[᭔᭓ 43 B]
᭔᭓
ᬓ᭄ᬢᬶ᭞ᬳᬯᬦᬦ᭄ᬢᬶᬢ᭄ᬬᬂᬲᬓᬶᬢ᭄᭞ᬦᬾᬫᬗ᭄ᬓᬶᬦ᭄ᬩᬝᬵᬭᬶᬳᬕᬸᬂ᭞ᬧᬭᬶᬲᬓ᭄ᬱᬢ᭄ᬫᬭᬕᬵ᭞ᬓᬤᬶᬢᬶᬃᬢ᭄ᬢᬵᬲᬜ᭄ᬚᬶᬯᬦᬶ᭞ᬭᬵᬢᬸᬤ᭄ᬯᬕᬸᬂᬢᬶᬢ᭄ᬬᬂᬫᬦᬯ᭄ᬕᬂᬧᬶᬲᬦ᭄᭟ᬓ᭄ᬦᬶᬪᬝᬵᬭᬶᬲ᭄ᬯᬾᬘ᭄ᬘᬵ᭞ᬫᬗᬸᬭᬶᬧ᭄ᬳᬶᬢᬭᬸᬳᬓᬶᬂ᭞ᬲᬓᬮᬶᬄᬢᬶᬢ᭄ᬬᬂᬦᬯ᭄ᬕᬂ᭞ᬓ᭄ᬦᬶᬪᬝᬵᬭᬶᬗ᭄ᬮᬶᬗ᭄ᬕᬶᬳᬶᬦ᭄᭞
ᬲᬫᬗ᭄ᬤᬾᬓ᭄ᬦᬶᬳᬾᬮᬶᬂ᭞ᬓᬳᬸᬮᬓᬤᬂᬤᬾᬯᬕᬸᬂ᭞ᬲᬦᬾᬲᬵᬫ᭄ᬧᬸᬦ᭄ᬮᬶᬦ᭄ᬢᬗᬂ᭞ᬭᬾᬄᬧᬜᬢ᭄ᬭᬶᬦ᭄ᬲᬂᬳ᭄ᬬᬂᬯᬶᬥᬶ᭞ᬲᬦᬾᬫᬗ᭄ᬓᬶᬦ᭄ᬯᬯᭀᬦᬶᬦ᭄ᬪᬝᬵᬭᬶᬲᬬᬂ᭚ᬥᬂᬥᬂ᭚ᬲᬧᬸᬦᬶᬓᬵᬳᬢᬹᬃᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬫᬸᬗ᭄ᬕ᭄ᬯᬶᬂᬲᬸᬭᬢ᭄᭞ᬢ᭄ᬭᬶᬫᬗ᭄ᬕᬶᬄᬲᬬᬂ᭞ᬤᬵᬢᬸᬮ
ᬓ᭄ᬤᬯᬦ᭄ᬢᬶᬢ᭄ᬬᬗᬾ᭞ᬬᬦ᭄ᬫᬗ᭄ᬕᭂᬄᬭᬢᬸᬩᭂᬦ᭄ᬤᬸ᭞ᬧᬶᬲᬦ᭄ᬢᬶᬕ᭄ᬢᬶᬕ᭄ᬧᬂᬓᬦ᭄ᬢᬶᬲᬶᬢ᭄ᬲᬶᬢ᭄᭞ᬭᬾᬄᬭᬢᬸᬫᬓᬬᭀᬕ᭄ᬬ᭞ᬫᬶᬤᬦ᭄ᬥᬵᬳᬶᬤᬸᬲᬸᬦ᭄᭞ᬫᬾᬭᬵᬢᬸᬫᬲ᭄ᬧᬦᭂᬫ᭄ᬩᬳᬦ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬢᬫ᭄ᬧᬶᬢᬸᬮᬶᬲ᭄ᬢ᭄ᬬᬗᬾᬳᭂᬗ᭄ᬕᬶᬄ᭞ᬧᬯᭀᬲ᭄ᬤᬶᬚ᭄ᬭᭀᬦᬶᬂᬢᬶᬮᬫ᭄
᭟ᬲᬧᬸᬦᬶᬓᬵᬳᬢᬸᬃᬳᬶᬤᬵᬯ᭄ᬬᬓ᭄ᬢᬶ᭞ᬫᬸᬗ᭄ᬕ᭄ᬯᬶᬂᬲᬸᬭᬵᬢ᭄᭞ᬕ᭄ᬮᬶᬲ᭄ᬫᬗᬢᬸᬭᬂ᭞ᬜᭂᬫ᭄ᬩᬄᬓᬧ᭄ᬓᬸᬮ᭄ᬭᬓᬦᬾ᭞ᬲᬵᬃᬯ᭄ᬯᬶᬗᬭᬲ᭄ᬫᬳᬢᬸᬃ᭞ᬭᬢᬸᬤ᭄ᬯᬕᬸᬂᬧᬸᬶᬧᬸᬦᬶᬓᬶᬳᬓ᭄ᬱᬶ᭞ᬫ᭄ᬦᬯᬶᬯᬾᬦ᭄ᬢᭂᬦ᭄ᬳᬶᬯᬂ᭞ᬭᬓᬦ᭄ᬥᬵᬫᬜᬫ᭄ᬩᬸᬢ᭄᭞ᬫᬯᭀᬲᬸᬭᬵᬢ᭄ᬗ᭄ᬳᬶᬂᬢᬦ᭄ᬯᭂᬤᬃ᭞
[᭔᭔ 44 A]
ᬯᬸᬲ᭄ᬓᬧᬢᬸᬢ᭄᭞ᬤᬵᬭᬓᬦ᭄ᬥᬵᬕ᭄ᬮᬶᬲ᭄ᬫᬗ᭄ᬓᬶᬦ᭄᭞ᬗᬸᬲᬧᬶᬦ᭄ᬲᬸᬭᬵᬢ᭄ᬫᬶᬜᬓ᭄᭟ᬤᬵᬭᬓᬦ᭄ᬥᬵᬫᬗᭂᬦ᭄ᬤᬶᬓᬳᬭᬶᬲ᭄᭞ᬭᬶᬂᬳᬭᬶᬦ᭄ᬥᬵ᭞ᬚᬮᬦᬗ᭄ᬓᬶᬮ᭄ᬲᬬᬂ᭞ᬲᬫ᭄ᬩᬶᬮᬂᬗᬩᬢᬸᬮᬶᬲᬾ᭞ᬳᬭᬶᬦ᭄ᬥᬵᬳᬶᬤᬾᬯᬕᬸᬂ᭞ᬧᬸᬢᬺᬕ᭄ᬮᬶᬲ᭄ᬜᭂᬫ᭄ᬩᬄᬦᬾᬫᬗ᭄ᬓᬶᬦ᭄᭞ᬲᬂᬓ
ᬮᬶᬄᬮᬶᬦ᭄ᬢᬂᬮᬾᬤᬂ᭞ᬓᬯ᭄ᬤᬮ᭄ᬫᬩ᭄ᬭᬶᬬᬸᬓ᭄᭞ᬳᬦ᭄ᬢᭂᬦᬃᬤᬶᬦᬢᬄᬗᬫ᭄ᬩ᭄ᬬᬃ᭞ᬓᬮᬶᬄᬢᬾᬓᭀᬃ᭞ᬳᬦ᭄ᬢᭂᬦᬃᬫᬜᬫ᭄ᬩᬸᬢ᭄ᬕᭂᬮᬶᬲ᭄᭞ᬲᬂᬓᬸᬫᬳᬶᬲᬶᬢᭀᬬᬵ᭟ᬕ᭄ᬮᬶᬲ᭄ᬜᭂᬫ᭄ᬩᬄᬫᬸᬗ᭄ᬕᬳᬦ᭄ᬗᬬᬳᬶᬦ᭄᭞ᬳᬶᬤᬾᬯᬕᬸᬂ᭞ᬲᬂᬓᬮᬶᬄᬫ᭄ᬮᬫ᭄ᬮᬫ᭄᭞ᬧᬥᬢᭀᬂᬓᬲᭀᬃᬯᬵᬃᬡ᭄ᬦ
ᬦᬾ᭞ᬯᬸᬲ᭄ᬳᬶᬤᬵᬫᬭᬳᬸᬧ᭄᭞ᬲᬵᬃᬯ᭄ᬯᬶᬳᬶᬤᬵᬫᬧᬭᬲ᭄ᬕᭂᬮᬶᬲ᭄᭞ᬲᬲᬶᬭᬢᬾᬫᬩ᭄ᬩᬤ᭄᭞ᬲᬯᬵᬯᬳᬫᬗᬸᬦ᭄᭞ᬓᬸᬂᬮᬸᬮᬸᬢ᭄ᬓᬬᬸᬦ᭄ᬓᬲ᭄ᬫᬭᬵᬦ᭄᭞ᬤᬵᬬᬂᬲ᭄ᬫᬭᬵ᭞ᬕ᭄ᬮᬶᬲ᭄ᬫᬳᬶᬬᬲ᭄ᬦᬾᬫᬗ᭄ᬓᬶᬦ᭄᭞ᬳᬦ᭄ᬢᭂᬦᬃᬫᬗᬦᬸᬢᬂ᭟ᬯᬲ᭄ᬢ᭄ᬭᬦ᭄ᬳᬶᬤᬩᬢᬶᬓ᭄ᬫᬗᬾᬤ
ᬦᬶᬦ᭄᭞ᬤᬲᬃᬕᬥᬂ᭞ᬫᬧᬧ᭄ᬓᭂᬓ᭄ᬳᬓ᭄ᬬᬓ᭄᭞ᬧᬳᬸᬢ᭄ᬩᬶᬮᬸᬤ᭄ᬭᬸᬓ᭄ᬯᬘᬦᬾ᭞ᬫᬓᬓᭂᬫ᭄ᬩᬂᬓᬬᬸᬦ᭄ᬳ᭄ᬬᬦ᭄᭞ᬓᬜ᭄ᬘᬶᬂᬳ᭄ᬫᬲ᭄ᬧᬕᬳᬾᬦ᭄ᬤᬶᬇᬗ᭄ᬕ᭄ᬭᬶᬲ᭄᭞ᬫᬲᭀᬘᬳᬶᬦ᭄ᬢᭂᬦ᭄ᬗ᭄ᬭᬜᬩ᭄᭞ᬤᬲ᭄ᬢᬃᬳᬶᬤᬵᬧᬳᬸᬢ᭄᭞ᬩᬢᬶᬓ᭄ᬧᬶᬗ᭄ᬕᬶᬭᬶᬦ᭄ᬓᬧᬮᬵ᭞ᬫᬸᬲᬧ᭄ᬫᬶ
Kaca:Bali-lontar-gaguritan-twan-raja-300ppi.pdf/44
Kaca puniki sampun kauji-wacén
