[᭓᭖ 36 B]
᭓᭖
ᬤᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬫᬓᭂᬳᬶᬤ᭄ᬯᬕᬸᬂᬩ᭄ᬬᬂ᭞ᬫᬓᭂᬫ᭄ᬩᬸᬮᬦ᭄ᬲᬋᬂᬢᬶᬕᬳᬧᬦ᭄ᬳᬦᬸᬢ᭄᭞ᬲᬂᬓᬮᬶᬄᬮᬾᬤᬂᬓᬮᬶᬦ᭄ᬢᬂ᭞ᬳᬧᬦ᭄ᬓᬸᬫ᭄ᬧᬸᬮ᭄ᬓᬤᬶᬫᬗ᭄ᬓᬶᬦ᭄᭟ᬳᬶᬤᬲᬂᬤ᭄ᬬᬂᬲᬫ᭄ᬬᬦ᭄᭞ᬫᬗᬬᬸᬦᬂᬲᬚᬯᬦᬶᬂᬳᬲᬶᬓᬶ᭞ᬭᬢ᭄ᬦᬵᬚ᭄ᬯᬶᬢ᭄ᬣᬵᬦᬾᬦ᭄ᬢᭂᬦ᭄ᬓᬬᬸᬦ᭄᭞ᬭᬾᬄᬳᬶᬤᬳᬫᭂ
ᬫ᭄ᬮᬭᬵ᭞ᬫᬶᬦᭂᬄᬳᬗ᭄ᬕᬳᬕᬾᬫᬩᬸᬜ᭄ᬘᬶᬗᬂᬢᬸᬳᬸ᭞ᬳᬯᬦᬦ᭄ᬲᭂᬲᭂᬓ᭄ᬤᬶᬋᬤ᭄ᬥᬵ᭞ᬦᬾᬗᬬᬸᬦᬂᬳᬸᬲᬦ᭄ᬕᭂᬮᬶᬲ᭄᭟ᬓᬮᬶᬄᬯᬸᬲ᭄ᬫᬶᬦᬸᬫᬶᬦᬸᬫᬦ᭄᭞ᬧᬦ᭄ᬯᭀᬢᬦᬶᬂᬭᬚᬦᬶᬭᬚᬯ᭄ᬬᬓ᭄ᬢᬶ᭞ᬳᬸᬮᬫᬾᬫᬲᬸᬦ᭄ᬤᬸᬮ᭄ᬲᬸᬦ᭄ᬤᬸᬮ᭄᭞ᬳᬸᬲᬦ᭄ᬫᬍᬮᬕᬭ
ᬦ᭄᭞ᬳᬶᬤᬾᬯᬕᬸᬂᬫᬸᬲ᭄ᬢᬧᬵᬜᭂᬫ᭄ᬩᬄᬫᬳᬢᬸᬃ᭞ᬭᬶᬂᬳᬚᬶᬳᬚᬶᬦ᭄ᬥᬵᬲᬫ᭄ᬬᬦ᭄᭞ᬭᬶᬂᬩ᭄ᬬᬂᬤᬵᬫᬶᬦᬓᬤᬶ᭟ᬫᬶᬦᬓᬤᬶᬭᬶᬂᬭᬓᬦ᭄ᬥᬵ᭞ᬫᬗᬦ᭄ᬤᬶᬓᬵᬭᬶᬂᬧᬭᬧᬸᬢᬺᬱᬫᬶ᭞ᬤᬕᬶᬂᬳᬢᬸᬃᬤᬾᬯᬕᬸᬂ᭞ᬭᬶᬂᬳᬚᬶᬭᬓᬲᬫ᭄ᬬᬦ᭄᭞
ᬭᬢᬸᬢᬶᬢ᭄ᬬᬂᬦᬯ᭄ᬕᬂᬧᬶᬲᬦ᭄ᬤᬾᬯᬕᬸᬂ᭞ᬮᬶᬗ᭄ᬕᬶᬳᬶᬦ᭄ᬲᬫ᭄ᬧᬸᬦ᭄ᬫᬦᬸᬮᬓ᭄᭞ᬳᬢᬸᬃᬢᬶᬢ᭄ᬬᬂᬲᬦᬾᬫᬗ᭄ᬓᬦ᭄᭟ᬤᬾᬯᬕᬸᬂᬳᬢᬸᬭᬶᬦ᭄ᬢᬶᬢ᭄ᬬᬂ᭞ᬫᬗ᭄ᬭᬯᬸᬳᬶᬦ᭄ᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞ᬓᬲ᭄ᬢ᭄ᬭᬫᬸᬲ᭄ᬢᬧᬵᬤᬾᬯᬕᬸᬂ᭞ᬲᬫᬦ᭄ᬤᬾᬭᬢᬸᬯᬶᬓ
[᭓᭗ 37 A]
ᬦ᭄᭞ᬲᬋᬂᬲᬫ᭄ᬬᬦ᭄ᬳᬚᬶᬭᬓᬦᬶᬫ᭄ᬩᬮ᭄ᬩ᭄ᬭᬶᬬᬸᬓ᭄᭞ᬗ᭄ᬕᬶᬄᬢ᭄ᬬᬂᬗᬶᬤ᭄ᬧᬂᬧᬶᬲᬦ᭄᭞ᬦᬾᬦᬾᬫᬦᬶᬮ᭄ᬯᬲ᭄ᬳᭂᬗ᭄ᬕᬶᬄ᭟ᬧᬦ᭄ᬤᬶᬓᬭᬶᬂᬧᬭᬧᬸᬢᬺ᭞ᬫᬾᬦᬓᬕᬸᬂᬦᬾ ᬫᬦᬶᬚᬮᬦ᭄ᬫᬸᬮᬶᬄ᭞ᬳᬧᬂᬧᬥᬦᬯᬂᬮᬯᬸᬢ᭄᭞ᬭᬾᬄᬤᬶᬢᬸᬓᬃᬫᬳᬸᬫᬄ᭞ᬧᬭᬧᬸᬢᬺᬓᬸᬭᬶᬧᬦ᭄ᬜᭂᬫ᭄ᬩᬄ
ᬫᬩ᭄ᬭᬶᬬᬸᬓ᭄᭞ᬤᬕᬶᬂᬳᬶᬤᬦᬾᬢᬸᬮᬓ᭄᭞ᬲᬕᬾᬢ᭄ᬤᬯᬸᬄᬮᬶᬫᬫᬗ᭄ᬓᬶᬦ᭄᭟ᬳᬦᬓ᭄ᬤᬲᬫᬶᬫᬜᭂᬫ᭄ᬩᬄ᭞ᬭᬶᬂᬳᬚᬶᬦ᭄ᬥᬵᬧᬢᭂᬄᬳᬢᬸᬭᬾᬲᬫᬶ᭞ᬢᬶᬢ᭄ᬬᬂᬫᬧᬫᬶᬢ᭄ᬤᬾᬯᬕᬸᬂ᭞ᬳᬚᬶᬳᬚᬶᬦ᭄ᬥᬵᬲᬫ᭄ᬬᬦ᭄᭞ᬫᬗᬗ᭄ᬕᬸᬢᬶᬦ᭄ᬤᬳᬦᬓ᭄ᬥᬢ᭄ᬥᬸᬦ᭄ᬩ᭄ᬭᬶᬬᬸᬓ᭄᭞ᬤᬵᬲᬂᬦᬵ
ᬣᬫᬗ᭄ᬕᭂᬄᬲᬫ᭄ᬬᬦ᭄᭞ᬦᬾᬩᬸᬢ᭄ᬥᬸᬦ᭄ᬓᭀᬘᬧ᭄ᬫᬮᬶᬄ᭟ᬲᬫᬶᬜᬸᬚᬸᬃᬩᬮᬾᬫᬹᬃᬤ᭄ᬥᬵ᭞ᬧᬭᬳᬶᬲ᭄ᬢ᭄ᬭᬶᬤᬶᬕ᭄ᬥᭀᬂᬕ᭄ᬥᬄᬓᬭᬶ᭞ᬧᬵᬥᬳᬲᬾᬯᬓᬬᬸᬦ᭄᭞ᬗ᭄ᬮᬮᬶᬧᬸᬃᬤᬵᬲᬤ᭄ᬬᬄ᭞ᬤᬦᬾᬤᬶᬦᬶᬳᬶᬤᬾᬯᬕᬸᬂᬫᬥᬾᬳᬕᬸᬂ᭞ᬳᬭᬶᬦ᭄ᬥᬵᬚᭂᬚᭂᬮ᭄ᬲᬫ᭄ᬬᬦ᭄
᭞ᬩᬶᬦ᭄ᬳᬧᬶᬲᬦ᭄ᬓᬤᬶᬭᬶᬳᬶᬦ᭄᭟ᬢᬦ᭄ᬓᬤᬶᬳᬶᬤ᭄ᬯᬕᬸᬂᬧᬸᬢᬺ᭞ᬮᬶᬦ᭄ᬢᬂᬳᬚ᭄ᬭᬶᬄᬭᬾᬄᬳᬲᬾᬯᬓᬫᬗ᭄ᬓᬶᬦ᭄᭞ᬫᬢᬶᬦ᭄ᬤᬶᬄᬚ᭄ᬭᬶᬳᬾᬫᬸᬧᬸᬢ᭄᭞ᬭᬾᬄᬯᬶᬓᬦ᭄ᬭᬶᬂᬭᬓᬦ᭄ᬥᬵ᭞ᬮᬶᬦ᭄ᬢᬂᬰᬓ᭄ᬢᬶᬢ᭄ᬯᬭᬳᬤᬩᬦᬶᬫᬕᬸᬢ᭄᭞ᬳᬶᬤᬾᬯᬕᬸᬂᬫᬥᬾᬫᬸᬗ᭄ᬕᬄ᭞
Kaca:Bali-lontar-gaguritan-twan-raja-300ppi.pdf/37
Kaca puniki sampun kauji-wacén
