[᭔᭖ 46 B]
᭔᭖
ᬮᬶᬄᬓ᭄ᬦᬶᬲᬯᬾᬘ᭄ᬘᬵᬧᬶᬲᬦ᭄ᬤᬾᬯᬕᬸᬂ᭞ᬜᬶᬲᬶᬧᬂᬳᬶᬤ᭄ᬯᬕᬸᬂᬧᬸᬢᬺ᭞ᬭᬓᬦ᭄ᬤ᭄ᬯᬕᬸᬂᬮᬶᬦ᭄ᬢᬂᬫᬶᬲ᭄ᬓᬶᬦ᭄᭟ᬭᬢᬸᬤ᭄ᬯᬕᬸᬂᬮᬘᬸᬃᬧᬶᬲᬦ᭄᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬲᬋᬂᬫ᭄ᬭᬶᬬᬸᬓᬶᬦ᭄᭞ᬓ᭄ᬦᬶᬲᬵᬫ᭄ᬧᬸᬦ᭄ᬫ᭄ᬦᭂᬂᬢᬸᬳᬸ᭞ᬦᬓᬕᬸᬂᬬᬓ᭄ᬢᬶᬧᬶᬲᬦ᭄᭞ᬜᬫᬮᬘᬸᬃᬓᬧᬮᬦ᭄ᬧᬮᬦ᭄ᬫᬵ
ᬜᬸᬲᬸᬧ᭄᭞ᬓᬦ᭄ᬢᬶᬫᬂᬫᬲᬶᬦ᭄ᬲᬾᬤᬵ᭞ᬜᬶᬳ᭄ᬦᬬᬂᬢᬺᬱ᭄ᬡᬦᬾᬫᬗ᭄ᬓᬶᬦ᭄᭟ᬲᬂᬤ᭄ᬬᬄᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬲᬬᬦ᭄ᬲᬬᬦ᭄ᬫᭂᬗ᭄ᬕᬄᬳᬶᬤᬦᬾ ᬫᬗ᭄ᬓᬶᬦ᭄᭞ᬭᬶᬂᬭᬓᬵᬦ᭄ᬳᬶᬤᬦᬾᬢᬸᬳᬸ᭞ᬲᬓᬮᬶᬄᬜᭂᬮ᭄ᬲᭂᬮ᭄ᬧᬶᬲᬦ᭄᭞ᬳᬗ᭄ᬕᬵᬮᬘᬸᬃᬭᬓᬦ᭄ᬥᬵᬓᬧᬶᬦᭂᬄᬩᭂᬦ᭄ᬥᬸ᭞ᬓ᭄ᬭ
ᬡᬳᬶᬤᬵᬫᬕ᭄ᬥᬶᬬᬂ᭞ᬳᬾᬮᬶᬂᬳᬗ᭄ᬕᬵᬦᬾᬦ᭄ᬢᭂᬦ᭄ᬲᬶᬲᬶᬧ᭄᭟ᬳᬯᬦᬦ᭄ᬲᭂᬤᭂᬓ᭄ᬤᬶᬋᬥ᭞ᬦᬾᬦ᭄ᬢᭂᬦ᭄ᬜᭂᬫ᭄ᬩᬄᬕ᭄ᬮᬶᬲ᭄ᬲᬦ᭄ᬳᬶᬤᬦᬗᬶᬲ᭄᭞ᬢᭀᬬᬦ᭄ᬳᬓ᭄ᬱᬶᬤᬺᬲ᭄ᬫ᭄ᬢᬸ᭞ᬢ᭄ᬯᬭᬵᬤᬤᬶᬳᬸᬲᬧᬂ᭞ᬫᬫᬸᬮᬶᬲᬄᬤᬵᬭᬓᬦ᭄ᬥᬵᬲᬾᬗᭂᬄᬲᬵᬫ᭄ᬧᬸᬦ᭄᭞ᬓᬗᭂᬦ᭄ᬳᬶᬤᬦᬾᬓ
ᬮᬶᬦ᭄ᬢᬂ᭞ᬭᬾᬄᬓᬬᬸᬦ᭄ᬳᬭᬶᬯᬶᬓᬦᬶᬦ᭄᭟ᬫᬮᬶᬄᬳᬶᬤᬫᬫᬶᬦ᭄ᬳᬂ᭞ᬤᬳᬭᬶᬦ᭄ᬥᬵᬳᬶᬤ᭄ᬯᬕᬸᬂᬧᬸᬢᬺᬯ᭄ᬬᬓ᭄ᬢᬶ᭞ᬮᬶᬦ᭄ᬢᬂᬫᬗᬾᬫᬵᬦ᭄ᬤᬶᬓᬬᬸᬦ᭄᭞ᬭᬾᬳᬭᬶᬮᬶᬦ᭄ᬢᬂᬯᬶᬓᬦ᭄᭞ᬗ᭄ᬮᬾᬤᬗᬶᬦ᭄ᬭᬓᬗᬯᬾᬓᬧᬶᬮᬸᬳᬸᬢ᭄᭞ᬳᬯᬦᬦ᭄ᬳᬲᬶᬂᬓᬢᬸᬦᬲ᭄᭞ᬳᬶ᭠
[᭔᭗ 47 A]
ᬤᬵᬓᬬᬸᬦ᭄ᬫᬗ᭄ᬮᬶᬗ᭄ᬕᬶᬳᬶᬦ᭄᭟ᬲᬫᬮᬶᬄᬧᬧᬶᬦᭂᬄᬳᬶᬤ᭞ᬲᬵᬫ᭄ᬧᬸᬦ᭄ᬜᬦ᭄ᬤᬂᬳᬶᬤᬫᬫᬍᬲ᭄ᬯ᭄ᬬᬓ᭄ᬢᬶ᭞ᬭᬾᬄᬓᬧᬶᬦᭂᬄᬮᬫᬵᬲᬫ᭄ᬧᬸᬦ᭄᭞ᬳᬭᬶᬳᬶᬤ᭄ᬯᬕᬸᬂᬧᬸᬢᬺ᭞ᬦ᭄ᬫᬸᬮᬭᬳᬯᬦᬦ᭄ᬳᬶᬤᬵᬫᬓᬬᬸᬦ᭄᭞ᬫᬍᬲ᭄ᬗᬶᬘᬾᬦ᭄ᬳᬶᬭᬮᬾᬤᬂ᭞ᬳᬶᬤᬾᬯᬕᬸᬂᬧᬸᬢᬺᬯ᭄ᬬ
ᬓ᭄ᬢᬶ᭟ᬓᬮᬶᬄᬳᬶᬤᬵᬚ᭄ᬭᬶᬄᬧᬶᬲᬦ᭄᭞ᬭᬶᬂᬪᬝᬵᬭᬧᬘᬂᬫᬶᬯᬮᬶᬦ᭄ᬕᬢᬶ᭞ᬭᬾᬄᬲ᭄ᬧᭂᬂᬓᬤᬳᬸᬄᬢᬸᬳᬸ᭞ᬓ᭄ᬦᬶᬳᬕᬾᬫᬸᬜ᭄ᬘᬶᬗᬂ᭞ᬲᬧᬸᬦᬶᬓᬵᬧᬧᬶᬦᭂᬄᬳᬶᬤᬳᬶᬤ᭄ᬯᬕᬸᬂ᭞ᬫᬥᬾᬕ᭄ᬮᬶᬲ᭄ᬗᬸᬲᬧᬸᬲᬧ᭄᭞ᬗᬲᬶᬳᬶᬦ᭄ᬳᬭᬶᬦᬾ ᬫᬗ᭄ᬓᬶᬦ᭄᭟ᬫᬾᬦᬓᬕᬸᬂᬜ
ᬫᬦ᭄ᬢ᭄ᬬᬂ᭞ᬗᬸᬤᬓᬾᬦᬾᬲᬬᬦ᭄ᬢ᭄ᬯᬭᬗᬸᬕᭀᬦᬶᬦ᭄᭞ᬲᬬᬦ᭄ᬲᬬᬦ᭄ᬳᬦᬓᬕᬸᬂ᭞ᬢ᭄ᬯᬭᬧᬶᬲᬦ᭄ᬗᬶᬤ᭄ᬧᬂ᭞ᬦᬄᬦᬾᬚᬦᬶᬢ᭄ᬬᬂᬢᬸᬢᬸᬭᬶᬦᬓᬕᬸᬂ᭞ᬳᬧᬂᬓᬕᬸᬂᬢᬢᬲ᭄ᬦᬯᬂ᭞ᬢ᭄ᬬᬂᬢᬾᬫᬫᬸᬲᬸᬄᬯᬶᬥᬶ᭟ᬪᬝᬵᬭᬮᬶᬦ᭄ᬢᬂᬧᬫᭂᬗ᭄ᬕᬄ᭞ᬩᬦᬾᬢ᭄ᬬᬂᬗᬃᬬ᭄ᬬ
ᬦᬶᬦ᭄ᬳᬶᬚᬢᬶ᭞ᬓᬳᬸᬘᬧ᭄ᬫᬗᬯᬸᬳᬯᬸ᭞ᬢ᭄ᬯᬭᬢᬶᬦ᭄ᬤᬶᬄᬓᬾᬦ᭄ᬰᬩ᭄ᬤᬵ᭞ᬓ᭄ᬭᬡᬲᬶᬤ᭄ᬥᬵᬢ᭄ᬬᬂᬦ᭄ᬧᬸᬓᬶᬦᬓᬕᬸᬂ᭞ᬭᬾᬄᬳᬶᬤᬵᬫᬫᬶᬤᬃᬢ᭄ᬣᬬᬂ᭞ᬲᬳᬫᬗᬸᬢᬸᬲ᭄ᬫᬗᬮᬶᬄ᭟ᬩ᭄ᬯᬶᬦ᭄ᬳᬶᬤᬫᬧᬗᬃᬱᬵ᭞ᬬᬾᬦᬵᬳᬶᬂᬲᬸᬩᬧᬥᬫᬓᬸᬫ᭄ᬧᬸᬮ᭄ᬤᬶᬦᬶ᭞ᬓᬮᬶᬄ
Kaca:Bali-lontar-gaguritan-twan-raja-300ppi.pdf/47
Kaca puniki sampun kauji-wacén
