᬓᬮᬶᬄᬧᬧᬕ᭄ᬩᬦ᭄ᬮᬶᬭᬶᬂ᭞ᬮᬶᬦ᭄ᬢᬂᬮᬾᬤᬂ᭞ᬲᬂᬓᬮᬶᬄᬓ᭄ᬜᭂᬫ᭄ᬗᬦ᭄ᬤᬶᬓᬵ᭟ᬦᬄᬦ᭄ᬕᬓ᭄ᬫᬮᬸᬳᬦ᭄ᬢᬶ
ᬬᬂ᭞ᬬᬵᬳᬶᬕᬶᬬᭀᬃᬮᭀᬢᬦ᭄ᬲᬶᬧᬶ᭞ᬫᬶᬦᬓᬤᬶᬬᬵᬳᬶᬩᬸᬩᬢ᭄᭞ᬧᬺᬧᬸᬢᬺᬜᭂᬫ᭄ᬩᬄᬲᬳᬶᬭᬶᬂ᭞ᬲᬕᬾᬢ᭄ᬭᬯᬸᬄᬲᬂᬓᬮᬶᬄ᭞ᬫᬓᬶᬭᬩᬦ᭄ᬧᬥᬩᬕᬸᬲ᭄᭞ᬓᬮᬶᬄᬧᬗᬗ᭄ᬕᬾᬦ᭄ᬳᬶᬤᬵ᭞ᬧᬢᭂᬄᬲᬂᬓᬮᬶᬄᬫᬢᬸᬧᬶ᭞ᬭᬾᬄᬭᬓᬦ᭄ᬥᬵ᭞ᬫᬗᬶᬘᬾᬦ᭄ᬢᭀᬧᬶ
ᬲᬫ᭄ᬬᬦ᭄᭟ᬭᬢᬓᬬᬂᬧᬭᬧᬸᬢᬺ᭞ᬳᬶᬤ᭄ᬯᬕᬸᬂᬫᬥᬾᬗᬶᬘᬾᬦᬶᬦ᭄᭞ᬓᬮᬶᬄᬫᬢᬭᬸᬫ᭄ᬧᬸᬄᬲᬫ᭄ᬬᬦ᭄᭞ᬧᬤᬯᬶᬓᬦ᭄ᬭᬾᬄᬫᬸᬭᬸᬓᬶᬦ᭄᭞ᬲᬲᬸᬓᬢᬾᬭᬶᬂᬚᬯᬶ᭞ᬯᬸᬲ᭄ᬫᬶᬬᬃᬱᬵᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬲᬂᬓᬮᬶᬄᬮᬾᬤᬂᬜᬶᬗᬓ᭄᭞ᬲᬵᬃᬯ᭄ᬯᬶ
ᬳᬶᬤᬵᬫᬗᬗ᭄ᬕᬸᬢᬶᬦ᭄᭞ᬕ᭄ᬮᬶᬲ᭄ᬢᭂᬤᬸᬦ᭄᭞ᬲᬂᬓᬮᬶᬄᬓ᭄ᬜᭂᬫ᭄ᬗᬦ᭄ᬤᬶᬓᬵ᭟ᬧᬢᭂᬄᬧᬗᬦ᭄ᬤᬶᬓᬦ᭄ᬳᬶᬤᬵ᭞ᬳᬦᬓᬕᬸᬂᬳᬦ᭄ᬢᬶ᭠ᬤᬶᬦᬶ᭞ᬢ᭄ᬬᬂᬦᬸᬫᭂᬦ᭄ᬤᬓᬶᬦ᭄ᬩ᭄ᬬᬂ᭞ᬫᬶᬦᬓᬤᬶᬳᬚᬶᬓ᭄ᬩ᭄ᬯᬶᬦ᭄᭞ᬳᬭᬶᬲᬂᬯᬶᬭᬓᬮᬶᬄ᭞ᬕ᭄ᬮᬶᬲ᭄ᬜᭂᬫ᭄ᬩᬄᬳᬍᬧᬳᬸᬢ᭄᭞ᬭᬓ
Kaca:Bali-lontar-gaguritan-twan-raja-300ppi.pdf/51
Kaca puniki sampun kauji-wacén
