[᭔᭐ 40 B]
᭔᭐
ᬤᬶᬕ᭄ᬥᭀᬂᬕ᭄ᬥᬄᬯᬸᬲ᭄ᬭᬯᬸᬄ᭞ᬢᬗ᭄ᬓᬶᬮᬦ᭄ᬤᬳᬚᬶᬦ᭄ᬥᬵ᭞ᬧᬘᬂᬜᬸᬚᬸᬃᬳᬚᬶᬦ᭄ᬥᬵᬮᬾᬤᬂᬓ᭄ᬮᬗ᭄ᬓᬸᬂ᭞ᬤᬳᬦᬓ᭄ᬤᬵᬜᭀᬗ᭄ᬓᭀᬓ᭄ᬜᭂᬫ᭄ᬩᬄ᭞ᬳᬚᬶᬩ᭄ᬬᬂᬫᬗᬗ᭄ᬕᬸᬢᬶᬦ᭄᭟ᬤᬳᬦᬓ᭄ᬦᬸᬶᬓ᭄ᬤᬵᬕ᭄ᬮᬶᬲ᭄ᬫᬸᬗ᭄ᬕᬄ᭞ᬤᬳᬦᬓ᭄ᬚᬵᬜᭂᬫ᭄ᬩᬄᬫᬳᬢᬸᬃᬫᬮᬶᬄ᭞ᬢᬶᬢ᭄ᬬᬂᬫᬧᬫᬶᬢ᭄ᬤᬾᬯᬕᬸᬂ᭞
ᬫᬦ᭄ᬢᬸᬓ᭄ᬧᬘᬂᬦᬩ᭄ᬤᬩᬂ᭞ᬦᬾᬦᬾᬩᬾᬜ᭄ᬚᬂᬢᬶᬢ᭄ᬬᬂᬫᭂᬦ᭄ᬤᬓᬶᬦ᭄ᬤᬾᬯᬕᬸᬂᬳᬶᬤᬵᬦᬓ᭄ᬘᭀᬓᭀᬃᬳᬶᬤᬾᬯ᭞ᬧᬫᬶᬢᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬳᬶᬓᬦᭀᬂᬧᬘᬂᬦᬩ᭄ᬤᬩᬂ᭞ᬳᬚᬶᬩ᭄ᬬᬂᬫᬩ᭄ᬭᬶᬬᬸᬓ᭄ᬫᬗᬗ᭄ᬕᬸᬢᬶᬦ᭄᭞ᬲᬂᬓᬮᬶᬄᬲᬫᬶᬫᬫᬢᬸᬢ᭄᭞ᬳᬶᬤᬳᬶᬤ᭄ᬯᬕᬸᬂᬩ᭄ᬬᬂ
᭞ᬭᬶᬓᬸᬭᬶᬧᬦ᭄ᬫᬦ᭄ᬢᬸᬓ᭄ᬥᬓᬤᬳᬸᬄᬲᬵᬫ᭄ᬧᬸᬦ᭄᭞ᬳᬶᬓᬦᭀᬂᬕᭂᬕᭂᬲ᭄ᬢᬦ᭄ᬧᬲᬄ᭞ᬫᬮᬶᬄᬳᬶᬋᬋᬱ᭄ᬢᬦ᭄ᬫᬭᬶ᭟ᬫᬦ᭄ᬢᬸᬓ᭄ᬤᬕ᭄ᬮᬶᬲ᭄ᬫᬜᭂᬫ᭄ᬩᬄ᭞ᬭᬾᬄᬫᬧᬫᬶᬢ᭄ᬭᬶᬂᬩ᭄ᬬᬂᬭᬓᬵᬳᬚᬶ᭞ᬲᬫᬶᬗᬗ᭄ᬕᬸᬢᬶᬦ᭄ᬫᬩ᭄ᬭᬶᬬᬸᬓ᭄᭞ᬯᬸᬲ᭄ᬓᭀᬤᬮ᭄ᬕᬕ᭄ᬮᬶᬲᬦ᭄᭞ᬯᬸᬲ᭄ᬤᬶᬚᬩᬕ᭄ᬮᬶᬲ᭄ᬫᬗᬸᬗ᭄ᬕᬸᬶᬗ᭄ᬕᬳᬶ
ᬦ᭄ᬲᭂᬧᬸᬃ᭞ᬧᬺᬧᬸᬢ᭄ᬭᬶᬓᬮᬶᬄᬧ᭄ᬭᬧᬸᬢᬺ᭞ᬫᬸᬗ᭄ᬕᬄᬲᬧᬗᬶᬭᬶᬂᬲᬫᬶ᭟ᬧᬫᬵᬃᬕ᭄ᬕᬶᬦ᭄ᬲᭂᬧᬸᬃᬲᬢ᭄ᬫᭂᬲᬢ᭄᭞ᬢᬦ᭄ᬓᭀᬘᬧᬳᬶᬤᬤᬶᬫᬵᬃᬕ᭄ᬕᬶᬯ᭄ᬬᬓ᭄ᬢᬶ᭞ᬳᬶᬫᬸᬱ᭄ᬝᬧᬵᬲᬫ᭄ᬧᬸᬦ᭄ᬭᬯᬸᬄ᭞ᬯᬸᬲ᭄ᬢᭂᬤᬸᬦ᭄ᬤᬶᬩᬜ᭄ᬘᬶᬗᬄ᭞ᬧᬭᬳᬶᬲ᭄ᬢ᭄ᬭᬶᬓᬧᬸᬭᬶᬲᬵᬫ᭄ᬧᬸᬦ᭄ᬫᬩ᭄ᬭᬶᬬᬸᬓ᭄᭞ᬳᬶᬤᬾᬯ
[᭔᭑ 41 A]
ᬕᬸᬂᬧᬸᬢ᭄ᬭᬳᬶᬤ᭞ᬤᬶᬩᬜ᭄ᬘᬶᬗᬄᬓᬭᬶᬫ᭄ᬮᬶᬗ᭄ᬕᬶᬄ᭟ᬕ᭄ᬮᬶᬲ᭄ᬳᬶᬤ᭄ᬯᬕᬸᬂᬦᬯᬸᬳᬂ᭞ᬯᬢᭂᬓ᭄ᬤᬶᬲ᭄ᬢ᭄ᬭᬶᬓ᭄ᬲᬫᬦ᭄ᬤᬾᬗᭂᬦᬄᬫᬗ᭄ᬓᬶᬦ᭄᭞ᬓᬮᬶᬄ᭠ᬦᬮᬶᬧᬸᬦ᭄ᬧᬺᬭᬢᬸ᭞ᬓ᭄ᬦᬶᬗᭂᬦᬄᬦᬾᬩᬾᬦᬵᬚᬂ᭞ᬢᬦ᭄ᬓᭀᬘᬧᬧᬸᬗ᭄ᬕᬯᬗ᭄ᬓᬶᬮ᭄ᬫᬩ᭄ᬭᬶᬬᬸᬓ᭄᭞ᬓᬮᬶᬄᬧ᭄ᬭᬭᬢᬸᬲᬫ᭄ᬬᬦ᭄᭞ᬧᬥᬫᬤ
ᬩ᭄ᬤᬩᬦ᭄ᬫᬗ᭄ᬓᬶᬦ᭄᭟ᬯᬸᬲᬫᬶᬫᬸᬗ᭄ᬕᬄᬓᬓᬧᬮ᭄᭞ᬦᭂᬂᬤᬶᬓᬧᬮ᭄ᬤᬶᬫᬸᬱ᭄ᬝᬧᬦᬾᬫᬗ᭄ᬓᬶᬦ᭄᭞ᬢᬗ᭄ᬓᬶᬮᬦ᭄ᬳᬶᬤ᭄ᬯᬕᬸᬂᬧ᭄ᬦᬸᬄ᭞ᬧᬸᬯᬗ᭄ᬕᬯᬵᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬫᬗ᭄ᬮᬸᬗ᭄ᬲᬸᬭᬂᬳᬯᬦᬦ᭄ᬲᬫᬶᬓᬤᬯᬸᬄ᭞ᬳᬶᬤᬾᬯᬕᬸᬂᬳᬮᬸᬲ᭄ᬦᬶᬫ᭄ᬩᬮ᭄᭞ᬫᬶᬤᬵᬃᬢ᭄ᬣᬓᬦ᭄ᬤᬦᬾᬲᬫᬶ᭟ᬓᬮᬶᬄᬳ
ᬬᬢ᭄ᬭᬯᬸᬄᬩᬾᬜ᭄ᬚᬂ᭞ᬲᬵᬃᬯ᭄ᬯᬶᬳᬶᬤᬵᬦᬯᬸᬳᬶᬦ᭄ᬫᬗ᭄ᬯᬶᬮᬗᬶᬦ᭄᭞ᬲᬫᬗ᭄ᬤᬾᬕ᭄ᬮᬶᬲ᭄ᬫᬳᬸᬦ᭄ᬤᬸᬓ᭄᭞ᬭᬾᬄᬳᬶᬤᬵᬫᬫᭀᬩᭀᬢᬂ᭞ᬓᬮᬶᬄᬦᬾᬦᬾᬗᬋᬧᬶᬦ᭄ᬓᭀᬧᬶᬧᬂᬧᬢᬸᬢ᭄᭞ᬫᬮᬶᬄᬳᬶᬤᬵᬫᬦᬯᬸᬳᬂᬓ᭄ᬦᬶᬫᬢ᭄ᬮᬄᬦᬾᬫᬗ᭄ᬓᬶᬦ᭄᭟ᬓᬮᬶᬄᬓ᭄ᬦᬶᬫᬩᬄᬳᬩᬄ᭞ᬧᬲ
ᬗ᭄ᬕ᭄ᬭᬳᬦ᭄ᬳᬶᬤᬳᬶᬤ᭄ᬯᬕᬸᬂᬲᬫᬶ᭞ᬲᬯᬯᬲᬵᬫ᭄ᬧᬸᬦ᭄ᬫᬳᬸᬦ᭄ᬤᬸᬓ᭄᭞ᬢᬦ᭄ᬓᭀᬘᬧ᭄ᬲᬺᬕᭂᬧ᭄ᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬧᬸᬭᬶᬳᬶᬤᬳᬶᬤ᭄ᬯᬕᬸᬂ᭞ᬢᬗ᭄ᬓᬶᬮᬦ᭄ᬩᬸᬩᬃᬲᬫ᭄ᬬᬦ᭄᭞ᬕᬭᬯᬮᬦ᭄ᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭟ᬭᬾᬄᬧᬘᬂᬳᬶᬚᭂᬓ᭄ᬓᬮᬶᬦ᭄ᬢᬂ᭞ᬦᭂᬂᬦᬾᬳᬶᬚᭂᬓ᭄ᬤᬶᬧᬸ
Kaca:Bali-lontar-gaguritan-twan-raja-300ppi.pdf/41
Kaca puniki sampun kauji-wacén
