[᭓᭙ 39 B]
᭓᭙
ᬓᬶᬦ᭄᭟ᬕᬸᬂᬳᬦᭀᬫ᭄ᬧᬫᬶᬢᬂᬢᬶᬢ᭄ᬬᬂ᭞ᬤᬵᬭᬓᬦ᭄ᬥᬵᬲᬃᬯ᭄ᬯᬗᬭᬲ᭄ᬦᬶᬫ᭄ᬩᬮᬶᬦ᭄᭞ᬦᬄᬬᬾᬦᬵᬓᬾᬢᭀᬳᬦᬓᬕᬸᬂ᭞ᬤᭀᬂᬓ᭄ᬫᬫᬤᬩ᭄ᬤᬩᬦ᭄᭞ᬫᬶᬦᬓᬤᬶᬫᭂᬧᬫᬶᬢ᭄ᬭᬶᬂᬳᬚᬶᬅ᭄ᬳᬮᬸ᭞ᬳᬭᬶᬦ᭄ᬤᬲᬳᬶᬭᬶᬂᬜᭂᬫ᭄ᬩᬄ᭞ᬭᬶᬂᬭᬓᬫᬜᭂᬫ᭄ᬩᬄᬫᬮᬶᬄ᭟ᬭᬶᬂᬭᬓᬳᬶ
ᬤ᭄ᬯᬕᬸᬂᬧᬸᬢᬺ᭞ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬤᬯᭂᬕ᭄ᬫᬧᬫᬶᬢ᭄᭞ᬫᬗ᭄ᬭᬶᬳᬶᬦ᭄ᬫᬦ᭄ᬢᬸᬓ᭄ᬤ᭄ᬯᬕᬸᬂ᭞ᬦᬾᬩᬾᬜ᭄ᬚᬂᬢᬶᬢ᭄ᬬᬂᬫᭂᬦ᭄ᬤᬓ᭄᭞ᬤᬭᬓᬦ᭄ᬥᬵᬳᬦᬶᬫ᭄ᬩᬮ᭄ᬳᬭᬶᬲᬃᬯ᭄ᬯᬶᬫ᭄ᬫᬸᬮ᭄᭞ᬫᬾᬳᬢᬸᬤᬾᬅ᭄ᬜᬫᬦ᭄ᬢ᭄ᬬᬂ᭞ᬗ᭄ᬕᬶᬄᬫᬸᬮᬶᬄᬦᬓᬕᬸᬂᬚᬦᬶ᭟ᬓᬾᬯᬮᬫᬦᬶᬳᬶᬗ᭄ᬢᬂ᭞ᬜᭂᬦ᭄ᬤ
ᬧᬶᬲᬦ᭄ᬢ᭄ᬯᬭᬧᬘᬂᬫᬧᬕᬶᬦ᭄᭞ᬤᬳᬭᬶᬦ᭄ᬤᬜᭂᬫ᭄ᬩᬄᬫᬢᬸᬃ᭞ᬢᬶᬢ᭄ᬬᬂᬲᬳᬶᬭᬶᬂᬧᬶᬲᬦ᭄᭞ᬳᬶᬤᬾᬯᬕᬸᬂᬫᬸᬲ᭄ᬢᬧᬓᬯ᭄ᬤᬮ᭄ᬲᬫ᭄ᬧᬸᬦ᭄᭞ᬗᬦ᭄ᬤᬶᬓᬵᬓᬾᬦᬵᬧᬭᬧᬸᬢᬺ᭞ᬧᬭᬧᬸᬢᬺᬱᬓᬶᬂᬩᬮᬶ᭟ᬦᬓᬕᬸᬂᬳᬶᬤᬫᬓ᭄ᬚᬂ᭞ᬳᬫ᭄ᬧᬸᬭᬦᬄᬢ᭄ᬬᬂ
ᬜᬮᬵᬳᬶᬦ᭄ᬫᬮᬶᬄ᭞ᬧᬭᬵᬧᬸᬢᬺᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬢᬦ᭄ᬓᬤᬶᬲᬦᬾ ᬧᬢ᭄ᬧᬢ᭄᭞ᬦᬾᬦᬾᬧ᭄ᬘᬓ᭄ᬧᬭᬧᬸᬢ᭄ᬭᬦ᭄ᬳᬶᬤᬫᬮᬸ᭞ᬫᬗ᭄ᬕᭂᬄᬳᬰᬶᬄᬓᬸᬮᬗᬸᬦᬦ᭄᭞ᬧᬓᬬᬸᬦ᭄ᬫᬋᬓᬦ᭄ᬫᬮᬶᬄ᭟ᬳᬢᬸᬃᬳᬶᬤᬵᬲᬮᬶᬂᬢᬶᬫ᭄ᬩᬮ᭄᭞ᬭᬢᬸᬤ᭄ᬯᬕᬸᬂ
[᭔᭐ 40 A]
ᬢᬶᬢ᭄ᬬᬂᬤᬯᭂᬕ᭄ᬫᬗᬶᬭᬶᬂ᭞ᬳᬶᬤᬾᬯᬕᬸᬂᬲᬾᬗᭂᬄᬲᬵᬫ᭄ᬧᬸᬦ᭄᭞ᬭᬶᬂᬧᬧᬶᬦᭂᬄᬦᬾᬧᬢ᭄ᬧᬢ᭄᭞ᬤᬸᬭᬸᬂᬮᬸᬧ᭄ᬢᬵᬫᭂᬗ᭄ᬕᬄᬳᬶᬤᬦᬾᬭᬶᬂᬓᬬᬸᬦ᭄᭞ᬦᬵᬗ᭄ᬳᬶᬂᬜᬭᬸᬜᬭᬸᬳᬶᬤᬵ᭞ᬦᬶᬫ᭄ᬩᬮ᭄ᬦᬾᬦ᭄ᬢᭂᬦ᭄ᬲᬓᬶᬂᬋᬥᬶ᭟ᬫᬾᬄᬦᬓᬕᬸᬂᬳᬚᬦᬶᬬᬦ᭄᭞ᬲᬵᬫ᭄ᬧᬸᬦ᭄ᬳᬤ
ᬳᭀᬮᬲ᭄ᬦᬸᬢᬸᬢᬶᬦ᭄ᬫᬸᬮᬶᬄ᭞ᬦᬾᬳᬧᬂᬦᬓᬕᬸᬂᬢᬳᬸ᭞ᬲᬵᬃᬯ᭄ᬯᬶᬳᬶᬤᬗᬦ᭄ᬤᬶᬓᬵ᭞ᬭᬶᬂᬧᬺᬧᬸᬢ᭄ᬭᬦ᭄ᬳᬶᬤᬦᬾᬳᬶᬤᬵᬳᬶᬤ᭄ᬯᬕᬸᬂ᭞ᬧᬺᬧᬸᬢ᭄ᬭᬦ᭄ᬤᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬫᬕᬾᬩ᭄ᬭᬲ᭄ᬫᬢᬗᬶᬲᬫᬶ᭟ᬧᬥᬩᬕᬸᬲ᭄ᬳᬍᬧ᭄ᬲᬫ᭄ᬬᬦ᭄᭞ᬯᬸᬲ᭄ᬫ᭄ᬬᬃᬱᬵᬫᭂᬧᭂᬲ᭄ᬧᬺᬢᬫᬵ
ᬓᬮᬶᬲ᭄᭞ᬳᬶᬤᬾᬯᬕᬸᬂᬗᬦ᭄ᬤᬶᬓᬵᬮᬸᬲ᭄᭞ᬓᬃᬫᬸᬮᬶᬄᬦᬄᬫᬤᬩ᭄ᬤᬩ᭄᭞ᬧᬭᬃᬧᬸᬢ᭄ᬭᬦ᭄ᬳᬶᬤᬦᬾ ᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬧᬭᬧᬸᬢᬺᬩᬮᬶᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬲᬾᬗᭂᬄᬳᭂᬗ᭄ᬲᭂᬓ᭄ᬱᬫᬶ᭟ᬭᬶᬂᬓᬬᬸᬦ᭄ᬳᬶᬤ᭄ᬯᬕᬸᬂᬧᬸᬢᬺ᭞ᬭᬶᬂᬫᬸᬱ᭄ᬝᬧᬵᬗᬶᬮᬶᬗᬂᬲ
ᬦᬾᬗᬸᬦᬶ᭞ᬳᬸᬶᬫᬳᬯᬶᬦᬦ᭄ᬦᬾᬦ᭄ᬢᭂᬦ᭄ᬓᬬᬸᬦ᭄᭞ᬳᬶᬤᬧᬘᬂᬗᬶᬭᬶᬗᬂ᭞ᬫᬳᬯᬶᬦᬦ᭄ᬧ᭄ᬭᬧᬸᬢᬺᬱᭂᬲᭂᬓ᭄ᬤᬶᬓᬬᬸᬦ᭄᭞ᬲᬫᬶᬗᬸᬦ᭄ᬢᬸᬓ᭄ᬗᭂᬫ᭄ᬩᭂᬂᬯᬱ᭄ᬧᬵ᭞ᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬢᬸᬃᬫᬮᬶᬄ᭟ᬳᬶᬤ᭄ᬯᬕᬸᬂᬧᬸᬢᬺᬗᬧᬸᬭᬶᬬᬂ᭞ᬧᬺᬧᬸᬢ᭄ᬭᬦ᭄ᬤᬵᬫᬩ᭄ᬭᬶᬬᬸᬓ᭄ᬗᬶᬭᬶᬂᬲᬫᬶ᭞
Kaca:Bali-lontar-gaguritan-twan-raja-300ppi.pdf/40
Kaca puniki sampun kauji-wacén
