[᭔᭔ 44 B]
᭔᭔
ᬜᬓ᭄᭞ᬫᬭᬢᬸᬲ᭄ᬚᬩᬤ᭄ᬓᬲ᭄ᬢᬸᬭᬶ᭞ᬫᬶᬳᬶᬓ᭄ᬫᬶᬬᬸᬃᬫᬶᬬᬸᬭᬦ᭄᭚ᬧᬗ᭄ᬓᬸᬃ᭚ᬳᬮᬶᬳᬮᬶᬧᬧᬢᭂᬳᬦ᭄᭞ᬧᬸᬧᬸᬢ᭄ᬫᬳ᭄ᬬᬲ᭄ᬳᬶᬤᬲᬂᬯᬶᬭᬓᬮᬶᬄ᭞ᬧᬭᬧᬸᬢᬺᬫᬳ᭄ᬬᬲ᭄ᬧᬢᬸᬄ᭞ᬢ᭄ᬓᬾᬦ᭄ᬧᬭᬳᬦ᭄ᬢᭂᬦᬃ᭞ᬳᬧᬦ᭄ᬳᬦᬸᬢ᭄ᬯᬸᬲ᭄ᬦᬗ᭄ᬓᬶᬮ᭄ᬧᬸᬧᬸᬢ᭄ᬫᬩ᭄ᬭᬶᬬᬸᬓ᭄᭞ᬯᬸᬲ᭄ᬤᬶᬦᬢᬄ
ᬩᬮᬾᬫᬹᬃᬤ᭄ᬥᬵ᭞ᬲᬂᬓᬮᬶᬄᬫᬯᬕ᭄ᬩᬦ᭄ᬮᬶᬭᬶᬂ᭟ᬲᬵᬃᬯ᭄ᬯᬶᬲᬂᬓᬮᬶᬄᬗᬦ᭄ᬤᬶᬓᬵ᭞ᬚᬮᬦᬗ᭄ᬓᬶᬮ᭄ᬧᬭᬧᬸᬢ᭄ᬭᬦᬾᬲᬫᬶ᭞ᬫᬜᭂᬫ᭄ᬩᬄᬧᬥᬫᬩ᭄ᬭᬶᬬᬸᬓ᭄᭞ᬲᬂᬓᬮᬶᬄᬢ᭄ᬥᬸᬦ᭄ᬳᬶᬤᬵ᭞ᬲᬬᬦ᭄ᬲᬬᬦ᭄ᬩᬕᬸᬲ᭄ᬳᬶᬤᬦᬾᬳᬶᬤ᭄ᬯᬕᬸᬂ᭞ᬫᬥᬾᬭᬾᬄᬢᬸᬫ᭄ᬩᬾᬦ᭄ᬫᬤᬵ
ᬲ᭄ᬢᬃ᭞ᬧᬳᬸᬢ᭄ᬫᬧᬗᬗ᭄ᬕᬾᬩᬮᬶ᭟ᬫᬩ᭄ᬭᬶᬬᬸᬓ᭄ᬧᬥᬗᬧᬸᬢᬶᬬᬂ᭞ᬲᬸᬭᬵᬢ᭄ᬳᬶᬤᬵᬲᬫ᭄ᬧᬸᬦ᭄ᬫᬳᬯᬯ᭄ᬬᬓ᭄ᬢᬶ᭞ᬯᬸᬲ᭄ᬤᬶᬕ᭄ᬥᭀᬂᬘᬭᬸᬄ᭞ᬳᬶᬤᬵᬲᬂᬦᬵᬣᬲᬫ᭄ᬬᬦ᭄᭞ᬫᬗ᭄ᬕᭂᬄᬫ᭄ᬮᬶᬗ᭄ᬕᬶᬄᬢᬗ᭄ᬓᬶᬮᬦ᭄ᬢᭂᬩᭂᬓ᭄ᬮᬂᬓᬸᬂ᭞ᬧᬺᬳᬶᬲ᭄ᬢ᭄ᬭᬶᬫᬗ᭄ᬕᭂᬄᬤᬶᬓᬫᬃ᭞ᬢᬗ᭄ᬓᬶ
ᬮᬦᬾᬢ᭄ᬥᬸᬦ᭄ᬕᭂᬮᬶᬲ᭄᭟ᬲᬂᬦᬵᬣᬳᬶᬤ᭄ᬯᬕᬸᬂᬩ᭄ᬬᬂ᭞ᬮᬶᬦ᭄ᬢᬂᬮᬾᬤᬂᬜᬶᬗᬓ᭄ᬳᬦᬓ᭄ᬥᬵᬦᬗ᭄ᬓᬶᬮ᭄᭞ᬓᬤᬶᬲ᭄ᬫᬭᬓᭂᬫ᭄ᬩᬃᬢᬸᬳᬸ᭞ᬧᬗᬗ᭄ᬕᬾᬧᬧᬢᭂᬳᬦ᭄᭞ᬤᬵᬳᬦᬓ᭄ᬥᬵᬦᬸᬦᬲ᭄ᬮᬸᬕᬺᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬳᬚᬶᬩ᭄ᬬᬂᬫᬳ
[᭔᭕ 45 A]
ᬗ᭄ᬕᬸᬳᬦ᭄᭞ᬲᬵᬃᬯ᭄ᬯᬶᬳᬶᬤᬵᬫ᭄ᬦᬓᬾᬦᬵᬳᬶᬦ᭄᭟ᬳᬶᬕ᭄ᬬᬸᬃᬩᬸᬩᬢ᭄ᬓ᭄ᬦᬧᬵ᭞ᬲᬶᬂᬤᬵᬩᬋᬂᬲᬂᬓᬮᬶᬄᬜᭂᬫ᭄ᬩᬄᬫᬮᬶᬄ᭞ᬳᬶᬧᬸᬦ᭄ᬓᬭᬶᬧᬸᬍᬲ᭄ᬤ᭄ᬯᬕᬸᬂ᭞ᬲᬵᬃᬯ᭄ᬯᬶᬳᬶᬧᬸᬦ᭄ᬫᬸᬗ᭄ᬕᬳᬦ᭄᭞ᬧᬭᬧᬸᬢᬺᬤᬶᬦᬢᬄᬫᬗ᭄ᬕᭂᬄᬫᬮᬸᬗ᭄ᬕᬸᬄ᭞ᬳᬚᬶᬦ᭄ᬥᬵᬳᬶᬤ᭄ᬯᬕᬸᬂ᭠
ᬩ᭄ᬬᬂ᭞ᬗᬦ᭄ᬤᬶᬓᬫᬵᬢ᭄ᬭᬸᬄᬕᭂᬦ᭄ᬤᬶᬲ᭄᭟ᬭᬶᬂᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬲᬶᬧᬶᬲᬶᬧᬶᬍᬕᬦ᭄ᬢ᭄ᬬᬗᬾᬚᬦᬶ᭞ᬗᭂᬦᭀᬢ᭄ᬧᬦᬓ᭄ᬳᬦᬓᬕᬸᬂ᭞ᬲᬸᬳᬸᬤ᭄ᬫᬗᬗ᭄ᬕᭀᬚᬯᬵ᭞ᬲᬬᬦ᭄ᬩᬕᬸᬲ᭄ᬳᬧᬦ᭄ᬭᬾᬄᬧᬗᬗ᭄ᬕᭀᬳᬦᬸᬢ᭄᭞ᬳᬓᬾᬄᬫᬫᬢᬸᬢ᭄ᬫᬦᬶᬫ᭄ᬩᬮ᭄᭠
᭞ᬳᬶᬤᬾᬯᬕᬸᬂᬫᬥᬾᬕ᭄ᬮᬶᬲ᭄᭟ᬜᭂᬫ᭄ᬩᬄᬫᬢᬸᬃᬳᬶᬤ᭄ᬘᬵᬗᬓᬓ᭄᭞ᬩᬲ᭄ᬓᬤᬸᬭᬸᬲ᭄᭟ᬤᬯᬕᬸᬂᬲᬋᬂᬲᬫᬶ᭞ᬍᬕᬦ᭄ᬢᬶᬢ᭄ᬬᬗᬾᬤᬾᬯᬕᬸᬂ᭞ᬫᬳᬍᬫ᭄ᬲᬋᬂᬲᬫ᭄ᬬᬦ᭄᭞ᬤᬵᬲᬂᬦᬵᬣᬫᬮᬶᬄᬫᬦᬶᬫ᭄ᬩᬮ᭄ᬫᬩ᭄ᬭᬶᬬᬸᬓ᭄᭞ᬢᬦ᭄ᬲᬓᬾᬂᬢ᭄ᬬᬂᬗᬜᬸᬤᬵᬂ
᭞ᬳᬦᬓ᭄ᬢᬢ᭄ᬯᬶᬬᬦ᭄ᬳᬢᬶ᭟ᬧᬥᬮᬾᬥᬂᬲᬋᬂᬲᬫ᭄ᬬᬦ᭄᭞ᬳᬶᬤᬾᬯᬕᬸᬂᬫᬥᬾᬫᬜᭂᬫ᭄ᬩᬄᬫᬮᬶᬄ᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕᬺᬤ᭄ᬯᬕᬸᬂ᭞ᬧᬘᬂᬗ᭄ᬭᬜ᭄ᬚᬶᬂᬓᬓᬫᬃ᭞ᬳᬚᬶᬩ᭄ᬬᬂᬗᬗ᭄ᬕᬸᬢᬶᬦ᭄ᬓ᭄ᬫᬦᬓᬕᬸᬂ᭞ᬳᬦᬓ᭄ᬚᬫᬮᬶᬄᬫᬜᭂᬫ᭄ᬩᬄ᭞ᬳᬶᬤᬾᬯᬕᬸᬂᬫ
Kaca:Bali-lontar-gaguritan-twan-raja-300ppi.pdf/45
Kaca puniki sampun kauji-wacén
