[᭔᭑ 41 B]
᭔᭑
ᬭᬶᬓᭀᬘᬧ᭄ᬫᬗ᭄ᬓᬶᬦ᭄᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬲᬫ᭄ᬧᬸᬦ᭄᭞ᬫᬦᬩ᭄ᬤᬩ᭄ᬧᬦᬫ᭄ᬩ᭄ᬭᬫ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬸᬧᬓᬭᬲᬺᬕᭂᬧ᭄ᬲᬫ᭄ᬧᬸᬦ᭄᭞ᬦᬾᬤᬶᬦᬶᬫᬮᬸᬳ᭄ᬦᭂᬗᬂ᭞ᬤᬶᬫᬜ᭄ᬘ᭄ᬬᬸᬩ᭄ᬯᬶᬦ᭄ᬩᬮᬶᬓᬶᬦ᭄᭟ᬳᬶᬤᬦᬾᬤᬶᬩᬮᬾᬫᬹᬃᬤ᭄ᬥᬵ᭞ᬤᬵᬲᬂᬓᬮᬶᬄᬳᬶᬤ᭄ᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬗᬭᬲ᭄ᬳ
ᬭᬶᬗᬦ᭄ᬤᬶᬓᬵᬮᬸᬲ᭄᭞ᬓᬕᬸᬂᬢ᭄ᬬᬗᬾᬲᬬᬂ᭞ᬦᬄᬓᬾᬕ᭄ᬮᬸᬢ᭄ᬢ᭄ᬬᬂᬓ᭄ᬬᬧ᭄ᬳᬦᬓᬕᬸᬂ᭞ᬓᬮᬶᬄᬗ᭄ᬕᬶᬄᬧᬸᬍᬲᬂᬢ᭄ᬬᬂ᭞ᬤᬵᬳᬭᬶᬦ᭄ᬥᬵᬓᬤᬶᬫᬗ᭄ᬓᬶᬦ᭄᭟ᬭᬾᬳᬶᬂᬚ᭄ᬭᬶᬄᬢᬦ᭄ᬧᬫ᭄ᬗᬦ᭄᭞ᬓ᭄ᬭᬡ᭄ᬦᬧᬸᬭᬸᬦ᭄ᬢᬸᬢᬸᬢ᭄ᬫᬫᬓᬸᬮ᭄ᬲᬃᬯ᭄ᬯᬶ᭞ᬗᬭᬲ᭄ᬫᬢᬸᬃᬗ᭄ᬢᬸᬲ᭄ᬓᬬᬸᬦ᭄᭞ᬗᬰᬶᬳᬰᬶᬄᬫᬗᬸᬲᬧ᭄᭞ᬲᬵ
ᬫ᭄ᬧᬸᬦ᭄ᬫᭂᬗ᭄ᬕᬄᬭᬶᬂᬢᬶᬢ᭄ᬬᬂᬪᬝᬵᬭᬳᬕᬸᬂᬢᬶᬢ᭄ᬬᬂᬓᬤᬶᬮᬸᬘᬸᬧᬶᬲᬦ᭄᭞ᬧᬺᬲᬗ᭄ᬕᬗᬶᬮᭀᬦᬾᬫᬗ᭄ᬓᬶᬦ᭄᭟ᬭᬾᬄᬤᬾᬯᬕᬸᬂᬮᬶᬦ᭄ᬢᬂᬲ᭄ᬯᬾᬘ᭄ᬘᬵ᭞ᬗᬯᬸᬮᬬᬂᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄᬤᬾᬯᬕᬸᬂ᭞ᬲᬯᬾᬘᬦᬾᬭᬶᬂᬢᬶᬢ᭄ᬬᬂ᭞ᬫᬳᬯᬶᬦᬦ᭄ᬢᬶᬢ᭄ᬬᬂ
ᬮᬵᬩᬭᬵᬢᬸᬤ᭄ᬯᬕᬸᬂ᭞ᬲᬵᬳᬫ᭄ᬧᬸᬦ᭄ᬫᬫᬸᬘᬶᬗᬶᬦ᭄ᬢᬶᬢ᭄ᬬᬂ᭞ᬧᬶᬦᬸᬦᬲ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭟ᬲᬵᬃᬯ᭄ᬯᬶᬳᬶᬤᬵᬫᬮᬶᬄᬗᬭᬲ᭄᭞ᬗᭂᬫ᭄ᬩᭂᬂᬢᬗᬶᬲ᭄ᬳᬶᬤᬲᬯ᭄ᬬᬓ᭄ᬢᬶ᭞ᬭᬓᬦ᭄ᬥᬵᬓᬗᭂᬦ᭄ᬤᬶᬓᬬᬸᬦ᭄᭞ᬭᬾᬄᬳᬭᬶᬮᬶᬦ᭄ᬢᬂᬯᬶᬓᬦ᭄᭞ᬗ᭄ᬢᬸᬲ᭄ᬓᬬᬸᬦ᭄ᬕ᭄ᬮᬶᬲ᭄ᬫᬍᬲ᭄ᬗᬭᬲ᭄ᬫᭂ
[᭔᭒ 42 A]
ᬓᬸᬮ᭄᭞ᬳᬧᬢᬕᬶᬄᬓᬕᬸᬂᬲᬬᬂ᭞ᬚ᭄ᬯᬂᬤᬵᬫᬚᬗ᭄ᬓᬵᬳᭂᬗ᭄ᬕᬶᬄ᭟ᬦᬾᬤᬶᬦᬶᬓᬕᬸᬂᬗ᭄ᬮᬳᬂ᭞ᬲᬳᬤᬦᬾᬳᬭᬶᬦ᭄ᬥᬵᬫ᭄ᬓᬸᬮ᭄ᬫᬮᬶᬄ᭞ᬲᬵᬃᬯ᭄ᬯᬶᬗᬭᬲᬺᬢ᭄ᬫᬢᬸᬃ᭞ᬫᬢᬸᬃᬤ᭄ᬯᬕᬸᬂᬧᬦᭂᬫ᭄ᬩᬳᬦ᭄᭞ᬗ᭄ᬕᬶᬄᬧ᭄ᬬᬃᬱᬵᬳᬶᬘ᭄ᬘᬵᬢᬦ᭄ᬳᬶᬘ᭄ᬘᬵᬤᬾᬯᬕᬸᬂ᭞ᬭᬾᬄᬓᬗᭂᬦ᭄ᬮᬸᬗ᭄ᬲᬸᬃᬢᬶᬢ᭄ᬬᬂ᭞ᬓ᭄ᬦᬶ
ᬤ᭄ᬯᬕᬸᬂᬫᬜ᭄ᬯᬾᬘ᭄ᬘᬦᬶᬦ᭄᭟ᬧᬫ᭄ᬓᬲ᭄ᬢᬶᬢ᭄ᬬᬂᬦᬯ᭄ᬕᬂ᭞ᬲᬦᬾᬫᬗ᭄ᬓᬶᬦ᭄ᬧᬘᬂᬗᬢᬸᬭᬂᬢᬸᬮᬶᬲ᭄᭞ᬭᬶᬂᬳᬶᬤᬵᬭᬳᬶᬦ᭄ᬤᬾᬯᬕᬸᬂ᭞ᬢᬶᬢ᭄ᬬᬂᬧᬘᬂᬦᬯ᭄ᬕᬂ᭞ᬫᬢᬸᬃᬲᬶᬲᬶᬧ᭄ᬓ᭄ᬦᬶᬲ᭄ᬯᬾᬘᬭᬳᬶᬦ᭄ᬤᬾᬯᬕᬸᬂ᭞ᬗᬫ᭄ᬧᬸᬭᬲᬶᬲᬶᬧᬾᬓᬸᬦᬵ᭞ᬭᬾᬄᬓᬗᬸᬶᬕᭂᬗᬦ᭄ᬲᬶᬲᬶᬧ᭄ᬯ᭄ᬬᬓ᭄ᬢᬶ᭟
ᬭᬓᬦ᭄ᬥᬵᬫᬍᬲ᭄ᬫᬗᬭᬲ᭄᭞ᬲᬵᬃᬯ᭄ᬯᬶᬫ᭄ᬓᬸᬮ᭄ᬫᬦᬶᬫ᭄ᬩᬮ᭄ᬭᬸᬧᬵᬫᬦᬶᬲ᭄᭞ᬭᬾᬄᬳᬭᬶᬲᬬᬂᬓ᭄ᬮᬗ᭄ᬓᬸᬂ᭞ᬳᬧᬦ᭄ᬭᬾᬄᬳᬲᬶᬄᬧᬶᬲᬦ᭄᭞ᬲᬧᬶᬦᬸᬦᬲ᭄ᬥᬵᬳᬭᬶᬦ᭄ᬥᬵᬳᬶᬤᬾᬯᬕᬸᬂ᭞ᬓᬬᬸᬦ᭄ᬳᬶᬤᬦᬾᬭᬓᬦ᭄ᬥᬵ᭞ᬧᬘᬂᬫᬗ᭄ᬮᬶᬗ᭄ᬕᬶᬳᬶᬦ᭄ᬕᬢᬶ᭟ᬫᬾᬄᬓᬕᬸᬂᬧᬗᬶᬤᬶᬳ
ᬦ᭄ᬢ᭄ᬬᬂ᭞ᬢ᭄ᬓᬾᬦ᭄ᬢ᭄ᬬᬂᬭᬾᬄᬧᬘᬂᬫᬳᬂᬢᬸᬮᬶᬲ᭄᭞ᬫᬶᬲᬦ᭄ᬳᬶᬤᬦᬾ ᬦᬓᬕᬸᬂ᭞ᬓᬕᬸᬂᬲᬬᬗᬂᬢ᭄ᬬᬂ᭞ᬗ᭄ᬕᬶᬄᬮᬳᬸᬢᬂᬭᬾᬄᬲᬸᬩᬕ᭄ᬮᬄᬦᬓᬕᬸᬂ᭞ᬬᬾᬦᬵᬮᬘᬸᬃᬢᬸᬮᬶᬲ᭄ᬫᬢᬸᬮᬓ᭄᭞ᬳᬤᬶᬦᬾᬲᬶᬂᬜᬤ᭄ᬬᬦᬵᬫ᭄ᬧᬶ᭟ᬳᬧᬦ᭄ᬬᭃᬦᬸᬕ᭄ᬥᭂᬕ᭄ᬧᬶᬲᬦ᭄᭞ᬬᬦ᭄ᬢ
Kaca:Bali-lontar-gaguritan-twan-raja-300ppi.pdf/42
Kaca puniki sampun kauji-wacén
