[᭔᭒ 42 B]
᭔᭒
ᬦ᭄ᬢ᭄ᬬᬂᬫᬳᬂᬩᬶᬮᬶᬄᬓᬢᬫ᭄ᬧᬶ᭞ᬳᬧᬦ᭄ᬳ᭄ᬬᬓᬮᬶᬦ᭄ᬢᬂᬢᬓᬸᬢ᭄᭞ᬫᬸᬮ᭄ᬬᬢ᭄ᬓᬾᬦᬶᬂᬢ᭄ᬬᬂ᭞ᬤᬵᬳᬭᬶᬦ᭄ᬥᬵᬫᬮᬶᬄᬜᭂᬫ᭄ᬩᬄᬫᬢᬸᬃᬳᬮᬸᬲ᭄᭞ᬲᬵᬃᬯ᭄ᬯᬶᬗᬭᬲ᭄ᬗᬸᬲᬧᬸᬲᬧ᭄᭞ᬗ᭄ᬢᬸᬲ᭄ᬓᬬᬸᬦ᭄ᬳᬶᬤᬵᬯ᭄ᬬᬓ᭄ᬢᬶ᭟ᬭᬢᬸᬤ᭄ᬯᬕᬸᬂᬧᬦᭂᬫ᭄ᬩᬳᬦ᭄᭞ᬮᬶᬦ᭄ᬢᬂᬮᬸᬘᬸᬢᬶᬢ᭄ᬬᬂᬫᬳᬢᬸᬃᬫᬮᬶᬄ᭞ᬭᬶᬂ
ᬮᬶᬗ᭄ᬕᬶᬄᬪᬝᬵᬭᬳᬕᬸᬂ᭞ᬬᬦ᭄ᬢᬦ᭄ᬘᭀᬓᭀᬃᬳᬶᬤᬾᬯ᭞ᬫᬗᬶᬘᬾᬦᬶᬦ᭄ᬓ᭄ᬦᬶᬓᬲᬶᬤᬦ᭄ᬤᬾᬯᬕᬸᬂ᭞ᬲᬸᬭᬢᬶᬢ᭄ᬬᬗᬾᬓᬘᬶᬗᬓ᭄᭞ᬭᬶᬂᬳᬶᬤᬪᬝᬵᬭᬶᬭᬢᬶᬄ᭟ᬳᬶᬤᬾᬯᬕᬸᬂᬤᬵᬭᬓᬦ᭄ᬥᬵ᭞ᬗᬭᬲᬃᬯ᭄ᬯᬶᬳᬶᬤᬵᬜᬗ᭄ᬕᬸᬧᬶᬦ᭄ᬫᬮᬶᬄ᭞ᬤᭀᬂᬦᬄᬦᬸᬮᬶ
ᬲ᭄ᬳᬦᬓᬕᬸᬂ᭞ᬳᬭᬶᬦ᭄ᬥᬵᬕ᭄ᬮᬶᬲ᭄ᬜᭂᬫ᭄ᬩᬄ᭞ᬮᬶᬦ᭄ᬢᬂᬮᬾᬤᬂᬭᬓᬦ᭄ᬥᬵᬗᬶᬘᬾᬦᬶᬦ᭄ᬲᬵᬫ᭄ᬧᬸᬦ᭄᭞ᬍᬫ᭄ᬧᬶᬭᬦ᭄ᬳᬭᬶᬫᬫᬶᬢᬂ᭞ᬤᬵᬳᬭᬶᬦ᭄ᬥᬵᬜᬸᬭᬵᬢ᭄ᬕᭂᬮᬶᬲ᭄᭞᭚ᬥᬂᬥᬂ᭚ᬫᬸᬜᬶᬦ᭄ᬢᬸᬮᬶᬲ᭄ᬍᬍᬄᬗᬰᬶᬳᬰᬶᬄ᭞ᬫᬫ᭄ᬮᬤ᭄ᬧ᭄ᬭᬡᬵ᭞ᬧᬳᬸᬢ᭄ᬗᬯᬾᬧᬸᬲᬂ᭞ᬦᬸᬦ᭄ᬤᬸ
ᬦ᭄ᬧᬺᬧᬜ᭄ᬘᬦ᭄ᬳᬶᬤᭂᬧᬾ᭞ᬢᬸᬳᬸᬧᬺᬢᬫᬾᬦᬵᬕ᭄ᬭᬸᬫ᭄ᬭᬸᬫ᭄᭞ᬫᬾᬄᬪᬝᬵᬭᬶᬳ᭄ᬬᬂᬗᬶᬂᬉᬓᬶᬃ᭞ᬳ᭄ᬦᬾᬗᬯᬾᬓ᭄ᬦᭂᬄᬓ᭄ᬦᭂᬄᬧᬸᬲᬂ᭞ᬗᬯᬾᬢᬶᬢ᭄ᬬᬂᬩᬶᬗᬸᬂ᭞ᬫᬾᬄᬪᬝᬵᬭᬶᬫᬦᭂᬫ᭄ᬩᬳᬦ᭄᭞ᬅᬢ᭄ᬫᬚᬶᬯ᭄ᬯ᭞ᬳᬧᬸᬭᬵᬢᬶᬢ᭄ᬬᬂᬫᬲ᭄ᬫᬡᬶᬓ᭄᭞ᬭᬾᬳᬵᬳᬕᭂᬂᬲᬶᬲᬶ
[᭔᭓ 43 A]
ᬧ᭄ᬢᬶᬢ᭄ᬬᬂ᭟ᬲᬦᬾᬗᬸᬦᬶᬤᭂᬦ᭄ᬤᬦ᭄ᬲᬂᬳ᭄ᬬᬂᬯᬶᬥᬶ᭞ᬫᬳᬯᬦᬦ᭄᭞ᬩᬸᬤᬸᬄᬲᬋᬂᬲᬫ᭄ᬬᬦ᭄᭞ᬩᬢᭂᬓ᭄ᬚ᭄ᬮᬾᬦ᭄ᬧᬕᬯᬾᬦᬾ᭞ᬲᬫᬗ᭄ᬤᬾᬤᬸᬭᬸᬲ᭄ᬳ᭄ᬤᬸᬃ᭞ᬓᬤᬶᬫᬗ᭄ᬓᬶᬦ᭄ᬪᬝᬵᬭᬶᬭᬢᬶᬄ᭞ᬢᬶᬢ᭄ᬬᬂᬦᬯ᭄ᬕᬂᬧᬶᬲᬦ᭄᭞ᬓ᭄ᬦᬶᬭᬢᬸᬤ᭄ᬯᬕᬸᬂ᭞ᬫᬫᬍᬲ᭄ᬯᬸᬲᬭᬮᬾᬤᬂ᭞ᬧᬓᬬᬸᬦᬦ᭄
᭞ᬫᬶᬤᭂᬦ᭄ᬥᬵᬢᬶᬢ᭄ᬬᬂᬦᬾᬫᬵᬳᬗ᭄ᬓᬶᬦ᭄᭞ᬢᬶᬢ᭄ᬬᬂᬢᬦ᭄ᬧᬸᬭᬸᬦ᭄ᬢᬸᬮᬓ᭄᭟᭚ᬓᬸᬫᬫ᭄ᬩᬂ᭚ᬫᬾᬄᬪᬝᬵᬭᬶᬤᬸᬭᬸᬲᬂᬫᭂᬗ᭄ᬕᬄᬦᬾᬫᬵᬳᬗ᭄ᬓᬶᬦ᭄᭞ᬲ᭄ᬯᬦᭂᬄᬲᬮᬾᬤᬂ᭞ᬫᬗ᭄ᬤᬓᬾᬢᬶᬢ᭄ᬬᬂᬫᬉᬭᬶᬧ᭄᭞ᬬᬤᬶᬦ᭄ᬫᬳᬯᬦᬦ᭄ᬧ᭄ᬚᬄ᭟ᬲᬶᬭᬧᬸᬭᬸᬦ᭄ᬗᬮᬶᬗᬶᬦ᭄ᬪᬝᬵᬭᬶᬭ
ᬢᬶᬄ᭞ᬫᬫᬶᬤᭂᬡ᭄ᬥᬵᬢᬶᬢ᭄ᬬᬂ᭞ᬭᬾᬄᬓᬸᬮᬦ᭄ᬪᬝᬵᬭᬶᬭᬢᬶᬄ᭞ᬤᬾᬯᬾᬓ᭄ᬢᬶᬢ᭄ᬬᬂᬓᬕᬸᬂᬗ᭄ᬮᬄ᭟᭚ᬲᬶᬦᭀᬫ᭄᭚ᬲᬧᬸᬦᬶᬓᬤ᭄ᬯᬕᬸᬂᬲᬬᬂ᭞ᬧᬶᬢ᭄ᬫᭂᬲ᭄ᬢᬶᬢ᭄ᬬᬂᬪᬝᬵᬭᬶ᭞ᬲᬵᬫ᭄ᬧᬸᬦ᭄ᬭᬢᬸᬤ᭄ᬯᬕᬸᬂᬦᬸᬮᬓ᭄᭞ᬳᬢᬸᬃᬢᬶᬢ᭄ᬬᬂᬗᬾᬳᬶᬫᬶᬲ᭄ᬓᬶᬦ᭄᭞ᬪᬝᬵᬭᬶ᭠
ᬮᬘᬸᬃᬯ᭄ᬬᬓ᭄ᬢᬶ᭞ᬗ᭄ᬮᬄᬧ᭄ᬦᬓ᭄ᬮᬶᬦ᭄ᬢᬂᬤᬸᬲᬸᬦ᭄᭞ᬮᬭᬓᬧ᭄ᬮᬦ᭄ᬧ᭄ᬮᬦ᭄᭞ᬲᬳᬸᬫᬸᬃᬫᬦ᭄ᬫᬸᬓᬶᬂᬓᬶᬂ᭞ᬬᬦ᭄ᬢᬦ᭄ᬤ᭄ᬯᬕᬸᬂᬲ᭄ᬯᬾᬘ᭄ᬘᬵᬗᬗ᭄ᬓᬶᬲ᭄ᬲᬓᬶᬓᬯᬄ᭟ᬧᬭᬶᬲᬓ᭄ᬱᬢ᭄ᬭᬢᬸᬢᬶᬢ᭄ᬬᬂ᭞ᬢᬭᬸᬳᬓᬶᬂᬓᬤᬶᬫᬗ᭄ᬓᬶᬦ᭄᭞ᬢᬢ᭄ᬓᬵᬮᬓᬢᬶᬕᬓᬧᬢ᭄᭞ᬓᬧᬦᬲᬦ᭄ᬕᭂᬲᭂᬂᬢ᭄ᬬᬂ
Kaca:Bali-lontar-gaguritan-twan-raja-300ppi.pdf/43
Kaca puniki sampun kauji-wacén
