[᭓᭓ 33 B]
᭓᭓
ᬢᬸᬭᬶᬦ᭄ᬫᬗ᭄ᬭᬭᬶᬲ᭄᭞ᬧᬭᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬜᭂᬫ᭄ᬩᬄᬦᬸᬦᬲ᭄ᬫᬗ᭄ᬭᬜ᭄ᬚᬶᬂ᭟ᬤᬵᬲᬂᬦᬵᬣᬳᬶᬤᬗᬗ᭄ᬕᬸᬢᬶᬦ᭄ᬲᬫ᭄ᬬᬦ᭄᭞ᬩ᭄ᬭᬶᬬᬸᬓ᭄ᬫᬗ᭄ᬭᬜ᭄ᬚᬶᬂᬫᬗ᭄ᬓᬶᬦ᭄᭞ᬳᬶᬤᬾᬯᬕᬸᬂᬩ᭄ᬬᬂ᭞ᬤ᭄ᬳᬗᬶᬭᬶᬂᬭᬓᬦ᭄ᬥ᭞ᬩᬸᬭᬯᬸᬄᬤᬶᬓᬫᬃᬫᬗ᭄ᬓᬶᬦ᭄᭞ᬳᬶᬤᬵᬲᬂᬤ᭄ᬬᬄ᭞ᬫᬗ᭄ᬕᭂᬄᬳᬶᬤᬫ᭄ᬦᬗᬶ
ᬲ᭄᭟ᬳᬬᬢ᭄ᬫᬢᬸᬃᬫᬓᬓᬮᬶᬄᬫ᭄ᬓᬸᬮ᭄ᬗᬸᬲᬧ᭄᭞ᬳᬶᬫᬸᬢᭂᬃᬫᬶᬦᬓᬤᬶ᭞ᬜᭂᬫ᭄ᬩᬄᬫ᭄ᬓᬸᬮ᭄ᬧᬤ᭞ᬫᬢᬸᬃᬦᬗᬶᬲ᭄ᬫᬫ᭄ᬮᬤ᭄᭞ᬫ᭄ᬩᭀᬓᬕᬸᬂᬳᬫ᭄ᬧᬸᬭᬳᬸᬕᬶ᭞ᬲᬓᬮᬶᬄᬢᬶᬢ᭄ᬬᬂ᭞ᬦᬯ᭄ᬕᬂᬫᬢᬸᬃᬲᬶᬲᬶᬧ᭄᭟ᬭᬾᬄᬫ᭄ᬩᭀᬓᬕᬸᬂᬳᭀᬮᬶᬄ᭞ᬲ᭄ᬯᬾᬭᬶᬂᬓᬸᬭᬶᬧᬦ᭄᭞
ᬮᬭᬓᬩᬸᬦ᭄ᬢᬂᬩᬦ᭄ᬢᬶᬂ᭞ᬢᬸᬤᬾᬅ᭄ᬫᬗᬶᬭᬶᬗᬂ᭞ᬓ᭄ᬦᬵᬫ᭄ᬩᭀᬓᬕᬸᬂᬲ᭄ᬯᬾᬘ᭄ᬘᬵ᭞ᬗᬫ᭄ᬧᬸᬭᬵᬭᬾᬄᬩᬸᬤᬸᬄᬯ᭄ᬬᬓ᭄ᬢᬶ᭞ᬲᬋᬂᬲᬫ᭄ᬬᬦ᭄᭞ᬳᬶᬤᬵᬪᬝᬵᬭᬯᬶᬥᬶ᭟ᬓᬤᬶᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦᬯ᭄ᬕᬂᬧᬶᬲᬦ᭄᭞ᬮᬸᬘᬸᬭᬾᬄᬲᬓᬶᬂᬪᬓ᭄ᬢᬶᬘᭂᬦ᭄ᬤᭂᬢ᭄ᬫᬗᬵ
ᬢᬸᬭᬂᬤᬾᬯᬾᬓ᭄ᬢᬶᬢ᭄ᬬᬂᬲᬧᬶᬦ᭄᭞ᬲ᭄ᬯᬾᬘᬵᬦᬓᬕᬸᬂᬫᬳᭀᬲᬶᬦ᭄᭞ᬳᬚᬶᬩ᭄ᬬᬂᬤᬵ᭞ᬕ᭄ᬮᬶᬲ᭄ᬳᬶᬤᬵᬫ᭄ᬭᬶᬬᬸᬓᬶᬦ᭄᭟ᬢ᭄ᬭᬶᬫᬳᭂᬗ᭄ᬕᬶᬄᬦᬓᬕᬸᬂᬫᬲ᭄ᬚᬶᬯᬦ᭄ᬢᬶᬢ᭄ᬬᬂ᭞ᬳ᭄ᬤᬢᬸᬮᬓ᭄ᬦᬓᬕᬸᬂᬗ᭄ᬕᬶᬄ᭞ᬳᬓᬾᬄᬢᬢ᭄ᬯᬶᬬᬦ᭄᭞ᬳ᭄ᬬᬂᬜ᭄ᬭᬳᬂᬳᬯᬓ᭄᭞ᬚᬓ᭄ᬫᬓ᭄ᬚᬂ
[᭓᭔ 34 A]
ᬲᬸᬩᬫᬗ᭄ᬓᬶᬦ᭄᭞ᬧᬶᬢ᭄ᬫᭂᬲ᭄ᬧᬶᬲᬦ᭄᭞ᬦᬵᬗ᭄ᬳᬶᬂᬳᬫ᭄ᬧᬸᬭᬵᬗ᭄ᬕᬶᬄ᭟ᬢ᭄ᬬᬂᬮᬘᬸᬃᬓᬧ᭄ᬮᬦ᭄ᬧ᭄ᬮᬦ᭄ᬢᬸᬃᬦᬶᬱ᭄ᬝᬵ᭞ᬢ᭄ᬯᬭᬤᬗ᭄ᬮᬄᬕᬸᬫᬶ᭞ᬳᬧᬜᭂᬦ᭄ᬲ᭄ᬭᬳᬂ᭞ᬢ᭄ᬬᬂᬳᬚᬓ᭄ᬫᬓ᭄ᬚᬂ᭞ᬫᬦᬸᬦᬲ᭄ᬢᭂᬓᬾᬦ᭄ᬳᬶᬫᬡᬶᬓ᭄᭞ᬦᬓᬕᬸᬂᬲᬬᬂ᭞ᬍᬩᬶᬄᬮᬘᬸᬃᬢᬦ᭄ᬲᬶᬧᬶ᭟ᬦᬸᬤᬸ
ᬓ᭄ᬢ᭄ᬬᬂᬓᬾᬯᬮᬮ᭄ᬕᬬᬂᬧᬶᬲᬦ᭄᭞ᬲᬚᬯᬦᬶᬂᬳᬗ᭄ᬲᬶᬓ᭄᭞ᬳᬤᬓᬮ᭄ᬲ᭄ᬭᬳᬂ᭞ᬳᬯᬓ᭄ᬢ᭄ᬬᬗᬾᬫᬶᬭᬄ᭞ᬚ᭄ᬮᬾᬫ᭄ᬮᬄᬩᬦ᭄ᬳᬶᬫᬡᬶᬓ᭄᭞ᬳᬶᬤᬵᬲᬂᬤ᭄ᬬᬄ᭞ᬲᬬᬦ᭄ᬩ᭄ᬓᬸᬢ᭄ᬫᬦᬗᬶᬲ᭄᭟ᬢᬦ᭄ᬧᬲᬳᬸᬃᬭᬾᬄᬲᭂᬲᭂᬓ᭄ᬮᬶᬦ᭄ᬢᬂᬤᬶᬋᬤ᭄ᬥᬵ᭞ᬳᬶᬤ᭄ᬯᬕᬸᬂᬳ
ᬫᬶᬫᬶᬚᬶᬮ᭄᭞ᬧᬺᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬫᬗ᭄ᬕᭂᬄᬓᬭᬶᬤᬶᬓᬫᬃ᭞ᬫᬧᬲᬶᬳᬶᬦ᭄ᬤᬲᬂᬧᬸᬢ᭄ᬭᬶ᭞ᬳᬧᬦ᭄ᬭᬾᬄᬳᬬᬢ᭄᭞ᬫᬦ᭄ᬢᬸᬳᬶᬧᬾᬦᬾᬯ᭄ᬬᬓ᭄ᬢᬶ᭟ᬤᬵᬲᬂᬦᬵᬣᬓᬸᬭᬶᬧᬦ᭄ᬳᬮᬸᬲ᭄ᬗᬦ᭄ᬤᬶᬓ᭞ᬭᬶᬂᬳᬭᬶᬦ᭄ᬥᬵᬲᬯ᭄ᬬᬓ᭄ᬢᬶ᭞ᬳᬭᬶᬦ᭄ᬥᬭᬶᬂᬤ᭄ᬳᬵ᭞ᬤᬶᬳᬕᬸᬂᬜᬫᬦ᭄ᬢ᭄ᬬᬂ᭞
ᬢ᭄ᬬᬂᬘᭂᬦ᭄ᬤᭂᬢ᭄ᬩᬸᬓᬫᬗ᭄ᬓᬶᬦ᭄᭞ᬳᬶᬭᬢ᭄ᬦᬚ᭄ᬯᬶᬢᬵ᭞ᬢᬸᬦᬲ᭄ᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬳᬶᬘᬾᬦ᭄ᬳᬶᬜ᭄ᬚᭀᬃᬳᬦᬓ᭄ᬤᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬓᬮᬶᬄᬕ᭄ᬮᬶᬲ᭄ᬫ᭄ᬭᬶᬬᬸᬓᬶᬦ᭄᭞ᬜᭂᬫ᭄ᬩᬄᬲᬮᬶᬂᬢᬶᬫ᭄ᬩᬮ᭄᭞ᬤᬕᬸᬂᬳᬤᬦᬯ᭄ᬕᬂ᭞ᬓ᭄ᬦᬶᬲ᭄ᬯᬾᬘᬫᬗ᭄ᬮᬶᬗ᭄ᬕᬶᬳᬶᬦ᭄᭞ᬦᬸ
Kaca:Bali-lontar-gaguritan-twan-raja-300ppi.pdf/34
Kaca puniki sampun kauji-wacén
