[᭓᭔ 34 B]
᭓᭔
ᬦᬲ᭄ᬳ᭄ᬭᬶᬦ᭄ᬥᬵ᭞ᬲᬂᬦᬵᬣᬤ᭄ᬳᬫᬗ᭄ᬓᬶᬦ᭄᭟ᬕ᭄ᬮᬶᬲ᭄ᬜᭂᬫ᭄ᬩᬄᬭᬶᬂᬳᬶᬤ᭄ᬯᬕᬸᬂᬤᬵᬭᬓᬦ᭄ᬤᬵ᭞ᬢᬶᬢ᭄ᬬᬂᬢᬦ᭄ᬧᬜ᭄ᬚᬂᬯ᭄ᬬᬓ᭄ᬢᬶ,ᬘᭂᬦ᭄ᬤᭂᬢ᭄ᬳᬢᬸᬃᬢᬶᬢ᭄ᬬᬂ᭞ᬩ᭄ᬘᬶᬓ᭄ᬘᭀᬓᭀᬃᬳᬶᬤᬾᬯ᭞ᬫᬯᬘᬦᬲᬦᬾᬫᬗ᭄ᬓᬶᬦ᭄᭞ᬫᬮᬶᬄᬗᬦ᭄ᬤᬶᬓ᭞ᬭᬶᬂᬳᬦᬓ᭄ᬤᬲᬂᬓᬮᬶᬄ᭟ᬓᬾᬦ᭄ᬜ᭠
ᬫᬦᬾᬲᬸᬩᬢᭀᬗᭀᬲ᭄ᬫᬫ᭄ᬭᬕᬢᬂ᭞ᬫᬢᬸᬃᬭᬶᬂᬭᬚᬫᬮᬶᬄ᭞ᬤᬾᬯᬕᬸᬂᬫᬶᬬᬃᬱᬵ᭞ᬳᬦᬓ᭄ᬘᭀᬓᭀᬃᬳᬶᬤᬾᬯ᭞ᬳᬶᬕᬶᬬᬸᬃᬩ᭄ᬘᬶᬓ᭄ᬳᬃᬱᬳᬶᬦ᭄᭞ᬧᬸᬧᬸᬢ᭄ᬳᬶᬭᬶᬓ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭟ᬤᬵᬭᬓᬦ᭄ᬥᬵᬳᬶᬤᬦᬶᬫ᭄ᬩᬮ᭄ᬗ᭄ᬕᬶᬄᬳᬦᬓ᭄ᬥᬵ᭞ᬜᭂᬫ᭄ᬩᬄᬳᬶᬤ᭄ᬯᬕᬸᬂ
ᬧᬸᬢᬺᬓᬮᬶᬄ᭞ᬤᬕᬶᬂᬗᬶᬭᬶᬂᬧᬶᬲᬦ᭄᭞ᬕ᭄ᬮᬶᬲᬂᬓᬮᬶᬄᬜᭂᬫ᭄ᬩᬄᬭᬶᬂᬳᬶᬤ᭄ᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬧᬸᬓᬸᬮᬸᬦ᭄ᬢᬶᬢ᭄ᬬᬂ᭞ᬦᬯ᭄ᬕᬂᬓ᭠ᬤᬶᬫᬗ᭄ᬓᬶᬦ᭄᭟ᬭᬳᬶᬦ᭄ᬤ᭄ᬯᬕᬸᬂᬳᬤᬶᬬᬕᬸᬂᬧᬫᬶᬢᬂᬢᬶᬢ᭄ᬬᬂ᭞ᬳᬸᬯᬦ᭄ᬥᬵᬫᬫ᭄ᬭᬶᬬᬸᬓᬶᬦ᭄᭞ᬦᬓᬕᬸᬂᬳᬶᬗ᭄ᬢᬂ᭞ᬲᬗ᭄ᬕᬸᬧ᭄ᬳᬶᬤᬦᬾᬲᬬᬂ
ᬤᬸᬓᬾᬦᬸᬳᬶᬜ᭄ᬚᭀᬫᬢᬶ᭞ᬳ᭄ᬤᬧᬶᬲᬦ᭄ᬳᭂᬗ᭄ᬲᬧ᭄᭞ᬳᬶᬤ᭄ᬯᬕᬸᬂᬫᬥᬾᬕ᭄ᬮᬶᬲ᭄᭟ᬜᭂᬫ᭄ᬩᬄᬫᬢᬸᬃᬭᬵᬢᬸᬤ᭄ᬯᬕᬸᬂᬳᬶᬮᬶᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬗᬢᬸᬭᬂᬯ᭄ᬬᬓ᭄ᬢᬶ᭞ᬭᬶᬂᬘᭀᬓᭀᬃᬳᬶᬤᬾᬯ᭞ᬫᬮᬶᬄᬳᬶᬤᬵᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬥᬵᬫᬓᬓᬮᬶᬄ᭞ᬦᬓ᭠
[᭓᭕ 35 A]
ᬕᬸᬂᬚ᭄ᬯᬂ᭞ᬦᬵᬗ᭄ᬳᬶᬂᬳᬫ᭄ᬧᬸᬭᬳᬸᬕᬶ᭟ᬜᬫᬦ᭄ᬓᬕᬸᬂᬩ᭄ᬮᭀᬕ᭄ᬢᬸᬃᬚᭂᬦ᭄ᬤᬸᬮ᭄ᬓᬮᬶᬦ᭄ᬢᬂ᭞ᬫᬳᬢᬸᬃᬳᬶᬤᬫᬮᬶᬄ᭞ᬭᬶᬂᬳᬶᬤᬢ᭄ᬯᬦ᭄ᬥᬵ᭞ᬤᬾᬯᬕᬸᬂᬳᬫ᭄ᬧᬸᬭᬬᬂ᭞ᬳᬶᬧᬸᬦ᭄ᬢᬫ᭄ᬩᭂᬢ᭄ᬮᬗ᭄ᬓᬸᬂᬯ᭄ᬬᬓ᭄ᬢᬶ᭞ᬭᬶᬂᬘᭀᬓᭀᬃᬳᬶᬤᬾᬯ᭞ᬓ᭄ᬦᬶᬲ᭄ᬯᬾᬘ᭄ᬘᬵᬗᬦ᭄ᬤᬶᬓᬳᬶᬦ᭄᭟ᬤᬳ᭄ᬯᬦ᭄ᬥᬵᬦᬶᬫ᭄ᬩ
ᬮ᭄ᬤᬢ᭄ᬣᬵᬩ᭄ᬯᬶᬦ᭄ᬮᬦ᭄ᬢᬗᬂ᭞ᬳᬭᬶᬦ᭄ᬥᬵᬜᭂᬫ᭄ᬩᬄᬫᬮᬶᬄ᭞ᬳᬶᬤᬾᬯᬕᬸᬂᬧᬸᬢᬺ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬜ᭄ᬚᬗᬂ᭞ᬤᬾᬯᬕᬸᬂᬢᬶᬢ᭄ᬬᬂ᭞ᬦᬾᬫᬗ᭄ᬓᬶᬦ᭄᭞ᬳᬫ᭄ᬧᬸᬭᬧᬶᬲᬦ᭄᭞ᬳᬢᬸᬃᬳᬤᬸᬮᬸᬃᬢᬗᬶᬲ᭄᭟ᬭᬵᬢᬸᬤ᭄ᬯᬕᬸᬂᬮᬶᬦ᭄ᬢᬂᬲ᭄ᬯᬾᬘ᭄ᬘᬭᬶᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬤᬸᬫᬸᬦ᭄ᬧᬶᬦ᭄ᬳᬶᬦ᭄᭞ᬧᬸᬦ
ᬧᬶᬯᬱ᭄ᬝᬵᬜ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬫᬶᬤᭂᬧ᭄ᬗᬫᬦᬳᬶᬦ᭄ᬫᬗ᭄ᬓᬶᬦ᭄᭞ᬢᬦ᭄ᬓᬢᬳᬸᬭᬦ᭄ᬳᬸᬢᬂᬢᬶᬢ᭄ᬬᬂᬫᬢᬶᬦ᭄ᬤᬶᬄ᭟ᬗᬸᬭᬶᬧ᭄ᬢᬶᬢ᭄ᬬᬂᬓᬮᬶᬄᬗᬶᬘᬾᬦ᭄ᬭᬚᬩ᭄ᬭᬡ᭄ᬦᬵ᭞ᬭᬾᬄᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬦᬶᬱ᭄ᬝᬵᬓᬚᬦ᭄ᬢᬓ᭞ᬢᬦ᭄ᬯᬾᬦ᭄ᬢᭂᬦ᭄ᬫᬤ᭄ᬯᬾᬕ᭄ᬦᬄ᭞ᬧᬸᬧᬸ
ᬢ᭄ᬫᬫ᭄ᬓᬸᬮ᭄ᬳᬶᬭᬶᬓᬶ᭞ᬳᬚᬶᬦ᭄ᬤᬵᬢᬶᬕ᭞ᬫ᭄ᬬᬃᬱᬗᭂᬫ᭄ᬩᭂᬂᬢᬗᬶᬲ᭄᭟ᬲᬫᬶᬓᬗᭂᬦ᭄ᬭᬶᬂᬳᬗ᭄ᬕᬦᬶᬗ᭄ᬕᬮ᭄ᬤᬸᬜ᭞ᬫᬶᬦᭂᬄᬳᬗ᭄ᬕᬦᬾ ᬫᬗ᭄ᬓᬶᬦ᭄᭞ᬦᭂᬫ᭄ᬧᬮ᭄ᬓᬯᬶᬩᬯᬦ᭄᭞ᬲᬬᬦ᭄ᬲᭂᬲᭂᬓ᭄ᬤᬶᬋᬤ᭄ᬥ᭞ᬦᬾᬩᬸᬭᬯᬸᬄᬲᬋᬂᬲᬫᬶ᭞ᬲᬓᬮᬶᬄᬳᬜ᭞ᬫᬫᬶ᭠
Kaca:Bali-lontar-gaguritan-twan-raja-300ppi.pdf/35
Kaca puniki sampun kauji-wacén
