[᭔᭕ 45 B]
᭔᭕
ᬥᬾᬗ᭄ᬭᬜ᭄ᬚᬶᬂ᭟ᬳᬭᬶᬦ᭄ᬥᬵᬲᬦᬾᬭᬶᬂᬓᬫᬃ᭞ᬫᬓᬶᬲ᭄ᬮᬦ᭄ᬮᬶᬗ᭄ᬕᬶᬄᬳᬶᬤᬦᬾᬫᬗ᭄ᬓᬶᬦ᭄᭞ᬳᬶᬫᬸᬢᭂᬃᬤᬾᬯᬕᬸᬂᬭᬢᬸ᭞ᬫᭂᬧᭂᬲ᭄ᬳᬍᬧ᭄ᬧᬺᬢᬫ᭞ᬳᬶᬤᬾᬯᬕᬸᬂᬫᬥᬾᬫᬗᬦ᭄ᬤᬶᬓᬵᬳᬮᬸᬲ᭄᭞ᬭᬶᬂᬳᬭᬶᬳᬭᬶᬦ᭄ᬥᬵᬲᬫ᭄ᬬᬦ᭄᭞ᬳᬭᬄᬢ᭄ᬬᬂᬍᬕᬕᬢᬶ᭟ᬩᬦᬾᬓᬸᬫ᭄ᬧᬸ
ᬮ᭄ᬚᬓ᭄ᬫᬓ᭄ᬚᬂ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂᬦᬶᬫ᭄ᬩᬮᬶᬦ᭄᭞ᬳᬶᬫᬸᬢᭂᬃᬳᬶᬤ᭄ᬯᬕᬸᬂᬭᬢᬸ᭞ᬜᭂᬫ᭄ᬩᬄᬫᬢᬸᬃᬫᬢᬶᬫ᭄ᬩᬮ᭄᭞ᬧᬧᬢᭂᬳᬦ᭄ᬳᬢᬸᬃᬳᬭᬶᬦ᭄ᬥᬵᬳᬶᬤ᭄ᬯᬕᬸᬂ᭞ᬤᬕᬶᬂᬫᬫᬢᬸᬢᬂᬧᬶᬲᬦ᭄᭞ᬚᬯᬦᬶᬂᬲᬂᬭᬵᬚᬧᬸᬢ᭄ᬭᬶ᭟ᬲᬂᬤ᭄ᬬᬂᬭᬵᬢ᭄ᬦᬚ᭄ᬯᬶᬢ᭞ᬦᬾᬦ᭄ᬢᭂᬦ᭄ᬳᬶᬤᬵᬲᬋᬂᬫᬫᬵ
ᬢᬸᬢ᭄ᬯ᭄ᬬᬓ᭄ᬢᬶ᭞ᬭᬶᬂᬭᬓᬫᭂᬗ᭄ᬕᬄᬤᬶᬓᬬᬸᬦ᭄᭞ᬩᬳᬦᬾᬫᬲ᭄ᬭᬳᬂ᭞ᬮᬶᬦ᭄ᬢᬂᬜᭂᬮ᭄ᬲᭂᬮ᭄ᬭᬶᬂᬳᬗ᭄ᬕᬵᬳᬶᬤᬳᬶᬤ᭄ᬯᬕᬸᬂ᭞ᬤᬵᬭᬓᬦ᭄ᬥᬵᬲᬾᬗᭂᬄᬳᬶᬤᬵ᭞ᬭᬶᬂᬓᬬᬸᬦ᭄ᬳᬭᬶᬦ᭄ᬥᬵᬯ᭄ᬬᬓ᭄ᬢᬶ᭟ᬦᬗ᭄ᬳᬶᬂᬜᬭᬸᬜᬭᬸᬳᬶᬤ᭞ᬭᬾᬄᬦᬾᬫᬗ᭄ᬓᬶᬦ᭄ᬳᬬᬢ᭄ᬗᬶᬘᬾᬦᬶᬦ᭄ᬢᬸᬮᬶᬲ᭄
᭞ᬦᭂᬲᭂᬓ᭄ᬳᬭᬶᬗᬦ᭄ᬤᬶᬓᬵᬮᬸᬲ᭄᭞ᬓᬕᬸᬂᬢ᭄ᬬᬗᬾᬲᬬᬂ᭞ᬢᬦ᭄ᬲᬓᬭᬾᬂᬢ᭄ᬬᬂᬳ᭄ᬮᬲ᭄ᬳᬦᬓᬕᬸᬂ᭞ᬫᬜᬫᬢ᭄ᬓᬾᬦᬶᬂᬳᬶᬤᬵ᭞ᬤᬵᬜᭂᬦ᭄ᬓᬕᬸᬂᬲᬮ᭄ᬳ᭄ᬢᬫ᭄ᬧᬶ᭟ᬓᬮᬶᬄᬤᬵᬧᬶᬲᬦ᭄ᬲᬦ᭄ᬤᬾᬬᬵ᭞ᬢ᭄ᬬᬂᬢᬤ᭄ᬢᬤ᭄ᬓᬾᬯᬮᬤᬫᬸᬘᬶᬗᬶᬦ᭄᭞
[᭔᭖ 46 A]
ᬫᬶᬲᬦ᭄ᬳᬶᬤᬦᬾᬦᬓᬕᬸᬂ᭞ᬳᬶᬜ᭄ᬚᭀᬂᬤᬯ᭄ᬕᬶᬦ᭄ᬢ᭄ᬬᬂ᭞ᬳᬧᬂᬢ᭄ᬬᬂᬫᬳᬂᬢᬸᬮᬶᬲ᭄ᬳᬦᬓᬕᬸᬂ᭞ᬦᬾᬩᬮᬶᬳᬶᬦ᭄ᬤᬜᭂᬦ᭄ᬢᬸᬮᬓ᭄᭞ᬭᬾᬄᬬᬵᬮᬓᬃᬫᬢᬸᬃᬲᬶᬲᬶᬧ᭄᭟ᬳᬓᬾᬢᭀᬧᬶᬲᬦ᭄ᬦᬄᬲᬬᬂ᭟ᬲᬫᬶᬓᬕ᭄ᬬᬢ᭄ᬫᬫ᭄ᬬᬃᬱᬵᬦᬾᬫᬗ᭄ᬓᬶᬦ᭄᭞ᬳᬶᬫᬸᬢᭂᬃᬮᬾᬤᬂ
ᬓ᭄ᬮᬗ᭄ᬓᬸᬂ᭞ᬭᬾᬄᬓᬬᬸᬦ᭄ᬥᬵᬭᬓᬦ᭄ᬥᬵ᭞ᬗᬯᬢᬸᬮᬶᬲ᭄ᬭᬓᬦ᭄ᬥᬵᬗᬢᬸᬭᬶᬦ᭄ᬢᬸᬳᬸ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬶᬤᬵ᭞ᬳᬕᬸᬂᬢᬵᬦ᭄ᬧᬓᬦ᭄ᬥᬵᬯ᭄ᬬᬓ᭄ᬢᬶ᭟ᬢᭀᬂᬩᬶᬱᬳᬶᬤᬫᬶᬦ᭄ᬳᬂ᭞ᬓᬬᬸᬦ᭄ᬭᬓᬧᬶᬦᭂᬄᬗᬤᬸᬢᬦ᭄ᬲᬶᬧᬶ᭞ᬢᭂᬫ᭄ᬩᬾᬫᬗ᭄ᬓᬶᬦ᭄ᬳᬶᬤᬫᬗ᭄ᬕᬸᬄ᭞ᬳᬦ
ᬓ᭄ᬫ᭄ᬦᬭᬶᬜᬫ᭞ᬓᬧᬶᬦ᭄ᬳᬂᬭᬓᬦ᭄ᬤᬮᬶᬦ᭄ᬢᬂᬓᬢᭂᬫ᭄ᬧᬸᬃ᭞ᬭᬶᬂᬳᬶᬤᬳᬶᬤ᭄ᬯᬕᬸᬂᬧᬸᬢᬺ᭞ᬲ᭄ᬧᭂᬂᬧᬧᬶᬦᭂᬄᬤᬵᬯ᭄ᬬᬓ᭄ᬢᬶ᭟ᬦᬵᬗ᭄ᬳᬶᬂᬳᬶᬤᬵᬫᬦᭂᬲ᭄ᬓᬂ᭞ᬳᬶᬤᬾᬯᬕᬸᬂᬫᬸᬢᭂᬃᬕ᭄ᬮᬶᬲ᭄ᬦᬾᬫᬗ᭄ᬓᬶᬦ᭄᭞ᬜᭂᬫ᭄ᬩᬄᬫ᭄ᬓᬸᬮ᭄ᬧᬥᬫᬢᬸᬃ᭞ᬭᬶᬂᬭᬓᬵᬭᬢ᭄ᬦᬵᬚ᭄ᬯᬶᬢ᭄ᬣᬵ᭞
ᬲᬳᬵᬢᬗᬶᬲ᭄ᬢᬶᬢ᭄ᬬᬂᬦᬯ᭄ᬕᬂᬤᬾᬯᬕᬸᬂ᭞ᬲ᭄ᬫ᭄ᬧᬸᬦ᭄ᬧᬶᬲᬦ᭄ᬤ᭄ᬯᬕᬸᬂᬢᬸᬮᬓ᭄᭞ᬭᬶᬂᬯᬘᬦᬦ᭄ᬭᬓᬵᬯ᭄ᬬᬓ᭄ᬢᬶ᭟ᬲᬓᬮᬶᬄᬢᬶᬢ᭄ᬬᬂᬦᬯ᭄ᬕᬂ᭞ᬮᬸᬘᬸᬫᬢᬹᬃᬳᬦ᭄ᬢᬸᬓ᭄ᬱᬓᬭᬶᬂᬩᬓ᭄ᬢᬶ᭞ᬓ᭄ᬦᬶᬲ᭄ᬯᬾᬘᬵᬭᬢᬸᬤ᭄ᬯᬕᬸᬂ᭞ᬗᬫ᭄ᬧᬸᬭᬤᬾᬯᬾᬓ᭄ᬢᬶᬢ᭄ᬬᬂ᭞ᬓ
Kaca:Bali-lontar-gaguritan-twan-raja-300ppi.pdf/46
Kaca puniki sampun kauji-wacén
