[᭔᭘ 48 B]
᭔᭘
ᬓᬕᭂᬗᬦ᭄ᬚ᭄ᬭᬶᬄᬯ᭄ᬬᬓ᭄ᬢᬶ᭟ᬯᬸᬲ᭄ᬓᬧᬶᬦᭂᬄᬲᬹᬭᬵᬢ᭄ᬲᬫ᭄ᬬᬦ᭄᭞ᬮᬶᬦ᭄ᬢᬂᬮᬾᬤᬂᬭᬓᬦ᭄ᬥᬵᬗᬓ᭄ᬱᬶᬫᬗ᭄ᬓᬶᬦ᭄᭞ᬫᬯᬸᬯᬸᬄᬳᬰᬶᬄᬤᬶᬓᬬᬸᬦ᭄᭞ᬭᬓᬳᬮᬸᬲ᭄ᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬥᬵᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬦᬓᬕᬸᬂᬦᬶᬓᬶᬧᬶᬋᬗᬂ᭞ᬳᬚᬓ᭄ᬤᬤ᭄ᬯᬗ᭄ᬮᬄᬚ
ᬦᬶ᭟ᬳᬚᬓ᭄ᬳ᭄ᬬᬳᬶᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬢ᭄ᬯᬄᬢᬾᬬᬓ᭄ᬢᬶᬳᬶᬜ᭄ᬚᭀᬃᬗ᭄ᬮᬳᬂᬫᬗ᭄ᬓᬶᬦ᭄᭞ᬓᬤᬸᬂᬲᬗ᭄ᬕᬸᬧ᭄ᬢ᭄ᬬᬂᬓᬕᬸᬂ᭞ᬳᬧᬂᬳᬶᬧᬸᬦ᭄ᬫᬦᬤ᭄ᬢᬤ᭄᭞ᬤᬵᬳᬭᬶᬦ᭄ᬥᬵᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬢ᭄ᬯᬭᬧᬜ᭄ᬚᬂᬳᬢᬹᬃᬳᬶᬤᬵ᭞ᬲᬭᬦᬳᬯᬓᬾᬳᭂᬗ᭄ᬕᬶᬄ᭟ᬳᬓᬾᬄᬦᬾᬦᬾ
ᬓᬩᬳᭀᬲᬂ᭞ᬦᭂᬂᬤᬶᬓᬫᬵᬃᬤᬶᬳᬫ᭄ᬩᬾᬦ᭄ᬓᭀᬘᬧ᭄ᬚᬦᬶ᭞ᬲᬂᬦᬵᬣᬮᬾᬤᬂᬓ᭄ᬮᬂᬓᬸᬂ᭞ᬓᬸᬭᬶᬧᬦ᭄ᬗᬓ᭄ᬱᬶᬳᭀᬓ᭄᭞ᬳᬶᬤᬯᬕᬸᬂᬩ᭄ᬬᬂᬫᬗᬦ᭄ᬤᬶᬓᬳᬮᬸᬲ᭄᭞ᬢᬦ᭄ᬲᬄᬭᬶᬂᬳᬶᬤ᭄ᬯᬕᬸᬂᬧᬸᬢᬻ᭞ᬳᬤᬶᬦᬾᬫᬲᬤᬸᬫᬸᬮᬶᬄ᭟ᬳᬦᬓ᭄ᬤᬫᭂᬧᭂᬲ᭄ᬫᬜᭂᬫ᭄ᬩᬄ
᭞ᬗᬸᬦᬶᬗᬬᬂᬳᬶᬧᬸᬦ᭄ᬫᬧᬚᬃᬯ᭄ᬬᬓ᭄ᬢᬶ᭞ᬲᬕᬾᬢ᭄ᬧᬗ᭄ᬯᬾᬤᬗᬦᬶᬸ᭄ᬧᬸᬶᬫᬸᬶ᭄ᬧᬸᬶᬦᬸ᭄ᬦ᭄ᬭᬯᬸᬄ᭞ᬳᬰ᭄ᬭᬷᬫᬓᬦ᭄ᬥᬓᬦ᭄ᬥ᭞ᬲᬵᬫ᭄ᬧᬸᬦ᭄ᬓᬢᬸᬃᬲᬂᬦᬵᬣᬗᬦ᭄ᬤᬶᬓᬵᬢᬗ᭄ᬮᬸᬲ᭄᭞ᬫᬦᬯᬸᬳᬶᬦ᭄ᬥᬵᬳᬦᬓ᭄ᬥᬵ᭞ᬳᬶᬤᬾᬯᬕᬸᬂᬫᬥᬾᬯ᭄ᬬᬓ᭄ᬢᬶ᭟ᬕ᭄ᬬᬸᬃᬤᭀᬂᬲᬸᬯᬸᬤ᭄ᬚᬸᬫᬳ
[᭔᭙ 49 A]
ᬦ᭄᭞ᬫᬳᬶᬗᭀᬧᬶᬳᬓᬾᬄᬲᬋᬂᬫ᭄ᬭᬶᬬᬸᬓᬶᬦ᭄᭞ᬩ᭄ᬬᬂᬳᬚᬶᬲᬮᬶᬂᬢᭂᬫ᭄ᬩᬸᬂ᭞ᬢᬦ᭄ᬓᬤᬶᬤᬳᬸᬯᬦ᭄ᬥᬵ᭞ᬳᬶᬤᬾᬯᬕᬸᬂᬫᬥᬾᬕ᭄ᬮᬶᬲ᭄ᬫᬶᬚᬶᬮ᭄ᬲᬫ᭄ᬧᬸᬦ᭄᭞ᬯᬸᬲ᭄ᬤᬶᬳᬫ᭄ᬩᬾᬦ᭄ᬳᬶᬤᬜᭂᬫ᭄ᬩᬄ᭞ᬳᬸᬯᬦ᭄ᬥᬵᬫᬮᬶᬄᬦᬓᬾᬦᬶᬦ᭄᭟ᬳᬧᬳᬧᬫᬭᬯᭀᬲᬂ᭞
ᬓ᭄ᬭᬡᬳᬶᬢᭂᬄᬳᬦᬓ᭄ᬥᬵᬜᭂᬫ᭄ᬩᬄᬕ᭄ᬮᬶᬲ᭄᭞ᬢᬶᬢ᭄ᬬᬂᬫᬶᬢᬸᬢᬸᬭᬶᬦ᭄ᬤ᭄ᬯᬕᬸᬂ᭞ᬳᬶᬧᬸᬦ᭄ᬳᬶᬭᬢ᭄ᬦᬚ᭄ᬯᬶᬢ᭄ᬣ᭞ᬳᬶᬤᬾᬯᬕᬸᬂᬩ᭄ᬬᬂᬓᬸᬭᬶᬧᬦ᭄ᬫᬦᭂᬫ᭄ᬩᬸᬂ᭞ᬦᬄᬤ᭄ᬧᬶᬦ᭄ᬤᬸᬮᬸᬭᬶᬦ᭄ᬲᬸᬲᬄ᭞ᬳᬶᬤᬾᬯᬕᬸᬂᬧᬸᬢ᭄ᬭᬕ᭄ᬮᬶᬲ᭄᭟ᬫᬜᬶᬤᬺᬜᬶᬤᬺᬭᬓᬦ᭄ᬥ᭞ᬲᬵᬫ᭄ᬧᬸᬦ᭄ᬳᬶᬤᬵᬓ
ᬧᭂᬦ᭄ᬤᬓ᭄ᬮᬶᬭᬶᬂᬫᬂᬓᬶᬦ᭄᭞ᬳᬭᬶᬦ᭄ᬥᬫᬯᬗ᭄ᬲᬶᬢ᭄ᬤᬸᬮᬸ᭞ᬤᬕᬶᬂᬳᬶᬤᬦᬸᬦᬲᬂ᭞ᬳᬦ᭄ᬢᬸᬓ᭄ᬲᬸᬭᬢ᭄ᬲᬶᬤᬢᬦ᭄ᬲᬶᬤᬤᬾᬯᬕᬸᬂ᭞ᬭᬓᬦ᭄ᬥᬵᬫᬯᬗ᭄ᬲᬶᬢ᭄ᬦᬶᬫ᭄ᬩᬮ᭄᭞ᬓᬲᬶᬤᬜ᭄ᬚᬮᬦ᭄ᬫᬧᬫᬶᬢ᭄᭟ᬳᬭᬶᬫᬯᬗ᭄ᬲᬶᬢ᭄ᬳᬦ᭄ᬢᬸᬮᬓ᭄᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬗᬯᬾ
ᬤᬂᬲᬋᬂᬲᬫᬶ᭞ᬧᬶᬦᭂᬄᬧᬸᬓᬸᬮᬶᬫᬲᬵᬫ᭄ᬧᬸᬦ᭄᭞ᬳᬦᬓ᭄ᬥᬓᬮᬶᬄᬜᭂᬫ᭄ᬩᬄ᭞ᬳᬚᬶᬩ᭄ᬬᬂᬗᬗ᭄ᬕᬸᬢᬶᬦ᭄ᬲᬫᬶᬫᬩ᭄ᬭᬶᬬᬸᬓ᭄᭞ᬤᬵᬲᬂᬓᬮᬶᬄᬢ᭄ᬥᬸᬦ᭄ᬳᬶᬤᬵ᭞ᬧᬭᬧᬸᬢᬺᬜᭂᬫ᭄ᬩᬄᬲᬫᬶ᭟ᬤᬕᬶᬂᬫᬧᬫᬶᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬳᬶᬤᬵᬓᬩᬮᬾ
Kaca:Bali-lontar-gaguritan-twan-raja-300ppi.pdf/49
Kaca puniki sampun kauji-wacén
