[᭔᭗ 47 B]
᭔᭗
ᬬᬾᬦᬶᬂᬮᬫᬢᬸᬳᬸ᭞ᬳᬶᬜ᭄ᬚᭀᬂᬫᬦ᭄ᬫᬸᬮᬭ᭞ᬲᬸᬳᬸᬤ᭄ᬗᬸᬩ᭄ᬥᬦᬄᬳᬾᬗ᭄ᬕᬮᬂᬧᬥᬗᬓᬸ᭞ᬳᬢᬹᬃᬢ᭄ᬬᬂᬲᬶᬂᬤᬵᬢᬸᬮᬓ᭄᭞ᬫᬲᬶᬄᬳ᭄ᬦᬸᬗᬸᬩ᭄ᬚᬕᬢᬶ᭟ᬓ᭄ᬭᬡᬳᬶᬜ᭄ᬚᭀᬂᬧᬬᬸᬧ᭄ᬚᬄ᭞ᬪᬝᬵᬭᬦᬾᬮᬶᬦ᭄ᬢᬂᬫᭂᬗ᭄ᬕᬄᬢᬦ᭄ᬲᬶᬧᬶ᭞ᬳᬢ᭄ᬫᬵᬦᬾᬳᬶᬜ᭄ᬚᭀᬂᬫᬓᬸᬭᬸᬂᬤ
ᬲ᭄ᬢ᭄ᬯᬭᬓᬶᬘᬾᬦ᭄ᬦᬸᬦᬲ᭄᭞ᬭᬾᬄᬳᬶᬂᬢ᭄ᬬᬂᬓᬤᬸᬂᬫᬩᬱᬵᬫᬢᬸᬳᬸ᭞ᬢ᭄ᬓᬾᬦ᭄ᬳᬚᬶᬅ᭄ᬮᬶᬗ᭄ᬕᬶᬄᬲᬫ᭄ᬬᬦ᭄᭞ᬬᬦ᭄ᬢᬦ᭄ᬲᬶᬤ᭄ᬥᬵᬳᬶᬤᬸᬧ᭄ᬫᬮᬶᬄ᭟ᬳᬢᬹᬃᬢᬶᬢ᭄ᬬᬂᬧᬘᬂᬩᬾᬮ᭞ᬓ᭄ᬭᬡᬢ᭄ᬬᬂᬜᬳᬢᬂᬦᬸᬦᬲ᭄ᬩ᭄ᬯᬶᬦ᭄᭞ᬲᬫᬦ᭄ᬤᬾᬦᬾᬲᬶᬤ᭄ᬥᬵᬳᬶᬤᬸᬧ᭄᭞ᬧᬂᬢ᭄ᬬᬂᬩᬸᬳᬸᬂᬧ᭄ᬚᬄ᭞ᬲᬶᬤ᭄ᬥᬵ
ᬓᬶᬘᬾᬦ᭄ᬳᬢ᭄ᬫᬵᬦ᭄ᬫᬶᬲᬦᬾ ᬦᬓᬕᬸᬂ᭞ᬓᬮᬶᬄᬳᬶᬤᬵᬫᬧᬗᬃᬱᬵ᭞ᬢ᭄ᬯᬭᬵᬓᬶᬘ᭄ᬘᬾᬦ᭄ᬧᬶᬯᬮ᭄ᬩ᭄ᬯᬶᬦ᭄᭟ᬳᬧᬂᬲᬸᬳᬸᬤ᭄ᬫᬜᬗ᭄ᬲᬭ᭞ᬢ᭄ᬯᬄᬳᬓᬾᬢᭀᬜᬦ᭄ᬤᬂᬲᬸᬩᬤᭂᬦ᭄ᬤᬳᬶᬦ᭄᭞ᬳᬓᬾᬦ᭄ᬢᭂᬦ᭄ᬧᬦ᭄ᬤᬶᬓᬢᬸᬳᬸ᭞ᬢᭀᬓ᭄ᬭᬡᬢ᭄ᬬᬂᬲᬬᬂ᭞ᬍᬩᬶᬄᬢᬓᬸᬢ᭄ᬩ᭄ᬯᬶ
ᬦ᭄ᬧᬶᬯᬮ᭄ᬳᬦᬓᬕᬸᬂ᭞ᬬᬦ᭄ᬢᬦᬓᬕᬸᬂᬗᬯᬾᬦᬂ᭞ᬳᬧᬂᬢ᭄ᬬᬂᬲᬸᬳᬸᬤ᭄ᬲᬶᬲᬶᬧ᭄᭟ᬓᬮᬶᬄᬲᬸᬳᬸᬤ᭄ᬢᬦ᭄ᬤ᭄ᬭᬸᬄᬲᬬᬂ᭞ᬩᬢᭂᬓ᭄ᬢᬶᬢᬄᬧᬜᬢ᭄ᬭᬶᬦ᭄ᬲᬗ᭄ᬳ᭄ᬬᬂᬯᬶᬥᬶ᭞ᬭᬾᬳᬶᬂᬫᬸᬮᬳᬦᬓᬕᬸᬂ᭞ᬳᬶᬜ᭄ᬚᭀᬂᬬᭀᬕ᭄ᬬᬗ᭄ᬮᬳᬂ᭞ᬬᬦ᭄ᬢᬦ᭄ᬩᬸᬤᬸᬄᬲᬓᬾᬂᬤᭂᬡ᭄ᬥ
[᭔᭘ 48 A]
ᬯᬶᬥᬶᬢᬸᬳᬸ᭞ᬢᭀᬂᬦᬸᬕᬳ᭄ᬬᬧᬘᬂᬳ᭄ᬮᬲ᭄᭞ᬓᬮᬶᬄᬢ᭄ᬯᬭᬫᬦ᭄ᬫᭂᬦᬶᬦ᭄᭟ᬳᬮᬶᬄᬤᬶᬢᬸᬳᬗ᭄ᬕᭀᬦ᭄ᬘᬶᬤᬺ᭞ᬢᭀᬜᬫᬦᬾᬍᬩᬶᬄᬩᬦᬗᬯᬾᬦᬶᬦ᭄᭞ᬳᬓᬾᬢᭀᬚᬢᬶᬜᬓᬕᬸᬂ᭞ᬳᬶᬤ᭄ᬧᬂᬤᬵᬧᭂᬗ᭄ᬓᬸᬂᬦᬄ᭞ᬫᬮᬶᬄᬗᬸᬲᬧ᭄ᬲᬃᬯ᭄ᬯᬶᬫᬗᬼᬓᬲ᭄ᬳᬶᬤ᭄ᬯᬕᬸᬂ᭞᭠
ᬤᬕᬶᬂᬫᬦ᭄ᬢ᭄ᬭᬭᬾᬄᬯᬶᬰᬾᬱᬵ᭞ᬓ᭄ᬦᬶᬓᬬᬸᬦ᭄ᬳᬶᬤᬵᬯ᭄ᬬᬓ᭄ᬢᬶ᭟ᬦᬭᬶᬫᬓᬳᬶᬘᬾᬦ᭄ᬲᬸᬭᬢ᭄᭞ᬯᬸᬲ᭄ᬓᬢᬶᬩᬲᬂᬤ᭄ᬬᬄᬫᬦ᭄ᬢ᭄ᬭᬫᬗ᭄ᬓᬶᬦ᭄᭞ᬫᬮᬶᬄᬫᬗᭂᬦ᭄ᬤᬶᬓᬳᬮᬸᬲ᭄᭞ᬳ᭄ᬦᬾᬩᬮᬶᬳᬶᬦ᭄ᬲᬬᬂ᭞ᬳᬧᬂᬢᬯᬂᬯᬶᬢ᭄ᬓ᭄ᬦᭂᬄᬫᬶᬲᬦᬾᬢᬸᬳᬸ᭞ᬳᬶᬫᬸᬢᭂᬃᬜᭂᬫ᭄ᬩᬄᬫᬵ
ᬢᬸᬢᬂ᭞ᬓᬮᬶᬄᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭟ᬳᬕᬸᬂᬢᬍᬃᬫᬶᬲᬺᬗᬂ᭞ᬤᬵᬲᬂᬤ᭄ᬬᬄᬭᬢ᭄ᬦᬵᬚ᭄ᬯᬶᬢᬦᬾᬫᬗ᭄ᬓᬶᬦ᭄᭞ᬫ᭄ᬢᬸᬚ᭄ᬯᬶᬳᬾᬓ᭄ᬮᬂᬓᬸᬂ᭞ᬧᬘᬂᬢᬸᬮᬓ᭄ᬭᬶᬂᬭᬓ᭞ᬓᬬᬸᬦ᭄ᬳᬶᬤᬭᬾᬄᬓᬢᬶᬩᬾᬦ᭄ᬫᬦ᭄ᬢ᭄ᬭᬲᬵᬫ᭄ᬧᬸᬦ᭄᭞ᬳᬯᬶᬦᬦ᭄ᬜᭂᬫ᭄ᬩᬄᬫᬫᬶᬢᬂ᭞ᬳᬢᬹᬃᬲᬺᬢ᭄
ᬗᭂᬫ᭄ᬩᭂᬂᬢᬗᬶᬲ᭄᭟ᬤᬾᬯᬕᬸᬂᬢᬶᬢ᭄ᬬᬂᬦᬯ᭄ᬕᬂ᭞ᬦᬾᬦ᭄ᬢᭂᬦ᭄ᬫᬶᬤᭂᬧ᭄ᬗᬃᬬ᭄ᬬᬧᬫᬍᬲ᭄ᬯ᭄ᬬᬓ᭄ᬢᬶ᭞ᬭᬓᬦ᭄ᬥᬵᬫᬦᬶᬫ᭄ᬩᬮ᭄ᬳᬮᬸᬲ᭄᭞ᬧᬘᬂᬳᬶᬤᬫᬍᬲᬸᬭᬵᬢ᭄᭞ᬤᬵᬳᬭᬶᬦ᭄ᬥᬵᬜᭂᬫ᭄ᬩᬄᬗᬓ᭄ᬱᬶᬲᬸᬭᬢ᭄ᬲᬫ᭄ᬧᬸᬦ᭄᭞ᬦᬵᬗ᭄ᬳᬶᬂᬳᬶᬤᬵᬓᬳᬾᬭᬗᬦ᭄᭞ᬭᬾᬄ
Kaca:Bali-lontar-gaguritan-twan-raja-300ppi.pdf/48
Kaca puniki sampun kauji-wacén
