[᭓᭗ 37 B]
᭓᭗
ᬳᬭᬶᬦ᭄ᬥᬵᬤᬶᬦᬢᬄᬓᬭᬶ᭟ᬢᬾᬓᭀᬃᬩ᭄ᬘᬢ᭄ᬫᬗᬢᬸᬭᬂ᭞ᬧᬶᬲᬮᬶᬦᬦ᭄ᬳᬶᬤ᭄ᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬯᬸᬲ᭄ᬫᬲᬮᬶᬦ᭄ᬳᬶᬤᬾᬯᬕᬸᬂ᭞ᬕ᭄ᬮᬶᬲ᭄ᬳᬶᬤᬵᬓᬯ᭄ᬥᬮ᭄᭞ᬲᬓᬶᬂᬓᬫᬃᬤᬶᬳᬫ᭄ᬩᬾᬦ᭄ᬫᬓᬸᬃᬲᬶᬧᬳᬸᬢ᭄᭞ᬲᬃᬯ᭄ᬯᬶᬫᬗᬓ᭄ᬱᬶᬳᬭᬶᬦ᭄ᬥᬵ᭞ᬤᬶᬦᬢᬄᬲᬫᬶᬫᬓᬸᬃᬱᬶ᭟ᬓ
ᬧᬶᬦᭂᬄᬓᬬᬸᬦ᭄ᬳᬭᬶᬦ᭄ᬥᬵ᭞ᬮᬶᬦ᭄ᬢᬂᬚ᭄ᬭᬶᬄᬓᬬᬸᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬫᬲᬗᬶᬦ᭄ᬳᬭᬶᬳᬶᬤ᭄ᬯᬕᬸᬂ᭞ᬧᬸᬢ᭄ᬭᬲᬦᬾᬤᬸᬯᬸᬭᬦ᭄᭞ᬭᬾᬳᬶᬂᬫᬗ᭄ᬕᭂᬄᬓᬬᬸᬦ᭄ᬳᬶᬤᬦᬾ ᬓᬧᬶᬮᬸᬕ᭄᭞ᬭᬶᬂᬳᬶᬤᬳᬶᬤ᭄ᬯᬕᬸᬂᬧᬸᬢᬺ᭞ᬤᬸᬳᬸᬭᬦ᭄ᬧᬲ᭄ᬘᬢ᭄ᬗ᭄ᬮᬾᬤᬗᬶᬦ᭄᭟ᬭᬓᬦ᭄ᬥᬵᬕ᭄ᬮᬶᬲ᭄ᬫᬵ
ᬲᬂ᭞ᬤᬕᬶᬂᬫᬦ᭄ᬢ᭄ᬭᬓ᭄ᬦᬶᬳᬭᬶᬦ᭄ᬥᬵᬯ᭄ᬬᬓ᭄ᬢᬶ᭞ᬚ᭄ᬭᬶᬄᬤᬶᬧᬫ᭄ᬩ᭄ᬬᬭᬦ᭄ᬢᬸᬮᬸ᭞ᬧᬸᬭᬦ᭄ᬤᬶᬚ᭄ᬭᭀᬦᬶᬂᬢᬶᬮᬫ᭄᭞ᬯᬸᬲ᭄ᬓᬢᬶᬩᬳᬭᬶᬦ᭄ᬥᬵᬳᬶᬤᬳᬶᬤ᭄ᬯᬕᬸᬂᬧᬸᬢᬺᬭᬓᬦ᭄ᬥᬵᬗᬦ᭄ᬤᬶᬓᬵ᭞ᬭᬶᬂᬳᬶᬤᬳᬭᬶᬦ᭄ᬥᬵᬲᬫᬶ᭟ᬫᬾᬦᬓᬕᬸᬂᬚᬓ᭄ᬫᬓ᭄ᬚᬂ᭞ᬢᬢᬲ᭄ᬳᭀᬯᭀᬦ᭄ᬓᬬᬸᬦ᭄
ᬲᬂᬓᬮᬶᬄᬩ᭄ᬯᬶᬦ᭄᭞ᬓ᭄ᬫᬫᬸᬮᬶᬄᬧᬥᬳ᭄ᬩᬸᬓ᭄᭞ᬳᬧᬂᬫᬳᬦ᭄ᬫᬢᭂᬕ᭄ᬢᭂᬕᬦ᭄᭞ᬫᬮᬶᬄᬳᬶᬤᬫᬗᬦ᭄ᬤᬶᬓᬫᬦᬶᬲ᭄ᬳᬮᬸᬲ᭄᭞ᬜ᭄ᬚᭀᬃᬢᬸᬤᬾᬅ᭄ᬫᬳᬶᬫ᭄ᬦᬾᬓᬦ᭄᭞ᬳᬭᬶᬦ᭄ᬥᬵᬫᬜᭂᬫ᭄ᬩᬄᬲᬫᬶ᭟ᬦᬾᬓᬓᬮᬶᬄᬲᬵᬫ᭄ᬧᬸᬦ᭄ᬩᬸᬤᬮ᭄᭞ᬳᬶᬤᬾᬯᬕᬸᬂᬮᬦᬂ
[᭓᭘ 38 A]
ᬳᬶᬤᬾᬯᬕᬸᬂᬭᬳᬶ᭞ᬧᬺᬧᬸᬢᬺᬤᬗᬶᬭᬶᬂᬩ᭄ᬭᬶᬬᬸᬓ᭄᭞ᬫᬶᬦᬓᬤᬶᬢᬾᬓᭀᬃᬳᬶᬤᬵ᭞ᬲᬵᬫ᭄ᬧᬸᬦ᭄ᬭᬯᬸᬄᬲᬫᬶᬗᬸᬗ᭄ᬲᬶᬳᬸᬗ᭄ᬕ᭄ᬯᬦ᭄ᬲᬫ᭄ᬧᬸᬦ᭄᭞ᬓᬮᬶᬄᬲᬵᬫ᭄ᬧᬸᬦ᭄ᬫᬲᬮᬶᬦᬦ᭄᭞ᬧᬭᬧᬸᬢᬺᬫᬶᬦᬓᬤᬶ᭟ᬯᬸᬲ᭄ᬧᬥᬫᬺᬫᬺᬫᬦ᭄᭞ᬳᬶᬤᬾᬯᬕᬸᬂᬧᬸᬢᬺᬓᬮᬶᬄ
ᬦᬾᬫᬗ᭄ᬓᬶᬦ᭄᭞ᬯᬸᬲ᭄ᬜᭂᬫ᭄ᬩᬄᬳᬶᬤ᭄ᬯᬕᬸᬂ᭞ᬭᬓᬦ᭄ᬤᬵᬗᬫ᭄ᬩᬶᬮ᭄ᬢᬗᬦ᭄᭞ᬓᬮᬶᬄᬫᬳᬭᬲᬯᬯᬵᬧᬢᬸᬢ᭄᭞ᬲᬵᬃᬯ᭄ᬯᬶᬳᬶᬤᬵᬫᬗᬦ᭄ᬤᬶᬓᬵ᭞ᬭᬶᬂᬳᬭᬶᬲᬂᬯᬶᬭᬓᬮᬶᬄ᭟ᬫᬾᬓᬕᬸᬂᬢ᭄ᬬᬗᬾᬳᬶᬤᬵ᭞ᬫᬲᬮᬶᬦ᭄ᬓᬫ᭄ᬩᭂᬦ᭄ᬲᬬᬂᬦᬾᬚᬦᬶ᭞ᬚᬮ
ᬦ᭄ᬮᬳᬸᬢ᭄ᬓᬕᬸᬂᬳ᭄ᬩᬸᬓ᭄᭞ᬢ᭄ᬬᬂᬢᬾᬳᭀᬯᭀᬦ᭄ᬧᬶᬲᬦ᭄᭞ᬳᬭᬶᬓᬮᬶᬄᬗᭂᬳᭂᬤᬂᬫᬗ᭄ᬭᬜ᭄ᬚᬶᬂᬲᬵᬫ᭄ᬧᬸᬦ᭄᭞ᬳᬦ᭄ᬢᭂᬦᬃᬗ᭄ᬭᬜ᭄ᬚᬶᬂᬫᬦ᭄ᬢᬸᬓᬦ᭄᭞ᬧᬳᬸᬢ᭄ᬗᬢᬸᬭᬂᬧᬶᬲᬮᬶᬦ᭄᭟ᬧᬶᬲᬮᬶᬦ᭄ᬳᬦᬸᬢ᭄ᬳᬦᬸᬢᬦ᭄᭞ᬯᬲ᭄ᬢ᭄ᬭᬦ᭄ᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺᬓᬮᬶᬄ᭞ᬋᬫ᭄ᬩᬂᬓ
ᬘᬶᬬᬮ᭄ᬫᬲᬭᬸᬂ᭞ᬧ᭄ᬓᭂᬓ᭄ᬩᬓ᭄ᬬᬓ᭄ᬱᬯᬯ᭞ᬢᬦ᭄ᬧᬓ᭄ᬯᬘ᭄ᬘᬵᬢᬦ᭄ᬧᬤᬲ᭄ᬢᬃᬮᬶᬦ᭄ᬢᬂᬧᬳᬸᬢ᭄᭞ᬭᬾᬄᬳᬬᬢ᭄ᬳᬕᬸᬮᬶᬂᬳᬶᬤ᭞ᬓᬦ᭄ᬢᭂᬦ᭄ᬘᬃᬫ᭄ᬫᬦ᭄ᬳᬶᬤᬵᬕᬥᬶᬂ᭟ᬧᬥᬫᬯᬓᬫ᭄ᬮᬳᬦ᭄᭞ᬳᬶᬤᬾᬯᬕᬸᬂᬧᬸᬢᬺᬱᬦᬾᬓᬓᬮᬶᬄ᭞ᬦᬗ᭄ᬳᬶᬂᬓᬲᭀᬃᬳᬶ
Kaca:Bali-lontar-gaguritan-twan-raja-300ppi.pdf/38
Kaca puniki sampun kauji-wacén
