[᭓᭘ 38 B]
᭓᭘
ᬤᬾᬯᬕᬸᬂ᭞ᬳᬭᬶᬦ᭄ᬤᬓᬫᬦᬶᬲᬦ᭄᭞ᬦᬾᬤᬸᬳᬸᬃᬦ᭄ᬯᬸᬲ᭄ᬮᬸᬧᬸᬢ᭄ᬯᬶᬦᬸᬯᬸᬲ᭄ᬧᬯᬸᬢ᭄᭞ᬳᬘᬸᬫᬘᬸᬫ᭄ᬗᬯᬾᬭᬕᬦ᭄᭞ᬳᬓ᭄ᬱᬶᬫᬦᬶᬲ᭄ᬗᬸᬮᬗᬸᬦᬶᬦ᭄᭟ᬲᬶᬭᬢ᭄ᬫᬬᬦᬾᬫᬩ᭄ᬩᬤ᭄᭞ᬗᬯᬾᬧᬮᬶᬂᬓᬮᬶᬄᬲᬫᬶᬫᬍᬗᬶᬲ᭄᭞ᬲᬲᭀᬮᬄᬳᬶᬤᬵᬗᬯᬾᬓᬸᬂ
ᬧᬧᬲᭀᬦ᭄ᬫᬦᬶᬲ᭄ᬕᭂᬢᬃ᭞ᬲᬬᬦ᭄ᬲᬬᬦ᭄ᬓᬬᬸᬦ᭄ᬳᬶᬤᬦᬾᬳᬶᬤ᭄ᬯᬕᬸᬂ᭞ᬫᬥᬾᬳᬰᬶᬄᬢᬸᬃᬜᬬᬸᬶᬬᬗᬂ᭞ᬤᬵᬳᬭᬶᬦ᭄ᬤᬵᬓᬲᭀᬃᬯ᭄ᬬᬓ᭄ᬢᬶ᭟ᬓᬮᬶᬄᬓᬬᬸᬦ᭄ᬥᬵᬳᬭᬶᬦ᭄ᬥᬵ᭞ᬯᬸᬲ᭄ᬕᭂᬦ᭄ᬢᭀᬲ᭄ᬭᬾᬄᬓ᭄ᬦᬫᬦ᭄ᬢ᭄ᬭᬰᬶᬥᬶ᭞ᬤᬵᬭᬓᬦ᭄ᬥᬵᬯᬸᬲ᭄ᬢᬸᬫ᭄ᬓᬸᬮ᭄᭞ᬭᬾᬄ
ᬓᬕᬸᬂᬍᬩᬶᬄᬲᬬᬂ᭞ᬩᬳᬦ᭄ᬢ᭄ᬬᬂᬓᬾᬯᬮᬧᬢᬸᬳᬂᬓᬕᬸᬂ᭞ᬓᬾᬦ᭄ᬜᬫᬭᬾᬄᬢᬢ᭄ᬯᬶᬬᬦ᭄᭞ᬤᬳᬭᬶᬦ᭄ᬥᬵᬫᬓᬓᬮᬶᬄ᭟ᬫ᭄ᬓᬸᬮ᭄ᬭᬓᬫᬼᬲ᭄ᬗᬭᬲ᭄᭞ᬭᬵᬢᬸᬤ᭄ᬯᬕᬸᬂᬢᬶᬢ᭄ᬬᬂᬢ᭄ᬮᬲᬳᬶᬭᬶᬂ᭞ᬓᬤᬶᬯᬘᬦᬦ᭄ᬤᬾᬯᬕᬸᬂ᭞ᬧᬸᬦᬶᬓᬵᬢᬸᬦᬲ᭄ᬢᬶᬢ᭄ᬬᬂ᭞ᬤᬳ
ᬭᬶᬤ᭄ᬥᬵᬤᬸᬳᬸᬭᬦ᭄ᬫᬮᬶᬄᬢᬸᬫ᭄ᬓᬸᬮ᭄᭞ᬳᬢᬸᬃᬗ᭄ᬢᬸᬲ᭄ᬓᬬᬸᬦ᭄ᬳᬶᬤᬵ᭞ᬤᬾᬯᬕᬸᬂᬧ᭄ᬬᬃᬱᬳᬶᬗ᭄ᬕᬶᬄ᭟ᬲᬶᬭᬢ᭄ᬫᬬᬦᬾᬫᬩ᭄ᬩᬤ᭄᭞ᬗᬯᬾᬧᬮᬶᬂᬓᬮᬶᬄᬲᬫᬶᬍᬗᬶᬲ᭄᭞ᬲᬲᭀᬮᬄᬳᬶᬤᬵᬗᬯᬾᬓᬸᬂ᭞ᬧᬧᬲᭀᬦ᭄ᬫᬦᬶᬲ᭄ᬕᭂᬢᬃ᭞ᬲᬬᬦ᭄ᬲᬬᬦ᭄ᬓᬬᬸᬦ᭄ᬳᬶ
[᭓᭙ 39 A]
ᬤᬦᬾᬳᬶᬤ᭄ᬯᬕᬸᬂ᭞ᬫᬥᬾᬳᬰᬶᬄᬢᬸᬃᬜᬬᬗᬂ᭞ᬤᬵᬳᬭᬶᬦ᭄ᬥᬵᬓᬲᭀᬃᬯ᭄ᬬᬓ᭄ᬢᬶ᭟ᬓᬮᬶᬄᬓᬬᬸᬦ᭄ᬤᬳᬭᬶᬦ᭄ᬥᬵ᭞ᬯᬸᬲ᭄ᬫᬕᭂᬦ᭄ᬢᭀᬲ᭄ᬭᬾᬄᬓ᭄ᬦᬫᬦ᭄ᬢ᭄ᬭᬰᬶᬥᬶ᭞ᬤᬵᬭᬓᬦ᭄ᬥᬵᬯᬸᬲ᭄ᬢᬸᬫ᭄ᬓᬸᬮ᭄᭞ᬭᬾᬄᬓᬕᬸᬂᬍᬩᬶᬄᬲᬬᬂ᭞ᬩᬳᬦ᭄ᬢ᭄ᬬᬂᬓᬾᬯᬮᬵᬧᬢᬸᬳᬂᬓᬕᬸᬂ᭞ᬓᬾ
ᬦ᭄ᬜᬫᬭᬾᬄᬢᬢ᭄ᬯᬶᬬᬦ᭄᭞ᬤᬵᬳᬭᬶᬦ᭄ᬥᬵᬫᬓᬓᬮᬶᬄ᭟ᬫ᭄ᬓᬸᬮ᭄ᬭᬓᬫᬍᬲ᭄ᬗᬭᬲ᭄᭞ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬢ᭄ᬮᬲ᭄ᬳᬶᬭᬶᬂ᭞ᬓᬤᬶᬯᬘᬦᬦ᭄ᬤᬾᬯᬕᬸᬂ᭞ᬧᬸᬦᬶᬓᬵᬢᬸᬦᬲ᭄ᬢᬶᬢ᭄ᬬᬂ᭞ᬤᬵᬲᬭᬶᬦ᭄ᬥᬵᬤᬸᬳᬸᬭᬦ᭄ᬫᬮᬶᬄᬢᬸᬫ᭄ᬓᬸᬮ᭄᭞ᬳᬢᬸᬃᬗ᭄ᬢᬸᬲ᭄ᬓᬬᬸᬦ᭄ᬳᬶᬤ᭞ᬤᬾᬯᬕᬸᬂᬧ᭄ᬬᬃᬱ
ᬳᬶᬗ᭄ᬕᬶᬄ᭟ᬳᬢᬸᬃᬢᬶᬢ᭄ᬬᬂᬳᬶᬓ᭄ᬮᬭᬦ᭄᭞ᬤᬸᬭᬸᬂᬢᬸᬢᬸᬕ᭄ᬳᬶᬤᬭᬓᬦ᭄ᬥᬵᬕ᭄ᬮᬶᬲ᭄᭞ᬳᬭᬶᬦ᭄ᬥᬵᬕ᭄ᬮᬶᬲ᭄ᬫᬲᬳᬸᬧ᭄᭞ᬲᬂᬓᬮᬶᬄᬫᬧᬺᬫᬂ᭞ᬓᬕᬸᬬᬗᬶᬦ᭄ᬳᬭᬶᬦ᭄ᬥᬵᬳᬮᬶᬢᬦ᭄ᬫᭂᬓᬸᬮ᭄᭞ᬲᬵᬃᬯ᭄ᬯᬶᬗᬭᬲ᭄ᬫᬢᬸᬃᬳᬶᬤᬵ᭞ᬤᬾᬯᬕᬸᬂᬢᬶᬢ᭄ᬬᬂᬫᬧᬫᬶᬢ᭄᭟
ᬧᬘᬂᬫᬦ᭄ᬢᬸᬓ᭄ᬳᬚᭂᬧᬶᬲᬦ᭄᭞ᬭᬾᬳᬶᬂᬩᬾᬜ᭄ᬚᬂᬢᬶᬢ᭄ᬬᬂᬦᬸᬢᬸᬃᬯ᭄ᬬᬓ᭄ᬢᬶ᭞ᬳᬶᬤᬾᬯᬕᬸᬂᬓ᭄ᬦᬶᬫᬦ᭄ᬢᬸᬓ᭄᭞ᬲᬫᬶᬓᬲ᭄ᬢ᭄ᬭᬫᬸᬱ᭄ᬝᬧᬵ᭞ᬫᬳᬯᬶᬦᬦ᭄ᬫᬗ᭄ᬓᬶᬦ᭄ᬢᬶᬢ᭄ᬬᬂᬭᬵᬢᬸᬤ᭄ᬯᬕᬸᬂ᭞ᬧᬘᬂᬫᬦ᭄ᬢᬸᬓ᭄ᬫᬤᬩ᭄ᬤᬩᬦ᭄᭞ᬩᬾᬜ᭄ᬚᬂᬧᬘᬂᬫᬫᬳᭂᬦ᭄ᬤ
Kaca:Bali-lontar-gaguritan-twan-raja-300ppi.pdf/39
Kaca puniki sampun kauji-wacén
